ᑐᓂᓯᖔᕆᑦ ᐱᐅᓂᖅᓴᒥᑦ ᑐᓂᓯᙱᖔᕐᓗᑎᑦ ᑐᐹᑯᒥᑦ ᓱᕈᓯᕐᓄᑦ.

ᑐᓂᓯᖔᕆᑦ ᐱᐅᓂᖅᓴᒥᑦ ᑐᓂᓯᙱᖔᕐᓗᑎᑦ ᑐᐹᑯᒥᑦ ᓱᕈᓯᕐᓄᑦ.

ᐃᕝᕕᓪᓕ ᑐᓂᓯᖃᑕᐅᒋᑦ ᐱᐅᓂᖅᓴᒥᑦ.

ᐅᓄᖅᑐᓂᒃ ᐱᐅᔪᓂᒃ ᖃᐅᔨᑎᑦᑎᔪᓐᓇᖅᐳᒍᑦ:

  • ᐅᓂᒃᑳᑦ
  • ᓯᓚᑐᓂᖅ
  • ᐃᓂᖃᑦᑎᐊᕐᓂᖅ
  • ᐃᑲᔪᕐᓂᖅ

ᖃᐅᔨᒋᐊᕐᓗᒍ ᑲᒪᔨᑦ ᒪᓕᒋᐊᓕᖏᑦ ᐃᓱᒪᒃᓴᖅᓯᐅᕈᑕᐅᔪᓐᓇᖅᑐᑦ ᐅᖃᖃᑎᖃᕈᒪᓗᓂ ᕿᑐᕐᙵᑦᑎᓐᓂᒃ ᐊᒻᒪ ᒪᒃᑯᒃᑐᓂᒃ ᐃᑲᔪᕋᓱᒡᓗᒋᑦ ᑐᐹᑯᑐᖃᑦᑕᖁᙱᓪᓗᒋᑦ.

ᑭᓇᑐᐃᓐᓇᑦᑎᐊᒧᑦ ᑐᐹᑯᒥᑦ ᑐᓂᓯᖃᑦᑕᙱᓪᓗᑎᑦ 19 ᑐᖔᓂ ᐅᑭᐅᓕᖕᒧᑦ ᐱᔾᔪᑎᒋᓪᓗᒍ ᒪᓕᒐᕐᒥᒃ ᓱᕋᐃᖕᒪᑦ ᐊᒻᒪ ᑕᐃᒪᐃᑦᑕᕆᐊᖃᖅᖢᑕ. ᑐᐹᑯᑐᖃᑦᑕᖅᑐᑦ ᐅᐃᕆᑉᐸᓪᓕᐊᓕᕈᓐᓇᖅᐳᑦ, ᖃᓂᒪᖃᑦᑕᓕᕐᓗᑎᒃ, ᐊᒃᓱᕈᕐᓇᖅᑐᖅᓯᐅᓕᕐᓗᑎᒃ ᐊᒻᒪ ᐃᓅᔪᓐᓃᕈᑕᐅᓗᓂᓘᓐᓃ.

ᑭᓲᕙᑦ ᑭᒃᑯᑐᐃᓐᓇᓂ ᐱᕝᕕᐅᔪᓐᓇᖅᑐᑦ

ᑭᓇᑐᐃᓐᓇᑦᑎᐊᒥ ᑐᐹᑯᒥᑦ ᐱᑎᑕᐅᓗᓂ (ᓯᒡᒐᓕᐊᒥ, ᑎᐹᖕᒥ ᐅᕝᕙᓘᓐᓃᑦ ᑕᒧᐊᑦᑐᐊᒥ) ᓚᐃᓴᖃᖅᑐᑦ ᑐᐹᑯᑖᕐᕖᑦ ᐊᓯᖏᓐᓂ ᐃᓱᒪᒋᔭᐅᕗᖅ ᑭᒃᑯᑐᐃᓐᓇᕐᓂ ᐱᕝᕕᐅᔪᓐᓇᕐᓂᖓᓂ, ᐅᕝᕙᓘᓐᓃᑦ ᑭᒃᑯᑐᐃᓐᓇᓂ ᑐᐹᑯᑖᕐᕕᐅᔪᓐᓇᖅᑐᑦ. ᓄᓇᕗᒻᒥ, ᓂᐅᕕᕐᕖᑦ ᑐᐹᑯᑖᖅᑎᑦᑎᔪᓐᓇᙱᑉᐳᑦ ᑭᓇᑐᐃᓐᓇᕐᒥ 19 ᑐᖔᓂ ᐅᑭᐅᓕᖕᒧᑦ, ᑭᓯᐊᓂ ᐃᓄᐃᑦ ᐅᓄᖅᑐᑦ ᓱᓕ ᑐᐹᑯᑖᖃᑦᑕᖅᐳᑦ ᑭᒃᑯᑐᐃᓐᓇᓂ ᐱᕝᕕᐅᔪᓐᓇᖅᑐᓂᑦ.

ᑭᑯᒃᑐᐃᓐᓇᓂ ᑐᐹᑯᑖᕐᕕᐅᔪᓐᓇᖅᑐᑦ ᐅᑯᐊᖑᕗᑦ ᒪᒃᑯᒃᑑᑉ ᐊᖓᔪᖅᑳᖏᑦ, ᐱᖃᓐᓇᕆᔭᖏᑦ, ᐊᓂᖏᑦ ᓇᔭᖏᓪᓘᓐᓃᑦ. ᑐᓂᓯᔪᖅ ᖃᔅᓯᑐᐃᓐᓇᕐᓂ ᐅᑭᐅᖃᕋᓗᐊᖅᐸᑦ, ᑲᒪᔨᒧᑦ ᐊᖏᖅᑕᐅᓯᒪᒐᓗᐊᕈᓂ, ᒪᓕᒐᕐᒥ ᓱᕋᐃᖏᓐᓇᐅᔭᖅᐳᑦ 19 ᑐᖔᓂ ᐅᑭᐅᓕᖕᒧᑦ ᑐᐹᑯᒥᑦ ᑐᓂᓯᓗᓂ. 

ᖃᓄᖅ ᓯᒡᒐᓕᐊᖅᑐᕐᓂᖅ ᒪᒃᑯᒃᑐᓂ ᐊᒃᑐᐃᑲᐅᑎᒋᕙᒃᐸ?

ᒪᑯᓗᐊᕐᓗᓂ ᓯᒡᒐᓕᐊᖅᑐᖃᑦᑕᓕᕈᓂ, ᐊᒃᓱᐊᓗ ᐅᐃᕆᓯᒪᓕᕈᓐᓇᖅᐳᖅ ᓂᑯᑏᓐᒧᑦ.

ᒪᒃᑯᒃᑐᑦ ᓯᒡᒐᓕᐊᖅᑐᖃᑦᑕᖅᑐᑦ ᐊᓂᖅᑎᕆᑦᑎᐊᕈᓐᓇᐃᓪᓕᔪᓐᓇᖅᐳᑦ ᐃᖃᐃᓕᓴᑦᑎᐊᕈᓐᓇᐃᓪᓕᓗᑎ ᓲᖃᐃᒻᒪ ᓯᒡᒐᓕᐊᖅᑐᖃᑦᑕᖅᖢᓂ ᐳᕙᖕᓂ ᓱᕋᐃᔪᓐᓇᕐᒪᑦ ᐊᒻᒪ ᐳᕙᒃᐱᑦ ᐱᕈᖅᐸᓪᓕᐊᓂᖓᓂ ᓱᒃᑲᐃᒡᓕᕚᓪᓕᖅᑎᑦᑎᓗᓂ. ᒪᒃᑯᒃᑐᑦ ᓯᒡᒐᓕᐊᖅᑐᖃᑦᑕᖅᑐᑦ ᖃᐅᔨᔾᔪᑎᖃᓕᕈᓐᓇᖅᐳᑦ ᐆᒻᒪᑎᕐᓗᖕᓂᖓᓂ ᐊᒻᒪ ᓄᕙᓕᒐᔪᖕᓂᖅᓴᐅᓕᕐᓗᓂ, ᐊᐃᑦᑐᖅᑕᐅᓲᓂ ᖃᓄᐃᒍᑎᖃᖃᑦᑕᕐᓗᓂ, ᓯᐅᓯᕆᖃᑦᑕᕐᓗᓂ ᐊᓯᖏᓐᓂᒡᓗ ᖃᓂᒪᖃᑦᑕᓕᕐᓗᓂ. 

ᐃᓄ ᓱᐴᖅᑐᓕᕌᖓᑦ, ᓯᒡᒐᓕᐊᖅ ᐃᓚᒃᓴᕈᔪᖕᓂ ᐊᓂᐊᑎᑦᑎᓕᓲᖑᕗᖅ ᐊᓐᓄᕌᒥᓄᑦ, ᓄᔭᕐᒥᓄᑦ ᐅᕕᓂᖕᒥᓄᓪᓗ ᓂᐱᑉᐸᓪᓕᐊᔪᒥᑦ. ᑕᒪᓐᓇ ᒪᒪᙱᑦᑐᖅ ᓴᓗᒻᒪᒐᕐᓂᙱᑐᐃᓐᓇᙱᓚᖅ, ᐃᓚᒃᓴᕈᔪᖏᑦ ᐊᓐᓄᕌᒦᖏᓐᓇᖅᑐᑦ ᐅᕝᕙᓘᓐᓃᑦ ᐃᓅᑉ ᑎᒥᖓᓃᑦᑐᑦ ᖁᐊᖅᓵᕐᓇᕈᓐᓇᕆᕗᑦ.                                   

ᓯᒡᒐᓕᐊᖅᑐᖃᑦᑕᖅᖢᓂ ᓇᐃᒪᑦᑎᐊᕈᓐᓃᕐᓇᖅᐳᖅ ᓂᕆᔭᒥᓂ ᓇᕆᐅᖅᓂᒡᓗ, ᐊᒻᒪ ᖃᓂᒃᑯᑦ ᒪᒪᕈᓐᓃᕐᓇᖅᖢᓂ. ᑐᐹᑯᒧᑦ ᐃᓚᒋᔭᐅᕙᒃᑐᑦ ᐅᕕᓂᐅᑉ ᐋᖅᑭᒃᓯᒪᓂᖓᓂ ᐊᓯᔾᔩᔪᓐᓇᖅᐳᖅ ᐃᒧᓪᓗᓕᕐᓇᖅᖢᓂ ᐊᒻᒪ ᐃᓐᓇᕈᖅᓵᓕᓐᓇᖅᖢᓂ. 

ᐅᓇ ᑕᑯᒋᐊᕐᓗᒍ ᑐᐹᑯ ᑎᒦᓪᓗ ᑐᑭᓯᒋᐊᒃᑲᓐᓂᕈᒪᒍᕕᑦ.

ᒪᒃᑯᒃᑐᑦ ᑭᓱᓂ ᖃᐅᔨᔾᔪᑎᖃᓕᖃᑦᑕᖅᐸᑦ ᓂᑯᑏᓐᒥᑦ ᐅᐃᕆᓯᒪᓕᖅᑐᑦ?

ᒪᒃᑯᒃᑐᑦ ᐅᓄᙱᑦᑑᒐᓗᐊᓂ ᓱᐴᖅᑐᖃᑦᑕᖅᑐᑦ ᐅᓪᓗᖅ ᐊᑕᐅᓯᖅ ᖃᐅᔨᔾᔪᑎᖃᓕᕈᓐᓇᖅᐳᑦ ᓂᑯᑏᓐᒥᑦ ᐊᑐᐃᓐᓇᕆᐊᖃᓕᕐᓂᖓᓂ ᓲᕐᓗ ᐱᔪᒪᓗᐊᖃᑦᑕᓕᕐᓗᓂ, ᖁᒃᓴᓱᖃᑦᑕᕐᓗᓂ, ᓄᖅᑲᖓᔪᓐᓇᐃᓪᓕᓗᓂ, ᐅᐃᒻᒪᒃᓴᕋᐃᓕᕐᓗᓂ, ᑳᖃᑦᑕᓕᕐᓗᓂ, ᐃᓱᒪᒃᓴᖅᓯᐅᑦᑎᐊᕈᓐᓇᐃᓪᓕᓗᓂ ᐊᒻᒪ ᓯᓂᒍᓐᓇᑦᑎᐊᖃᑦᑕᙱᓪᓗᓂ. 

ᖃᓄᖅ ᐳᔪᖃᖏᑦᑐᑦ ᑐᐹᑯᑦ ᐊᑦᑕᕐᓇᖅᑎᒋᕙᑦ?

ᐳᔪᖃᖏᑦᑐᑦ ᑐᐹᑯᑦ, ᓲᕐᓗ ᑕᒧᐊᑦᑐᐊᑦ ᐊᒻᒪ ᑎᐹᒃ, ᓂᑯᑏᓐᖃᕕᒡᔪᐊᖅᐳᑦ ᐅᐃᕆᓐᓇᖅᑐᓂ.

ᐳᔪᖃᙱᑦᑐᑦ ᑐᐹᑯ ᑭᒍᑎᑦᑎᐊᕆᒍᓐᓃᕐᓇᖅᐳᑦ ᓲᕐᓗ ᐊᐅᖕᓂᖃᓕᕐᓗᓂ, ᐃᒃᑭᒃᑯᑦ ᐋᓐᓂᐊᖃᓕᕐᓗᓂ ᐊᒻᒪ ᑭᒍᑏᕈᑎᓗᓂ. ᐆᒻᒪᑎᕐᓗᓕᕐᓇᕆᕗᑦ ᐊᒻᒪ ᖃᓄᐃᑦᑐᑐᐃᓐᓇᒥ ᑳᓐᓱᑖᕐᓇᖅᖢᓂ.

ᖃᓄᖅ ᓱᒃᑲᑎᒋᔪᒥᑦ ᓄᑕᖅᑲᑦ ᒪᒃᑯᒃᑐᓪᓗ ᑐᐹᑯᒥᑦ ᐅᐃᕆᓯᒪᓕᕈᓐᓇᖅᐸᑦ?

ᓂᑯᑏᓐ ᑐᐹᑯᒦᑦᑐᑦ ᐅᐃᕆᓐᓇᕐᓂᖅᐹᖑᖃᑕᐅᕗᑦ ᖃᐅᔨᒪᔭᐅᔪᓂᑦ. ᒪᒃᑯᒃᑐᑦ ᓯᒡᒐᓕᐊᓄᑦ ᐅᐃᕆᑦᑐᓐᓇᖅᐳᑦ ᐱᓇᓱᐊᕈᓯᕐᓂ ᐅᓄᖏᑦᑐᑯᓗᖕᓂᑦ ᓱᐴᖅᑐᖃᑦᑕᓕᓵᑦᑎᐊᕐᓗᑎ.

ᑐᐹᑯ ᐳᔪᖃᖏᑦᑐᑦ ᖁᑦᑎᖕᓂᖅᓴᒥᑦ ᓂᑯᑏᓐᖃᖅᐳᑦ ᓯᒐᓕᐅᓂ ᑕᐃᒪᐃᒻᒪᑦ ᒪᒃᑯᒃᑐᑦ ᑕᐃᒪᐃᑦᑐᓄᑦ ᐅᐃᕆᑲᐅᑎᒋᔪᓐᓇᖅᐳᑦ ᐅᐃᕆᓵᓕᓗᑎᒡᓗ.

ᑮᓇᐅᔭᒃᑲ ᖃᓄᐃᓕᐅᕈᑎᒋᔪᓐᓇᕆᕙᒃᑲ ᓯᒡᒐᓕᐊᖅᑖᙱᖔᕐᓗᖓ?

ᑐᐹᑯᒥᑦ ᓂᐅᕕᖃᑦᑕᕈᕕᑦ, ᑕᐅᑐᙳᐊᕆᑦ ᓯᒡᒐᓕᐊᒧᑦ ᓄᖅᑲᕈᕕᑦ ᑮᓇᐅᔭᓂ ᐊᑐᙱᓐᓂᖅᓴᐅᔪᓐᓇᕐᓂᕐᓂ. ᐅᓇ ᐃᑭᐊᖅᑭᕕᒃᑯᑦ  ᖃᐅᔨᓴᕈᑎ ᖃᐅᔨᒋᐊᓗᒍ. ᑕᐅᑐᙳᐊᕆᑦ ᐊᓯᖏᓐᓂ ᓂᐅᕕᕈᓐᓇᖅᑕᕐᓂ (ᓯᑭᑑᒥ, ᓄᓇᒃᑰᕈᑎᒥ, ᐅᒥᐊᕐᒥ ᐊᓯᖏᓐᓂᒡᓗ) ᑮᓇᐅᔭᓂ ᑲᑎᑉᐸᓪᓕᐊᔭᕐᓄᑦ ᑐᐹᑯᒧᑦ ᐊᑐᕋᔭᓚᐅᖅᑕᕐᓄᑦ. ᑕᐅᑐᙳᐊᕆᑦ ᐊᓯᖏᓐᓂ ᓂᐅᕕᕈᓐᓇᖅᑕᕐᓂ (ᓯᑭᑑᒥ, ᓄᓇᒃᑰᕈᑎᒥ, ᐅᒥᐊᕐᒥ ᐊᓯᖏᓐᓂᒡᓗ) ᑮᓇᐅᔭᓂ ᑲᑎᑉᐸᓪᓕᐊᔭᕐᓄᑦ ᑐᐹᑯᒧᑦ ᐊᑐᕋᔭᓚᐅᖅᑕᕐᓄᑦ.

ᓯᒡᒐᓕᐊᑦ ᐊᓯᖏᓪᓗ ᑐᐹᑯᑦ ᐊᑭᑐᔪᒻᒪᕆᐊᓘᕗᑦ ᓄᓇᕗᒻᒥ ᐊᒻᒪ ᐊᑭᑦᑐᖅᐸᓪᓕᐊᖏᓐᓇᕐᓂᐊᖅᖢᑎ ᓯᕗᓂᒃᓴᑦᑎᓐᓂ. ᒪᒃᑯᒃᑐᑦ ᒫᓐᓇ ᐅᐃᕆᓯᒪᓕᖅᑐᑦ ᑐᐹᑯ ᐊᑭᑦᑐᕆᐊᖅᓯᒪᕕᒡᔪᐊᕐᓂᖓᓂ ᖃᐅᔨᓯᒪᓕᖅᐳᑦ ᐃᓅᓯᕐᒥᓂ. ᒫᓐᓇ ᓄᖅᑲᕈᑎ, ᐅᕝᕙᓘᓐᓃᑦ ᑐᐹᑯᒥᑦ ᐱᒋᐊᙲᓐᓇᕈᑎ, ᑕᐅᑐᙳᐊᕆᑦ ᑮᓇᐅᔭᖏᑦ ᑲᑎᑕᖏᑦ ᑭᓱᑖᕈᑎᒋᓇᔭᕐᓂᖓᓂ.

ᖃᓄᐃᓕᐅᕈᓐᓇᖅᐱᑕ ᒪᒃᑯᒃᑐᑦ ᑐᐹᑯᒧᑦ ᐊᑦᑕᕐᓇᖅᑐᒦᓕᖁᓇᒋᑦ?

ᕿᑐᕐᙵᑎᑦ ᐊᒻᒪ ᒪᒃᑯᒃᑐᑦ ᐃᑲᔪᐃᓐᓇᕈᓐᓇᖅᐸᑎᑦ ᑐᐹᑯᑐᖅᑎᑦᑕᐃᓕᓗᒋᑦ, ᓇᖕᒥᓂᖅ ᑐᐹᑯᑐᖃᑦᑕᕋᓗᐊᕈᕕᑦ. 

ᓄᓇᑦᑎᓐᓂ ᐃᔾᔪᐊᒐᒃᓴᑦᑎᐊᕙᐅᓂᐊᕈᑦᑕ, ᐱᐅᔪᓂ ᑐᓂᓯᖃᑦᑕᕈᓐᓇᖅᐳᒍᑦ ᒪᒃᑯᒃᑐᓄᑦ. ᐅᓂᒃᑳᑎᒍᑦ, ᓯᓚᑐᓂᒃᑯᑦ, ᐃᑲᔪᕐᓂᒃᑯᑦ ᐊᒻᒪ ᐃᓂᖃᑦᑎᐊᕐᓂᒃᑯᑦ ᐃᓄᐃᑦ ᐱᒻᒪᕆᐅᒋᔭᖏᓐᓂ ᖃᐅᔨᑎᑦᑎᓂᐊᖅᐳᒍᑦ ᕿᑐᕐᖓᑦᑎᓐᓄᑦ. ᑐᐹᑯ ᐃᓚᒋᔭᐅᓚᐅᖅᓯᒪᖏᑦᑐᑦ ᐃᓄᐃᑦ ᐃᓕᖅᑯᓯᖓᓂ. ᕿᑐᕐᙵᕗᑦ ᑐᑭᓯᑎᓐᓇᓱᒡᓚᕗᑦ ᖃᓄᐃᒻᒪᑦ ᑕᒫᓂ ᑐᐹᑯᑕᖃᕆᐊᖃᖏᓐᓂᖓᓂ.