ᐃᑲᔪᕆᑦ ᑭᓇᑐᐃᓐᓇᒥᒃ ᓄᖅᑲᕐᓂᕐᒧᑦ

ᐃᑲᔪᕆᑦ ᑭᓇᑐᐃᓐᓇᒥᒃ ᓄᖅᑲᕐᓂᕐᒧᑦ

ᓱᐴᖅᑐᕐᓂᖅ ᓇᖕᒥᓂᖅ ᓂᕈᐊᒐᐅᕗᖅ. ᐃᓄᐃᑦ ᐃᒻᒥᓄᑦ ᓄᖅᑲᕆᐊᖃᖅᐳᑦ, ᑭᓯᐊᓂ, ᑭᓇᑐᐃᓐᓇᖅ ᐃᓄᑑᓗᓂ ᓄᖅᑲᕋᓱᓪᓗᐊᙱᓚᑦ. .ᐃᑲᕐᓗᓂ ᐊᓯᒥᑦ ᓄᖅᑲᕐᓂᕐᒧᑦ ᐃᖏᕐᕆᓂᕆᔭᖓᓂ ᐱᒻᒪᕆᐅᓪᓗᓂ ᐱᓕᕆᓂᐅᕗᖅ. ᑕᕝᕚᑭᒥᑦ ᐊᑐᖅᑎᕕᓂᐅᒍᕕᑦ ᐋᒃᑲᓘᓐᓃᑦ, ᑲᙳᓇᖅᑑᔪᒥᑦ ᓄᖅᑲᕐᓂᕐᒧᑦ ᓱᐴᖅᑐᕐᓂᕐᒧᑦ ᐱᓕᕆᐊᖑᔪᖅ ᐊᒻᒪᓗ ᐃᑲᔪᕈᑎᒃᓴᑦ ᐊᔪᕐᓇᙱᑎᑦᑎᕗᖅ ᐃᑲᔪᕐᓂᕐᒧᑦ ᐅᓂᒃᓯᒪᔪᓂᑦ, ᐃᖅᑲᓇᐃᔭᖅᑎᓂᑦ ᐊᒻᒪᓗ ᓇᒡᓕᒋᔭᕐᓂᑦ ᓄᖅᑲᕐᓂᕐᒧᑦ ᑕᕝᕚᑭᒥᑦ ᐊᑐᙲᓐᓇᕐᓂᕐᒧᑦ.

ᖄᒃᑲᓐᓂᐊᒍᑦ ᐃᑲᔪᕈᑎᒃᓴᓄᑦ ᐊᑐᐃᓐᓇᖃᖅᑎᑦᑎᓂᑦᑎᓐᓂ, ᕿᒥᕐᕈᓇᒋᑦ ᓄᓇᓕᖕᓂ ᐊᒻᒪᓗ ᖃᐅᔨᒋᐊᕆᑦ ᑭᓱᓂᒃ ᐊᑐᐃᓐᓇᖃᕐᓂᖓᓂ. ᐃᑲᔪᖅᓱᐃᓂᕐᒧᑦ ᑲᑎᙵᓂᑕᖃᑐᐃᓐᓇᕆᐊᓕᒃ. ᑕᒪᒃᑯᐊ ᑐᓂᓯᓂᖃᕈᓐᓇᖅᐳᑦ ᓴᙱᓂᕐᒥᑦ, ᐊᔭᐅᕆᓂᕐᒥᑦ, ᐱᖃᓐᓇᕆᔭᖅᑖᕐᓂᕐᒥᑦ ᐊᒻᒪᓗ ᐃᓚᒋᔭᐅᔫᔮᓕᕐᓂᕐᒥᑦ. ᓴᖅᑭᑎᑦᑎᕗᑦ ᐃᓂᒃᓴᐅᔪᒥᑦ ᐃᓄᐃᑦ ᓄᖅᑲᕋᓱᒃᑐᓂᑦ ᐅᖃᐅᓯᖃᕈᓐᓇᕐᓂᕐᒧᑦ ᐅᓂᒃᑳᒥᓂᑦ ᐊᒻᒪᓗ ᐊᑐᐃᓐᓇᖃᖅᑎᑦᑎᓗᑎᒃ ᐃᒻᒥᓄᑦ ᐅᖃᐅᔾᔨᓂᐅᔪᒥᑦ. ᐃᑲᔪᖅᓱᐃᓂᕐᒧᑦ ᑲᑎᙵᓂᐅᔪᑦ ᓴᖅᑭᑎᑦᑎᕗᑦ ᓄᓇᓕᐅᔪᒥᑦ. ᐃᓄᐃᑦ ᓄᖅᑲᕋᓱᒃᑐᑦ ᑲᑎᖃᑎᒌᒍᓐᓇᖅᐳᑦ, ᐃᒃᐱᒍᓱᒡᓗᑎᒃ ᓈᒻᒪᒋᔭᐅᓂᕐᒥᑦ, ᐊᒻᒪᓗ ᑐᓴᖅᑕᐅᓗᑎᒃ.

ᐃᓚᖏᑦ ᓄᓇᓕᐅᔪᑦ ᐃᑲᔪᖅᓱᐃᓂᕐᒧᑦ ᑲᑎᙵᓂᖃᙱᑐᐃᓐᓇᕆᐊᖃᖅᐳᑦ. ᑕᐃᒪᐃᑎᓪᓗᒍ, ᐃᓱᒪᒃᓴᖅᓯᐅᕆᑦ ᐱᒋᐊᖅᑎᑦᑎᓂᕐᒧᑦ ᑕᐃᒪᐃᑦᑐᒥᑦ. ᐅᖃᖃᑎᖃᕈᓐᓇᖅᐳᑎᑦ ᓄᓇᓕᖕᓂ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᑭᒡᒐᖅᑐᐃᔨᐅᔪᒧᑦ (CHR) ᑕᒪᑐᒥᖓ ᐱᔭᕆᐊᖃᕐᓂᐅᔪᒥᑦ ᐊᒻᒪᓗ ᑕᕝᕚᑭᒧᑦ ᒥᒃᖠᒋᐊᖅᑎᑦᑎᓂᕐᒧᑦ ᑲᑎᙵᔪᑦ ᑐᓂᓯᔪᓐᓇᖅᐳᑦ ᖃᓄᖅᑑᕈᑎᒃᓴᒥᑦ ᒪᓕᒋᐊᓕᖕᒥᑦ ᐊᒻᒪᓗ ᐊᓯᖏᓐᓂ ᐅᖃᐅᓯᒃᓴᓂᑦ.

ᖃᐅᔨᒋᐊᕐᕕᕐᓴᑦ

ᑕᕝᕚᑭᒧᑦ ᒥᒃᖠᒋᐊᖅᑎᑦᑎᓂᕐᒧᑦ ᑲᑎᙵᔪᑦ: tobacco@gov.nu.ca ᐅᕝᕙᓘᓐᓃᑦ 1-866-877-3845

ᓄᓇᕗᒻᒥ ᓄᖅᑲᕐᓂᕐᒧᑦ ᐅᖃᓗᒡᕕᒃᓴᖅ: 1-866-3NU-QUIT (368-7848)