ᑐᖑᔪᖅᓯᒋᑦ ᓄᓇᕗᑦ

ᑐᖑᔪᖅᓯᒋᑦ ᓄᓇᕗᑦ

ᑭᓲᖕᒪᑦ ᑐᖑᔪᖅᓯᒋᑦ ᓄᓇᕗᑦ?

ᑐᖑᔪᖅᓯᒋᑦ ᓄᓇᕗᑦ ᐱᓕᕆᐊᖑᔪᖅ ᐱᔾᔪᑎᖃᖅᐳᖅ ᓴᐳᔾᔨᓯᒪᓂᕐᒧᑦ ᐊᖏᕐᕋᑦᑎᓐᓂ, ᓄᓇᓕᑦᑎᓐᓂ, ᐊᒻᒪᓗ ᑕᐃᒃᑯᐊᓕᒫᑦ ᓇᒡᓕᒋᔭᕗᑦ ᐊᓯᒥᑦ ᓱᐴᖅᑐᖅᑕᐅᔪᒥ ᐳᔪᖓᓐᓂ. ᑐᖑᔪᖅᓯᒋᑦ ᓄᓇᕗᑦ ᐊᔭᐅᕆᓂᐅᕗᖅ ᓄᓇᕗᒻᒥᐅᓂ ᐃᓚᐅᖃᑕᐅᓂᕐᒥ ᐊᒻᒪᓗ ᐊᖏᖅᓯᒪᓂᕐᒧᑦ ᐊᖏᕐᕋᒥᓂᑦ ᐊᒻᒪᓗ ᓄᓇᓯᐅᑎᒥᓂᑦ ᓱᐴᖅᑐᕐᕕᐅᖃᑦᑕᕈᓐᓃᕐᓗᑎᒃ ᓴᙱᓂᖅᓴᒧᑦ ᐊᒻᒪᓗ ᖃᓄᐃᙱᓐᓂᖅᓴᐅᓂᕐᒧᑦ ᓯᕗᓂᒃᓴᐅᔪᒥᑦ.

ᐊᓯᒥᑦ ᓱᐴᖅᑐᖅᑕᐅᔪᒥ ᐳᔪᖓᓐᓂ ᓱᔪᐃᕙᒃᐳᑦ ᑭᒃᑯᓕᒫᓂᑦ, ᑭᓯᐊᓂ ᐅᓗᕆᐊᓇᓗᐊᖅᑐᖅ ᓱᕈᓯᕐᓄᑦ ᓴᙲᓐᓂᖅᓴᓂ ᑎᒥᖏᑦᑕ ᓴᐳᒻᒥᔾᔪᑎᖏᓐᓂ. (ᐃᓕᑦᑎᒃᑲᓐᓂᕆᑦ ᐊᒃᑐᐃᓂᐅᔪᓂᑦ ᐊᓯᒥᑦ ᓱᐴᖅᑐᖅᑕᐅᔪᒥ ᐳᔪᖓᓐᓂ ᑎᒥᑦᑎᓐᓄᑦ ᐅᕙᓂ ᑕᕝᕚᑭ ᐊᒻᒪᓗ ᑎᒦᑦ

ᐅᑯᐊ ᒪᓕᒃᑕᐅᓪᓗᐊᖅᐳᑦ ᑐᖑᔪᖅᓯᒋᑦ ᓄᓇᕗᒻᒥ:

1) ᐳᔪᖃᕈᓐᓃᕆᑦ: ᐊᖏᕐᕋᕗᑦ ᐊᒻᒪᓗ ᓄᓇᓯᐅᑎᕗᑦ ᓱᐴᖅᑐᕐᕕᐅᖃᑦᑕᕈᓐᓃᕐᓗᑎᒃ ᓴᐳᔾᔨᓯᒪᓂᐅᕗᖅ ᑕᐃᒃᑯᓂᖓ ᓇᒡᓕᒋᔭᑦᑎᓐᓂ. ᓯᓚᒥᑦ ᓱᐴᖅᑐᕆᐊᖅᐸᒡᓗᓯ!

  • ᓴᖅᑭᑦᑎᓗᑎᑦ ᓱᐴᖅᑐᕐᕕᐅᖃᑦᑕᕐᓂᐊᖅᑐᒥ ᐃᓂᒃᓴᒥᑦ ᐊᖏᕐᕋᕕᑦ ᓯᓚᑖᓂ. ᓴᐳᔾᔨᓯᒪᓗᒍ ᐊᕙᑎᕗᑦ ᐋᖅᑭᒃᓯᓗᓂ ᐅᓗᕆᐊᓇᙱᑦᑐᒥ ᐃᒋᑦᑎᓂᐅᔪᒥᑦ ᓄᙳᕐᓗᑯᓂᑦ. ᖃᐅᔨᒪᕕᑦ ᓄᓇᕗᒻᒥ, ᐱᖓᓱᓂ ᒦᑕᓂᑦ ᐅᖓᓯᖕᓂᖃᕆᐊᓕᒃ ᓱᐴᖅᑐᖅᑎᐅᔪᑦ ᐅᖓᓯᒃᑎᒋᔭᕆᐊᖃᕐᓂᐅᕗᑦ ᐃᓄᓕᒫᖅᓯᐅᑎᓂᑦ ᐹᓂᑦ ᐊᒻᒪᓗ ᐃᒐᓛᓂᑦ? ᓱᐴᖅᑐᖅᑏᑦ 15 ᒦᑕᓪᓗᐊᓂ ᐅᖓᓯᒃᑎᒋᔭᕆᐊᖃᖅᐳᑦ ᐃᓕᓐᓂᐊᕐᕕᓂᑦ ᐊᒻᒪᓗ ᓯᓚᒥ ᐱᙳᐊᕐᕕᐅᔪᓂᑦ!
  • ᓴᓗᒻᒪᖅᓴᕐᓗᒍ ᐃᒡᓗ. ᐃᒡᓗᓕᒫᑦᑎᐊᑦ ᐊᒻᒪᓗ ᓄᓇᓯᐅᑎᑦ ᓴᓗᒻᒪᖅᓴᑦᑎᐊᕐᓗᒍ. ᐳᔪᖅᓱᓐᓂᑦᑐᖅ ᑎᐱᖓ ᐊᓯᐅᑎᓪᓗᒍ ᐃᓪᓕᖅᓱᐃᓗᑎᑦ ᐸᐃᑭᖕ ᓲᑕᒥᑦ ᓇᑎᕋᕐᓄᑦ ᐊᒻᒪᓗ ᓇᓚᕈᕐᕕᒐᓚᓄᑦ, ᒥᒡᓗᐊᓕᕐᓗᒍ ᐅᓪᓛᒃᑯᑦ. ᐊᑐᕐᓗᑎᑦ ᐃᕐᙳᓯᕐᒥ ᕕᓂᒐᒥᑦ ᖃᑦᑕᒥᑦ ᐃᒪᓕᖕᒥ ᐆᓇᔪᒃᑐᒥᑦ ᐊᒻᒪᓗ ᒪᕐᕉᖕᓂ ᐊᓘᑎᕐᔪᐊᓂᒃ ᓂᕐᕆᓯᓯᐅᒻᒥᑦ ᐅᐊᓴᐅᒻᒥᑦ ᐃᒡᓘᑉ ᓴᓂᕋᖏᓐᓂ ᐅᐊᓴᐃᓂᕐᒧᑦ.
  • ᐃᒡᓗᐃᑦ ᐊᓂᖅᑎᕆᑎᓪᓗᒍ. ᓯᓚᑦᑎᐊᕙᐅᒍᓂ, ᒪᑐᐃᕐᓗᒋᑦ ᑕᒪᕐᒥᒃ ᐹᑦ ᐊᒻᒪᓗ ᐃᒐᓛᑦ ᐊᒻᒪᓗ ᐃᒡᓗ ᑎᐸᐃᔭᒃᑲᓐᓂᖅᑎᓪᓗᒍ.
  • ᑕᑕᑎᕈᒃ ᐊᓐᓄᕌᓄᑦ ᐅᐊᓴᕐᕕᒃ. ᐅᐊᓴᕐᓗᒋᑦ ᐊᓐᓄᕌᓕᒫᑦ, ᕿᐲᑦ, ᐊᒻᒪᓗ ᓇᓚᕈᕐᕕᐅᑉ ᐅᓕᖏᑦ ᐊᓐᓄᕌᓄᑦ ᐅᐊᓴᕐᕕᖕᒧᑦ. ᖄᒃᑲᓐᓂᐊᒍᑦ ᐊᓐᓄᕌᓄᑦ ᐅᐊᓴᐅᒻᒥᑦ, ᐃᓕᓯᓗᑎᑦ ᐊᑕᐅᓯᕐᒥ ᐃᕐᙳᓯᕐᒥ ᖃᐅᓪᓗᖅᑐᒥ ᕕᓂᒐᒥᑦ ᐳᔪᖅᓱᓐᓂᑦᑐᖅ ᐲᔭᑦᑎᐊᕐᓂᐊᕐᒪ
  • ᑭᒃᑯᓕᒫᑦ ᖃᐅᔨᑎᓪᓗᒋᑦ. ᐳᓛᖅᑐᑦ ᐅᖃᐅᑎᓗᒋᑦ ᐊᖏᕐᕋᐃᑦ ᓱᐴᖅᑐᕐᓇᙱᓐᓂᖓᓂ ᐊᒻᒪᓗ ᓯᓚᒥᑦ ᑭᓯᐊᓂ ᓱᐴᖅᑐᕆᐊᖃᕐᓂᖏᓐᓂ.
  • ᖁᔭᓕᓗᒋᑦ. ᐅᖃᐅᑎᓗᒋᑦ ᐱᖃᓐᓇᕆᔭᑎᑦ ᐊᒻᒪᓗ ᐃᓚᑎᑦ ᖁᔭᓕᓯᒪᓂᕐᓂ ᐊᒃᓱᕈᕐᓂᖏᓐᓂ ᐊᖏᕐᕋᕐᓂ ᓱᐴᖅᑐᖅᑕᐃᓕᒪᑎᑕᐅᓂᖓᓂ.

 

2) ᑐᖑᔪᖅᓯᒋᑦ ᓄᓇᕗᑦ: ᐱᓪᓚᕆᙳᖅᑎᒍᒃ. ᑐᖑᔪᖅᑕᓕᒃ ᓯᓚᑖᒍᑦ ᑐᑭᖃᖅᐳᖅ ᐊᓂᕐᓂᒃᓴᑦᑎᐊᕆᖕᓂᖓᓂ ᐃᓗᐊᓂ. ᑕᑯᑎᒃᑭᑦ ᐱᖃᓐᓇᕆᔭᑎᑦ ᐊᒻᒪᓗ ᐃᓚᑎᑦ ᐊᖏᕐᕋᐃᑦ ᐊᒻᒪᓗ ᓄᓇᓯᐅᑏᑦ ᓱᐴᖅᑐᕐᕕᐅᔭᕆᐊᖃᙱᓐᓂᖓᓂ. ᐅᖃᐅᓯᕆᓗᒍ ᐊᖏᕐᕋᐃᑦ ᓱᐴᖅᑐᕐᓇᙱᓐᓂᖓᓂ ᐱᖃᓐᓇᕆᔭᕐᓄᑦ ᐊᒻᒪᓗ ᐃᓚᖕᓄᑦ ᐃᓕᓯᓗᑎᑦ ᑐᖑᔪᖅᑐᒥ ᖃᐅᒻᒪᖅᑯᑎᒥᑦ ᑐᖅᓲᖕᓂ, ᐊᑐᕐᓗᒍ ᐹᒧᑦ ᓂᕕᙵᑕᒧᑦ ᐃᓯᕐᕕᖕᒧᑦ ᐹᒧᑦ, ᐃᓕᓗᒍᓘᓐᓃᑦ ᑐᖑᔪᖅᓯᒋᑦ ᓄᓇᕗᑦ ᐃᒐᓛᒧᑦ ᓂᐱᑦᑐᓐᓇᖅᑐᒥ ᐃᒐᓛᖕᓄᑦ.

  • ᐃᓕᓯᓗᑎᑦ ᑐᖑᔪᖅᓯᒋᑦ ᓄᓇᕗᑦ ᖃᐅᒻᒪᖅᑯᑎᒥᑦ ᑐᖅᓲᖕᓂ ᐃᒐᓛᒧᓪᓘᓐᓃᑦ
  • ᓂᕕᙵᕐᓗᒍ ᑐᖑᔪᖅᓯᒋᑦ ᓄᓇᕗᑦ ᐹᒧᑦ ᓂᕕᙵᑕᕐᒧᑦ ᑐᖅᓲᖕᓄᑦ ᐃᒐᓛᒧᓪᓘᓐᓃᑦ
  • ᐃᓕᓯᓗᑎᑦ ᑐᖑᔪᖅᓯᒋᑦ ᓄᓇᕗᑦ ᐃᒐᓛᒧᑦ ᓂᐱᑎᒐᕐᒥ ᐃᒐᓛᕐᒧᑦ.

ᐱᓂᕐᒧᑦ ᑐᖑᔪᖅᓯᒋᑦ ᓄᓇᕗᑦ ᖃᐅᒻᒪᖅᑯᑎᒥᑦ, ᐹᒧᑦ ᓂᕕᙵᑕᒥᑦ ᐃᒐᓛᒧᓪᓘᓐᓃᑦ ᓂᐱᑎᒐᕐᒥ, ᖃᐅᔨᒋᐊᕆᑦ ᓄᓇᓖᑦ ᐱᓕᕆᓂᖃᕐᓂᖓᓂ ᑐᖑᔪᖅᓯᒋᑦ ᓄᓇᕗᑦ ᓄᓇᓕᖕᓂ ᖃᓄᐃᓕᐅᕐᓂᐅᔪᒥᑦ ᖃᐅᔨᒋᐊᕐᓗᒋᓪᓘᓐᓃᑦ ᐋᓐᓂᐊᕕᒃ ᖃᐅᔨᒋᐊᒃᑲᓐᓂᕐᓂᕐᒧᑦ ᐊᒻᒪᓗ ᐊᐃᒃᓯᕐᓂᕐᒧᑦ ᑐᖑᔪᖅᓯᒋᑦ ᓄᓇᕗᑦ ᐃᑲᔪᕈᑎᒃᓴᓂᑦ.

 

ᖃᕋᓴᐅᔭᑎᒍᑦ ᓴᖅᑭᑎᓪᓗᒋᑦ ᑐᖑᔪᖅᓯᒋᑦ ᓄᓇᕗᑦ ᓱᓕᔪᑦ ᑎᑎᕋᖅᑕᐅᓯᒪᓂᐅᔪᑦ: ᐃᓄᒃᑎᑐᑦ /  English / Inuinnaqtun / Français
ᖃᕋᓴᐅᔭᑎᒍᑦ ᓴᖅᑭᑎᓪᓗᒋᑦ ᑐᖑᔪᖅᓯᒋᑦ ᐊᖏᖅᓯᒪᓂᕐᒧᑦ ᑕᑕᑎᕆᐊᓕᒃ: ᐃᓄᒃᑎᑐᑦ /  English / Inuinnaqtun / Français
ᖃᕋᓴᐅᔭᑎᒍᑦ ᓴᖅᑭᑎᓪᓗᒋᑦ ᑐᖑᔪᖅᓯᒋᑦ ᓄᓇᕗᑦ ᖃᕋᓴᐅᔭᑎᒍᑦ ᑕᑯᒃᓴᐅᑎᑦᑎᓂᐅᔪᖅ:  ᐃᓄᒃᑎᑐᑦ /  English / Inuinnaqtun / Français
ᖃᕋᓴᐅᔭᑎᒍᑦ ᓴᖅᑭᑎᓪᓗᒋᑦ ᑐᖑᔪᖅᓯᒋᑦ ᓄᓇᕗᑦ ᖃᕋᓴᐅᔭᑎᒍᑦ ᑕᑯᒃᓴᐅᑎᑦᑎᓂᐅᔪᖅ-PDF: ᐃᓄᒃᑎᑐᑦ /  English / Inuinnaqtun / Français

3) ᐅᖃᐅᓯᕆᔭᖅᑐᕈᒃ ᑐᓴᒐᒃᓴᑦ: ᑐᖑᔪᖅᓯᓯᒪᓂᕐᒧᑦ ᓂᓪᓕᖅᐳᑎᑦ ᐊᒻᒪᓗ ᐅᖃᐅᓯᕆᓂᖅ ᐅᖃᐅᓯᒃᓴᖅ ᐊᓯᒥᑦ ᓱᐴᖅᑐᖅᑕᐅᔪᒥ ᐳᔪᖓᓐᓂ ᐃᓂᒃᓴᖃᙱᓐᓂᖓᓂ ᐊᖏᕐᕋᑦᑎᓐᓂ ᐊᒻᒪᓗ ᓄᓇᓯᐅᑎᑦᑎᓐᓂ. ᐅᕗᙵᕆᑦ Facebook, ᐊᒻᒪᓗ ᐅᖃᐅᑎᑎᒍᑦ ᖃᓄᖅ ᑐᖑᔪᖅᓯᓚᐅᕐᓂᕐᓂᑦ ᐊᒻᒪᓗ ᐊᓯᖕᓂᑦ ᐃᑲᔪᕐᓗᑎᑦ ᐃᓱᒪᓕᐅᕆᓂᕐᒥ ᖃᓄᖅ ᑐᖑᔪᖅᓯᖃᑕᐅᔪᓐᓇᕐᓂᖏᓐᓂᑦᑕᐅᖅ!

ᑭᓲᕙ ᐊᓯᒥᑦ ᓱᐴᖅᑐᖅᑕᐅᔪᒥ ᐳᔪᖓᓐᓂ?

ᐊᓯᒥᑦ ᓱᐴᖅᑐᖅᑕᐅᔪᒥ ᐳᔪᖓᓐᓂ ᐳᔫᕗᖅ ᐃᑯᒪᔪᒥᑦ ᐃᓱᖓᓂ ᓯᒡᒐᓕᐊᒥᑦ. ᓂᐅᕐᓂᖅ ᐳᔪᖓᓂ ᓱᐴᖅᑐᖅᑐᑐᑦᑎᐊᖑᕗᖅ-ᐊᒻᒪᓗ ᑕᐃᒪᓐᓇᑎᒋ ᐅᓗᕆᐊᓇᕆᕗᖅ. ᖃᐅᔨᒋᐊᕈᒃ ᒪᒃᐱᖅᑐᒐᖅᐳᑦ ᐊᓯᒥᑦ ᓱᐴᖅᑐᖅᑕᐅᔪᒥ ᐳᔪᖓᓐᓂ ᖃᐅᔨᒋᐊᒃᑲᓐᓂᕐᓂᕐᒧᑦ.

ᖃᓄᐃᒻᒪᑦ ᓱᐴᖅᑐᕐᓂᖅ ᓯᓚᒦᑦᑕᕆᐊᖃᖅᐸ?​
ᓯᓚᒥ ᓱᐴᖅᑐᖅᖢᓂ, ᐊᓄᕆ ᓱᐱᓯᕗᖅ ᐳᔪᖓᓂ ᐃᓄᖕᒨᖑᙱᖔᖅᖢᓂ. ᐃᓄᖃᙱᒃᑲᓗᐊᖅᑎᓪᓗᒍ ᓱᐴᖅᑐᖅᑎᓪᓗᑎᑦ, ᐳᔪᖓ ᐃᒡᓗᒦᖏᓐᓇᖅᐳᖅ ᐊᒻᒪᓗ ᖃᓪᓗᓈᖅᑕᓂ ᐊᔪᖅᓯᑉᐸᒃᐳᖅ. ᑕᒪᓐᓇ ᑕᐃᔭᐅᕗᖅ “ᐱᖓᔪᖓᓐᓂ ᐳᔪᖃᕐᓂᖅ” ᐊᒻᒪᓗ ᐅᓗᕆᐊᓇᕆᕗᖅ.

ᖃᐅᔨᒪᕕᑦ ᓄᓇᕗᒻᒥ, ᐱᖓᓱᓂ ᒦᑕᓂᑦ ᐅᖓᓯᖕᓂᖃᕆᐊᓕᒃ ᓱᐴᖅᑐᖅᑎᐅᔪᑦ ᐅᖓᓯᒃᑎᒋᔭᕆᐊᖃᕐᓂᐅᕗᑦ ᐃᓄᓕᒫᖅᓯᐅᑎᓂᑦ ᐹᓂᑦ ᐊᒻᒪᓗ ᐃᒐᓛᓂᑦ? ᓱᐴᖅᑐᖅᑏᑦ 15 ᒦᑕᓪᓗᐊᓂ ᐅᖓᓯᒃᑎᒋᔭᕆᐊᖃᖅᐳᑦ ᐃᓕᓐᓂᐊᕐᕕᓂᑦ ᐊᒻᒪᓗ ᓯᓚᒥ ᐱᙳᐊᕐᕕᐅᔪᓂᑦ!

ᑕᑯᔪᓐᓇᖅᐱᐅᒃ ᐃᒡᖅᓯᒪᔪᖅ ᐊᔾᔨ ᑐᖑᔪᖅᓯᒋᑦ ᓄᓇᕗᑦ ᓇᓗᓇᐃᒃᑯᑕᖓᓂ?

ᑐᖑᔪᖅᑐᖅ ᑕᖅᓴᕆᔭᐅᕗᖅ ᐅᑭᐅᖅᑕᖅᑐᒥ; ᑕᖅᓴᐅᕗᖅ ᑐᖑᔪᖅᑐᒥ ᓯᓚᒥᑦ, ᐊᓂᕐᓂᒃᓴᑦᑎᐊᒥᑦ ᓴᓗᒪᔪᒥᑦ, ᐊᒻᒪᓗ ᑕᐃᒫᒃ ᑕᖅᓴᕆᔭᐅᓪᓗᐊᖅᐳᖅ ᓇᓗᓇᐃᒃᑯᑕᐅᓗᓂ ᓱᐴᖅᑐᕐᕕᐅᔭᕆᐊᖃᙱᑦᑐᒧᑦ ᐊᖏᕐᕋᒧᑦ. ᐅᖃᐅᑎᔪᓐᓇᖅᐱᑎᒍᑦ ᓇᓗᓇᐃᒃᑯᑕᖓᓂ ᐊᕙᓗᓯᒪᔪᒥᑦ ᑐᖑᔪᖅᑐᒥ ᐊᖏᕐᕋᖓᓂ ᑭᒡᒐᖅᑐᐃᓂᖓᓂ?

ᓇᓗᓇᐃᒃᑯᑕᖅ: ᐅᑭᐅᖅᑕᖅᑐᒥ ᐆᒪᔫᕗᖅ ᖃᐅᔨᒪᔭᐅᓪᓗᓂ ᓴᐳᔾᔨᓯᒪᕙᖕᓂᖓᓂ ᐊᑐᖅᐸᒃᑕᒥᓂᑦ, ᐊᕙᓗᓯᑦᑎᐊᖅᖢᓂ ᑲᑎᙵᖃᑎᒋᓯᒪᔭᒥᓂᑦ ᓴᐳᔾᔨᓯᒪᓂᕐᒧᑦ ᕿᑐᙵᒥᓂᑦ, ᖃᐅᔨᒪᓇᓱᒋᕖᑦ? ᐅᖃᐅᓯᕆᒍᒃ ᕙᐃᔅᐳᒃᑯᑦ ᒪᒃᐱᖅᑐᒐᖁᑎᑦᑎᓐᓂ Facebook.