ᐊᓯᒥᒃ-ᓱᐴᖅᑐᖅᑎᒥᑦ ᐳᔪᖓᓂ

ᐊᓯᒥᒃ-ᓱᐴᖅᑐᖅᑎᒥᑦ ᐳᔪᖓᓂ

 

ᐊᓯᒥᒃ-ᓱᐴᖅᑐᖅᑎᒥᑦ ᐳᔪᖓᓂ ᐳᔫᕗᖅ ᐱᔪᒪᓯᒪᙱᑕᕐᓂᑦ. ᑕᐃᒪᐃᑉᐸᒃᐳᖅ ᓂᐅᕈᕕᑦ ᐳᔪᕐᒥᑦ ᓱᐴᖅᑐᖅᑎᐅᔪᖅ ᓱᐱᔭᖓᓂ. ᑕᐃᒪᐃᓐᓇᕆᕗᖅ ᓂᐅᕈᕕᑦ ᐳᔪᕐᒥᑦ ᐃᑯᒪᔪᒥᑦ ᓯᒡᒐᓕᐊᒥᑦ, ᓯᒡᒑᒥᑦ ᐅᕝᕙᓘᓐᓃᑦ ᓱᐴᖅᑑᑎᒥᑦ.

ᐊᓯᒥᒃ-ᓱᐴᖅᑐᖅᑎᒥᑦ ᐳᔪᖓ ᐅᓄᕐᓂᖅᓴᐅᔪᓂᑦ 4,000-ᓂᑦ ᐅᓗᕆᐊᓇᖅᑐᓂᑦ ᐃᓚᐅᕈᑎᒃᓴᓂᑦ. ᕼᐊᓐᓇᓚᖏᓐᓃᑦᑐᑦ ᑕᒪᒃᑯᓇᓂ ᑐᖁᓐᓇᖅᐳᑦ, ᖃᓂᒋᔭᖓᓂ 70-ᓄᑦ ᖃᐅᔨᒪᔭᐅᕗᑦ ᐱᑎᑦᑎᓂᕐᒧᑦ ᑳᓐᓱᒥᑦ. ᐊᓯᒥᒃ-ᓱᐴᖅᑐᖅᑎᒥᑦ ᐳᔪᖓ ᐊᖏᔪᕐᔪᐊᖑᓪᓗᓂ ᐊᑲᐅᙱᓕᐅᕈᑕᐅᓯᒪᕗᖅ ᖄᖏᖅᓯᒪᓕᖅᑐᓄᑦ ᐊᕐᕌᒍᓄᑦ 50-ᓄᑦ. ᒪᕐᕉᒃ ᓇᑉᐸᓪᓗᐊᖓᓂᓗ ᒥᓕᐊᓐᓂᑦ ᐃᓄᐃᑦ ᓱᐴᖅᑐᖅᐸᙱᑦᑐᑦ, ᑐᖁᓯᒪᕗᑦ ᐊᓯᒥᒃ-ᓱᐴᖅᑐᖅᑎᒥᑦ ᐳᔪᖓᓂ.

ᐊᓯᒥᒃ-ᓱᐴᖅᑐᖅᑎᒥᑦ ᐳᔪᖓᓂ ᐱᑎᑕᐅᔪᓐᓇᖅᐳᑦ ᐊᒥᓱᓂ ᐊᔾᔨᒌᙱᕈᓘᔭᖅᑐᓂᑦ ᐃᓂᐅᔪᓂᑦ, ᓲᕐᓗ ᐊᖏᕐᕋᒥᑦ, ᓄᓇᓯᐅᑎᓂᑦ, ᐃᖅᑲᓇᐃᔭᕐᕕᓂᑦ, ᓯᓚᒥᑦ ᐱᙳᐊᕐᕕᓂᑦ, ᓂᕆᕕᓂᑦ ᐊᒻᒪᓗ ᐃᒥᕐᕕᓂᑦ. ᓴᖅᑭᔮᕐᕕᐅᔪᓐᓇᖅᐳᑎᑦ ᐊᓯᒥᒃ-ᓱᐴᖅᑐᖅᑎᒥᑦ ᐳᔪᖓᓂ ᑲᑎᙵᔪᓂ ᐊᖏᕐᕋᕆᔭᐅᔪᓂᑦ ᐊᒻᒪᓗ ᐊᓯᖏᓐᓂ ᐃᒡᓗᒋᔭᐅᔪᓂᑦ ᑲᑎᙵᔪᓂᑦ. ᑕᐃᒪᐃᑉᐳᖅ ᐊᓂᕙᓪᓕᐊᓂᖓ ᓇᖕᒥᓂᕆᔭᐅᔪᒧᑦ ᐊᖏᕐᕋᕆᔭᐅᔪᓂ ᑲᑎᙵᔪᓂ ᐊᓯᐊᓂᙶᕈᓐᓇᕐᒪᑦ ᐃᒡᓗᕐᔪᐊᒥᑦ. 

ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐊᒃᑐᐃᓂᐅᔪᑦ ᐊᓯᒥᒃ-ᓱᐴᖅᑐᖅᑎᒥᑦ ᐳᔪᖓᓂ ᓄᑕᕋᓛᓂᑦ ᐊᒻᒪ ᓱᕈᓯᕐᓂᑦ:

  • ᐊᖏᒡᓕᒋᐊᖅᑐᒥᑦ ᐅᓗᕆᐊᓇᕐᓂᖓᓂ ᓯᐅᓯᕆᓂᕐᓄᑦ;

  • ᑕᐃᒪᐃᒐᔪᒃᑐᒥ ᐊᓂᖅᓵᑐᕈᑎᖏᑦ ᒥᑭᒡᓕᓯᒪᓂᐅᔪᓂᑦ;

  • ᐊᓂᖅᑎᕆᓂᕐᒧᑦ ᐋᓐᓂᐊᕈᑕᐅᖃᑦᑕᖅᑐᑦ (ᓲᕐᓗ ᖁᐃᖅᓱᕐᓂᖅ, ᑕᒋᐅᒃᓴᕐᓂᖅ, ᐊᓂᕐᓂᑭᓴᖕᓂᖅ);

  • ᐳᕙᖕᓄᑦ ᐃᒻᒪᒃᑎᕆᓂᖅ (ᓲᕐᓗ ᐳᕝᕕᕆᓂᕐᒥᑦ, ᐳᕙᒥᒍᑦ ᐃᒻᒪᒃᓯᒪᔪᖅ ᓄᕙᖕᒥᑦ);

  • ᐊᖏᓂᖅᓴᐅᔪᒥᑦ ᐅᓗᕆᐊᓇᕐᓂᐅᔪᒥᑦ ᓄᑕᕋᓛᖅ ᓯᓂᒃᖢᑎᒃ ᐃᓅᔪᓐᓃᖃᑦᑕᕐᓂᖏᑦ (SIDS);

  • ᐊᑦᑎᖕᓂᖅᓴᐅᔪᒥᑦ ᑕᐃᒪᐃᒐᔪᖕᓂᖓᓂ ᐃᓅᕋᑖᖅᑐᒧᑦ ᐅᖁᒪᐃᓐᓂᖓᓂ; ᐅᕝᕙᓘᓐᓃᑦ

  • ᓴᙲᑦᑐᓂ ᐳᕙᖕᓂᑦ.

ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐊᒃᑐᐃᓂᐅᔪᑦ ᐊᓯᒥᒃ-ᓱᐴᖅᑐᖅᑎᒥᑦ ᐳᔪᖓᓂ ᐃᓐᓇᕐᓂ:

  • ᐳᕙᖕᓄᑦ ᑳᓐᓱᒥᑦ;

  • ᐆᒻᒪᑎᒥᒃ ᐋᓐᓂᐊᕐᓇᒥᑦ (ᓄᑮᖅᑎᑦᑐᒧᑦ, ᐆᒻᒪᑎ ᓄᖅᑲᕐᓂᖓᓂ, ᐆᒻᒪᑎ ᐋᓐᓂᐊᕐᓇᒥᑦ);

  • ᐳᕙᖕᓄᑦ ᐃᒻᒥᖅᑎᕆᓂᕐᒥᑦ;

  • ᐃᕕᐊᖏᒃᑯᑦ ᑳᓐᓱᒥᑦ;

  • ᑐᓵᑦᑎᐊᕈᓐᓃᕐᓂᕐᒥᑦ; ᐅᕝᕙᓘᓐᓃᑦ

  • ᐃᓱᒪᔪᓐᓇᐃᓕᓕᖅᐸᓪᓕᐊᓂᕐᒥᑦ.  

ᐊᑕᐅᓯᑐᐊᑦᑎᐊᒥᒃ ᓴᐳᔾᔨᓯᒪᑦᑎᐊᕈᓐᓇᕐᓂᖅᑕᖃᖅᐳᖅ ᐃᓄᖕᓂᑦ ᐊᓯᒥᒃ-ᓱᐴᖅᑐᖅᑎᒥᑦ ᐳᔪᖓᓂ- ᓄᖅᑲᕐᓗᓂ ᓱᐴᖅᑐᕐᓂᕐᒥᑦ ᑕᒪᕐᒥᒃ ᓄᓇᓯᐅᑎᓂᑦ, ᓯᓚᒥᑦ ᐱᙳᐊᕐᕕᓂᑦ ᐊᒻᒪᓗ ᐊᖏᕐᕋᒥ.