ᐃᓚᒌᑦ ᐊᒻᒪ ᐱᖃᓐᓇᕆᔭᐃᑦ

ᐃᓚᒌᑦ ᐊᒻᒪ ᐱᖃᓐᓇᕆᔭᐃᑦ

ᐃᓗᐊᖅᓴᐃᔨᐅᔭᕆᐊᖃᙱᓚᑎᑦ ᐅᕝᕙᓘᓐᓃᑦ ᓘᒃᑖᖑᓗᑎᑦ ᑭᓇᑐᐃᓐᓇᒥᒃ ᐃᑲᔪᕐᓂᕐᒧᑦ ᓄᖅᑲᕐᓂᕐᒧᑦ ᑕᕝᕚᑭᒥᑦ. ᐃᑲᔪᖅᓱᐃᔪᓐᓇᖅᐳᑎᑦ ᐱᖃᓐᓇᕆᔭᕐᓂᑦ ᐅᕝᕙᓘᓐᓃᑦ ᐃᓚᒋᔭᕐᓂᑦ ᖃᓂᒋᔭᖓᓂ ᓱᐴᖅᑐᖅᐸᙱᓪᓗᑎᑦ.

ᐅᑯᐊ ᐃᑲᔪᕈᑎᐅᔪᑦ ᐃᓕᖕᓂᑦ ᐃᑲᔪᕐᓂᕐᒧᑦ ᐃᑲᔪᖅᓱᐃᓂᕐᒧᑦ ᓱᐴᖅᑐᖅᑎᐅᔪᓂᑦ ᓄᖅᑲᕈᒪᔪᓂᑦ:

ᐊᐱᕆᓗᒋᑦ ᖃᓄᖅ ᐃᑲᔪᕈᓐᓇᕐᒫᖅᐱᒋᑦ

  • ᐊᐱᕆᓗᒋᑦ ᖃᓄᖅ ᐃᑲᔪᖅᓰᔪᓐᓇᕐᒪᖔᖅᐱᑦ. ᑕᒪᓐᓇ ᑕᑯᒃᓴᐅᑎᑦᑎᕗᖅ ᓇᒡᓕᒍᓱᖕᓂᕐᓂ ᐊᒻᒪᓗ ᐱᓕᕆᑦᑎᐊᖁᓂᕐᓂᑦ

  • ᓇᒡᓕᒋᔭᐃᑦ ᐅᕝᕙᓘᓐᓃᑦ ᐱᖃᓐᓇᕆᔭᐃᑦ ᖃᐅᔨᒪᓂᖓᓂ ᐃᓕᖕᓄᑦ ᐅᐸᒍᓐᓇᕐᓂᖏᓐᓂᑦ.

ᐃᑲᔪᕐᓗᒋᑦ ᐊᓯᔾᔩᓂᕐᒥᑦ ᐊᑐᖅᐸᒃᑕᖏᓐᓂᑦ

  • ᑕᒪᓐᓇ ᑐᑭᖃᕈᓐᓇᖅᐳᖅ:

  • ᐱᓱᔪᖃᑎᒋᓗᒍ ᓄᓇᒥᑦ,

  • ᐅᐸᒃᓯᒪᖃᑎᒋᓗᒍ ᑕᕝᕚᑭᒥᑦ-ᐊᑐᖅᐸᙱᑦᑐᓂᑦ ᐊᖏᕐᕋᐅᔪᓂᑦ, ᐅᕝᕙᓘᓐᓃᑦ

  • ᖃᐃᖁᓗᒍ ᐱᖃᓐᓇᕆᔭᐃᑦ ᐅᕝᕙᓘᓐᓃᑦ ᐃᓚᒋᔭᐃᑦ ᓂᕆᔭᖅᑐᖁᓗᒍ

  • ᐱᑦᑕᐃᓕᒪᓗᑎᑦ ᐱᓕᕆᓂᐅᔪᓂᑦ ᐃᓚᐅᖃᑕᐅᕙᒃᑐᓂ ᓱᐴᖅᑐᕐᓂᕐᒥᑦ.

ᐸᓯᒃᖠᖏᓪᓗᑎᑦ, ᐊᔪᕆᖅᓯᐅᖏᓪᓗᑎᑦ ᐅᕝᕙᓘᓐᓃᑦ ᓱᑰᙱᓪᓗᑎᑦ

ᑕᒪᓐᓇ ᐃᓄᖕᒥᑦ ᐊᑲᐅᙱᓕᖅᑎᑦᑎᒃᑲᓐᓂᕈᓐᓇᖅᑐᖅ ᐅᕝᕙᓘᓐᓃᑦ ᐊᖏᒡᓕᒋᐊᖅᑎᑦᑎᓗᓂ ᐊᒃᓱᕉᓴᖅᑐᒃᑰᕐᓂᖓᓂ. ᖁᑦᑎᒃᑐᒥ ᐊᒃᓱᕉᓴᖅᑐᒃᑰᕐᓂᐅᓂᖅ ᐱᑎᑦᑎᔪᓐᓇᖅᐳᖅ ᓱᐴᖅᑐᕐᓂᕐᒥᑦ. ᐊᐱᕆᓗᑎᑦ, “ᐅᓪᓗᐃᑦ ᖃᓄᐃᑉᐸ?” ᐃᒪᓐᓇᐅᙱᖔᖅᑐᖅ “ᓱᐴᖅᑐᒻᑲᐅᕕᑦ ᐅᓪᓗᒥ?”

ᑐᓂᓯᓗᑎᑦ ᐊᑐᖅᑐᓂᑦ ᐃᑲᔪᖅᓱᐃᓂᕐᒥᑦ

ᐃᓱᒪᒋᔭᖃᕆᑦ ᐃᑲᔪᕐᓂᕐᒧᑦ ᐱᓕᕆᐊᒃᓴᐅᔪᓂᑦ. ᐊᑦᑎᒃᓯᒋᐊᖅᓯᔪᓐᓇᖅᑐᖅ ᐱᖃᓐᓇᕆᔭᕕᑦ ᐅᕝᕙᓘᓐᓃᑦ ᐃᓚᒋᔭᕕᑦ ᐊᒃᓱᕉᓴᖅᑐᒃᑰᕐᓂᖓᑕ ᑭᒡᓕᖓᓂᑦ. ᐃᓱᒪᒋᒍᒃ:

  • ᓂᕿᓕᐅᕐᓂᕐᒥᑦ;

  • ᓴᓗᒻᒪᖅᓴᐃᓂᕐᒥᑦ ; ᐅᕝᕙᓘᓐᓃᑦ

  • ᐸᐃᕆᑦᑎᓂᕐᒥᑦ.

ᐱᔪᓐᓇᖅᑎᑦᑎᓗᓂ ᓂᙵᒃᓴᕋᐃᓐᓂᐅᔪᒥᑦ

ᐊᖏᖅᓯᒪᓗᑎᑦ ᐱᖃᓐᓇᕆᔭᐃᑦ ᐅᕝᕙᓘᓐᓃᑦ ᐃᓚᒋᔭᐃᑦ ᓂᙵᐅᒪᑐᐃᓐᓇᕆᐊᖃᕐᓂᖓᓂ ᐅᕝᕙᓘᓐᓃᑦ ᐊᑲᖅᓴᖅᓴᕋᐃᙱᓐᓂᖓᓂ. ᑕᒪᒃᑯᐊ ᐊᑐᖅᑕᐅᒐᔪᒃᑐᑦ, ᑕᐃᒪᐃᓚᐅᑲᖕᓂᐅᔪᑦ ᐋᓐᓂᐊᕈᑕᐅᖃᑦᑕᖅᑐᑦ ᐱᔪᒪᓕᕐᓂᐅᔪᓂᑦ. ᐃᓕᖕᓅᖓᓂᖏᓐᓂᑦ ᐃᓱᒪᒋᖏᓪᓗᒋᑦ.

ᑐᑭᓯᐅᒪᓂᖃᕐᓗᑎᑦ ᒥᓗᒃᓯᑲᑕᖕᓂᐅᔪᓂᑦ

ᓱᐴᖅᑐᕐᓂᖅ ᓴᙱᔪᐊᓘᓪᓗᓂ ᐊᔪᓕᖅᓯᒪᓂᐅᕗᖅ. ᐃᓄᐃᑦ ᓄᖅᑲᕋᓱᓲᖑᕗᑦ ᖃᔅᓰᖅᓱᒐᓚᒃᖢᑎᒃ ᓄᖅᑲᑦᑎᐊᒻᒪᕆᓚᐅᖅᑳᕋᑎᒃ. ᒥᓗᒃᓯᑲᑕᓕᕈᓂ, ᐱᖃᓐᓇᕆᔭᐃᑦ ᐅᕝᕙᓘᓐᓃᑦ ᐃᓚᒋᔭᐃᑦ ᖃᐅᔨᒪᑎᒍᒃ:

  • ᐅᐱᒋᔭᐃᑦ ᐃᖏᕐᕋᓂᕆᔭᖓᓂ;

  • ᐅᒃᐱᕆᓂᖃᖅᑕᐃᑦ ᐊᔪᙱᓐᓂᖓᓂ ᐱᔪᓐᓇᕐᓂᖓᓂ; ᐊᒻᒪᓗ

  • ᐱᓕᕆᑦᑎᐊᕐᓂᖃᖅᑐᖅ.

ᖁᕕᐊᒋᕙᒡᓗᒋᑦ ᐱᔪᓐᓇᕐᓂᐅᔪᑦ

ᐸᕐᓇᐃᓗᑎᑦ ᖁᕕᐊᓱᒍᑎᒃᓴᒥᑦ ᓇᓗᓇᐃᖅᓯᓂᕐᒧᑦ ᐱᖅᑲᓐᓇᕆᔭᕕᑦ ᐅᕝᕙᓘᓐᓃᑦ ᐃᓚᒋᔭᖅᐱᑦ ᐅᔾᔨᕐᓇᕐᔪᐊᖅᑐᒥ ᑕᕝᕚᑭᒥᑦ-ᐊᑐᙱᔅᓲᔭᕐᓂᕐᒧᑦ. ᖁᕕᐊᓲᑎᖃᕈᓐᓇᖅᐳᑎᑦ:

  • ᓯᕗᓪᓕᕐᒥ ᑕᕝᕚᑭᒥᑦ-ᐊᑐᙱᓪᓗᓂ ᐱᓇᓱᐊᕈᓯᐅᔪᒥᑦ,

  • ᓯᕗᓪᓕᕐᒥ ᑕᖅᑭᒥᑦ ᐊᑐᙱᓐᓂᕐᒥᑦ, ᐊᒻᒪᓗ

  • ᐱᖓᓱᖓᓐᓂ ᑕᖅᑭᒥᑦ ᐊᑐᙱᓐᓂᕐᒥᑦ.

ᑐᓂᓯᕙᒡᓗᑎᑦ ᐃᖅᑲᐃᔾᔪᑎᓂᑦ

ᐃᖅᑲᐃᑎᑉᐸᒡᓗᒍ ᐱᖃᓐᓇᕆᔭᐃᑦ ᐅᕝᕙᓘᓐᓃᑦ ᐃᓚᒋᔭᐃᑦ ᖃᓄᐃᒻᒪᑦ ᓄᖅᑲᕈᒪᓚᐅᕐᓂᖓᓐᓂᑦ ᓯᕗᓪᓕᖅᐹᒥᑦ. ᐃᒪᐃᓕᐅᕈᓐᓇᕐᒥᔪᑎᑦ:

  • ᐅᖃᐅᓯᕆᒃᑲᓐᓂᕐᓗᒋᑦ ᐃᑲᔪᕐᓂᐅᔪᑦ ᑕᕝᕚᑭᒥᑦ-ᐊᑐᙱᓐᓂᕐᒧᑦ, ᐊᒻᒪᓗ

  • ᐅᖃᕐᓗᑎᑦ ᐊᑐᓪᓗᐊᕐᓂᖓᓄᑦ ᑮᓇᐅᔭᐃᑦ ᑲᑎᑕᖏᑦ ᓂᐅᕕᕐᓂᕐᒧᑦ ᐃᒻᒥᓂᒃ ᐱᒃᑯᒋᓗᓂ.

ᐅᖃᐅᑎᓗᒋᑦ ᐊᑭᖃᙱᑦᑐᒥ ᐃᑲᔪᕐᓂᐅᔪᒥᑦ ᐊᑐᐃᓐᓇᐅᔪᒥᑦ ᓄᓇᕗᒻᒥ ᓄᖅᑲᕐᓂᕐᒧᑦ ᐅᖃᓗᒡᕕᒃᓴᒥᑦ