ᓄᓇᕘᒥ ᑕᕝᕚᑭᓕᕆᓂᐅᑉ ᐊᑐᖅᑎᑦᑎᓂᖅ ᐱᓕᕆᖓ

ᓄᓇᕘᒥ ᑕᕝᕚᑭᓕᕆᓂᐅᑉ ᐊᑐᖅᑎᑦᑎᓂᖅ ᐱᓕᕆᖓ

ᑖᓐᓇ ᑕᕝᕚᑭᓕᕆᓂᒻᒧᑦ ᐊᑐᖅᑎᑦᑎᓂᒻᒧᑦ ᐱᓕᕆᐊᖓ ᓴᖅᑭᑕᐅᓂᑯ ᐊᑐᓕᖅᖢᓂ 2015 ᐊᕐᕌᒍᐊᓂ ᐃᑲᔪᐃᔾᔪᑎᔅᓴᖅ ᓂᐅᕐᕈᑎᖃᓲᓂᒃ ᓄᓇᕘᒥᑦ ᒪᓕᑦᑎᐊᕈᓐᓇᖁᓪᓗᒋᑦ ᑖᔅᓱᒥᖓ ᓄᓇᕘᒥ ᑕᕝᕚᑭᓕᕆᓂᒻᒧᑦ ᒪᓕᒐᖅ (TCA) ᒪᓕᒐᕋᓛᕆᔭᖏᓪᓗ. ᑖᓐᓇ ᐱᓕᕆᓂᖓ ᐊᑐᖅᑐᖅ ᖁᑦᑎᔅᓰᓐᓇᖅᑐᒥᒃ ᐊᑐᑦᑎᐊᖏᑦᑐᓄᑦ ᒪᓕᒍᒥᓇᖅᑐᖅ ᒪᕐᕉᐃᓕᖓᔪᒥᒃ ᐊᐅᓚᔾᔪᓯᖃᖅᑐᖅ.

ᐊᕕᒃᓴᒪᓂᖅ 1 - ᐃᓕᓴᐃᔾᔪᑎᑦ ᑐᓴᖅᑎᑦᑐᓂᓪᓗ: ᑕᒪᒻᒥᑦᑎᐊᖅ ᑕᕝᕚᑭᒥᒃ ᓂᐅᕐᕈᑎᖃᓲᑦ ᐱᔪᓐᓇᐅᑎᖃᖅᑐᓕᒫᑦ ᐊᑐᖅᖢᒍ ᑮᓇᐅᔭᓕᕆᔨᒃᑯᑦ ᐱᓕᕆᕝᕕᖓ ᑎᑭᕝᕕᐅᓂᐊᖅᑐᑦ ᐃᓕᓐᓂᐊᕈᑎᒧᑦ ᑐᓴᖅᑎᑦᑎᓂᒻᒧᓪᓗ ᑕᕝᕚᑭᒧᑦ ᖃᐅᔨᓴᖅᑎᖓᓂᒃ ᓄᕕᐱᕆ 2015 ᐱᒋᐊᓪᓗᒍ. ᑖᓐᓇ ᐅᐸᒍᑎᒍᓂ, ᓂᐅᕐᕈᑎᖃᖅᑏᑦ ᑐᓂᔭᐅᓗᑎᒃ ᓂᐅᕐᕈᑎᖃᖅᑎᑦ ᓴᓇᔾᔪᑎᖏᓂᒃ ᑐᑭᓯᔾᔪᑎᓄᓪᓗ ᓇᓗᓇᐃᕈᑎᓂᒃ ᑭᓱᑦ ᒪᓕᑦᑎᐊᒻᒪᖔᖏᑕ ᑖᔅᓱᒧᖓ ᒪᓕᒐᐅᔪᒧᑦ; ᐃᓚᖃᖅᑐᖅ ᓴᖅᑮᓂᒻᒥᒃ ᒪᓕᒐᒃᑯᑦ ᑎᑎᕋᖁᑎᖏᓂᒃ, ᓂᐅᕕᕝᕕᖓ ᑕᕝᕚᑭᒧᑦ ᐊᑐᐊᒐᒥᒃ, ᐊᒻᒪᓗ ᐃᖅᑲᓇᐃᔭᖅᑎᖏᑦ ᐃᓕᓴᖅᑕᐅᓗᑎᒃ ᑲᒪᒋᔭᐅᓗᑎᒃ ᓂᐅᕐᕈᑎᖃᓲᑦ.

ᐊᕕᒃᓴᒪᓂᖅ 2 - ᑕᕝᕚᑭᒥᒃ ᖃᐅᔨᓴᓐᓂᖏᑦ: ᑖᒃᑯᐊ ᓇᓗᓇᐃᖅᓯᒪᔪᑦ ᖃᐅᔨᓴᓐᓂᖏᑦ ᐱᒋᐊᓪᓗᑎᒃ ᐃᓕᓐᓂᐊᕈᑏᑦ ᑐᓴᖅᑎᑦᑎᔾᔪᑎᓪᓗ ᐱᔭᕇᖅᑕᐅᓯᒪᓕᕈᑎᒃ. ᑖᒃᑯᐊ ᐱᒋᐊᕝᕕᖃᖅᑐᑦ ᐃᐳᕈ 2016-ᒥ. ᑐᕌᒐᖓ ᖃᐅᔨᓴᐃᓂᖏᑕ ᑕᕝᕚᑭᒥᒃ ᓂᐅᕐᕈᑎᖃᓲᑦ ᐃᖅᑲᓇᐃᔭᖅᑎᖏᓪᓗ ᒪᓕᑦᑎᐊᕆᓂᖏᓄᑦ ᒪᓕᒐᕆᔭᐅᔪᒧᑦ ᑕᕝᕚᑭᒧᑦ. ᐅᑯᐊ ᐃᓚᒋᖃᓯᐅᑎᔭᖏᑦ ᖃᐅᔨᓴᖅᑕᐅᔭᕆᐊᓖᑦ:

  • ᐃᖅᑲᓇᐃᔭᖅᑏᑦ ᐃᓅᓕᔅᓯᐅᑎᖏᓂᒃ ᖃᐅᔨᓗᑎᒃ ᓂᐅᕐᕈᑎᖃᖏᓐᓂᖏᓄᑦ ᐃᓄᓐᓄᑦ ᑐᖓᐅᑦᑎᔪᑦ ᐊᕐᕌᒍᓄᑦ 19.
  • ᓂᐅᕕᕝᕕᖓ ᑕᕝᕚᑭᒧᑦ ᐊᑐᐊᒐᖃᓪᓗᓂ.
  • ᐃᖅᑲᓇᐃᔭᖅᑎᓕᒫᖏᑦ ᐃᓕᓴᖅᑕᐅᓗᑎᒃ ᓂᐅᕐᕈᑎᖃᓚᐅᖏᓐᓂᖏᓂᒃ ᑕᕝᕚᑭᒥᒃ.
  • ᓂᐅᕐᕈᑎᖃᓲᑦ ᐅᔾᔨᖅᓵᖃᓪᓗᑎᒃ ᐃᖅᑲᓇᐃᔭᖅᑎᒋᔭᒥᓂᒃ
  • ᐅᖃᓕᒫᒐᑦ ᓴᖅᑭᔮᓪᓗᑎᒃ ᑕᕝᕚᑭᓕᕆᔪᑦ

ᐊᑐᓕᖅᑎᑦᑎᓂᒻᒧᑦ ᑐᕌᒐᖓ ᓴᖅᑮᓇᓱᐊᕆᓂᖅ ᐃᓕᓐᓂᐊᕈᑎᓂᒃ, ᓱᓇᒃᑯᑖᖏᓐᓂᒃ, ᐃᑲᔫᑎᓂᓪᓗ ᑕᕝᕚᑭᓂᒃ ᓂᐅᕐᕈᑎᖃᓲᑦ ᑐᑭᓯᐅᒪᖁᓪᓗᒋᑦ ᐊᑐᖁᔭᐅᔪᓂᒃ ᒪᓕᒐᒻᒧᑦ ᒪᒃᑯᓗᐊᖅᑐᓪᓗ ᓂᐅᕐᕈᑎᖃᕝᕕᐅᖃᑦᑕᖏᓪᓗᑎᒃ 19 ᑐᖔᓃᑦᑐᑦ. ᑖᓐᓇ ᐱᓕᕆᓂᐅᔪᖅ ᓴᓐᖏᑦᑎᕆᓂᐊᖅᑐᖅ ᐃᓅᖃᑎᒌᒃᑐᓄᑦ ᓴᖅᑭᑎᑕᐅᓂᐊᖅᑐᒥᒃ ᓵᓐᖓᔭᓕᒃ ᖃᑕᓐᖑᑎᒌᑦ, ᐱᖃᓐᓇᕇᑦ ᑭᒃᑯᓕᒫᓪᓗ ᑐᓂᓯᖃᑦᑕᖏᓪᓗᑎᒃ ᓂᐅᕐᕈᑎᖃᖏᓪᓗᑎᓪᓗ ᑕᕝᕚᑭᒥᒃ ᒪᒃᑯᓗᐊᖅᑐᓄᑦ.

ᓄᓇᕗᒥ ᑕᕝᕚᑭᒧᑦ ᒪᓕᑦᑎᐊᕈᑎᓄᑦ ᓴᖅᑭᑕᐅᔪᖅ ᑐᓴᕋᓱᐊᓐᓂᕆᔭᖏᑦ

ᐃᒻᒪᖄ 300 ᐅᖓᑖᓃᑦᑐᑦ ᓄᓇᕘᒥᐅᑦ ᐃᓚᐅᔪᑦ ᑖᔅᓱᒥᖓ ᑕᕝᕚᑭᒧᑦ ᒪᓕᑦᑎᐊᓐᓂᒻᒧᑦ ᐱᓕᕆᓂᒻᒧᑦ ᑐᓴᕋᓱᐊᕈᑎᑦᑎᒍᑦ ᐱᒋᐊᓚᐅᖅᑐᑦ ᔮᓄᐊᕆ 27- ᕖᕗᐊᕆ 18-ᒧᑦ, 2015. ᑖᒃᑯᐊ ᑐᓴᕋᓱᐊᕝᕕᕗᑦ ᐃᓚᖃᖅᖢᑎᒃ ᐃᓐᓇᑐᖃᓐᓂᒃ, ᒪᒃᑯᒃᑐᓂᒃ, ᐃᓐᓇᕈᓕᓵᖅᑐᓂᒃ, ᕼᐋᒪᓚᒃᑯᑦ ᓯᕗᓕᐅᖅᑎᖏᓂᒃ, ᐋᓐᓂᐊᖃᖅᑕᐃᓕᒪᔪᓕᕆᔨᖏᓐᓂᒃ, ᐊᒻᒪᓗ ᑕᕝᕚᑭᒥᒃ ᓂᐅᕐᕈᑎᖃᓲᓄᑦ. ᑖᒃᑯᐊ ᑐᓴᕋᓱᐊᕈᑏᑦ ᓄᓇᓕᖏᓂ ᓴᖅᑭᓚᐅᖅᑐᑦ ᐃᖃᓗᓐᓂ, ᐃᖃᓗᒃᑑᑦᑎᐊᒻᒥ, ᐊᕝᕕᐊᑦ ᐊᒻᒪᓗ ᑲᖏᖅᖠᓂᖅ, ᑐᓴᕋᓱᐊᖅᖢᑕ ᐃᓄᓐᓂᒃ ᓴᖅᑮᓇᓱᓐᓂᒻᒧᑦ ᑕᕝᕚᑭ ᐊᑐᖅᑕᐅᑦᑎᐊᓐᓂᐊᓄᑦ ᐱᓕᕆᓂᐅᔪᒧᑦ. ᐅᖃᖃᑎᒋᒍᑎᓂᒃ, ᖃᔅᓯᒐᓚᑦ ᐊᑐᓛᖑᔪᑦ ᐅᖃᐅᓯᓂᑯᑦ ᑕᑯᔅᓴᕈᖅᖢᑎᒃ, ᐅᑯᐊ ᐱᔭᕆᐊᖃᓐᓂᖏᓄᑦ:

  • ᒪᒃᑯᓗᐊᖅᑐᓄᑦ ᓂᐅᕐᕈᑎᖃᖃᑦᑕᖏᓪᓗᑎᒃ (ᐊᕐᕌᒍᖃᖅᑐᑦ ᑐᖔᓂ 19);
  • ᓴᖅᑮᓗᑕ ᑕᑯᔅᓴᐅᑎᑕᔅᓴᑦᑎᓐᓂᒃ ᓄᓇᕘᒥᐅᑦ ᑐᓴᐅᒪᔾᔪᑎᔅᓴᖏᓐᓂᒃ ᒪᓕᒐᒻᒥᒃ ᓱᕋᐃᓂᐅᒻᒪᑦ ᒪᒃᑯᓗᐊᖅᑐᓄᑦ ᓂᐅᕐᕈᑎᖃᓐᓂᒻᒥᒃ ᑐᓂᓯᓂᓪᓗ ᒪᒃᑯᓗᐊᖅᑐᓄᑦ.
  • ᐹᑦ ᒪᑐᐃᓲᓪᓗ ᐅᖓᓯᓐᓂᖃᖅᑐᒥᒃ 3 ᒦᑕᒥᒃ ᓱᐴᖅᑐᕆᐊᖃᖏᑦᑐᑦ ᐃᓯᕝᕕᖓᒍᑦ/ ᐊᓂᕝᕕᖓᒍᑦ ᐃᓄᓕᒫᓄᑦ ᐃᓯᖅᑕᐅᓲᓄᑦ ᐊᒻᒪᓗ 15 ᒦᑕᒥᒃ ᐃᓕᓐᓂᐊᕝᕖᑦ ᐹᖏᓐᓂᒃ.
  • ᑖᒃᑯᐊ ᑐᑭᓯᒋᐊᕈᑏᑦ ᐱᔭᐅᓪᓗᑎᒃ ᓄᓇᓕᓐᓂ ᑐᓴᕋᓱᐊᕈᑎᑦᑎᒍᑦ ᓴᓐᖏᑦᑎᕆᓪᓗᑎᓪᓗ ᓄᓇᕘᒥ ᑕᕝᕚᑭᒥᒃ ᐊᑐᑦᑎᐊᕈᑖᓄᑦ ᐱᓕᕆᓂᐅᔪᒧᑦ.

ᑕᕝᕚᑭᒥᒃ ᓂᐅᕐᕈᑎᖃᓲᑦ ᓴᓇᔾᔪᑎᔅᓴᖏᑦ

ᑖᓐᓇ ᑕᕝᕚᑭᒥᒃ ᓂᐅᕐᕈᑎᖃᓲᑦ ᓴᓇᔾᔪᑎᔅᓴᖓ ᑐᑭᒧᐊᕈᑎ ᐃᑲᔪᐃᔪᖅ ᓂᐅᕐᕈᑎᖃᓲᓂᒃ ᑕᕝᕚᑭᒥᒃ ᑲᒪᒋᔭᕆᐊᓕᖏᑦ ᐊᑖᒍᑦ ᓄᓇᕘᑉ ᒪᓕᒐᖓᑕ, ᐱᓗᐊᖅᑐᖅ ᑕᕝᕚᑭᓕᕆᓂᒻᒧᑦ ᒪᓕᒐᖅ. ᑖᓐᓇ ᓴᓇᔾᔪᑎᖓ ᑎᓕᐅᕆᓪᓗᓂ ᓂᐅᕐᕈᑎᖃᓲᓂᒃ ᖃᓄᐃᓕᐅᕆᐊᓕᖏᓐᓂᒃ ᒪᓕᑦᑎᐊᕈᑎᔅᓴᓄᑦ. ᑕᒪᓐᓇ ᐅᖃᓕᒫᒐᓂᒃ ᐃᓕᐅᕋᐃᓂᖅ, ᐃᓕᓴᐃᓂᖅ ᐅᔾᔨᖅᓴᐃᓂᓪᓗ ᐃᖅᑲᓇᐃᔭᖅᑎᓂᒃ ᒪᓕᒐᖅ ᑖᓐᓇ ᒪᓕᒃᑕᐅᑦᑎᐊᕋᓗᐊᒻᒪᖔᑦ. ᑕᒪᐃᓐᓂᒃ ᑕᕝᕚᑭᒥᒃ ᓂᐅᕐᕈᑎᖃᓲᑦ ᐊᑎᖃᖃᑕᐅᔪᑦ ᐱᓕᕆᕝᕕᐊᓂ ᑮᓇᐅᔭᓕᕆᔨᒃᑯᑦ ᓇᔅᓯᐅᑎᔭᐅᓗᑎᒃ ᓇᓕᖅᑲᒥᒃ ᑕᕝᕚᑭᒥᒃ ᖃᐅᔨᓴᖅᑎᐊᑕ ᐊᒡᒍᖅᓯᒪᓂᐊᓂᒃ. ᑖᓐᓇ ᑕᕝᕚᑭᒧᑦ ᓂᐅᕐᕈᑎᖃᓲᑦ ᓴᓇᔾᔪᑎᔅᓴᖓᑦ ᐅᑯᓂᖓ ᐃᓚᐅᖃᐅᓯᒪᑎᑕᐅᔪᖅ:

  • ᑎᑎᕋᖅᓯᒪᓪᓚᕆᒃᑐᑦ ᐅᖃᐅᓯᖅᑕᖏᑦ ᑕᕝᕚᑭᓕᕆᓂᒻᒧᑦ ᒪᓕᒐᖅ ᐊᒻᒪᑦᑕᐅᖅ ᑖᒃᑯᐊ ᒪᓕᒐᕋᓛᕆᔭᖏᑦ
  • ᒪᓕᒐᒻᒥᑦ ᓱᕋᐃᓂᐊᓄᑦ ᐊᑭᓕᒐᔅᓴᖏᑦ
  • ᐃᓅᓕᕝᕕᔅᓯᐅᑎᓖᑦ ᓇᓗᓇᐃᒃᑯᑕᖏᑦ ᐱᐅᓛᑦ, ᖃᓄᓪᓗ ᖃᐅᔨᓵᕆᔭᐅᓲᖑᓂᖏᑦ ᑕᒪᒃᑯᐊ ᓇᓗᓇᐃᕈᑎᐅᓲᑦ
  • ᐊᑐᖅᑐᔅᓴᓕᐊᑦ ᑎᑎᖅᑲᑦ ᒪᒃᑯᓗᐊᖅᑐᓄᑦ ᐊᒃᑳᖅᓯᓂᒻᒧᑦ ᓂᐅᕕᕈᒪᔪᑦ ᑕᕝᕚᕿᒥᒃ 19 ᐊᕐᕌᒍᖏᓄᑦ ᑐᖔᓃᑦᑐᓄᑦ
  • ᐊᑭᓐᖓᒻᒥ ᐅᖃᓕᒫᒐᑦ ᓂᐅᕕᕝᕕᒻᒥᓪᓗ ᑕᑯᔅᓴᐅᔪᑦ ᐅᖃᓕᒫᒐᔅᓴᑦ ᑕᕝᕚᑭᓕᕆᔪᑦ
  • ᓂᐅᕐᕈᑎᖃᖅᑏᑦ ᒪᓕᑦᑐᔅᓴᖏᑦ ᑎᑎᕋᖅᓯᒪᔪᑦ
  • ᐃᖅᑲᓇᐃᔭᖅᑎᓄᑦ ᐃᓕᓐᓂᐊᕈᑎ ᐊᑭᓐᖓᒻᒥᐅᑦ
  • ᐃᖅᑲᓇᐃᔭᖅᑎ ᑎᑎᖅᑲᖏᑦ ᐊᖏᓐᓂᒻᒧᑦ
  • ᑕᕝᕚᑭᒧᑦ ᐃᖅᑲᐅᒪᔾᔪᑎᖏᑦ ᑎᑎᖅᐸᓪᓕᐊᔪᔅᓴᑦ
  • ᐊᕐᕌᒍᖏᓐᓄᑦ ᖃᐅᔨᓴᕆᐊᖃᓐᓂᐊᓂᒃ ᓇᓗᓇᐃᖅᓯᔾᔪᑏᑦ ᓂᐱᑦᑕᖅᑐᑦ.

ᐅᖓᑖᓃᑦᑐᑦ 300 ᐊᔾᔨᖏᑦ ᑕᕝᕚᑭᒧᑦ ᓂᐅᕐᕈᑎᖃᓲᑦ ᓴᓇᔾᔪᑎᖏᓄᑦ ᓴᓇᔭᐅᓯᒪᓕᖅᑐᑦ ᓇᔅᓯᐅᑎᔭᐅᓪᓗᑎᓪᓗ ᖃᐅᔨᓴᖅᑎᖏᓐᓄᑦ ᕿᑭᖅᑖᓗᒻᒥ, ᑭᕙᓪᓕᒻᒥ ᐊᒻᒪᑦᑕᐅᖅ ᕿᑎᒻᒥᐅᑦ ᐊᒡᒍᖅᓯᒪᓂᖏᓐᓂᒃ. ᑖᓐᓇ ᑕᕝᕚᑭᒥᒃ ᓂᐅᕐᕈᑎᖃᓲᑦ ᓴᓇᔾᔪᑎᖓ ᓱᓇᒃᑯᑖᖏᓪᓗ ᐱᔭᔅᓴᑦ ᖃᕆᓴᐅᔭᐅᑉ ᐃᑭᐊᖅᑭᕕᐊᓂ ᐅᐸᒍᑎᓗᓂ ᐃᓗᐊᓂ ᓇᕿᑦᑎᓗᑎᑦ ᐅᖃᖅᓯᒪᔪᒥᒃ “ᑕᕝᕚᑭᒥᒃ ᓂᐅᕐᕈᑎᖃᓲᑦ ᓴᓇᔾᔪᑎᒋᔭᖏᑦ ᓱᓇᒃᑯᑖᖏᓪᓗ” ᓴᐅᒥᖔᖓᒍᑦ. ᑖᒃᑯᐊ ᐊᑐᐃᓐᓇᐅᔪᑦ ᑕᒪᐃᓐᓂᒃ ᑎᓴᒪᐅᔪᓂᒃ ᐅᖃᐅᓯᖏᑕ ᓄᓇᕘᑉ.