ᓄᖅᑲᕐᓂᕐᒧᑦ ᑲᑎᙵᔪᑦ

ᓄᖅᑲᕐᓂᕐᒧᑦ ᑲᑎᙵᔪᑦ

ᑭᓲᕙ ᓄᖅᑲᕐᓂᕐᒧᑦ ᑲᑎᙵᔪᑦ?

ᓄᖅᑲᕐᓂᕐᒧᑦ ᑲᑎᙵᔪᑦ ᒥᑭᖦᖢᓂ ᐴᖑᕗᖅ ᐊᑐᐃᓐᓇᐅᔪᓄᑦ ᐃᓚᐅᔪᓄᑦ (ᐱᑕᖃᑦᑎᐊᕐᓂᖏᓐᓂ) ᐃᓗᓕᖃᐅᖅᖢᓂ ᐃᑲᔪᕈᑎᒃᓴᓂᑦ ᐱᓕᕆᔾᔪᑕᐅᔪᓂᑦ ᐊᒻᒪᓗ ᐅᖃᐅᓯᒃᓴᓂᑦ ᐃᓕᖕᓂ ᐃᑲᔪᕐᓂᖃᕐᓂᐊᖅᑐᓂᑦ ᓄᖅᑲᕐᓂᕐᒧᑦ ᐃᖏᕐᕋᓂᕆᓂᐊᖅᑕᕐᓂᑦ!

ᐊᑎᓕᐅᕆᓯᒪᒍᕕᑦ ᓄᖅᑲᕐᓇᖅᓯᔪᖅ ᓵᓚᖃᕋᓱᐊᕐᓂᐅᔪᒧᑦ, ᖃᐅᔨᒋᐊᕐᓂᐊᖅᐸᐃᑦ ᓄᓇᓕᖕᓂ ᐋᓐᓂᐊᕕᖕᒥ ᐊᐃᒃᓯᕐᓂᕐᒧᑦ ᓄᖅᑲᕐᓂᕐᒧᑦ ᑲᑎᙵᔪᒥᑦ ᐅᓪᓗᒥ!

ᑕᑯᒋᑦ ᐃᓚᖏᓐᓂ ᐃᓗᓕᖏᓐᓂᑦ ᐃᓚᓕᐅᔾᔨᓯᒪᔭᑦᑎᓐᓂ ᑕᒪᑐᒪᓂ ᐊᕐᕌᒎᔪᒥᑦ:

  • ᓄᖅᑲᕐᓂᕐᒧᑦ ᑲᑎᙵᔪᓄᑦ ᐅᓪᓗᕈᒻᒥᑕᒧᑦ ᐴᕐᒥᑦ – ᐊᑐᕐᓗᒍ ᐴᖑᔪᖅ ᐃᓗᓪᓕᖅᓴᐃᓂᕐᒧᑦ ᑕᒧᓗᒐᒃᓴᑦᑎᐊᕙᓂᑦ ᓂᕿᓂᑦ ᓇᒃᓴᒐᒃᓴᕐᓂᑦ, ᓵᓚᒋᓗᒋᑦ ᐱᔪᒪᓂᐊᓗᐃᑦ ᑕᒧᓗᒡᓗᑎᑦ ᐸᕐᓇᒃᓯᒪᕙᒌᖅᑐᓂᑦ ᓰᕐᓇᖅᑐᓂ ᐱᕈᖅᑐᕕᓂᕐᓂ ᐊᒻᒪᓗ ᐱᕈᖅᑐᕕᓂᕐᓂᑦ.

  • ᓯᓕ ᐸᑎ – ᐱᔪᒪᓕᕐᓂᖃᖅᐲᑦ? ᑭᓱᑐᐃᓐᓇᓕᐅᕆᑦ, ᐊᖅᓴᙳᖅᑎᓪᓗᒍ ᐅᕝᕙᓘᓐᓃᑦ ᐊᕙᓗᒧᑦ ᐃᒋᑲᑕᒡᓗᒍ. ᐃᓕᖕᓂᑦ ᐅᓚᕕᓴᕆᑦ ᐱᔪᒪᓂᐊᓗᖕᓂᑦ ᐊᒡᒐᑎᑦ ᐱᓕᕆᑏᓐᓇᕐᓗᒋᑦ.

  • ᐃᒪᖃᐅᑎ - ᐃᒪᖅ ᐃᒥᖅᑕᑐᐊᕆᓕᕈᒃ! ᐃᒪᖅ ᐊᓂᐊᑎᑦᑎᕗᖅ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓂᑦ ᐊᒻᒪᓗ ᑐᖁᓐᓇᖅᑐᓂ ᑎᒥᖕᓂᑦ.

  • ᑯᒃᑭᖏᔭᐅᑎᑦ – ᖃᓃᑦ ᒪᒪᖅᑏᓐᓇᕐᓗᒍ ᐱᐅᑦᑎᐊᖅᐳᖅ ᐊᑐᖅᑕᐃᓕᒪᓂᕐᒧᑦ ᑕᕝᕚᑭᒥᑦ.

  • ᑮᓇᐅᔭᓄᑦ ᓄᖅᑲᕐᓂᕐᒧᑦ ᐊᒃᓴᓗᐊᖅ – ᑖᓐᓇ ᐊᔾᔨᐅᙱᑦᑐᖅ ᐃᑲᔪᕈᑕᐅᔪᖅ ᑕᑯᑎᑦᑎᓂᐊᖅᐳᖅ ᖃᔅᓯᓂ ᐊᑐᖅᐸᖕᓂᕐᓂ ᖃᐅᑕᒫᒥᑦ ᑕᕝᕚᑭᒧᑦ ᑐᙵᕕᖃᖅᑐᒥ ᖃᐅᑕᒫᑦ ᑕᕝᕚᑭᒥ ᐊᑐᕐᓂᒥᑦ. ᖃᐅᔨᒪᕖᑦ ᐊᑕᐅᓯᖅ ᐴᖅ ᖃᐅᑕᒫᑦ ᑎᑭᓐᓂᐊᖅᐳᖅ $58,000-ᓄ ᐊᕐᕌᒍᓂ 10-ᓂ? ᐅᐊᑲᓪᓚᖔ!

  • ᓄᖅᑲᕐᓂᕐᒧᑦ ᒪᓕᒋᐊᓕᖓ - ᑕᒪᓐᓇ ᒥᑭᑦᑐᖅ ᐊᑐᒐᒃᓴᑦᑎᐊᕙᖅ ᐅᖃᓕᒫᒐᖅ ᐃᓕᖕᓂᑦ ᐅᖃᐅᔾᔨᓂᐊᖅᐳᖅ ᑭᓱᓕᒫᑦᑎᐊᓂᒃ ᖃᐅᔨᒪᔭᕆᐊᖃᖅᑕᕐᓂ ᓄᖅᑲᕐᓂᕐᒧᑦ ᑕᕝᕚᑭᒥᑦ.

  • ᓄᖅᑲᕐᓂᕐᒧᑦ ᐅᓪᓗᖅᓯᐅᑎ – ᑕᒪᓐᓇ ᐃᑲᔪᕈᑎᑦᑎᐊᕙᐅᔪᖅ ᐱᓕᕆᔾᔪᑎ ᐊᑐᖅᑕᐅᔪᓐᓇᖅᐳᖅ ᐱᒋᐊᖅᑎᑦᑎᓂᕐᒧᑦ ᐃᓚᐅᓂᕐᓂ ᓄᖅᑲᕐᓂᕐᒧᑦ ᓵᓚᒃᓴᕋᓱᐊᕐᓂᐅᔪᒥᑦ! ᐅᓪᓗᖅᓯᐅᑎ ᑐᓂᓯᕗᖅ ᐃᑲᔪᕈᑎᑦᑎᐊᕙᐅᔪᓂᑦ ᖃᐅᑕᒫᒧᑦ ᑕᖅᑭᒥᑦ. ᑎᑎᕋᐅᑎᕐᔪᐊᖅᑖᕐᓗᑎᑦ ᐊᒻᒪᓗ ᑲᓚᐃᓕᐅᖅᐸᒡᓗᑎᑦ ᖃᐅᑕᒫᑦ ᑕᕝᕚᑭᒥᑦ ᐊᑐᙱᓐᓂᕐᓂ!

  • ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓂᑦ ᐃᑲᔪᕈᑕᐅᔪᑦ ᓂᐅᕕᕈᓐᓇᐅᑎ – [ᐃᓗᓕᖓ ᐅᖃᐅᓯᐅᓛᖅᑐᖅ]

  • ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓂᑦ ᐃᑲᔪᕈᑕᐅᔪᑦ ᒪᓕᒋᐊᓕᖓ - ᐊᑕᐅᓯᕐᒥ ᒪᒃᐱᖅᑐᒐᓕᒃ ᐃᑲᔪᕈᑎᐅᔪᖅ ᑐᓂᓯᓂᐊᖅᐳᖅ ᓇᐃᑦᑐᒥ ᐱᒋᐊᕈᑕᐅᔪᒥᑦ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓂᑦ ᐃᑲᔪᕈᑕᐅᔪᓂᑦ ᐊᒻᒪᓗ ᖃᓄᖅ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᖅ ᐃᓇᖏᖅᓯᔪᒥᑦ ᐃᓅᓕᓴᐃᓂᖅ ᓲᕐᓗ ᓂᐱᑎᒐᖅ ᐅᕝᕙᓘᓐᓃᑦ ᑕᒧᐊᔭᒐᖅ ᐃᓕᖕᓂ ᐃᑲᔪᕈᓐᓇᕐᓂᖓᓂ ᓄᖅᑲᕐᓂᕐᒧᑦ ᐃᖏᕐᕋᓂᕆᓂᐊᖅᑕᕐᓂᑦ.

ᐊᑎᓕᐅᕆᓯᒪᒍᕕᑦ ᓄᖅᑲᕐᓇᖅᓯᔪᖅ ᓵᓚᖃᕋᓱᐊᕐᓂᕐᒧᑦ, ᖃᐅᔨᒋᐊᕐᓂᐊᖅᐳᑎᑦ ᓄᓇᓕᖕᓂ ᐋᓐᓂᐊᕕᖕᒧᑦ ᐊᐃᒃᓯᕐᓂᕐᒧᑦ ᓄᖅᑲᕐᓂᕐᒧᑦ ᑲᑎᙵᔪᒥᑦ ᐅᓪᓗᒥ!