ᐃᓕᓴᐃᔨᑦ

ᐃᓕᓴᐃᔨᑦ

ᑕᕝᕚᑭᒥᑦ ᐊᑐᕐᓂᕐᒥᑦ ᓯᕗᓪᓕᐅᕗᖅ ᐱᑎᑦᑕᐃᓕᒪᔭᐅᔪᓐᓇᖅᑐᒥᑦ ᐱᔾᔪᑕᐅᓪᓗᓂ ᑐᖁᓂᕐᒧᑦ ᐊᒻᒪᓗ ᐋᓐᓂᐊᕐᓂᕐᓂᑦ. ᓄᖅᑲᕐᓂᖅ ᓱᐴᖅᑐᖃᑦᑕᕐᓂᕐᒥᑦ ᐊᖏᔪᕐᔪᐊᒥᑦ ᐊᒃᑐᐃᓂᖃᕈᓐᓇᖅᐳᖅ ᐃᓅᑉ ᐋᓐᓂᐊᖃᖅᑕᐃᓕᒪᑎᓐᓂᖓᓂᑦ! ᑕᒪᓐᓇ ᓱᓕᓗᐊᖅᐳᖅ ᒪᒃᑯᒃᑐᓄᑦ. 85 ᐳᓴᓐᐸᓗᖕᓂ ᓱᐴᖅᑐᖅᑎᐅᔪᑦ ᐱᒋᐊᓚᐅᖅᐳᑦ ᐊᕐᕌᒍᖃᓚᐅᖅᑳᕋᑎᒃ 18-ᓂᑦ.

ᐃᓕᓴᐃᔨᑦ ᐃᑲᔪᕈᓐᓇᖅᐳᑦ ᐃᓕᓐᓂᐊᖅᑎᐅᔪᓂᑦ ᓄᖅᑲᕐᓂᕐᒧᑦ ᑕᕝᕚᑭᒥᑦ. ᑕᒪᓐᓇ ᐃᓚᒋᔭᐅᔪᖅ ᑕᑖᖅᐳᖅ ᓇᓗᓇᐃᒃᑯᑕᓂᑦ ᐊᒻᒪᓗ ᐃᑲᔪᕈᑎᒃᓴᓂᑦ ᐱᔪᓐᓇᖅᑎᑦᑎᓕᕐᓂᕐᒥᑦ ᐃᓕᓴᐃᔨᓂᑦ ᐊᒻᒪᓗ ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑎᐅᔪᓄᑦ.

ᐃᓕᓴᐃᔨᐅᔪᑦ ᓵᙵᕙᒃᐳᑦ ᑕᐃᒪᐃᒐᔪᖕᓂᐅᔪᓂᑦ ᑲᑕᖕᓂᐅᔪᓂᑦ ᐅᖃᓪᓚᖃᑎᖃᖅᑎᓪᓗᒋᑦ ᑕᕝᕚᑭᒥᑦ. ᐅᑯᐊ ᐅᐸᒃᑕᐃᓕᒪᓪᓗᐊᖅᑕᑎᑦ:

ᐅᖃᐅᓯᖃᕐᓂᕐᒥᑦ ᐃᓄᐃᑦ ᓱᐴᖅᑐᓲᑦ “ᐱᐅᙱᓐᓂᖏᓐᓂᑦ”

ᐃᓕᓐᓂᐊᖅᑎᐅᔪᑦ ᐃᓚᖃᕈᓐᓇᖅᐳᑦ ᐊᒻᒪᓗ ᓇᒡᓕᒋᔭᒥᓂᑦ ᓱᐴᖅᑐᓲᖑᔪᓂᑦ. ᐃᑲᔪᕐᓗᒋᑦ ᐃᓕᓐᓂᐊᖅᑎᐅᔪᑦ ᐊᕕᒃᑐᐃᓂᕐᒥᑦ ᐃᒃᐱᒋᔭᒥᓂᑦ ᓱᐴᖅᑐᕐᓂᕐᒧᑦ ᐃᒃᐱᒍᓱᖕᓂᐅᔪᓂᑦ ᐃᓚᒥᓂᑦ. ᖃᐅᔨᒪᑎᓪᓗᒋᑦ ᐃᒃᐱᒍᓱᒍᓐᓇᕐᓂᖏᓐᓂᑦ ᐱᐅᒃᓴᙱᓪᓗᑎᒃ ᓱᐴᖅᑐᕐᓂᕐᒥᑦ ᐊᒻᒪᓗ ᐱᐅᒃᓴᕐᓗᑎᒃ ᐃᓚᒋᔭᒥᓂᑦ ᓱᐴᖅᑐᖅᐸᒃᑐᓂᑦ. ᒪᒃᑯᒃᑐᐃᑦ ᖃᐅᔨᒪᔭᕆᐊᖃᖅᐳᑦ ᓇᖕᒥᓂᖅ ᓂᕈᐊᕐᓂᖃᕈᓐᓇᕐᓂᖏᓐᓂᑦ.

ᐃᓚᐅᑎᑦᑎᖏᓐᓂᖅ ᐃᓕᓐᓂᐊᖅᑎᓂᑦ ᓱᐴᖅᑐᖅᐸᙱᑦᑐᓂᑦ

ᐃᓕᓐᓂᐊᖅᑎᑦ ᓱᐴᖅᑐᖅᐸᙱᑦᑐᑦ ᐃᑲᔪᖅᓱᐃᓂᖃᕐᔪᐊᕈᓐᓇᖅᐳᑦ. ᐃᓕᓐᓂᐊᖅᑎᓪᓗᒋᑦ ᖃᓄᖅ ᐃᑲᔪᖅᓱᐃᔪᓐᓇᕐᓂᖏᓐᓂᑦ ᐱᖃᓐᓇᕆᔭᒥᓂᑦ ᐊᒻᒪᓗ ᐃᓕᓐᓂᐊᖃᑎᒥᓂᑦ ᓄᖅᑲᕐᓂᕐᒧᑦ ᑕᕝᕚᑭᒥᑦ.

ᓇᓗᓇᐃᖅᓯᒃᑲᓐᓂᕐᓂ ᐊᑯᓂᐅᔪᒃᑯᑐᐊᖅ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐊᒃᑐᐃᓂᐅᔪᓂᑦ

ᓱᓕᓪᓗᖓ, ᐊᒥᓱᐃᑦ ᐃᓕᓐᓂᐊᖅᑎᐅᔪᑦ ᐃᓱᒪᒋᔭᖃᙱᓚᑦ ᖃᓄᐃᑦᑐᓐᓇᕐᓂᐅᔪᓂᑦ ᐊᕐᕌᒍᓂᑦ 30-ᓕᐅᓂᐊᖅᑐᓂ ᒪᓐᓇᐅᔪᒥᑦ. ᐱᐅᓂᖅᓴᐅᕗᖅ ᑕᐅᑐᒃᑕᑐᐊᖃᑲᐃᓐᓇᕐᓂᕐᒧᑦ ᒫᓐᓇᐅᔪᒥᑦ ᖃᓄᐃᓕᐅᕐᓂᐅᓂᐊᖅᑐᒥᑦ, ᓲᕐᓗ: 

  • ᒪᒪᙱᓪᓗᓂ ᖃᓂᖓ, ᓄᔭᖏᑦ ᐊᒻᒪᓗ ᐊᓐᓄᕌᖏᑦ;

  • ᑭᒍᑭᖏᑦ ᖁᖅᓱᕐᓗᑎᒃ ᐊᒻᒪᓗ ᐃᓄᒐᙳᐊᖏᑦ;

  • ᐃᓐᓇᕈᖅᐸᓪᓕᐊᓂᕐᒥᑦ ᐅᕕᓂᖓᓐᓂᑦ;

  • ᐊᔪᓕᖅᓯᒪᓂᐅᔪᒥᑦ;

  • ᑮᓇᐅᔭᒧᑦ ᐊᑭᖏᑦ;

  • ᖁᐃᖅᓱᕐᓂᖅᓴᐅᓂᕐᒥᑦ ᐊᒻᒪᓗ ᐳᕙᖕᓄᑦ ᐃᒻᒪᖕᓂᐅᔪᓂᑦ; ᐊᒻᒪᓗ

  • ᒥᑭᒃᖠᒋᐊᕐᓂᐅᔪᒥᑦ ᐱᔪᓐᓇᕐᓂᕐᒥᑦ ᐱᙳᐊᕐᓂᐅᔪᓄᑦ.

ᐃᓱᒪᓂᖅ ᐱᓕᕆᑦᑎᐊᙱᓯᒪᓂᕐᓂ ᐃᓕᓐᓂᐊᖅᑎᐅᔪᖅ ᓱᐴᖅᑐᖃᑦᑕᓕᖅᐸᑦ.

ᐊᔪᕐᓇᕈᓐᓇᖅᐳᖅ ᑕᑯᓗᓂ ᐃᓕᓐᓂᐊᖅᑎᒥᑦ ᓱᐴᖅᑐᖃᑦᑕᓕᖅᑐᒥᑦ, ᐱᓗᐊᖅᑐᒥᑦ ᐃᓕᓐᓂᐊᖅᑎᓯᒪᓇᓱᐊᓚᐅᕐᓗᒍ ᑕᕝᕚᑭᒥᑦ ᐊᑐᕐᓂᕐᒥᑦ ᐊᒻᒪᓗ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐊᒃᑐᐃᓂᐅᔪᓂᑦ.

ᐃᓕᓴᐃᔨᐅᓗᑎᑦ, ᐱᕙᓪᓕᐊᑎᑦᑐᓐᓇᖅᐸᑎᑦ ᐃᓕᓐᓂᐊᖅᑎᕕᑦ ᐃᓱᒪᓕᐅᕆᑦᑎᐊᕐᓂᐅᔪᓂᑦ ᐊᒻᒪᓗ ᐃᒻᒥᓂᒃ-ᐱᒃᑯᒋᓂᕐᒥᑦ. ᐱᔪᓐᓇᖅᑎᑦᑎᓂᐅᔪᒥᑦ ᑐᓂᓗᒋᑦ ᐊᔪᙱᓐᓂᐅᔪᓂᑦ, ᐊᔭᐅᕆᓂᐅᔪᒥᑦ ᐊᒻᒪᓗ ᐅᖃᐅᓯᒃᓴᓂ ᐱᔭᕆᐊᓕᖏᓐᓂᑦ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᓂᕈᐊᕈᓐᓇᕐᓂᕐᒧᑦ. ᐃᓱᐊᓂᑦ, ᑭᖑᓪᓕᖅᐹᖅ ᐃᓱᒪᓕᐅᕆᓂᖅ ᐱᒋᕙᖓᑦ ᓴᓇᓂᕐᒧᑦ.

ᐃᔨᖅᓯᒪᓂᖅ ᐊᑐᖅᐸᒃᑕᕐᓂ ᑕᕝᕚᑭᒥ ᐅᑎᖅᑎᐅᒍᕕᑦ.

ᐃᓕᓐᓂᐊᖅᑎᐅᔪᑦ ᐃᓕᑦᑎᔪᓐᓇᖅᐳᑦ ᐃᕝᕕᑦ ᓇᖕᒥᓂᖅ ᐊᑐᖅᓯᒪᔭᕐᓂᑦ ᑕᕝᕚᑭᒧᑦ ᐊᑐᕐᓂᕆᔭᕐᓂᑦ. ᐃᓗᐊᕆᒍᕕᐅᒃ, ᑐᓂᓯᔪᓐᓇᖅᐳᑎᑦ ᓱᓕᔪᓂᑦ, ᓯᕗᓪᓕᕐᒥᑦ-ᐃᒻᒥᓂᙶᖅᑐᒥᑦ ᐅᖃᐅᓯᒃᓴᓂᑦ ᑕᕝᕚᑭᒧᑦ ᐊᔪᓕᖅᓯᒪᓂᐅᔪᒥᑦ.