ᑲᓇᑕᓕᒫᒥᑦ ᓱᐴᖅᑐᖅᑕᐃᓕᓂᕐᒧᑦ ᐱᓇᓱᐊᕈᓯᖅ

ᑲᓇᑕᓕᒫᒥᑦ ᓱᐴᖅᑐᖅᑕᐃᓕᓂᕐᒧᑦ ᐱᓇᓱᐊᕈᓯᖅ

ᑲᓇᑕᓕᒫᒥᑦ ᓱᐴᖅᑐᖅᑕᐃᓕᓂᕐᒧᑦ ᐱᓇᓱᐊᕈᓯᖅ (NNSW) ᓈᑦᑎᖑᔭᐅᕗᖅ, ᔭᓄᐊᕆ 17-ᒥᑦ ᓯᕙᑖᕐᕕᖕᒧᑦ, ᔭᓄᐊᕆ 23, 2016-ᒧᑦ.

ᑲᓇᑕᒥ ᑲᑎᒪᔨᐅᔪᑦ ᑕᕝᕚᑭᒥᑦ ᐊᐅᓚᑦᑎᔨᐅᔪᑦ ᓴᖅᑭᑕᐅᓚᐅᖅᓯᒪᔪᒥᑦ ᑲᓇᑕᓕᒫᒥᑦ ᓱᐴᖅᑐᖅᑕᐃᓕᓂᕐᒧᑦ ᐱᓇᓱᐊᕈᓯᖅ 1977-ᒥᑦ, ᐃᓄᓕᒫᓄᑦ ᐃᓕᓐᓂᐊᖅᑎᑦᑎᔨᐅᔪᒥᑦ ᖃᓄᐃᓕᐅᕐᓂᐅᔪᒧᑦ.

ᐱᓇᓱᐊᕈᓯᐅᔪᖅ ᑕᐅᑐᒃᑕᑐᐊᖃᑲᐃᓐᓇᖅᐳᖅ ᐊᐅᓚᑦᑎᓂᕐᒧᑦ ᑕᕝᕚᑭᒥᑦ ᐊᑐᕐᓂᕐᒥᑦ ᑲᓇᑕᒥ. ᐊᕐᕌᒍᑕᒫᑦ, ᑲᓇᑕᒥᐅᑕᑦ ᐃᓚᐅᕙᒃᐳᑦ ᐊᔾᔨᒌᙱᕈᓘᔭᖅᑐᓂ ᑲᓇᑕᓕᒫᒥᑦ ᓱᐴᖅᑐᖅᑕᐃᓕᓂᕐᒧᑦ ᐱᓇᓱᐊᕈᓯᕐᒥ ᖃᓄᐃᓕᐅᕐᓂᐅᔪᓂᑦ., ᖃᓄᐃᓕᐅᕐᓂᐅᔪᑦ ᐱᓕᕆᐊᖑᕙᒃᐳᑦ ᒐᕙᒪᑐᖃᒃᑯᓐᓂ, ᑲᓇᑕᒥ ᐊᕕᑦᑐᖅᓯᒪᔪᓂᑦ/ᓄᓇᕗᒻᒥ, ᐊᕕᒃᑐᖅᓯᒪᓂᐅᔪᓂᑦ ᐊᒻᒪᓗ ᓄᓇᓕᖕᓂ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐊᒻᒪᓗ ᐊᑭᕋᖅᑐᖅᑐᓂ-ᓱᐴᖅᑐᕐᓂᕐᒥᑦ ᐱᓕᕆᔨᐅᔪᓂᑦ.

ᐊᕐᕌᒍᑕᒫᑦ ᐋᓐᓂᐊᖃᖅᑕᐃᓕᒪᑎᑦᑎᓂᐅᔪᑦ ᑮᓇᐅᔭᓂᒃ ᓇᒃᓯᐅᔾᔨᕙᒃᐳᑦ ᓄᓇᕗᒻᒥᐅᑦ ᓄᓇᓕᐅᔪᓄᑦ ᐃᑲᔪᖅᓱᐃᓂᕐᒥᑦ ᖃᓄᐃᓕᐅᕐᓂᐅᔪᓂᑦ ᐊᒻᒪᓗ ᖃᓄᐃᓐᓂᐅᔪᓂᑦ ᑲᓇᑕᓕᒫᒥᑦ ᓱᐴᖅᑐᖅᑕᐃᓕᓂᕐᒧᑦ ᐱᓇᓱᐊᕈᓯᕐᒧᑦ ᐊᒻᒪᓗᑦᑕᐅᖅ ᓯᓚᕐᔪᐊᒥᑦ ᑕᕝᕚᑭᖃᙱᑦᑐᒥᑦ ᐅᓪᓗᕐᒧᑦ (WNTD). ᑕᒪᓐᓇ ᑮᓇᐅᔭᖃᖅᑎᑕᐅᓂᖅ ᐃᑲᔪᖅᓱᐃᕗᑦ ᐊᑐᓂ ᓄᓇᓕᐅᔪᓂᑦ ᐃᒪᐃᓕᐅᕐᓂᕐᒧᑦ:

  • ᐃᓕᓐᓂᐊᖅᑎᑦᑎᓂᕐᒧᑦ ᓄᓇᕗᒻᒥᐅᓂᑦ ᐅᓗᕆᐊᓇᕐᓂᖏᓐᓂᑦ ᓱᐴᖅᑐᕐᓂᕐᒧᑦ;

  • ᓄᖅᑲᖅᑎᑦᑎᓂᕐᒧᑦ ᐃᓄᖕᓂ ᓱᐴᖅᐸᙱᑦᑐᓂᑦ ᐱᒋᐊᕐᓂᕐᒧᑦ ᓱᐴᖅᑐᕐᓂᕐᒧᑦ;

  • ᐃᑲᔪᕐᓗᓂ ᐃᓄᖕᓂᑦ ᓄᖅᑲᕐᓂᕐᒧᑦ ᓱᐴᖅᑐᕐᓂᕐᒥᑦ;

  • ᕙᕆᐊᖅᑎᑦᑎᓗᑎᒃ ᐱᔪᓐᓇᕐᓂᐅᔪᒥᑦ ᐊᓂᖅᑎᕆᓂᕐᒧᑦ ᐳᔪᖃᙱᑦᑐᒥᑦ ᐊᓂᕐᓂᒃᓴᒥᑦ;

  • ᓴᖅᑭᑎᑦᑎᓗᑎᒃ ᐅᔾᔨᕈᓱᖕᓂᕐᒥᑦ ᑕᕝᕚᑭᒥᑦ ᓴᓇᔨᐅᔪᓂᑦ, ᑕᕝᕚᑭᒥᑦ ᓴᓇᔨᐅᔪᓄᑦ ᓂᐅᕕᐊᒃᓴᖃᕐᓂᐅᔪᓂᑦ ᐱᓕᕆᔾᔪᓯᐅᔪᓂᑦ, ᑕᕝᕚᑭᒥᑦ ᓴᓇᓯᒪᔪᓂᑦ, ᐊᒻᒪᓗ ᑕᕝᕚᑭᒥᑦ ᐊᑐᕐᓂᕐᒥᑦ; ᐊᒻᒪᓗ

  • ᐃᑲᔪᕐᓂᕐᒥᑦ ᐱᔪᓐᓇᕐᓂᕐᒧᑦ ᐳᔪᖃᙱᑦᑐᒥᑦ ᓄᓇᕗᒻᒥᑦ