ᓄᓇᕗᒻᒥ ᓄᖅᑲᕐᓂᕐᒧᑦ ᐅᖃᓗᒡᕕᒃᓴᖅ

ᓄᓇᕗᒻᒥ ᓄᖅᑲᕐᓂᕐᒧᑦ ᐅᖃᓗᒡᕕᒃᓴᖅ

ᐃᓱᒪᓕᕆᔨᐅᔪᑦ ᐃᓕᖕᓂ ᐃᑲᔪᕈᓐᓇᖅᐳᑦ ᐃᓄᒃᑎᑐᑦ, ᖃᓪᓗᓈᑎᑐᑦ, ᐃᓄᐃᓐᓇᖅᑐᓐ ᐊᒻᒪᓗ ᐅᐃᕖᑎᑐᑦ. ᐅᖃᓗᒋᑦ ᓄᓇᕗᒻᒥ ᓄᖅᑲᕐᓂᕐᒧᑦ ᐅᖃᓗᒡᕕᒃᓴᒧᑦ ᐅᕗᖓ 1-866-3NU- QUIT (368-7848).

ᓱᐴᖅᑐᖅᑎᐅᔪᑦ ᐅᖃᓪᓚᖃᑎᖃᖃᑦᑕᖅᑐᑦ ᐃᓅᓯᓕᕆᔨᐅᔪᒧᑦ ᒪᕐᕈᐃᓪᓗᐊᖅᑐᒥ ᓄᖅᑲᕈᓐᓇᕐᓂᖅᓴᐅᕗᑦ.

ᐅᖃᖃᑎᖃᕐᓗᑎᑦ ᓄᖅᑲᕐᓂᕐᒧᑦ ᐃᑲᔪᖅᑐᐃᔨᒧᑦ ᓄᓇᕗᒻᒥ ᓄᖅᑲᕐᓂᕐᒧᑦ ᐅᖃᓗᒡᕕᒃᓴᒧᑦ. ᑖᒃᑯᐊ ᐃᓅᓯᓕᕆᔨᐅᔪᑦ ᑐᙵᓇᖅᐳᑦ ᐊᒻᒪᓗ ᖃᐅᔨᒪᓂᖃᕐᔪᐊᖅᐳᑦ. ᖃᐅᔨᒪᕐᔪᐊᖅᐳᑦ ᑕᕝᕚᑭᐅᑉ ᒥᒃᓵᓄᑦ ᐊᒻᒪᓗ ᓄᖅᑲᕐᓂᕐᒧᑦ ᓱᐴᖅᑐᕐᓂᕐᒥᑦ. ᐃᓕᖕᓂᑦ ᐃᑲᔪᖅᓱᐃᓂᐊᒻᐳᑦ ᐊᒃᓱᕈᕐᓂᕆᔭᕐᓂᑦ!

ᑭᓇ ᐅᖃᓗᓪᓗᐊᖅᐸ?

  • ᑭᓇᑐᐃᓐᓇᖅ ᓄᖅᑲᕈᒪᔪᖅ ᑎᑭᑉᐸᓪᓕᐊᔪᓄᑦ ᐅᓪᓗᓂᑦ 30-ᓂᑦ;
  • ᑭᓇᑐᐃᓐᓇᖅ ᓄᖅᑲᖅᓯᒪᔪᒥᑦ, ᑭᓯᐊᓂ ᐃᑲᔪᖅᓯᖅᑕᐅᒃᑲᓐᓂᕆᐊᓕᖕᒥᑦ;
  • ᐅᐃᒻᒪᒃᑐᒧᑦ ᐅᖃᓗᒃᑎᐅᔪᒥᑦ ᓄᖅᑲᖅᓯᒪᔪᒥᑦ, ᑭᓯᐊᓂ ᓱᐴᖅᑐᒃᑲᓐᓂᑐᐃᓐᓇᕆᐊᓕᖕᒥᑦ;
  • ᑭᓇᑐᐃᓐᓇᖅ ᐃᓱᒪᒃᓴᖅᓯᐅᖅᑐᖅ ᓄᖅᑲᕐᓂᕐᒧᑦ;
  • ᑭᓇᑐᐃᓐᓇᖅ ᐃᑲᔪᖅᓱᐃᔪᒪᔪᖅ ᐱᖃᓐᓇᕆᔭᒥᓂᑦ ᐅᕝᕙᓘᓐᓃᑦ ᐃᓚᒋᔭᒥᓂᑦ ᓄᖅᑲᕐᓂᕐᒧᑦ; ᐅᕝᕙᓘᓐᓃᑦ
  • ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐸᖅᑭᔨᐅᔪᖅ ᖃᐅᔨᒋᐊᒃᑲᓐᓂᕈᒪᔪᒥᑦ ᑕᕝᕚᑭᐅᑉ ᒥᒃᓵᓄᑦ.


ᐅᖃᓗᖕᓂᖅ ᖃᓄᐃᑦᑑᕙ?

ᐅᖃᓗᖕᓂᖃᕐᓗᓂ ᓄᖅᑲᕐᓂᕐᒧᑦ ᐃᑲᔪᖅᑎᐅᔪᒧᑦ ᓄᓇᕗᒻᒥ ᓄᖅᑲᕐᓂᕐᒧᑦ ᐅᖃᓗᒡᕕᒃᓴᒧᑦ ᑕᐃᒪᓐᓇᑎᑐᑦ ᐅᖃᓗᖕᓂᐅᔪᑎᑐᑦ ᐱᖃᓐᓇᕆᔭᒧᑦ ᐅᖃᓪᓚᖃᑎᖃᕐᓂᕐᒧᑦ. ᓯᕗᓪᓕᕐᒥ ᓄᖅᑲᕐᓂᕐᒧᑦ ᐃᑲᔪᖅᑎᐅᔪᖅ ᐃᓕᖕᓂᑦ ᐊᐱᖅᓱᕆᐊᖃᕐᓂᐊᖅᐳᖅ ᓇᓗᓇᐃᖅᓯᓂᕐᒧᑦ ᐱᐅᓛᖑᔪᓂᑦ ᐅᖃᐅᔾᔨᓂᖃᕈᓐᓇᕐᓂᐊᕐᓂᖏᓐᓂᑦ. ᐃᖅᑲᐅᒪᒋᑦ, ᑭᐅᔭᕆᐊᖃᙱᑕᑎ ᑕᒪᕐᒥᒃ ᐊᐱᖅᑯᑕᐅᔪᓂᑦ ᐱᔪᒪᙱᒃᑯᕕᑦ.

ᓄᖅᑲᕐᓂᕐᒧᑦ ᐃᑲᔪᖅᑎᐅᔪᖅ ᑕᐃᑲᓃᑉᐳᖅ ᐅᖃᖃᑎᖃᕐᓂᕐᒧᑦ ᑭᓱᑐᐃᓐᓇᓂᑦ ᐊᒻᒪᓗ ᑕᒪᒃᑭᓂᑦ ᑕᕝᕚᑭᒧᑦ ᐱᔾᔪᑎᓕᖕᓂᑦ. ᐃᓕᖕᓂᑦ ᐃᑲᔪᕈᓐᓇᖅᐳᑦ ᐱᔪᒪᓕᕐᓂᕐᒧᑦ ᓄᖅᑲᕐᓂᕐᒥᑦ; ᐱᒋᐊᕐᓂᕐᒧᑦ ᓄᖅᑲᕐᓂᕐᒥᑦ; ᓱᖏᐅᔾᔨᓂᕐᒧᑦ ᓄᑖᖑᔪᒥᑦ ᑕᕝᕚᑭᒥᑦ-ᐊᑐᙱᓪᓗᓂ ᐃᓅᓯᕐᓂᑦ; ᐊᒻᒪᓗ ᑭᓱᓕᒫᑦ ᕿᑎᐊᓃᑦᑐᓂᑦ. 

ᐱᔨᑦᑎᕋᕐᓂᐅᔪᖅ ᐊᓯᐊᓄᑦ ᑐᓴᖅᑕᐅᔭᕆᐊᖃᙱᓚᖅ ᐊᒻᒪᓗ ᐊᑭᖃᙱᖦᖢᓂ. ᐃᓱᒪᓕᕆᔨᐅᔪᑦ ᐃᓕᖕᓂ ᐃᑲᔪᕈᓐᓇᖅᐳᑦ ᐃᓄᒃᑎᑐᑦ, ᖃᓪᓗᓈᑎᑐᑦ, ᐃᓄᐃᓐᓇᖅᑐᓐ ᐊᒻᒪᓗ ᐅᐃᕖᑎᑐᑦ. ᐅᖃᓗᒋᑦ ᓄᓇᕗᒻᒥ ᓄᖅᑲᕐᓂᕐᒧᑦ ᐅᖃᓗᒡᕕᒃᓴᒧᑦ ᐅᕗᖓ 1-866-3NU- QUIT (368-7848).

ᐱᔨᑦᑎᕋᕐᓂᐅᔪᖅ ᐊᓯᐊᓄᑦ ᑐᓴᖅᑕᐅᔭᕆᐊᖃᙱᓚᖅ ᐊᒻᒪᓗ ᐊᑭᖃᙱᖦᖢᓂ. ᐃᑲᔪᖅᑕᐅᓂᖅ ᐊᑐᐃᓐᓇᐅᕗᖅ ᐃᓄᒃᑎᑐᑦ, ᖃᓪᓗᓈᑎᑐᑦ, ᐃᓄᐃᓐᓇᖅᑐᓐ ᐊᒻᒪᓗ ᐅᐃᕖᑎᑐᑦ.