ᓄᓇᓕᐅᔪᑦ

ᓄᓇᓕᐅᔪᑦ

ᓄᖅᑲᖅᑐᑑᖏᓪᓗᑎᑦ!  ᐊᒥᓲᕗᑦ ᓄᓇᓕᖕᓂ ᖃᓄᐃᓕᐅᕈᓘᔭᕐᓇᖅᑐᑦ ᐃᓚᐅᕝᕕᒋᔪᓐᓇᖅᑕᑎᑦ. ᖁᕕᐊᓱᓕᖅᐹᓪᓕᕈᑎᒋᓇᔭᖅᐸᑦ ᑲᑎᖃᑎᖃᖅᐸᒡᓗᑎᓪᓗ ᐊᓯᖕᓂᒃ ᑕᕝᕚᑭᒥᒃ ᐊᑐᖅᐸᒃᑐᓂᒃ ᓄᖅᑲᕈᒪᓕᖅᑐᓂᒃ.

ᐱᖁᔨᕗᒍᑦ ᓄᓇᓕᖕᓂᒃ ᐋᖅᑭᒃᓱᐃᓗᑎᒃ ᖃᓄᐃᓕᐅᕈᓘᔭᕐᓂᐅᒐᔭᖅᑐᓂᒃ ᐊᕐᕌᒍᑕᒫᑦ ᖁᕕᐊᓲᑎᖃᕐᓗᑎᒃ ᓯᓚᕐᔪᐊᕐᒥ ᑕᕝᕚᑭᖃᖏᑦᑐᒥᒃ ᐅᓪᓗᕐᒥᒃ ᓇᖕᒥᓂᖅ ᖃᓄᐃᓕᐅᖅᑎᑦᑎᓗᑎᒃ.  .ᓲᓪᓗ ᐃᓚᖏᑦ ᖃᓄᐃᓕᐅᕈᓰᑦ ᐃᓚᖃᕋᔭᖅᐳᑦ, ᑎᑎᕋᐅᔭᖅᓯᒪᔪᓂᒃ ᑭᒃᑯᓕᒫᓄᑦ ᑕᑯᒃᓴᐅᑎᑦᑎᓃᑦ, ᖃᓄᐃᖏᑦᑎᐊᖁᔨᓂᕐᒧᑦ ᐱᓕᕆᐊᒃᓴᐃᑦ, ᓱᐴᖅᑐᖅᑕᐃᓕᓂᕐᒧᑦ ᐱᓱᒃᑎᑦᑎᓃᑦ, ᓂᕆᕕᒡᔪᐊᖅᑎᑦᑎᓃᑦ, ᑲᑎᒪᑎᑦᑎᓃᑦ ᐊᓯᖏᓪᓗ ᖃᓄᐃᓕᐅᕈᓘᔭᕈᓰᑦ.

ᐅᓂᒃᑳᑲᑕᒃᑎᑦᑎᔪᓐᓇᕆᕗᓯ ᐊᑐᖅᓯᒪᔭᒥᖕᓂᒃ ᐃᑲᔫᑕᐅᔪᓐᓇᖁᓪᓗᒍ ᓄᖅᑲᕋᓱᐊᕐᓂᕐᒧᑦ. ᑐᓴᖅᑎᑦᑎᓂᖅ ᓄᓇᓕᖕᓂᒃ ᖃᓄᐃᒻᒪᑦ ᓄᖅᑲᕈᒪᖕᒪᖔᖅᐱᑦ ᓯᒡᒐᓕᐊᖅᑐᕐᓂᕐᒥᒃ, ᖃᖓ ᓄᖅᖃᕐᓂᕐᒪᖔᖅᐱᑦ ᐊᒻᒪᓗ ᖃᓄᐃᑦᑑᖕᒪᖔᑦ ᑕᕝᕚᑭᑐᖅᐸᖏᓪᖢᓂ. ᐃᓚᒋᔭᐅᑦᑎᐊᕐᓗᑎᑦ ᓄᓇᓕᔅᓯᓐᓂ ᖃᓄᐃᓕᐅᕈᓘᔭᕐᓂᐅᔪᓂ, ᑐᓴᖅᑕᐅᑎᓪᓗᒋᑦ ᖃᓄᖅ ᓄᖅᑲᕈᓐᓇᕐᒪᖔᖅᐱᑦ ᖃᓄᕐᓗ ᐱᔪᒪᓗᐊᓕᓃᑦ ᓄᖅᑲᖓᑎᐸᓚᐅᕐᒪᖔᖅᐱᐅᒃ ᓄᖅᑲᓕᖅᖢᑎᑦ.