ᑕᕝᕚᑭ ᐊᒻᒪᓗ ᒪᓕᒐᖅ

ᑕᕝᕚᑭ ᐊᒻᒪᓗ ᒪᓕᒐᖅ

ᐅᓇ ᐃᓚᒋᔭᖓ ᑖᔅᓱᒪ ᑕᕝᕚᑭ ᐃᓂᖃᖏᑦᑐᖅ ᐅᕙᓂ ᐃᑭᐊᖅᑭᕕᒃ ᐅᓂᒃᑳᕆᔭᖃᖅᑐᖅ ᐅᓪᓗᒥᒧᑦ ᓴᖅᑭᑦᑐᒫᖅᑐᓪᓗ ᐱᒋᐊᕈᑏᑦ ᐊᒃᑐᐊᔪᑦ ᑕᕝᕚᑭᓱᑦ ᓄᓇᕘᒥ. 

ᑕᕝᕚᑭᓕᕆᓂᒻᒧᑦ ᒪᓕᒐᖅ

ᓄᓇᕘᑉ ᐃᓗᐊᓂ ᒪᓕᒐᓪᓗᐊᑕᖅ ᑲᒪᒋᔭᓕᒃ ᑭᓇ ᑕᕝᕚᑭᒥᒃ ᓂᐅᕕᕈᓐᓇᓐᓂᖓ, ᐊᑐᕋᒡᓴᐅᓂᖓ, ᑭᒡᓕᓯᓂᐊᕈᑎᓂᓪᓗ ᓂᐅᕐᕈᑎᓖᑦ ᒪᓕᒋᐊᓕᖏᑦ ᑕᐃᔭᖅ ᑕᕝᕚᑎᓕᕆᓂᒻᒧᑦ ᒪᓕᒐᖅ. ᑖᓐᓇ ᒪᓕᒐᖅ ᐊᑐᓕᖅᓯᒪᔪᖅ ᑕᐃᑲᓐᖓᑦ 2004-ᒥ ᑐᕌᒐᖓ ᓴᐳᒻᒥᕆᓂᖅ ᖃᓄᐃᓐᖏᓐᓂᖏᑕ ᐃᓅᓯᕆᔭᖏᑕᓗ ᓄᓇᕘᒥᐅᑦ. ᒪᓕᒐᖅ ᑖᓐᓇ ᓴᖅᑮᓯᒪᒋᕗᖅ ᑭᒃᑯᓕᒫᓄᑦ ᐅᐸᒐᑦ ᐊᒻᒪᓗ ᐃᖅᑲᓇᐃᔭᕝᕖᑦ ᓱᐴᖅᑐᓐᓇᖏᓐᓂᖏᓄᑦ.

ᖄᒃᑲᓐᓂᐊᒍᑦ ᑖᒃᑯᐊ ᓄᓇᕘᒧᑦ ᒪᓕᒐᖏᑕ, ᑲᓇᑕᒧᑦ ᐱᖁᔭᖅᑕᖃᕆᕗᖅ ᐊᒃᑐᐃᒻᒥᔪᑦ ᑕᕝᕚᑭᐅᑉ ᐊᑐᖅᑕᐅᓂᖏᓄᑦ ᓂᐅᕐᕈᑎᓄᓪᓗ ᓄᓇᕘᒥ. ᐱᖁᔭᓪᓗᐊᑕᖅ ᑕᐃᒍᖅᑕᐅᔪᖅ ᑲᓇᑕᒥ ᑕᕝᕚᑭᒧᑦ ᐱᖁᔭᖅ. ᐱᖁᔭᖅ ᑖᓐᓇ ᐊᑐᓕᖅᓯᒪᔪᖅ 2007-ᒥ, ᓯᒡᒐᓕᐊᑦ ᐴᖏᑦ ᐊᔾᔨᓐᖑᐊᖃᕆᐊᓕᑦ, ᖃᓄᓪᓗ ᐊᒃᑎᒋᓂᖏᑦ ᐅᓗᕆᐊᓇᕈᑖᓄᑦ ᐅᖃᐅᓯᖏᑦ ᑕᑯᔅᓴᑦ (75% ᐴᒃᑲᖓᑕ), ᑭᒡᓕᖃᖅᑎᑦᑎᓗᑎᒃ ᓂᐅᕐᕈᑎᔅᓴᑦ ᑕᑯᔅᓴᐅᑎᑕᐅᓲᑦ ᑕᕝᕚᑭᓄᑦ.

ᓄᓇᕘᒥ ᒪᓕᒐᒻᒥᒃ ᓱᕋᐃᕗᑦ ᑭᓇᑐᐃᓐᓇᖅ ᓂᐅᕐᕈᑎᖃᕈᓂ ᑐᓂᓯᒍᓂᓘᓐᓃᑦ ᑕᕝᕚᑭᒥᒃ ᐃᓄᒻᒧᑦ ᐊᕐᕌᒍᖏᑦ ᑐᖔᓂ 19. ᑖᓐᓇ ᓄᓇᕘᒥ ᑕᕝᕚᑭᓕᕆᓂᒻᒧᑦ ᒪᓕᒐᖅ ᐊᑖᒍᑦ ᓱᕋᐃᕗᑦ ᐃᒪᓐᓇ”

 

  • ᓂᐅᕐᕈᑎᓕᒃ ᑕᕝᕚᑭᒥᒃ (ᓯᒡᒐᓕᐊᓪᓗ) ᑭᓇᑐᐃᓐᓇᒻᒧᑦ 19 ᐊᕐᕌᒍᑦ ᑐᖔᓃᑦᑐᒧᑦ
  • ᑐᓐᓂᕆᓯᔪᖅ (ᑐᓂᔭᖅ/ᑕᐅᖅᓰᔪᖅ) ᑕᕝᕚᑭᕋᔭᓐᓂᒃ 19 ᐊᕌᒍᑦ ᑐᖔᓄᑦ
  • ᓯᒡᒐᓕᐊᓂᒃ ᐊᑕᐅᓯᐅᑦᑕᖅᑐᑦ ᓂᐅᕈᑎᓕᒃ
  • ᓂᐅᕐᕈᑎᓕᒃ ᑕᕝᕚᑭᕋᔭᓐᓂᒃ ᐱᓯᒪᑦᑎᕋᑎᒃ ᓂᐅᕕᖅᑎᑦᑎᔨᑦ ᑕᕝᕚᑭᒧᑦ ᓂᐅᕐᕈᑎᖃᖅᑎ ᐱᔪᓐᓇᐅᑎᖓᓂᒃ.

ᑕᕝᕚᑭᓕᕆᓂᒻᒧᑦ ᐊᑐᖅᑎᑦᑎᓂᖅ

ᐱᓕᕆᕝᕕᖓ ᐋᓐᓂᐊᖅᑐᓕᕆᔨᒃᑯᑦ ᑐᓴᕋᓱᐊᖅᐳᑦ ᓄᓇᕘᒥᐅᓂᒃ, ᐃᓚᖃᖅᖢᑎᒃ ᓂᐅᕐᕈᑎᖃᓲᑦ ᑕᕝᕚᑭᓂᒃ, ᐊᑐᓪᓗᒍ ᑭᒃᑯᓕᒫᓄᑦ ᑐᓴᕋᓱᐊᓐᓂᒻᒥᒃ ᑕᕝᕚᑭᒧᑦ ᐊᑐᖅᑎᑦᑎᓂᐅᑉ ᑕᑯᔅᓴᕈᖅᑕᐅᓯᒪᓂᖓ ᓄᓇᕗᑉ ᐃᓗᐊᓂ. ᐊᑐᖅᖢᒍ ᐱᓕᕆᓂᖅ, ᐊᔾᔨᒌᖏᑦᑐᓂᒃ ᐃᓕᓐᓂᐊᕈᑎᔅᓴᓂᒃ ᓴᖅᑮᓯᒪᔪᒍᑦ ᕿᒥᕈᔭᐅᓯᒪᓪᓗᑎᒃ ᓂᐅᕐᕈᑎᖃᖅᑎᓄᑦ. ᐃᓚᖃᖅᑐ ᓄᓇᕘᒥ ᑕᕝᕚᑭᓂᒃ ᓂᐅᕐᕈᑎᖃᖅᑎᑦ ᓴᓇᔾᔪᑖᓂᒃ ᐃᑲᔪᐃᓂᐊᖅᑐᖅ ᓂᐅᕐᕈᑎᖃᖅᑎᓂᒃ ᑐᑭᓯᖁᓪᓗᒋᑦ ᓄᓇᕗᑉ ᑕᕝᕚᑭᓕᕆᓂᒻᒧᑦ ᒪᓕᒐᖅ ᐃᑲᔪᐃᓗᓂᓗ ᓂᐅᕕᕝᕕᖏᑦ ᒪᓕᑦᑎᐊᕆᓂᖏᓂᒃ ᒪᓕᒐᒻᒧᑦ. ᑖᓐᓇ ᓴᓇᔾᔪᑖ ᑐᓐᓂᖅᓴᖅᑕᐅᓂᐊᖅᑐᖅ ᑕᕝᕚᑭᓂᒃ ᓂᐅᕐᕈᑎᖃᓲᓂᒃ ᓄᓇᕘᓕᒫᒥ ᐱᓯᒪᔪᓕᒫᓄᑦ ᑕᕝᕚᑭᒥᒃ ᓂᐅᕐᕈᑎᖃᓐᓂᒻᒧᑦ ᐱᔪᓐᓇᐅᑎᒥᒃ.

ᓂᑯᑏᓐ ᐃᓚᐅᕈᑖ ᑕᕝᕚᑭᐅᑉ ᐊᔫᖅᑭᓐᓇᖅᑐᖅ, ᐱᓗᐊᖅᑐᒥᒃ ᒪᒃᑯᒃᑐᓄᑦ!

ᑖᒃᑯᐊ ᖃᐅᔨᓴᖅᑎᖏᑦ ᑕᕝᕚᑭᒧᑦ ᐃᓚᖃᖅᑐᑦ, ᑭᒃᑯᓕᒫᓄᑦ ᐃᓕᓐᓂᐊᕈᑎᓂᒃ, ᖃᐅᔨᓴᐃᓃᑦ ᓂᐅᕐᕈᑎᖃᓲᑦ ᓂᐅᕕᕝᕕᖏᓐᓂᒃ ᒪᓕᑦᑎᐊᓐᓂᖏᑦ ᑖᔅᓱᒥᖓ ᑕᕝᕚᑭᓕᕆᓂᒻᒧᑦ ᒪᓕᒐᖅ ᒪᓕᒐᕋᓛᖏᓪᓗ, ᐊᒻᒪᓗᑦᑕᐅᖅ ᑭᒃᑯᓕᒫᑦ ᐅᓐᓂᓪᓘᑎᖏᑦ ᑲᒪᒋᓪᓗᒋᑦ.

ᑐᑭᓯᐅᒪᔾᔪᑎᔅᓴᐃᑦ ᐊᓪᓕᒻᒥᒃ ᑎᑎᕋᖅᓯᒪᔪᑦ ᓴᖅᑮᔪᑦ ᑕᕝᕚᑭᒥᒃ ᖃᐅᔨᓴᖅᑎᖏᓐᓂᒃ ᒐᕙᒪᒃᑯᓪᓗ ᑐᓴᕆᐊᕝᕕᔅᓴᖏᑦ.