FAQ

FAQ

ᑭᓇ ᐃᓚᐅᔪᓐᓇᖅᐸ ᓄᖅᑲᕐᓇᖅᓯᔪᖅ ᓵᓚᖃᕋᓱᐊᕐᓂᐅᔪᒥᑦ?

  • ᓄᓇᖃᖅᑎᐅᓗᓂ ᓄᓇᕗᒻᒥ

  • ᐊᑐᖅᐸᒡᓗᓂ ᑕᕝᕚᑭᒥᑦ, ᐅᕝᕙᓘᓐᓃᑦ ᐊᑐᓵᕐᓂᑰᓗᓂ ᑕᕝᕚᑭᒥᑦ ᐅᓪᓗᓂ 60-ᓂᑦ ᖄᖏᖅᓯᒪᓕᖅᑐᓂᑦ, including:

    • ᓯᒡᒐᓕᐊᑦ (ᓂᐅᕕᕐᕕᖕᒥ ᓂᐅᕕᖅᑕᐃᑦ ᐅᕝᕙᓘᓐᓃᑦ ᐃᒧᔭᕆᐊᓖᑦ)

    • ᓇᐃᒥᖅᑐᖅ, ᑕᒧᐊᔭᐅᓲᑦ ᑕᕝᕚᑭ, ᐅᕝᕙᓘᓐᓃᑦ ᑎᐹᒃ

    • ᓱᐴᖅᑑᑎᒧᑦ ᑕᕝᕚᑭ

    • ᓯᒡᒑᑦ/ᓯᒡᒑᕋᓛᑦ

  • ᐊᕐᕌᒍᖃᕐᓗᓂ 12-ᓂᑦ ᐅᖓᑖᓄᓪᓗ. ᐊᕐᕌᒍᖃᕈᕕᑦ 12 – 18-ᓄᑦ, ᐊᖓᔪᖅᑳᑦ ᐅᕝᕙᓘᓐᓃᑦ ᑲᒪᔨᒋᔭᐃᑦ ᐊᖏᖅᓯᒪᔭᕆᐊᖃᖅᐳᑦ

  • "ᓄᖅᑲᕐᓂᕐᒧᑦ ᐱᖃᓐᓇᕆᔭᖃᕐᓗᑎᑦ" ᐊᕐᕌᒍᓕᖕᒥᑦ 12-ᓂᑦ ᐅᖓᑖᓄᓪᓗ. ᓄᖅᑲᕐᓂᕐᒧᑦ ᐱᖃᓐᓇᕆᔭᐃᑦ ᐊᕐᕌᒍᖃᕈᓂ 12 – 18-ᓄᑦ, ᐊᖓᔪᖅᑳᖓ ᐅᕝᕙᓘᓐᓃᑦ ᑲᒪᔨᖓ ᐊᖏᖅᓯᒪᔭᕆᐊᖃᖅᐳᑦ

ᖃᓄᖅ ᓵᓚᒃᓴᕈᓐᓇᖅᐳᖓ?

ᓵᓚᒃᓴᕋᓱᒍᓐᓇᕐᓂᕐᒧᑦ ᑕᕝᕚᑭᒥᑦ-ᐊᑐᙲᓐᓇᕐᓗᑎᑦ ᒫᔾᔨ 1-ᒥᑦ ᒫᔾᔨ 31 2015-ᒧᑦ.

ᓵᓚᒃᓴᖅᑐᑦ ᐊᖏᓛᖑᔪᓂᑦ ᐊᒻᒪᓗ ᒪᓕᒃᑎᖏᑦ ᐊᒧᔭᐅᓂᐊᖅᐳᑦ, ᐊᓯᐊᒍᑦ ᐊᒧᔭᐅᓂᖃᕐᓗᓂ ᓄᓇᕗᒻᒥ ᐱᖓᓱᓄᑦ ᐊᕕᒃᑐᖅᓯᒪᓂᐅᔪᓂᑦ. ᓄᖅᑲᕐᓂᕐᒧᑦ ᐱᖃᓐᓇᕆᔭᖏᑦ ᓵᓚᒃᓴᖅᑐᓂᑦ ᓵᓚᒃᓴᕐᓂᐊᖅᐳᑦ ᖃᕋᓴᐅᔭᒥᑦ ᐊᐃᐹᑦ ᐃᐊᕐᒥᑦ, ᓄᖅᑲᕐᓂᕐᒧᑦ ᐱᖃᓐᓇᕆᔭᖓ ᑕᕝᕚᑭᒥᑦ-ᐊᑐᙲᓐᓇᕐᓗᓂ ᒫᔾᔨᒥᑦ.

ᓂᕈᐊᖅᑕᐅᒍᑎᑦ, ᓵᓚᒃᓴᖅᑐᑦ ᐊᒻᒪᓗ ᓄᖅᑲᕐᓂᕐᒧᑦ ᐱᖃᓐᓇᕆᔭᖏᑦ ᐊᑎᓕᐅᕆᐊᖃᕐᓂᐊᖅᐳᑦ ᓱᓕᓂᕋᐃᓂᐅᔪᒥᑦ ᐅᖃᖅᓯᒪᔪᒥᑦ ᒪᓕᒃᓯᒪᓂᖏᓐᓂᑦ ᓵᓚᖃᕋᓱᐊᕐᓂᐅᔪᒧᑦ ᒪᓕᒐᖏᓐᓂᑦ, ᐃᓚᖃᕐᓗᓂ ᑕᕝᕚᑭᒥᑦ-ᐊᑐᙲᓐᓇᕐᓂᖏᓐᓂᑦ ᑕᖅᑭᓕᒫᒧᑦ. ᖄᒃᑲᓐᓂᐊᒍᑦ, ᓵᓚᒃᓴᖅᑐᖅ ᐊᐱᕆᔭᐅᔪᓐᓇᖅᐳᖅ ᐊᖏᖅᓯᒪᓂᕐᒧᑦ ᐊᓂᕐᓂᖓᒍᑦ ᑳᐸᓐ ᒪᓈᒃᓴᐃᑦᒥᑦ ᖃᐅᔨᓴᕈᑕᐅᔪᒥᑦ ᓄᓇᓕᖓᓐᓂᑦ ᐋᓐᓂᐊᕕᖓᓐᓂᑦ. ᑕᑯᒍᒃ ᓵᓚᒃᓴᕋᓱᐊᕐᓂᕐᒧᑦ ᐅᓂᒃᑳᕆᓯᒪᔪᓂᑦ ᓵᓚᒃᓴᕋᓱᐊᕐᓂᕐᒧᑦ ᐅᓂᒃᑳᕆᓯᒪᔪᓂᑦ ᖃᐅᔨᒋᐊᒃᑲᓐᓂᕐᓂᕐᒧᑦ.

ᑭᓲᕙ ᑳᐸᓐ ᒪᓈᒃᓴᐃᑦᒧᑦ ᖃᐅᔨᓴᕈᑎ?

A ᑳᐸᓐ ᒪᓈᒃᓴᐃᑦ (CO) ᖃᐅᔨᓴᕈᑎ ᐱᓕᕆᐊᖑᕙᒃᐳᖅ ᐱᓕᕆᔾᔪᑕᐅᔪᒥᑦ ᑕᐃᔭᐅᔪᒥᑦ ᓱᐴᕈᑕᐅᔪᒥᑦ ᐆᒃᑐᐃᕙᒃᑐᒥ ᑳᐸᓐ ᒪᓈᒃᓴᐃᑦᒥᑦ ᐊᓂᖅᑎᕆᓂᕐᓂᑦ. ᓱᐴᖅᑐᕈᕕᑦ ᓯᒡᒐᓕᐊᒥᑦ ᐊᓯᐅᔨᕗᑎᑦ ᐊᓂᕐᓂᒃᓴᒥᑦ ᑎᒥᖕᓂᑦ ᑳᐸᓐ ᒪᓈᒃᓴᐃᑦᒧᑦ ᖃᐅᔨᔭᐅᓴᕋᐃᑦᑐᒥᑦ ᓱᐴᕈᑕᐅᔪᒧᑦ. ᑕᑯᒍᒃ ᓵᓚᒃᓴᕋᓱᐊᕐᓂᕐᒧᑦ ᐅᓂᒃᑳᕆᓯᒪᔪᓂᑦ ᖃᐅᔨᓇᓱᐊᒃᑲᓐᓂᕐᓂᕐᒧᑦ.


ᓵᓚᒃᓴᕈᓐᓇᖅᐳᖓ ᓄᖅᑲᕈᒪ ᑕᒧᐊᔭᐅᓲᑦ ᑕᕝᕚᑭᒥᑦ ᐊᒻᒪᓗ/ᐅᕝᕙᓘᓐᓃᑦ ᓇᐃᒥᖅᑐᒥᑦ?

ᐄ. ᖃᓄᐃᑦᑐᑐᐃᓐᓇᕐᒥ ᑕᕝᕚᑭᒥ ᐊᑐᖃᑦᑕᕈᕕᑦ, ᐃᓚᐅᔪᓐᓇᖅᐳᑎᑦ ᓵᓚᒃᓴᕋᓱᐊᕐᓂᕐᒧᑦ ᓄᖅᑲᕈᕕᑦ ᑕᕝᕚᑭᒥᑦ ᒫᔾᔨ 1-ᒥᑦ ᒫᔾᔨ 31-ᒧᑦ.

ᑭᓲᕙ ᓄᖅᑲᕐᓂᕐᒧᑦ ᐱᖃᓐᓇᕆᔭᖅ?

ᓄᖅᑲᕐᓂᕐᒧᑦ ᐱᖃᓐᓇᕆᔭᖅ ᐱᖃᓐᓇᕆᔭᐅᕗᖅ, ᐃᓚᒋᔭᐅᕗᖅ, ᓴᓂᓕᑕᐃᑦ, ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖕᓂᑦ ᐱᖃᓐᓇᕆᔭᐃᑦ ᐊᖏᖅᓯᒪᔪᒥᑦ ᐃᓕᖕᓂᑦ ᐃᑲᔪᕐᓂᕐᒧᑦ ᓄᖅᑲᕐᓂᕐᒧᑦ ᑕᕝᕚᑭᒥᑦ, ᐊᒻᒪᓗ (ᐊᑐᖃᑦᑕᕈᑎᒃ ᑕᕝᕚᑭᒥᑦᑕᐅᖅ) ᐊᖏᖅᓯᒪᓗᓂ ᓄᖅᑲᕐᓂᕐᒧᑦ ᑕᕝᕚᑭᒥᑦ ᑕᖅᑭᓕᒫᒧᑦ ᒫᔾᔨᒥᑦ. ᐱᖃᑎᖃᖅᖢᓂ ᐊᔭᐅᕆᔪᓐᓇᖅᑐᒥ ᐊᒻᒪᓗ ᐅᖃᓪᓚᖃᑎᒋᔪᓐᓇᕐᓗᒍ ᐱᔪᒪᓗᐊᖅᑎᓪᓗᑎᑦ ᐅᕝᕙᓘᓐᓃᑦ ᓴᐱᓕᓕᖅᑎᓪᓗᑎᑦ ᐱᒻᒪᕆᐅᖃᑕᐅᓛᖑᕗᖅ ᐱᔾᔪᑕᐅᔪᓂᑦ ᓄᖅᑲᕈᓐᓇᑦᑎᐊᕐᓂᕐᒧᑦ.

ᖃᓄᖅ ᓂᕈᐊᕈᓐᓇᖅᐳᖓ ᓄᖅᑲᕐᓂᕐᒧᑦ ᐱᖃᓐᓇᕆᔭᒥᒃ?

ᓄᖅᑲᕐᓂᕐᒧᑦ ᐱᖃᓐᓇᕆᔭᒥᒃ ᑭᓇᑐᐃᓐᓇᑦᑎᐊᖑᔪᓐᓇᖅᑐᖅ!  ᐱᖃᓐᓇᕆᔭᐃᑦ ᓱᐴᖅᑐᖅᑎᐅᔪᓐᓇᖅᑐᖅ/ᑕᕝᕚᑭᒥᑦ ᐊᑐᖅᑎᐅᓗᓂ ᐅᕝᕙᓘᓐᓃᑦ ᓱᐴᖅᑐᖅᑎᐅᙱᑦᑐᒥᑦ/ᑕᕝᕚᑭᒥ ᐊᑐᖅᑎᐅᖏᓪᓗᓂ. ᓂᕈᐊᖅᓯᓗᑎᑦ ᑭᓇᒥᑦ ᐅᒃᐱᕆᔪᓐᓇᖅᑕᕐᓂ ᐃᑲᔪᖅᓱᐃᓂᕐᒧᑦ ᓄᖅᑲᕋᓱᐊᕐᓂᕐᓄᑦ ᐊᒃᓱᕈᕈᑎᒋᔭᕐᓂ. ᐊᓂᒋᔪᓐᓇᖅᑕᐃᑦ ᐅᕝᕙᓘᓐᓃᑦ ᓇᔭᐃᑦ, ᐊᖓᔪᖅᑳᑦ, ᐱᖃᓐᓇᕆᔭᐃᑦ, ᐃᓕᒪᐃᔨ, ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐱᓕᕆᔨᐅᔪᖅ, ᐅᕝᕙᓘᓐᓃᑦ ᑭᓇᑐᐃᓐᓇᑦᑎᐊᖅ ᓄᓇᕗᒻᒥ ᖃᐅᔨᒪᔭᕐᓂ ᐊᒻᒪᓗ ᐅᒃᐱᕆᔭᕐᓂᑦ. ᐱᖃᓐᓇᕆᔭᐃᑦ ᑐᓂᓯᓪᓗᐊᖅᐳᖅ ᑕᐃᒪᐃᒐᔪᒃᑐᓂ, ᐸᓯᒃᖠᖏᑦᑐᒥᑦ ᐃᑲᔪᖅᓱᐃᓂᕐᒥᑦ ᐊᒻᒪᓗ, ᐊᑐᖃᑦᑕᕐᒥᒍᑎᒃ ᑕᕝᕚᑭᒥᑦ, ᐸᕐᓇᒃᓯᒪᒋᑦ ᓄᖅᑲᖃᑎᖃᕐᓂᕐᒧᑦ ᐃᓕᖕᓂᑦ ᑕᖅᑭᒧᑦ. ᑲᑎᙵᓗᓯ, ᐱᔪᓐᓇᕐᓂᖃᕐᓂᖅᓴᐅᓂᐊᖅᐳᓯ ᓄᖅᑲᕐᓂᕐᒧᑦ ᐊᒻᒪᓗ ᓄᖅᑲᖓᐃᓐᓇᕐᓂᕐᒧᑦ.

ᐃᑲᔪᖅᑕᐅᔭᕆᐊᖃᖅᐳᖓ ᓄᖅᑲᕐᓂᕐᒧᑦ?

ᑕᒪᕐᒥᒐᓚᐃᑦ ᑕᕝᕚᑭᒥ ᐊᑐᖅᑎᐅᔪᑦ ᓄᖅᑲᕈᓐᓇᖅᐳᑦ ᐃᒻᒥᓂᒃ, ᐃᑲᔪᖅᑕᐅᙱᓪᓗᑎᒃ. ᑕᐃᒪᐃᑦᑐᓐᓇᕆᕗᑎᑦᑕᐅᖅ. ᑭᓯᐊᓂ ᐱᔪᓐᓇᕐᓂᑎᑦ ᓄᖅᑲᖅᓯᒪᐃᓐᓇᕐᓂᕐᒥᑦ ᐱᐅᓂᖅᓴᐅᕗᑦ ᐃᑲᔪᖅᑕᐅᒍᕕᑦ. ᑕᑯᒍᒃ “ᓇᑭᑦ ᐃᑲᔪᖅᑕᐅᔪᓐᓇᖅᐳᖓ ᓄᖅᑲᕐᓂᕐᒧᑦ?”

ᓇᑭᑦ ᐃᑲᔪᖅᑕᐅᔪᓐᓇᖅᐳᖓ ᓄᖅᑲᕐᓂᕐᒧᑦ?

ᐅᖃᖃᑎᖃᕐᓗᓂ ᐃᓕᓐᓂᐊᖅᓯᒪᑦᑎᐊᖅᑐᓂ ᐃᓅᓯᓕᕆᔨᐅᔪᓂᑦ, ᐊᒻᒪᓗ/ᐅᕝᕙᓘᓐᓃᑦ ᐊᑐᕐᓂᖅ ᐃᓅᓕᓴᐅᒻᒥᑦ ᓲᕐᓗ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓄᑦ ᐃᓇᖏᕈᑎᓂᑦ ᐅᕝᕙᓘᓐᓃᑦ ᓴᐃᐹᓐ, ᒪᕐᕈᐃᓪᓗᐊᖅᑐᒥ ᓄᖅᑲᕈᓐᓇᖅᑎᑦᑎᕗᑦ ᑕᕝᕚᑭᒥᑦ. ᑕᒪᒃᑮᑦ ᐊᑐᐃᓐᓇᐅᕗᑦ ᐊᒻᒪᓗ ᐊᑭᖃᙱᖦᖢᑎᒃ ᓄᓇᕗᒻᒥ.
 

  • ᓄᖅᑲᕐᓂᕐᒧᑦ ᐅᖃᓗᒡᕕᒃᓴᒧᑦ ᐃᓅᓯᓕᕆᓖᑦ ᐊᑐᐃᓐᓇᐅᕗᑦ ᖃᐅᑕᒫᑦᑎᐊᖅ, ᐃᑲᕐᕋᓂ 24-ᓂᑦ ᐅᓪᓗᕐᒥ, ᐅᕙᓂ 1-866-368-7848. ᐅᕝᕙᓘᓐᓃᑦ ᖃᕋᓴᐅᔭᑎᒍᑦ ᐅᖃᓪᓚᖃᑎᖃᕐᓗᓂ ᐃᑲᕐᕋᓂ 12-ᓂ ᐅᓪᓗᕐᒥᑦ. ᐱᐅᔪᐊᓘᕗᑦ ᐃᑲᔪᖅᓱᐃᓂᕐᒧᑦ ᐊᒻᒪᓗ ᐅᖃᖃᑎᖃᕈᓐᓇᖅᖢᑎᒃ ᐃᓄᒃᑎᑐᑦ, ᐃᓄᐃᓐᓇᖅᑐᓐ, ᐅᐃᕖᑎᑐᑦ ᐊᒻᒪᓗ ᖃᓪᓗᓈᑎᑐᑦ.

  • ᐅᖃᖃᑎᖃᕆᑦ ᐃᓗᐊᖅᓴᐃᔨᒥᑦ ᐅᕝᕙᓘᓐᓃᑦ ᓘᒃᑖᒥᑦ ᖃᐅᔨᓇᓱᐊᕐᓂᕐᒧᑦ ᐃᓅᓕᓴᐅᑎᓂᑦ ᐃᑲᔪᕐᓂᖃᕈᓐᓇᕆᐊᒃᓴᖏᓐᓂᑦ ᓄᖅᑲᕐᓂᕐᒧᑦ. ᑕᒪᒃᑯᐊ ᐃᓅᓕᓴᐅᑎᑦ ᐊᑭᖃᙱᓚᑦ ᑕᒪᒃᑭᑲᓴᖕᓄᑦ ᓄᓇᕗᒻᒥᐅᓄᑦ. ᓄᓇᓕᖕᓂ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐸᖅᑭᔨᐅᔪᑦ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓂ ᐃᓇᖏᖅᓯᔾᔪᑎᓂᑦ ᐊᑐᐃᓐᓇᖃᖅᐳᑦ.
     

ᖃᐅᔨᒋᐊᒃᑲᓐᓂᕆᑦ ᐊᑭᖃᙱᑦᑐᒥᑦ ᐃᑲᔪᖅᓱᐃᓂᕐᒧᑦ ᐊᑐᐃᓐᓇᐅᔪᓄᑦ ᐃᓕᖕᓄᑦ.

ᖃᐅᔨᒋᐊᒃᑲᓐᓂᕐᓂᕐᒧᑦ ᐱᐅᙳᒋᐊᖅᑎᑦᑎᓂᕐᒧᑦ ᓄᖅᑲᕈᓐᓇᕐᓂᕐᒧᑦ ᑕᕝᕚᑭᒥᑦ, ᐅᖃᓕᒫᕈᒃ ᓄᖅᑲᕐᓂᕐᒧᑦ ᐃᑲᔪᖅᑕᐅᓂᕐᒧᑦ ᒪᓕᒋᐊᓕᖓ.

ᐊᑎᓕᐅᕆᐊᓕᖕᒧᑦ ᑕᑕᑎᕆᔾᔪᑎᒥᑦ, ᑎᑎᖅᓯᓚᐅᖅᐳᖓ ᐅᖃᓗᒡᕕᐅᔪᒪᓂᕐᒧᑦ ᓄᓇᕗᒻᒥ ᓄᖅᑲᕐᓂᕐᒧᑦ ᐃᓅᓯᓕᕆᔨᒧᑦ, ᑭᓱᒥᑦ ᓂᕆᐅᓪᓗᐊᖅᐳᖓ?

ᖃᐅᔨᒪᕕᑦ ᐱᔪᓐᓇᕐᓂᕐᓂ ᓄᖅᑲᖅᓯᒪᐃᓐᓇᕐᓂᕐᒧᑦ ᒪᕐᕈᐃᓪᓗᐊᖅᐳᑦ ᐊᑐᕐᓂᕐᒧᑦ ᐊᑭᖃᙱᑦᑐᒥ ᓄᓇᕗᒻᒥ ᓄᖅᑲᕐᓂᕐᒧᑦ ᐃᓅᓯᓕᕆᔨᐅᔪᒥᑦ?

ᓄᓇᕗᒻᒥ ᓄᖅᑲᕐᓂᕐᒧᑦ ᐃᓅᓯᓕᕆᔨᐅᔪᑦ ᐃᓕᖕᓄᑦ ᐅᖃᓗᖕᓂᐊᖅᐳᖅ ᖃᐅᔨᓇᓱᐊᕐᓗᓂ ᖃᓄᐃᒻᒪᖔᖅᐱᑦ ᐊᒻᒪᓗ ᐊᑐᐃᓐᓇᖃᖅᑎᑦᑎᓗᓂ ᐃᑲᔪᖅᓱᐃᓂᕐᒧᑦ ᐅᕘᓇ ᓄᖅᑲᕐᓂᕐᒧᑦ ᐃᖏᕐᕋᓂᕆᓂᐊᖅᑕᕐᓂᑦ. ᓄᖅᑲᕐᓂᕐᒧᑦ ᐃᓅᓯᓕᕆᔨᐅᔪᑦ ᖃᐅᔨᒪᓂᖃᑦᑎᐊᖅᐳᑦ ᑕᕝᕚᑭᐅᑉ ᒥᒃᓵᓄᑦ ᐊᒻᒪᓗ ᐊᒃᓱᕈᕐᓇᕐᓂᖓᓂ ᓄᖅᑲᕋᓱᖕᓂᕐᒧᑦ. ᐃᓕᓐᓂᐊᖅᓯᒪᓪᓗᑎᒃ ᐃᖅᑲᓇᐃᔮᒥᓂᒃ ᐊᑐᑦᑎᐊᕈᓐᓇᖅᑐᓂᑦ ᐃᓕᖕᓂᑦ ᐃᑲᔪᕐᓂᐊᖅᖢᑎᒃ ᓇᐅᒃᑯᓕᒫᖅ ᐱᓕᕆᓂᐅᔪᓂᑦ ᓄᖅᑲᕐᓂᕐᒧᑦ ᐃᓚᖃᕐᓗᓂ ᑭᓇᑐᐃᓐᓇᒧᑦ ᐅᖃᖃᑎᖃᕆᐊᖃᕐᓂᕆᔭᕐᓂᑦ.

ᓄᖅᑲᕐᓇᖅᓯᔪᒧᑦ ᓵᓚᖃᕋᓱᐊᖅᑎᐅᔭᕆᐊᖃᙱᑦᑐᑎᑦ ᐅᖃᓗᖕᓂᕐᒧᑦ; ᓄᖅᑲᕐᓂᕐᒧᑦ ᐅᖃᓗᒡᕕᒃᓴᖅ ᒪᑐᐃᖓᕗᖅ ᑭᓇᑐᐃᓐᓇᒧᑦ ᐊᒻᒪᓗ ᑭᒃᑯᓕᒫᓄᑦ ᓄᓇᕗᒻᒥ ᐃᑲᕐᕋᓄᑦ 24-ᓂᑦ ᐅᓪᓗᕐᒥᑦ, ᐅᕙᓂ 1-866-368-7848. ᐱᐅᔪᐊᓘᕗᑦ ᐃᑲᔪᖅᓱᐃᓂᕐᒧᑦ ᐊᒻᒪᓗ ᐅᖃᓪᓚᖃᑎᖃᕈᓐᓇᖅᐳᑦ ᐃᓄᒃᑎᑐᑦ, ᐃᓄᐃᓐᓇᖅᑐᓐ, ᐅᐃᕖᑎᑐᑦ ᐊᒻᒪᓗ ᖃᓪᓗᓈᑎᑐᑦ.