ᓂᕿᑦᑎᐊᕙᐅᓂᕐᓄᑦ ᐃᑲᔪᕈᑎᒃᓴᑦ ᓄᖅᑲᕐᓂᕐᒧᑦ

ᓂᕿᑦᑎᐊᕙᐅᓂᕐᓄᑦ ᐃᑲᔪᕈᑎᒃᓴᑦ ᓄᖅᑲᕐᓂᕐᒧᑦ

ᓂᕆᒐᔪᒡᓗᑎᑦ ᐊᐅᓚᑦᑎᓂᕐᒧᑦ ᐱᔪᒪᓂᐊᓗᖕᓂᑦ

  • ᓂᕆᕙᒡᓗᑎᑦ ᐃᑲᕐᕋᐃᑦ ᖃᒡᓯᐊᕐᔪᖕᓂ ᐊᓂᒍᕌᖓᑦ ᐃᖅᑯᒻᒪᓚᐅᖅᑎᓪᓗᑎᑦ.

  • ᓂᕆᓐᓇᐅᔪᓂ ᓂᕇᓐᓇᐅᔭᕐᓗᑎᑦ.

  • ᓂᕆᕙᒡᓗᑎᑦ ᐱᖓᓱᐃᖅᓱᕐᓗᑎᑦ ᐅᓪᓗᕐᒥᑦ.

  • ᑳᓕᕈᕕᑦ ᓂᕆᓐᓇᖅᓯᓚᐅᙱᑎᓪᓗᒍ, ᒥᑭᑦᑐᒥᑦ ᑕᒧᓗᒡᓗᑎᑦ.

ᑕᐅᑐᒃᑕᑐᐊᖃᑲᐃᓐᓇᕐᓗᑎᑦ ᓈᒪᑦᑎᐊᖅᑐᒥ ᓂᕆᓐᓇᐅᔪᒥᑦ ᐊᒻᒪᓗ ᐃᓄᒃᓯᐅᑎᓂᑦ ᓂᕿᓂᑦ

  • ᐊᑐᓂ ᓂᕆᓐᓇᐅᔪᑦ ᐱᖓᓱᓪᓗᐊᓂ ᑎᓴᒪᓂᑦ ᓂᕿᓂᑦ ᑲᑎᙵᓂᐅᔪᓂᑦ.

  • ᐊᑐᓂ ᑕᒧᓗᒃᓴᐃᑦ ᒪᕐᕈᓪᓗᐊᓂ ᓂᕿᓂᑦ ᑲᑎᙵᓂᖃᓪᓗᐊᖅᑐᑦ.

 

ᖃᓃᑦ ᐱᔭᒃᓴᖃᖅᑏᓐᓇᕐᓗᒍ

  • ᑕᒧᐊᓇᓱᐊᖅᐸᒡᓗᑎᑦ ᑭᓱᑐᐃᓐᓇᒥᑦ. ᓂᕈᐊᒐᒃᓴᑦᑎᐊᕙᐅᔪᑦ ᑎᐱᑦᑎᐊᕆᒃᑐᓂ ᑯᒃᑭᖏᔭᐅᑎᑦ, ᐊᐅᒃᑕᔫᑦ ᑐᖅᖢᐊᖑᔪᓂᑦ ᐅᕝᕙᓘᓐᓃᑦ ᓱᑲᖃᙱᑦᑐᓂ ᑕᒧᐊᔭᒐᖅ. ᒥᓪᓗᐊᕈᓐᓇᕐᒥᔪᑎᑦ ᓂᓚᖕᓂᑦ ᐊᒻᒪᓗ ᖁᐊᖑᔪᓂᑦ ᓰᕐᓇᖅᑐᓂ ᐱᕈᖅᑐᕕᓂᕐᓂ.

  • ᐊᓕᐊᓇᐃᒋᑦᑎᐊᕈᒃ ᑕᒪᐅᔭᐃᑦ! ᓂᖀᑦ ᒪᒪᕐᓂᖅᓴᐅᕗᑦ ᐊᒻᒪᓗ ᑎᐱᑦᑎᐊᕆᖕᓂᖅᓴᐅᕗᑦ ᓄᖅᑲᖅᓯᒪᓕᖅᑎᓪᓗᑎᑦᑦ ᓱᐴᖅᑐᕐᓂᕐᒥᑦ. ᑭᓯᐊᓂ, ᐊᔪᕐᓇᙱᑎᑦᑎᕙᒃᐳᖅ ᓂᕆᓗᐊᕐᓂᕐᒧᑦ. ᓱᒃᑲᐃᓪᓗᑎᑦ ᓂᕆᕋᔮᖅᐸᒡᓗᑎᑦ.

  • ᑕᒧᓗᒐᒃᓴᓂᑦ ᐃᓕᓗᒋᑦ ᓵᒧᑦ; ᐃᑲᔪᕈᓐᓇᖅᐳᖅ ᓂᕆᓗᐊᖅᑕᐃᓕᒪᓂᕐᒧᑦ.

ᐱᐅᕋᑦᑎᐊᖅᓯᒪᓗᑎᑦ ᓂᕿᑦᑎᐊᕙᖕᓂᑦ ᑕᒧᓗᒐᒃᓴᓂᑦ ᓲᕐᓗ:

  • ᐋᐳᓂᒃ ᐊᕕᒃᑐᖅᓯᒪᔪᓂᑦ,

  • ᒍᓚᐃᑉᓂᑦ,

  • ᐸᐅᕐᙵᓂᑦ,

  • ᑭᐊᕆᑦ-ᕋᓛᑦ,

  • ᑐᒪᐃᑐᕋᓛᑦ,

  • ᖃᓛᖅᑎᓯᒪᔪᓂᑦ ᒪᓐᓂᖕᓂ,

  • ᐃᒐᐅᑉ ᐃᓗᐊᓂ ᐆᑦᑎᓯᒪᔪᒥᑦ ᐸᓚᐅᒑᕐᒥᑦ

  • ᐸᓂᖅᑐᑦ, ᓱᑲᖃᙱᑦᑐᓂᑦ ᐅᓪᓛᕈᒻᒥᑕᕐᓂᑦ

  • ᓂᒃᑯᓂᑦ ᐅᕝᕙᓘᓐᓃᑦ ᐱᔅᓯ,

  • ᐹᑉᑯᐊᓐ (ᐅᖅᓱᖃᓗᐊᙱᑦᑐᒥᑦ, ᑎᖅᑎᑕᖅᓯᒪᙱᑦᑐᒥᑦ),

  • ᐳᕋᑦᓱ,

  • ᐊᓛᓯᒥᑦ ᓴᓇᓯᒪᔪᑦ ᓯᒐᓛᑦ/ᑲᐃᒃ,

  • ᖁᐅᕈᔪᖕᒥᑦ ᐃᓄᒃᓯᐅᑎᓂᑦ ᓂᕿᓂᑦ,

  • ᑕᕆᐅᖃᙱᑦᑐᑦ ᓇᐹᖅᑐᕐᒥᐅᑕᑦ ᓴᐅᓃᑦ,

  • ᐃᓗᐃᑦᑐᓂ ᑕᖏᓕᖕᓂ ᓯᒐᓛᑦ ᖄᕐᒥᐅᑕᓕᒃ ᑑᓇᒥᑦ ᐅᕝᕙᓘᓐᓃᑦ ᓵᒥᓐᒥᑦ; ᐅᕝᕙᓘᓐᓃᑦ

  • ᔫᒍᑦᒥᑦ ᐅᕝᕙᓘᓐᓃᑦ ᓰᕐᓇᖅᑐᓂ ᐱᕈᖅᑐᕕᓂᕐᓂ ᐊᓗᖕᓂᑦ.

ᐃᒪᖅ ᐃᒥᒐᔪᓛᖑᓗᒍ

  • ᐃᒥᖅᐸᒡᓗᑎᑦ 8-ᓂᑦ ᐃᒥᐅᑎᓂᑦ ᐃᒪᕐᒥᑦ ᐅᖓᑖᓄᓪᓘᓐᓃᑦ ᖃᐅᑕᒫᑦ. ᐱᒻᒪᕆᐅᕗᖅ ᐅᓪᓗᖓᓂ ᓄᖅᑲᕐᓂᕐᓂᑦ.

  • ᐃᒥᖅᐸᙱᓪᓗᑎᑦ ᑳᕖᓐᖃᓗᐊᖅᑐᓂᑦ, ᐊᔪᕐᓇᖅᑎᑦᑎᕙᖕᒪᑕ ᑕᕝᕚᑭᒥᑦ-ᐊᑐᙲᓐᓇᕐᓂᕐᒧᑦ. ᑲᑦᑐᖅᐸᓪᓕᐊᓗᒍ ᑳᐱᑐᖅᐸᖕᓂᕐᓂᑦ, ᑏ, ᐆᒻᒪᕆᖕᓇᖅᑐᓂ ᐃᒥᒐᕐᓂ ᐊᒻᒪᓗ ᐃᒥᒐᕐᓂᑦ.

  • ᐃᓐᓇᐅᔪᑦ ᐱᖓᓱᑦ ᐅᖓᑖᓄᑦ ᑳᕖᓐᓕᖕᓂ ᓂᐅᖅᑲᖃᑦᑕᓪᓗᐊᙱᑦᑐᑦ.

  • ᓯᖓᐃᔪᑦ ᐊᕐᓇᐃᑦ ᐃᕐᙳᓯᓂᑦ ᒪᕐᕉᑉ ᐅᖓᑖᓄᑦ ᓂᐅᖅᑲᖃᑦᑕᓪᓗᐊᙱᑦᑐᑦ.