ᓄᖅᑲᕐᓂᕐᒧᑦ ᐃᑲᔪᕈᑕᐅᔪᑦ

ᓄᖅᑲᕐᓂᕐᒧᑦ ᐃᑲᔪᕈᑕᐅᔪᑦ

ᓄᖅᑲᕐᓂᕐᒧᑦ ᐃᑲᔪᕈᑕᐅᔪᑦ ᐃᓕᖕᓂᑦ ᐃᑲᔪᕈᓐᓇᖅᐳᑦ ᐱᔪᒪᓕᕐᓂᐊᓗᖕᓂᑦ ᐃᒃᐱᒍᓱᖕᓂᐅᔪᒧᑦ ᓄᖅᑲᖅᐸᓪᓕᐊᓂᐅᔪᓂᑦ. ᑕᒪᒃᑯᐊ ᐱᓕᕆᔾᔪᑕᐅᔪᑦ ᒪᕐᕈᐃᓪᓗᐊᖅᑐᒥᑦ ᓄᖅᑲᕈᓐᓇᖅᑎᑦᑎᔪᓐᓇᖅᐳᑦ. ᐃᓱᒪᒋᑦ ᐊᑐᕐᓂᕐᒧᑦ ᓄᖅᑲᕐᓂᕐᒧᑦ ᐃᑲᔪᕈᑕᐅᔪᒥᑦ ᐊᒻᒪᓗ ᐊᑕᐅᑦᑎᒃᑯᑦ ᐃᓅᓯᓕᕆᔭᐅᓗᑎᑦ, ᐊᖏᓛᖑᔪᒥᑦ ᓄᖅᑲᕈᓐᓇᑐᐃᓐᓇᕆᐊᖃᖅᐳᑎᑦ ᐃᓅᓯᓕᒫᒧᑦ.

ᒪᕐᕉᖕᓂ ᖃᓄᐃᑦᑑᓂᖏᓐᓂᑦ ᓄᖅᑲᕐᓂᕐᒧᑦ ᐃᑲᔪᕈᑕᐅᔪᓂᑦ: ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓂᑦ ᐃᑲᔪᕈᑕᐅᔪᑦ (NRT) ᐊᒻᒪᓗ ᓄᖅᑲᕐᓂᕐᒧᑦ-ᓱᐴᖅᑐᕐᓂᕐᒥᑦ ᐃᓅᓕᓴᐅᑎᑦ.

ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓂᑦ ᐃᑲᔪᕈᑕᐅᔪᑦ (NRT)

ᑕᒪᒃᑯᐊ ᓴᓇᓯᒪᔪᑦ ᑐᓂᓯᕙᒃᐳᑦ ᑎᒥᖕᓂᑦ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᒥᑦ. ᑕᒪᓐᓇ ᐅᐃᕆᓐᓇᖅᑑᕗᖅ ᓇᓂᔭᐅᓲᒥᑦ ᑕᕝᕚᑭᒥᑦ. ᓴᓇᓯᒪᔪᑦ ᐊᔪᙱᑎᑦᑎᕗᖅ ᐃᑲᔪᕐᓂᖃᕐᒪᑦ ᑕᕝᕚᑭᒧᑦ ᐱᔪᒪᓂᐊᓗᖕᓂᑦ, ᑭᓯᐊᓂ ᐃᓗᓕᖃᙱᒻᒪᑕ ᐊᒥᓲᔪᓂᑦ ᑐᖁᓐᓇᖅᑐᓂᑦ ᐃᓚᐅᕈᑎᒃᓴᓂᑦ ᓇᓂᔭᐅᓲᓂᑦ ᓯᒡᒐᓕᐊᓂᑦ, ᓯᒡᒐᓕᐊᒥᑦ ᐳᔪᖓᓐᓂᑦ ᐅᕝᕙᓘᓐᓃᑦ ᑕᒧᐊᔭᐅᓲᑦ ᑕᕝᕚᑭᓂᑦ. ᐱᒋᐊᕈᓐᓇᖅᐳᑎᑦ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓂᑦ ᐃᑲᔪᕈᑕᐅᔪᒥᑦ ᓄᖅᑲᕐᓂᕐᓄᑦ ᐅᓪᓗᖓᓂ. ᐅᑯᐊ ᓴᓇᓯᒪᔪᑦ ᐊᑐᐃᓐᓇᐅᕗᑦ ᐊᔾᔨᒌᙱᕈᓘᔭᖅᑐᓂᑦ, ᐃᓚᖃᖅᖢᓂ ᓂᐱᑎᒐᑦ, ᑕᒧᐊᔭᒐᑦ, ᐅᖁᒻᒥᐊᒐᑦ ᐊᒻᒪᓗ ᓂᐅᕈᑕᐅᓲᓂᑦ ᐊᒻᒪᓗ ᐃᑲᔪᖅᖢᑎᒃ ᒥᒃᖠᒋᐊᖅᑎᑦᑎᓂᕐᒧᑦ ᐊᒻᒪᓗ ᐊᐅᓚᑦᑎᓂᕐᒧᑦ ᐱᔪᒪᓂᐊᓗᖕᓄᑦ ᐃᒃᐱᖕᓂᐊᓂᐅᔪᓂᑦ. ᐱᔪᒪᓕᕐᓂᐊᓗᐃᑦ ᑎᒥᕕᑦ ᐱᔪᒪᓕᕐᓂᐊᓗᖓᐅᕗᑦ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᒥᑦ. ᑕᐅᑐᒃᑕᑐᐊᖃᑲᐃᓐᓇᕈᓐᓇᖅᓯᕗᑎᑦ ᐃᓱᒪᒃᑯᑦ ᐱᓕᕆᓂᐅᔪᒥᑦ ᓄᖅᑲᕐᓂᕐᒧᑦ ᓱᐴᖅᑐᖃᑦᑕᕐᓂᕐᒥᑦ.

ᓄᖅᑲᕐᓂᕐᒧᑦ-ᓱᐴᖅᑐᕐᓂᖅ ᐃᓅᓕᓴᐅᑎᑦ  

ᓘᒃᑕᒃᑰᕆᐊᖃᖅᑐᑦ ᐃᓅᓕᓴᐅᑎᑦ ᐊᑐᐃᓐᓇᐅᕗᑦ ᓇᓕᒧᑎᑦᑎᓂᕐᒧᑦ ᐃᓚᐅᕈᑎᒃᓴᓂᑦ ᖃᕋᓴᕐᓂᑦ. ᑕᒪᒃᑯᐊ ᐃᓚᐅᕈᑎᒃᓴᑦ ᐊᐅᓚᑦᑎᕗᑦ ᓄᖅᑲᕐᓂᕐᒧᑦ ᐋᓐᓂᐊᕈᑕᐅᖃᑦᑕᖅᑐᓂᑦ ᐊᒻᒪᓗ ᒥᒃᖠᒋᐊᖅᑎᑦᑎᓪᓗᑎᒃ ᐱᔪᒪᓂᐊᓗᖕᓂᑦ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᒥᑦ. ᐱᒋᐊᕆᐊᖃᖅᐸᑎᑦ ᐃᓅᓕᓴᐅᑎᑦ ᐊᑕᐅᓯᕐᒥᑦ ᒪᕐᕈᖕᓄᑦ ᐱᓇᓱᐊᕈᓯᕐᓂᑦ ᓯᕗᓂᐊᓂ ᓄᖅᑲᕐᓂᕐᒧᑦ ᐅᓪᓗᖓᓂ.  

ᐊᑐᖅᑕᐅᒐᔪᒃᑐᑦ ᓄᖅᑲᕐᓂᕐᒧᑦ ᐃᓅᓕᓴᐅᑏᑦ ᓵᒻᐱᒃᔅ ᐊᒻᒪᓗ ᓴᐃᐹᓐ-ᖑᕗᑦ.

ᓇᑭᑦ ᐱᔪᓐᓇᖅᐳᖓ ᓄᖅᑲᕐᓂᕐᒧᑦ ᐃᑲᔪᕈᑕᐅᔪᓂᑦ?

ᐱᔭᕆᐊᖃᕋᓱᒋᕕᑦ ᓄᖅᑲᕐᓂᕐᒧᑦ ᐃᑲᔪᕈᑕᐅᔪᒥᑦ? ᐱᔭᕆᐊᖃᕈᕕᑦ, ᓯᕗᓪᓕᕐᒥ ᐱᓕᕆᔭᕆᐊᖃᖅᑕᐃᑦ ᐃᓂᒃᓴᓕᐅᕐᓗᑎᑦ ᓄᓇᓕᖕᓂ ᐋᓐᓂᐊᕕᖕᒧᑦ. ᐅᖃᖃᑎᖃᕈᓐᓇᕐᒥᔪᑎᑦ ᓄᖅᑲᕐᓂᕐᒧᑦ ᐃᑲᔪᖅᑐᐃᔨᒧᑦ. ᐃᓕᖕᓂᑦ ᐃᑲᔪᕈᓐᓇᖅᐳᑦ ᐃᓱᒪᒃᓴᖅᓯᐅᕐᓂᕐᒥᑦ ᓇᓕᐊᒃ ᓄᖅᑲᕈᑕᐅᔪᒥᑦ ᐃᓕᖕᓄᑦ ᐱᐅᓛᖑᓂᖓᓂ.

ᓯᖓᐃᒍᕕᑦ ᐅᕝᕙᓘᓐᓃᑦ ᐃᕕᐊᖏᒃᑯᑦ ᐊᒫᒪᒃᑎᑦᑎᒍᕕᑦ, ᐱᐅᓂᖅᐹᖑᔪᖅᓄᑕᕋᓛᒃᓴᕐᓄᑦ ᓄᖅᑲᕐᓗᑎᑦ ᓱᐴᖅᑐᕐᓂᕐᒥᑦ. ᐅᖃᖃᑎᖃᕆᐊᖃᕐᓂᐊᖅᐳᑎᑦ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐸᖅᑭᔨᒋᔭᕐᓄᑦ ᐊᑐᕐᓂᕐᒥᑦ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓂᑦ ᐃᑲᔪᕈᑕᐅᔪᓂᑦ ᓯᖓᐃᓂᕐᓂᑦ.

ᓄᓇᕗᒻᒥ ᓄᖅᑲᕐᓂᕐᒧᑦ ᐅᖃᓗᒡᕕᒃᓴᖅ ᐃᑲᔪᖅᑐᐃᔨᑦ, ᐃᓚᑎᑦ ᐊᒻᒪᓗ ᐱᖃᓐᓇᕆᔭᑎᑦ ᐃᑲᔪᕈᓐᓇᖅᐳᑦ ᓄᖅᑲᕐᓂᕐᒧᑦ. ᑭᓯᐊᓂ, ᐃᓚᖏᓐᓂᑦ ᖃᓄᐃᓐᓂᐅᔪᓂᑦ, ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓂᑦ ᐃᑲᔪᕈᑕᐅᔪᑦ ᓴᓇᓯᒪᔪᓂᑦ ᐅᕝᕙᓘᓐᓃᑦ ᓘᒃᑕᒃᑰᕆᐊᖃᖅᑐᑦ ᐃᓅᓕᓴᐅᑎᑦ ᑐᓂᓯᒃᑲᓐᓂᕈᓐᓇᖅᐳᑦ ᐃᑲᔪᖅᓯᖅᑕᐅᒃᑲᓐᓂᕐᓂᐅᔪᒥᑦ. ᐅᖃᖃᑎᒋᓪᓗᐊᖅᐸᐃᑦ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐸᖅᑭᔨᐅᔪᑦ ᐃᓕᖕᓂᑦ ᐃᑲᔪᕐᓂᐊᖅᑐᒥᑦ ᐃᓱᒪᒃᓴᖅᓯᐅᕆᓂᕐᒥᑦ ᐱᐅᓛᖑᔪᒥᑦ ᐃᓅᓕᓴᕐᓂᐊᖅᑕᕐᓂᑦ ᓂᕈᐊᒐᒃᓴᓂ.