ᓄᖅᑲᕐᓂᕐᒧᑦ ᐃᑲᔪᖅᑎᐅᔪᖅᕙ

ᓄᖅᑲᕐᓂᕐᒧᑦ ᐃᑲᔪᖅᑎᐅᔪᖅᕙ

ᑭᓲᕙ ᓄᖅᑲᕐᓂᕐᒧᑦ ᐃᑲᔪᖅᑎᐅᔪᖅᕙ?

ᓄᖅᑲᕐᓂᕐᒧᑦ ᐃᑲᔪᖅᑎᐅᔪᖅ ᑭᓇᑐᐃᓐᓇᐅᕗᖅ ᐃᓕᖕᓂ ᐃᑲᔪᕈᓐᓇᖅᑐᒥ ᓄᖅᑲᕐᓂᕐᒧᑦ ᐃᖏᕐᕋᓂᕐᓂ. ᑭᓇᑐᐃᓐᓇᐅᔪᓐᓇᖅᐳᑦ ᐅᖃᓗᒡᕕᒋᔪᓐᓇᖅᑕᕐᓂ ᐱ)ᔪᖃᑎᒋᓗᒋᑦ ᐊᑐᕈᒪᔫᔮᓕᕈᕕᑦ ᑕᕝᕚᑭᒥᑦ, ᑭᓇᑐᐃᓐᓇᖅ ᐃᓕᖕᓂ ᐃᑲᔪᖅᐸᒃᑐᖅ ᐃᓱᒪᒃᓴᖅᓯᐅᕆᓂᕐᒥ ᐱᐅᓛᖑᔪᒥᑦ ᓂᕈᐊᕐᓂᐅᔪᒥᑦ ᓄᖅᑲᕐᓂᕐᒧᑦ ᐃᑲᔪᕈᑕᐅᔪᓄᑦ ᐊᒻᒪᓗ ᑭᓇᑐᐃᓐᓇᖅ ᐅᖃᖃᑎᒋᔪᓐᓇᖅᑕᕐᓂ ᓄᖅᑲᖅᑎᓪᓗᑎᑦ.

ᑭᓇ ᓄᖅᑲᕐᓂᕐᒧᑦ ᐃᑲᔪᖅᑎᐅᔪᓇᓐᓇᖅᐸ?

ᓄᖅᑲᕐᓂᕐᒧᑦ ᐃᑲᔪᖅᑎᐅᔪᖅ ᐱᖃᓐᓇᕆᓛᕆᔪᓐᓇᖅᐸᐃᑦ, ᐃᓄᑐᖃᖅ, ᐃᖅᑲᓇᐃᔭᖃᑏᑦ ᓄᖅᑲᖅᑎᒪᓪᓗᑎᒃ, ᐊᐃᑉᐸᐃᑦ ᐅᕝᕙᓘᓐᓃᑦ ᓄᓇᓕᖕᓂ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐱᓕᕆᔨᐅᔪᒥᑦ. ᑭᓇᑐᐃᓐᓇᐅᔪᓐᓇᖅᑐᑦ ᖃᐅᔨᒪᔭᕐᓂ ᐅᐸᒍᓐᓇᕐᓂᐊᖅᑕᕐᓂᑦ ᐊᑐᖅᑎᓪᓗᑎᑦ ᐱᓕᕆᔾᔪᓯᐅᔪᒥᑦ ᓄᖅᑲᕐᓂᕐᒧᑦ!

ᓇᑭᑦ ᐱᔪᓐᓇᖅᐳᖓ ᓄᖅᑲᕐᓂᕐᒧᑦ ᐃᑲᔪᖅᑎᐅᔪᓇᓐᓇᖅᑐᒥ?

ᐱᐅᓂᖅᐹᖑᔪᖅ ᓄᖅᑲᕐᓂᕐᒧᑦ ᐃᑲᔪᖅᑎᐅᔪᒥᑦ ᐱᓂᕐᒧᑦ ᓯᓚᑖᓂ ᐱᖃᓐᓇᕆᔭᕐᓂᑦ ᐅᕘᓇᐅᕗᖅ ᓄᓇᕗᒻᒥ ᓄᖅᑲᕐᓂᕐᒧᑦ ᐅᖃᓗᒡᕕᒃᓴᒧᑦ. ᐅᕙᓂ ᐊᑐᐃᓐᓇᖃᕐᓂᐊᖅᐳᑎᑦ ᖃᐅᔨᒪᕐᔪᐊᖅᑐᓂᑦ ᐃᓕᖕᓂ ᐃᑲᔪᕈᓐᓇᖅᑐᓂ ᖃᓄᐃᑦᑐᑐᐃᓐᓇᑦᑎᐊᓂᑦ ᐱᔾᔪᑎᓕᖕᓂ ᓄᖅᑲᕐᓂᕐᒧᑦ. ᐊᓯᒥᑦ ᑐᓴᖅᑕᐅᓐᓇᙱᓚᖅ, ᐊᑭᖃᙱᓚᖅ ᐊᑐᐃᓐᓇᐅᓪᓗᓂ ᐃᓄᒃᑎᑐᑦ, ᖃᓪᓗᓈᑎᑐᑦ, ᐃᓄᐃᓐᓇᖅᑐᓐ ᐊᒻᒪᓗ ᐅᐃᕖᑎᑐᑦ. ᐅᖃᓗᒋᑦ ᓄᓇᕗᒻᒥ ᐅᖃᓗᒡᕕᒃᓴᒧᑦ 1-866-3NU-QUIT-ᒧᑦ (368-7848).