ᓄᖅᑲᕈᒪᕗᖓ

ᓄᖅᑲᕈᒪᕗᖓ

ᐃᓱᒪᒍᕕᑦ ᓄᖅᑲᕐᓂᕐᒧᑦ

ᒪᒃᐱᖅᑐᒐᕐᒦᒃᑯᕕᑦ, ᑐᑭᖃᖅᐳᖅ ᓯᕗᓪᓕᕐᒥ ᐱᒋᐊᖅᓯᒪᕗᑎᑦ ᖃᓄᐃᙱᓐᓂᖅᓴᐅᔪᒧᑦ ᐃᓅᓯᒃᓴᓕᐅᕐᓂᕐᒧᑦ - ᐃᓱᒪᕗᑎᑦ ᓄᖅᑲᕐᓂᕐᒧᑦ! ᖃᐅᔨᒪᔪᑎᑦ ᑕᕝᕚᑭ ᐃᓕᖕᓄᑦ ᐱᐅᙱᓐᓂᖓᓂ, ᑭᓯᐊᓂᖃᐃ ᐸᕐᓇᒃᓯᒪᑦᑎᐊᙱᓚᑎᑦ ᓱᓕ ᓄᖅᑲᕐᓂᕐᒧᑦ ᐊᑐᕐᓂᕐᒥᑦ. ᐃᓄᑑᙱᓚᑎᑦ! ᓄᖅᑲᕐᓂᖅ ᐊᔪᕐᓇᖅᑐᐊᓘᕗᖅ ᐊᒻᒪᓗ ᐃᑲᔪᖅᓯᖅᑕᐅᕐᔪᐊᕆᐊᖃᕐᓇᖅᐳᖅ, ᐱᓕᕆᕐᔪᐊᕐᓗᓂ ᐊᒻᒪᓗ ᐱᓕᒻᒪᒃᓴᒻᒪᕆᒡᓗᓂ. ᐃᒻᒪᖄ, ᓱᐴᖅᑐᖅᑎᐅᒐᔪᒃᑐᑦ 7-ᖏᖅᓱᕐᓗᑎᒃ ᓄᖅᑲᕐᓂᕐᒧᑦ ᓱᐴᖅᑐᕐᓂᕐᒥᑦ. 

ᐃᖅᑲᐅᒪᒋᑦ, ᑕᐃᒪᓐᓇᑲᐅᑎᒋ ᓄᖅᑲᕆᐊᖃᙱᓚᑎᑦ. ᐃᒪᓐᓇᖔᖅ, ᒥᒃᖠᒋᐊᖅᐸᓪᓕᐊᕋᔮᕐᓗᒍ ᑕᕝᕚᑭᒥᑦ ᐊᑐᕐᓂᕐᓂᑦ. ᑕᒪᓐᓇ ᓯᕗᓪᓕᐅᓗᓂ ᐱᒋᐊᕈᑎᒋᔪᓐᓇᖅᑕᐃᑦ ᐊᑐᖃᑦᑕᕈᓐᓃᖅᐸᓪᓕᐊᓂᕐᓄᑦ  ᑕᕝᕚᑭᒥᑦ. ᓄᖅᑲᕐᓂᖅ ᐊᐃᑦᑐᖅᑕᐅᔭᑉᐳᖅ, ᓄᖅᑲᕈᕕᑦ, ᐊᓯᑎᑦ ᒪᓕᖕᓂᐊᖅᐳᑦ. ᑕᒪᓐᓇ ᑐᑭᖃᖅᐳᖅ ᐱᐅᓯᒋᐊᖅᑎᑦᑎᑐᐃᓐᓇᔾᔮᙱᓚᑎᑦ ᓇᖕᒥᓂᖅ ᐋᓐᓂᐊᖃᖅᑕᐃᓕᒪᓂᕐᓂ, ᐊᓯᖕᓂᑦᑕᐅᖅ ᐃᑲᔪᕐᓂᐊᕆᕗᑎᑦ!

ᐊᑐᓂ ᓯᒡᒐᓕᐊᒥᑦ ᓱᐴᖅᑐᙱᑕᕐᓂᑦ, ᐱᐅᓯᒋᐊᖅᑎᑦᑎᕗᑎᑦ ᐋᓐᓂᐊᖃᖅᑕᐃᓕᒪᑎᑦᑎᓂᕐᓄᑦ ᐊᒻᒪᓗ ᓇᒃᓯᐅᑎᓗᒍ ᐅᖃᐅᓯᒃᓴᐃᑦ ᑕᕝᕚᑭ ᑕᒫᓂ ᐃᓂᒃᓴᖃᙱᑦᑐᒧᑦ

ᐃᓱᒪᕕᑦ ᖃᓄᐃᓐᓂᐊᕐᓂᖓᓂ ᓄᖅᑲᕈᕖᑦ? ᐅᖃᓕᒫᕆᑦ ᓄᖅᑲᕐᓂᕐᓄᑦ ᐃᖏᕐᕋᓂᕆᔭᕐᓂᑦ ᐊᒻᒪᓗ ᓄᖅᑲᕐᓂᕐᒧᑦ ᐃᑲᔪᕈᑎᒃᓴᓂᑦ. ᐅᖃᓕᒫᕈᓐᓇᕆᕗᑎᑦ ᐊᓯᖕᓂᑦ ᐃᓄᖕᓂ ᓄᖅᑲᕐᓂᕐᒧᑦ ᐅᓂᒃᑳᖅᑐᐊᒥᓂᑦ ᒪᓕᒍᒥᓇᖅᑐᓄᑦ ᐊᒻᒪᓗ ᐃᑲᔪᕈᑕᐅᔪᓄᑦ.