ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓕᒃ ᐅᖁᒻᒥᐊᒐᑦ

ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓕᒃ ᐅᖁᒻᒥᐊᒐᑦ

ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓕᒃ ᐅᖁᒻᒥᐊᒐᑦ ᐊᔾᔨᐸᓗᒋᕙᐅᒃ ᓄᕙᒃᓯᐅᒻᒥᑦ ᐅᖁᒻᒥᐊᖅᑕᐅᓲᒥᑦ ᐅᕝᕙᓘᓐᓃᑦ ᐃᒡᒋᐊᕐᓗᒃᓯᐅᑎᒥᑦ ᐅᖁᒻᒥᐊᒐᕐᒥᑦ. ᐊᑐᓂ ᐅᖁᒻᒥᐊᒐᑦ ᓈᒻᒪᒃᑐᒥᑦ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓕᒃ ᐃᓕᖕᓂᑦ ᐃᑲᔪᕐᓂᕐᒧᑦ ᐊᐅᓚᑦᑎᓂᕐᒧᑦ ᓯᒡᒐᓕᐊᒧᑦ ᐱᔪᒪᓂᐊᓗᖕᒥᑦ.

ᐃᓚᖏᑦ ᐃᓄᐃᑦ ᑭᒍᑎᓄᑦ ᐊᑲᐅᙱᓕᐅᕈᑎᓖᑦ ᐱᐅᒃᓴᕐᓂᖅᓴᐅᕗᑦ ᐅᖁᒻᒥᐊᒐᕐᓂᑦ ᐆᒧᖓ ᑕᒧᐊᔭᒐᕐᒥᑦ. ᐊᑐᖃᑎᖃᕈᓐᓇᕆᕗᖅ ᑲᑎᙵᓗᓂ ᓂᐱᑎᒐᕐᒥᑦ. ᐊᑐᕐᕐᓗᓂ ᒪᕐᕉᖕᓂ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓕᖕᓂᑦ ᓴᓇᓯᒪᔪᓂᑦ ᐊᑕᐅᑦᑎᒃᑯᑦ ᐃᑲᔪᕈᓐᓇᖅᐳᑦ ᐃᓄᖕᓂᑦ ᓱᐴᖅᑐᕐᔪᐊᒃᑲᐅᔪᓂᑦ.

ᒪᕐᕉᖕᓂ ᓴᙱᓂᖅᑕᓕᒃ ᐅᖁᒻᒥᐊᒐᕐᓂᑦ. ᐊᑐᕐᓂᐊᖅᑕᐃᑦ ᒪᓕᖕᓂᖃᕐᓂᐊᖅᐳᖅ ᖃᔅᓯᓂ ᓯᒡᒐᓕᐊᓂᑦ ᓱᐴᖅᑐᖃᑦᑕᕐᓂᕐᓂᑦ.

ᖃᓄᖅ ᐊᑐᖅᑕᐅᓲᖑᓂᖓᓂ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓕᒃ ᐅᖁᒻᒥᐊᒐᑦ:

  • ᐊᑕᐅᓯᕐᒥ ᐅᖁᒻᒥᐊᒐᕐᒥᑦ ᖃᓂᕐᓄᐊᖅᓯᓗᑎᑦ.

  • ᐅᖁᒻᒥᐊᒐᑦ ᐃᒻᒥᓂᒃ ᓄᖑᑉᐸᓪᓕᐊᕋᔮᖅᑎᓪᓗᒍ. ᐅᖁᒻᒥᐊᒐᖅ 20-ᒥᑦ 30 ᒥᓂᑦᒧᑦ ᐊᑯᓂᐅᑎᒋᔪᒥ ᐊᐅᖕᓂᐊᖅᑐᖅ.

  • ᐅᖁᒻᒥᐊᒐᖅ ᓅᑉᐸᒡᓗᒍ ᐃᒡᓗᐊᒥ ᐃᒡᓗᐊᓄᑦ ᖃᓂᕐᓂᑦ.

  • ᑕᒧᐊᖏᓪᓗᒍ, ᐄᖏᓪᓗᒍ ᒥᓪᓗᐊᖏᓪᓗᒍᓗ ᐅᖁᒻᒥᐊᒐᖅ. ᓄᕙᒃᓯᐅᑎᑑᙱᑦᑐᖅ.

  • ᓂᕆᑦᑕᐃᓕᒋᑦ ᐃᒥᖅᑕᐃᓕᒋᓪᓗ 15 ᒥᓂᑦᒧᑦ ᓯᕗᓂᐊᓂ ᐊᑐᕐᓂᕐᒧᑦ ᐊᒻᒪᓗ ᐅᖁᒻᒥᐊᒐᖅ ᐊᐅᒃᐸᓪᓕᐊᓂᖓᓂ.

ᐅᖃᖃᑎᖃᕐᓗᑎᑦ ᐃᓗᐊᖅᓴᐃᔨᒥᑦ ᐅᕝᕙᓘᓐᓃᑦ ᓘᒃᑖᒥᑦ ᓯᕗᓂᐊᓂ ᐊᑐᕐᓂᕐᒥᑦ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᖅ ᐅᖁᒻᒥᐊᒐᑦ ᐃᒪᐃᒃᑯᕕᑦ:

  • ᓯᖓᐃᒍᕕᑦ ᐅᕝᕙᓘᓐᓃᑦ ᐃᕕᐊᖏᒃᑯᑦ ᐊᒫᒪᒃᑎᑦᑎᓂᖅ;

  • ᐃᓅᓕᓴᖅᑕᐅᒍᕕᑦ ᐱᒻᒪᕆᐅᔪᒥᑦ ᐆᒻᒪᑎᒧᑦ ᐊᑲᐅᙱᓕᐅᕈᑕᐅᔪᒧᑦ;

  • ᐆᒻᒪᓯᕆᓚᐅᖅᓯᒪᒍᕕᑦ ᐅᕝᕙᓘᓐᓃᑦ ᓄᑮᖅᑎᑦᑐᒧᑦ ᐱᓇᓱᐊᕈᓯᐅᓚᐅᖅᑐᓂ ᒪᕐᕉᖕᓂᑦ; ᐅᕝᕙᓘᓐᓃᑦ

  • ᐊᑐᖃᑦᑕᕐᓗᑎᑦ ᓘᒃᑖᒧᑦ ᑐᓂᔭᐅᓂᑯᒥᑦ ᐃᓅᓕᓴᐅᑎᓂᑦ ᖃᐅᑕᒫᑦ.

ᓄᖅᑲᕐᓗᑎᑦ ᐊᑐᕐᓂᕐᒧᑦ ᐅᖁᒻᒥᐊᒐᑦ ᐃᕐᙲᓐᓇᑲᐅᑎᒋᑦ ᐊᒻᒪᓗ ᑕᑯᓗᑎᑦ ᐃᓗᐊᖅᓴᐃᔨᒥᑦ ᐅᕝᕙᓘᓐᓃᑦ ᓘᒃᑖᒥᑦ ᐃᒪᐃᒃᑯᕕᑦ:

  • ᖃᑎᒐᒃᑯᑦ ᐋᓐᓂᐊᕐᓂᖃᕈᕕᑦ;

  • ᑎᓪᓕᕐᓃᑦ ᑕᐃᒪᐃᑦᑎᐊᒋᒃᑯᓂ;

  • ᓂᐅᒃᑯᑦ ᐋᓐᓂᐊᕐᓂᕐᒥᑦ;

  • ᓈᙳᕐᔪᐊᕐᓗᓂ; ᐅᕝᕙᓘᓐᓃᑦ

  • ᐊᒥᕐᓗᒃᑐᖅ ᐅᕝᕙᓘᓐᓃᑦ ᐱᖓᔭᖕᓂᖅ.

ᑕᕝᕚᑭᒦᑦᑐᒥ ᐅᐃᕆᓐᓇᖅᑐᖅ ᐅᖁᒻᒥᐊᒐᑦ ᐊᒃᑐᖅᑕᐅᓂᖃᖅᐳᑦ, ᐃᓚᖃᖅᖢᓂ:

  • ᓈᙳᓂᖅ;

  • ᖃᓂᖅ, ᐃᒡᒋᐊᖅ ᐅᕝᕙᓘᓐᓃᑦ ᐃᒃᑭᓄᑦ ᐸᒡᕕᒍᓱᖕᓂᐅᔪᒥᑦ;

  • ᓯᓂᒍᓐᓇᑦᑎᐊᙱᓐᓂᐅᔪᖅ; ᐊᒻᒪᓗ

  • ᓂᐊᖁᙳᓂᖅ.