ᓄᖅᑲᕐᓂᕐᒧᑦ ᐃᖏᕐᕋᓂᐅᔪᖅ

ᓄᖅᑲᕐᓂᕐᒧᑦ ᐃᖏᕐᕋᓂᐅᔪᖅ

ᓄᖅᑲᕐᓂᖅ ᐊᒃᓱᕈᕐᓇᖅᑐᐊᓘᕗᖅ ᐊᒻᒪᓗ ᑕᐃᒪᓐᓇᑎᑐᑦ ᑭᓱᑐᐃᓐᓇᓂ ᐊᔪᕐᓇᖅᑐᓂᑦ - ᐱᓂᖃᕆᐊᖃᖅᐳᖅ ᐸᕐᓇᐃᓂᕐᒥᑦ. ᐃᓚᖏᑦ ᐃᓄᐃᑦ ᓱᐴᖅᑐᐃᓐᓇᖅᐸᒃᐳᑦ ᓄᖅᑲᓚᐅᖅᑎᓪᓗᒋᑦ ᐸᕐᓇᒃᐸᒌᖅᓯᒪᓚᐅᙱᒻᒪᑕ ᓯᕗᓂᒃᓴᒧᑦ. ᐃᓚᐅᖃᑕᐅᓪᓗᐊᙱᓚᑎᑦ ᓱᒃᑲᓴᐅᑎᓂᕐᒧᑦ ᐸᕐᓇᒃᓯᒪᑦᑎᐊᙱᓪᓗᑎᑦ, ᕼᐃᓖ? ᑕᐃᒪᓐᓇᑦᑕᐅᖅ, ᐱᓕᒻᒪᒃᓴᔭᕆᐊᖃᖅᐳᑎᑦ ᓄᖅᑲᕐᓂᕐᒧᑦ ᓱᐴᖅᑐᖃᑦᑕᕐᓂᕐᒥᑦ.

ᐊᑯᓂᐅᒐᓚᒃᑐᒥᑦ ᐸᕐᓇᒃᐸᓪᓕᐊᒋᑦ; ᐃᓱᒪᐃᑦ ᐊᒻᒪᓗ ᑎᒦᑦ ᐸᕐᓇᒃᐸᓪᓕᐊᓗᒍ ᑕᒪᑐᒧᖓ ᐊᓯᔾᔨᕐᔪᐊᕐᓂᐅᓂᐊᖅᑐᒧᑦ. ᑭᒃᑯᓕᒫᑦ ᓄᖅᑲᕐᓂᕐᒧᑦ ᐃᖏᕐᕋᓂᕆᓂᐊᖅᑕᖓ ᐊᔾᔨᐅᙱᓚᑦ ᑭᓯᐊᓂ ᐱᒋᐅᕈᑕᐅᔪᓂ ᐊᑐᕐᓂᖅᑕᖃᖅᐳᖅ ᑭᒃᑯᓕᒫᓂᑦ ᐃᑲᔪᕈᓐᓇᖅᑐᓂᑦ.

ᓂᕈᐊᖅᓯᓗᑎᑦ ᓄᖅᑲᕐᓂᕐᒧᑦ ᐅᓪᓗᖓᓂ.  ᐱᒻᒪᕆᐅᕗᖅ ᐃᓱᒪᒃᓴᖅᓯᐅᕆᓂᕐᒥᑦ ᐅᓪᓘᔪᒥᑦ ᐱᒋᐊᕐᓂᐊᕐᓂᕐᓄᑦ ᓄᖅᑲᕐᓂᕐᒧᑦ ᐃᖏᕐᕋᓂᐅᔪᒥᑦ.

ᐃᓕᖕᓂᑦ ᐸᕐᓇᒃᐸᓪᓕᐊᓗᑎᑦ.  ᖃᐅᔨᓴᕐᓂᐅᔪᓂᑦ ᓇᓂᓯᓯᒪᕗᑦ ᐸᕐᓇᒃᓯᒪᓗᓂ ᐃᓕᖕᓂᑦ ᐃᑲᔪᕐᓂᖃᕐᓂᐊᖅᐳᖅ ᓄᖅᑲᕐᓂᕐᒧᑦ ᐊᒻᒪᓗ ᑕᕝᕚᑭᒥᑦ-ᐊᑐᙲᓐᓇᓕᕐᓗᓂ. ᖃᐅᔨᒋᐊᕐᓂᐊᖅᐸᐃᑦ ᓄᖅᑲᕐᓂᕐᒧᑦ ᐃᑲᔪᕈᑕᐅᔪᓂᑦ ᐅᖃᖃᑎᖃᕐᓗᑎᓪᓘᓐᓃᑦ ᓄᖅᑲᕐᓂᕐᒧᑦ ᐃᑲᔪᖅᓱᐃᔨᒧᑦ ᐃᓕᖕᓂ ᐃᑲᔪᕐᓂᐊᖅᑐᒥᑦ ᓄᖅᑲᕐᓂᕐᓄᑦ ᐃᖏᕐᕋᓂᕆᔭᕐᓂᑦ.

ᐱᓕᒻᒪᒃᓴᕐᓗᑎᑦ ᓄᖅᑲᕐᓂᕐᒧᑦ. ᒫᓐᓇ ᐱᓕᒻᒪᒃᓴᕕᑦᑎᐊᕙᐅᕗᖅ ᓄᖅᑲᕐᓂᕐᒥᑦ. ᑕᐃᒪᐃᑦᑐᓐᓇᖅᐳᑎᑦ ᐱᑦᑕᐃᓕᒪᓗᑎᑦ ᐱᔪᒪᓕᕈᑎᒋᕙᒃᑕᕐᓂᑦ. ᐃᓱᒪᕙᓪᓕᐊᓕᕆᑦ ᐊᓯᔾᔩᓂᕐᒧᑦ ᖃᐅᑕᒫᑦ ᐱᓕᕆᐊᕆᕙᒃᑕᕐᓂᑦ. ᓲᕐᓗ:

  • ᓱᐴᖅᑐᕋᔪᒃᑯᕕᑦ ᐃᖅᑯᒻᒪᑐᐊᕈᕕᑦ, ᐅᖓᕙᕆᐊᕐᓗᒍ ᓯᕗᓪᓕᖅᐹᒥᑦ ᓱᐴᖅᑐᕐᓂᐊᖅᑕᐃᑦ ᑭᓯᐊᓂ ᐅᓪᓛᕈᒻᒥᑖᓂᒃᑯᕕᑦ.
  • ᓱᐴᖅᑐᕋᔪᒃᑯᕕᑦ ᐃᖅᑲᓇᐃᔭᕆᐊᖅᑎᓪᓗᑎᑦ, ᐊᓂᓵᓕᓂᖅᓴᐅᕼᓱᐊᕐᓗᑎᑦ ᐊᒻᒪᓗ ᐊᐅᒪᓕᑦᑎᓗᑎᑦ ᑭᓯᐊᓂ ᑎᑭᒃᑯᕕᑦ.
  • ᓱᐴᖅᑐᕋᔪᒃᑯᕕᑦ ᐱᖃᓐᓇᕆᔭᑎᑦ ᐅᐸᒃᓯᒪᑎᓪᓗᒋᑦ, ᓱᐴᖅᑐᕆᐊᕋᓱᖃᑦᑕᕆᑦ ᐃᓄᑑᓗᑎᑦ. ᑕᒪᓐᓇ ᐃᑲᔪᕐᓂᖃᕐᓂᐊᖅᐳᖅ ᐃᓅᖃᑎᒌᖕᓂᕐᓂ ᐊᒻᒪᓗ ᓱᐴᖅᑐᕐᓂᕆᔭᕐᓂᑦ. 

ᓄᖅᑲᕐᓂᕐᒧᑦ ᐅᓪᓗᐃᑦ

ᐅᐱᓐᓇᖅ! ᐅᓪᓗᒥ ᓯᕗᓪᓕᖅᐹᖑᕗᖅ ᐅᓪᓗᖓᓂ ᐋᓐᓂᐊᖃᖅᑕᐃᓕᒪᓂᖅᓴᐅᓂᕐᒧᑦ, ᑕᕝᕚᑭᒥᑦ-ᐊᑐᙱᓪᓗᓂ ᐃᓅᓯᕐᓂᑦ. 

ᐅᑯᐊ ᐃᑲᔪᕈᑕᐅᔪᓐᓇᖅᑐᑦ ᐃᓕᖕᓂ ᐃᑲᔪᕐᓂᖃᕐᓂᐊᖅᑐᓄᑦ ᐊᓂᒍᐃᓂᕐᒧᑦ ᓄᖅᑲᕐᓂᕐᒧᑦ ᐅᓪᓗᖓᓂ ᐊᒻᒪᓗ ᐅᓪᓗᐃᑦ ᑎᑭᑉᐸᓪᓕᐊᓂᐊᖅᑐᓄᑦ:

  • ᐊᑭᖃᙱᑦᑐᒥ ᐃᓅᓯᓕᕆᔭᐅᒋᑦ ᐊᒻᒪᓗ ᐃᑲᔪᖅᓱᐃᓂᕐᒧᑦ ᓄᖅᑲᕐᓂᕐᒧᑦ ᐃᑲᔪᖅᑕᐅᓂᕐᒧᑦ ᐃᑲᔪᖅᑎᐅᔪᒥᑦ.
  • ᐃᓕᓐᓂᐊᕐᓗᑎᑦ ᓄᖅᑲᕐᓂᕐᒧᑦ ᐃᑲᔪᕈᑕᐅᔪᓄᑦ ᐊᒻᒪᓗ ᐃᓅᓕᓴᐅᑎᓂᑦ ᐃᓕᖕᓂᑦ ᐃᑲᔪᕐᓂᐊᖅᑐᓂᑦ ᐊᓂᒍᐃᑎᑦᑎᓂᕐᒧᑦ ᐱᔪᒪᓕᕐᓂᐊᓗᖕᓂᑦ. ᓇᕿᓪᓗᒍ ᐅᕘᓇ ᖃᐅᔨᒋᐊᒃᑲᓐᓂᕐᓂᕐᒧᑦ.
  • ᐅᖃᖃᑎᖃᕐᓗᑎᑦ ᐱᖃᓐᓇᕆᔭᕐᓄᑦ, ᐃᓚᖕᓄᑦ ᐊᒻᒪᓗ ᓄᓇᓕᖕᓄᑦ ᓄᖅᑲᕐᓂᕐᒧᑦ ᐅᓪᓗᕆᔭᕐᓂᑦ. ᖃᐅᔨᑎᓪᓗᒋᑦ ᖃᓄᖅ ᐃᓕᖕᓂᑦ ᐃᑲᔪᕈᓐᓇᕐᒪᖔᑕ.
  • ᐃᓚᐅᓕᕐᓗᑎᑦ “ᓄᓇᕗᒻᒥ ᓄᖅᑲᖅᐳᑦ” ᓄᓇᓕᖕᓂ. ᐅᓂᒃᑲᐅᓯᕆᔪᓐᓇᖅᐸᐃᑦ ᐊᑐᕐᓂᑯᐃᑦ. ᐅᖃᓕᒫᕈᓐᓇᕐᒥᔪᑎᑦ ᐊᑐᕈᒥᓇᖅᑐᓂ ᐅᓂᒃᑳᓕᐊᓂᑦ ᐃᓄᓪᓚᕆᐅᔪᓂᑦ.

ᖃᐅᔨᒋᐊᒃᑭᑦ ᐊᓯᕕᑦ ᓄᓇᕗᒻᒥᐅᓂᑦ ᓄᖅᑲᕐᓂᕐᒧᑦ ᐅᓂᒃᑳᖅᑐᐊᖏᓪᓂ ᐅᕙᓂ  ᕙᐃᔅᐳᒃᑯᑦ ᒪᒃᐱᖅᑐᒐᕗᑦ. ᐅᖃᓕᒫᕈᓐᓇᖅᐳᑎᑦ ᓄᖅᑲᕐᓂᕐᒧᑦ ᐃᑲᔪᕈᑕᐅᔪᓂᑦ, ᐅᓂᒃᑳᖃᑕᐅᓗᑎᑦ ᐊᒻᒪᓗ ᐅᖃᓪᓚᖃᑎᖃᕐᓗᑎᑦ ᐊᓯᖕᓄᑦ ᓄᓇᕗᒻᒥ ᓄᖅᑲᖅᓯᒪᓂᑯᓂᑦ. ᐅᕝᕙᓘᓐᓃᑦ ᕙᐃᔅᐳᒃ ᒪᒃᐱᖅᑐᒐᑦᑎᓐᓂ. ᐅᖃᓕᒫᕈᓐᓇᖅᐳᑎᑦ ᓄᖅᑲᕐᓂᕐᒧᑦ ᐃᑲᔪᕈᑕᐅᔪᓂᑦ, ᐅᓂᒃᑳᖃᑕᐅᓗᑎᑦ ᐊᒻᒪᓗ ᐅᖃᓪᓚᖃᑎᖃᕐᓗᑎᑦ ᐊᓯᖕᓄᑦ ᓄᓇᕗᒻᒥ ᓄᖅᑲᖅᓯᒪᖕᒥᔪᓄᑦ. ᓄᓇᓕᐅᔪᒥᑦ ᐃᓕᖕᓂᑦ ᐃᑲᔪᖅᓯᖅᑕᐅᕗᑎᑦ!