ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓕᒃ ᑕᒧᐊᔭᒐᖅ

ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓕᒃ ᑕᒧᐊᔭᒐᖅ

ᑕᕝᕚᑭᒦᑦᑐᒥ ᐅᐃᕆᓐᓇᖅᑐᖅ ᑕᒧᐊᔭᒐᖅ ᑐᓂᓯᕗᖅ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᒥᑦ ᐃᑲᔪᕐᓂᕐᒧᑦ ᐱᔪᒪᓂᐊᓗᖕᓂᑦ. ᐊᑐᖃᑎᑲᕈᓐᓇᖅᐳᖅ ᓂᐱᑎᒐᕐᒥᑦ. ᐊᑐᕐᓂᖅ ᒪᕐᕉᖕᓂ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓂᑦ ᓴᓇᓯᒪᔪᓂᑦ ᑲᑎᙵᓗᑎᒃ ᐃᑲᔪᕈᓐᓇᖅᐳᑦ ᐃᓄᖕᓄᑦ ᓱᐴᖅᑐᕐᔪᐊᒃᑲᐅᔪᓄᑦ.

ᒪᕐᕉᖕᓂ ᓴᙱᓂᖅᑕᓕᒃ ᑕᒧᐊᔭᒐᕐᓂ. ᐱᐅᓂᖅᐹᖑᔪᖅ ᒪᓕᖕᓂᖃᖅᐳᖅ ᖃᔅᓯᓂ ᓯᒡᒐᓕᐊᓂᑦ ᓱᐴᖅᑐᖅᐸᖕᓂᕐᓂ. ᑕᒧᐊᔪᓐᓇᖅᐳᑎᑦ ᑎᑭᐅᒪᔪᓄᑦ 20-ᓂᒃ ᑕᒧᐊᑦᑐᐊᓂᑦ ᐅᓪᓗᕐᒥ, ᒪᓕᒡᓗᒍ ᐱᔪᒪᓂᐊᓗᖕᓂᑦ. ᑕᒪᕐᒥᒐᓚᐃᑦ ᐃᓄᐃᑦ ᒥᒃᖠᒋᐊᖅᑎᑦᑎᕙᒃᐳᑦ ᑕᒧᐊᔭᒐᕐᒥ ᐊᑐᕐᓂᖓᓂ ᐱᓇᓱᐊᕈᓯᑕᒫᑦ, ᓄᖅᑲᕐᓂᕐᒧᑦ ᐋᓐᓂᐊᕈᑕᐅᖃᑦᑕᖅᑐᑦ ᒥᒃᖠᕙᓪᓕᐊᑎᓪᓗᒋᑦ.

ᖃᓄᖅ ᐊᑐᖅᑕᐅᓲᖑᓂᖓᓂ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓕᒃ ᑕᒧᐊᔭᒐᖅ

  • ᐊᑐᕐᓗᒍ “ᑮᓗᒍ ᐊᒻᒪᓗ ᐃᓕᓗᒍ” ᐱᓕᕆᔾᔪᓯᐅᔪᒥᑦ. ᑮᓗᒍ ᑕᒧᐊᔭᒐᖅ ᐊᑕᐅᓰᕐᓗᒍ ᐅᕝᕙᓘᓐᓃᑦ ᒪᕐᕈᐃᕐᓗᒍ, ᐊᓱᐃᓛᒃ “ᐃᓕᓗᒍ” ᕿᑎᐊᓂ ᐅᓗᐊᖅᐱᑦ ᐊᒻᒪᓗ ᐃᒃᑭᕐᓂᑦ.

  • ᐅᑕᖅᑭᓗᑎᑦ ᐊᑕᐅᓯᕐᒥ ᒥᓂᑦᒥ, ᐊᓱᐃᓛᒃ ᑮᓗᒍ ᐊᒻᒪᓗ ᐃᓕᒃᑲᓐᓂᕐᓗᒍ ᑕᒧᐊᔭᒐᖅ.

  • ᑕᐃᒪᐃᓕᐅᒃᑲᓐᓂᕐᓗᑎᑦ ᑮᓗᒍ ᐊᒻᒪᓗ ᐃᓕᓗᒍ ᐱᓕᕆᔾᔪᓯᐅᔪᒥᑦ 30 ᒥᓂᑦᓄᑦ.

  • ᑕᒧᐊᔭᒐᖅ 15 – 30 ᒥᓂᑦᓂᒃ ᐱᕙᓪᓕᐊᓕᑕᐃᓐᓇᓲᖑᖕᒪᑦ. ᑕᒪᓐᓇ ᑐᑭᖃᖅᐳᖅ ᑕᐃᒪᓐᓇ ᐱᓗᒍ ᐊᑐᕆᐊᖃᓚᐅᙱᓐᓂᕐᓂ. ᓲᕐᓗ, ᐊᑐᕐᓂᖃᖃᑦᑕᕈᕕᑦ ᓱᐴᖅᑐᕐᓂᕐᒥᑦ ᑳᐱᑐᕐᓇᒥᑦ ᓄᖅᑲᖓᓂᕐᒧᑦ, ᐱᓪᓗᐊᖅᑕᐃᑦ ᑕᒧᐊᔭᒐᖅ 30 ᒥᓂᑦ ᓯᕗᓂᐊᓂ ᑳᐱᑐᕐᓇᒥᑦ ᓄᖅᑲᖓᓂᕐᒧᑦ.

ᓂᕆᑦᑕᐃᓕᒋᑦ ᐅᕝᕙᓘᓐᓃᑦ ᐃᒥᖅᑕᐃᓕᒋᑦ 15 ᒥᓂᑦᒥᑦ ᓯᕗᓂᐊᓂ ᐊᑐᕐᓂᕐᒧᑦ ᐊᒻᒪᓗ ᑕᒧᐊᑎᓪᓗᑎᑦ ᑕᒧᐊᔭᒐᕐᒥᑦ.

ᐅᖃᖃᑎᖃᕐᓗᑎᑦ ᐃᓗᐊᖅᓴᐃᔨᒥᑦ ᐅᕝᕙᓘᓐᓃᑦ ᓘᒃᑖᒥᑦ ᐱᒋᐊᓚᐅᙱᓐᓂᕐᓂ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓕᒃ ᑕᒧᐊᔭᒐᖅ ᐃᒪᐃᒃᑯᕕᑦ:

  • ᓯᖓᐃᒍᕕᑦ ᐅᕝᕙᓘᓐᓃᑦ ᐃᕕᐊᖏᒃᑯᑦ ᐊᒫᒪᒃᑎᑦᑎᓂᖅ;

  • ᐃᓅᓕᓴᖅᑕᐅᒍᕕᑦ ᐱᒻᒪᕆᐅᔪᒥᑦ ᐆᒻᒪᑎᒧᑦ ᖃᓄᐃᓐᓂᐅᔪᒧᑦ;

  • ᐆᒻᒪᓯᕆᓚᐅᖅᓯᒪᒍᕕᑦ ᐅᕝᕙᓘᓐᓃᑦ ᓄᑮᖅᑎᑦᑐᒧᑦ ᐱᓇᓱᐊᕈᓯᐅᓚᐅᖅᑐᓂ ᒪᕐᕉᖕᓂᑦ; ᐅᕝᕙᓘᓐᓃᑦ

  • ᐊᑐᖃᑦᑕᕐᓗᑎᑦ ᓘᒃᑖᒧᑦ ᑐᓂᔭᐅᓂᑯᒥᑦ ᐃᓅᓕᓴᐅᑎᓂᑦ ᖃᐅᑕᒫᑦ.

ᓄᖅᑲᕐᓗᑎᑦ ᐊᑐᕐᓂᕐᒧᑦ ᑕᒧᐊᔭᒐᖅ ᐃᕐᙲᓐᓇᑲᐅᑎᒋᑦ ᐊᒻᒪᓗ ᑕᑯᓗᑎᑦ ᐃᓗᐊᖅᓴᐃᔨᒥᑦ ᐅᕝᕙᓘᓐᓃᑦ ᓘᒃᑖᒥᑦ ᐃᒪᐃᒃᑯᕕᑦ:

  • ᖃᑎᒐᒃᑯᑦ ᐋᓐᓂᐊᕐᓂᖃᕈᕕᑦ;

  • ᑎᓪᓕᕐᓃᑦ ᑕᐃᒪᐃᑦᑎᐊᒋᒃᑯᓂ;

  • ᓂᐅᒃᑯᑦ ᐋᓐᓂᐊᕐᓂᕐᒥᑦ;

  • ᓈᙳᕐᔪᐊᕐᓗᓂ; ᐅᕝᕙᓘᓐᓃᑦ

  • ᐊᒥᕐᓗᒃᑐᖅ ᐅᕝᕙᓘᓐᓃᑦ ᐱᖓᔭᖕᓂᖅ.

ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓕᒃ ᑕᒧᐊᔭᒐᖅ ᐊᒃᑐᖅᑕᐅᓂᖃᖅᐳᑦ, ᐃᓚᖃᖅᖢᓂ:

  • ᓈᙳᓂᖅ;

  • ᖃᓂᕐᒧᑦ, ᐃᒡᒋᐊᕐᒧᑦ ᐅᕝᕙᓘᓐᓃᑦ ᐃᒃᑭᕐᒧᑦ ᐸᒡᕕᓂᖃᕐᓗᓂ;

  • ᐊᒡᓕᕈᑦ ᐋᓐᓂᐊᕐᓗᓂ;

  • ᓂᐊᖁᙳᓂᖅ; ᐊᒻᒪᓗ

ᓯᓂᒍᓐᓇᑦᑎᐊᙱᓐᓂᖅ.