ᑕᕝᕚᑭᒥᑦ-ᐊᑐᙲᓐᓇᕐᓂ

ᑕᕝᕚᑭᒥᑦ-ᐊᑐᙲᓐᓇᕐᓂ

ᓄᖅᑲᕐᓂᕐᒧᑦ ᓱᐴᖅᑐᕐᓂᕐᒥᑦ ᐱᓕᕆᓂᕐᔪᐊᖑᕗᖅ. ᐱᓕᕆᑦᑎᐊᖅᐳᑎᑦ! ᑭᒃᑯᓕᒫᑦ ᓄᖅᑲᖅᑐᑦ ᐃᑲᕗᖃᑕᐅᕗᑦ ᓴᓇᓂᕐᒧᑦ ᓄᓇᕗᒻᒥ ᑕᕝᕚᑭᒥᑦ-ᐊᑐᙱᓪᓗᓂ! ᓄᖅᑲᕐᓂᕆᔭᐃᑦ ᐃᖏᕐᕋᓂᕆᓂᐊᖅᑕᕐᓂᑦ ᐃᓱᓕᙱᓚᖅ ᐅᕙᓂ. ᓄᖅᑲᕐᓂᖅ ᐃᓅᓯᓕᒫᒧᑦ ᐱᓕᕆᔾᔪᓯᐅᕗᖅ, ᑕᑖᖅᖢᓂ ᖁᒻᒧᖕᓂᐅᔪᓂᑦ ᐊᒻᒪᓗ ᑲᑕᖕᓂᐅᔪᓂᑦ.

ᐊᑐᒃᑭᑦ ᐅᑯᐊ ᐃᑲᔪᕈᑕᐅᔪᑦ ᑕᕝᕚᑭᒥ ᐊᑐᙲᓐᓇᕐᓂᕐᒧᑦ:

  • ᐃᖃᐃᓕᓴᐃᓐᓇᖅᐸᒡᓗᑎᑦ;

  • ᓂᕆᕙᒡᓗᑎᑦ ᓂᕿᑦᑎᐊᕙᖕᓂᑦ;

  • ᖃᐅᔨᒪᓗᒋᑦ ᐱᔪᒪᓕᕈᑎᒋᕙᒃᑕᑎᑦ;

  • ᓇᓂᓯᕙᒡᓗᑎᑦ ᐊᓯᖏᓐᓂ ᓄᑖᓂᑦ ᐱᓕᕆᓂᕐᒧᑦ ᐊᒃᓱᕈᕐᓇᖅᑐᒃᑰᕐᓂᕐᓂᑦ;

  • ᖁᕕᐊᒋᓗᒋᑦ ᓄᖅᑲᕐᓂᕐᒧᑦ ᐃᖏᕐᕋᓂᕆᓂᐊᖅᑕᕐᓂᑦ; ᐊᒻᒪᓗ

  • ᐃᓕᖕᓂᑦ ᐊᑭᓖᓗᑎᑦ ᐱᓗᑎᑦ ᑮᓇᐅᔭᐃᑦ ᐊᑐᙱᑕᕐᓂ ᑲᑎᑕᕐᓂᑦ ᐊᒻᒪᓗ ᐊᑐᕐᓗᒍ ᐱᔪᒪᔭᕐᓂᑦ.

ᓄᖅᑲᕐᓂᖅ ᓱᐴᖅᑐᕐᓂᕐᒥᑦ ᐱᓕᕆᓂᕐᔪᐊᖑᕗᖅ! ᐃᖅᑲᐅᒪᓗᑎᑦ ᖁᕕᐊᓲᑎᖃᕐᓂᕐᒥᑦ ᐃᓚᖕᓂᑦ, ᐱᖃᓐᓇᕆᔭᕐᓂᑦ ᐊᒻᒪᓗ ᓄᓇᓕᖕᓂᑦ. ᖁᕕᐊᓲᑎᒋᓗᒍ ᓄᖅᑲᕐᓂᕐᓄᑦ ᐅᓪᓗᖓᑕ ᓇᓪᓕᐅᓐᓂᖓᓂᑦ! ᐃᓄᐃᑦ ᖃᐅᔨᒪᑎᓪᓗᒋᑦ ᑕᕝᕚᑭ ᑕᒫᓂ ᐃᓂᒃᓴᖃᙱᑦᑐᖅ!