ᓂᐅᕈᑎᑦ

ᓂᐅᕈᑎᑦ

ᓂᐅᕈᑎᑦ ᓂᕈᐊᒐᒃᓴᐅᕗᖅ ᐃᓄᖕᓄᑦ ᑭᖑᓂᖃᕆᔭᓕᖕᓂᑦ ᐊᒡᒐᒥᑦ-ᖃᓂᕐᒧᑦ ᐱᓕᕆᓕᒪᓂᐅᔪᒥᑦ ᓱᐴᖅᑐᕐᓂᕐᒥᑦ. ᓂᐅᕈᑎᑦ ᐃᓇᖏᖅᓯᕗᖅ ᐱᓕᕆᓂᐅᔪᒥᑦ ᓱᐴᖅᑐᕐᓂᕐᒥᑦ ᐱᓕᕆᓂᖃᖅᖢᓂ ᒥᓗᒃᓯᓂᕐᒥᑦ ᓂᐅᕈᑎᖕᓂᑦ.

ᓂᐅᕈᑎᑦ ᐊᑐᖅᑕᐅᔪᓐᓇᖅᐳᖅ ᑲᑎᙵᓂᖃᕐᓗᓂ ᓂᐱᑎᒐᕐᒥᑦ. ᐃᑲᔪᕈᓐᓇᖅᐳᑦ ᐃᓄᖕᓄᑦ ᓱᐴᖅᑐᕐᔪᐊᒃᑲᐅᔪᓄᑦ.

ᐊᑐᕈᓐᓇᖅᐳᑎᑦ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓕᖕᒥᑦ ᓂᐅᕈᑎᒥᑦ ᐱᔭᕆᐊᖃᓕᕌᒐᕕᑦ, ᑭᓯᐊᓂ ᐊᑕᐅᓰᕐᓗᓂ ᐅᖓᑖᓅᖏᑦᑐᖅ 20 ᒥᓂᑦ ᐊᓂᒍᕌᖓᑦ. ᐃᑲᔪᕈᑕᐅᔪᓐᓇᖅᑐᑦ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓕᖕᓂ ᓂᐅᕈᑎᓂᑦ:

  • ᐊᑐᖅᐸᙱᓪᓗᑎᑦ ᐅᓄᕐᓂᖅᓴᓂ 12-ᓂ ᐃᓗᓕᒃᓴᖓᓂ ᐅᓪᓗᕐᒥᑦ.

  • ᐊᑐᖅᐸᒡᓗᑎ 6-ᓗᐊᓂᑦ ᐃᓗᓕᒃᓴᖓᓂ ᖃᐅᑕᒫᑦ ᓯᕗᓪᓕᕐᓄᑦ ᐱᖓᓱᓂᑦ ᐊᕐᕕᓂᓕᖕᓄᑦ ᐱᓇᓱᐊᕈᓯᕐᓄᑦ.

  • ᒥᒃᖠᒋᐊᖅᐸᓪᓕᐊᕋᔮᕐᓗᒍ ᐊᑐᖅᐸᖕᓂᕐᓂ ᐱᓇᓱᐊᕈᓯᕐᓂ ᐊᕐᕕᓂᓕᖕᓂᑦ 12-ᓄᑦ.

  • ᓄᖅᑲᕐᓗᑎᑦ ᑎᑭᒃᑯᕕᑦ ᐊᑕᐅᓯᕐᒧᑦ ᐅᕝᕙᓘᓐᓃᑦ ᒪᕐᕉᖕᓄᑦ ᐃᓗᓕᒃᓴᖓᓂ ᐅᓪᓗᑕᒫᒥᑦ.

ᖃᓄᖅ ᐊᑐᖅᑕᐅᓲᖑᓂᖓᓂ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓕᒃ ᓂᐅᕈᑎᑦ:

  • ᓇᓕᒧᑎᓪᓗᒋᑦ ᓇᓗᓇᐃᒃᑯᑕᖏᑦ ᖃᓂᖅᓯᐅᑎᖓᒍᑦ ᐊᒻᒪᓗ ᓄᓱᒡᓗᒋᑦ ᐊᕕᑎᓪᓗᒋᑦ ᒪᕐᕉᒃ ᐃᓚᒋᔭᖏᑦ.

  • ᐱᓗᑎᑦ ᐊᑕᐅᓯᕐᒥᑦ ᐃᓗᓕᒃᓴᖓᓂ ᓴᕕᕋᔭᒃᓴᒧᑦ-ᐃᒻᓱᓯᖅᓯᒪᔪᒥᑦ ᓵᖑᔪᒥᑦ.

  • ᓇᑭᓪᓗᒍ ᐃᓗᓕᒃᓴᖓᓂ ᖃᓂᖅᓯᐅᑎᖓᒍᑦ ᐊᑎᖓᒍᑦ ᐊᒻᒪᓗ ᐃᓕᓗᒍ ᖄᖓ ᖃᓂᖅᓯᐅᑎᖓᒍᑦ.

  • ᓱᑲᓪᓗᒍ ᖃᓂᖅᓯᐅᑎᖓᒍᑦ ᓇᓕᖅᑲᖏᑦ ᑲᑎᙵᔪᓐᓃᖅᑎᓪᓗᒋᑦ.

  • ᒥᑭᒡᓕᕙᓪᓕᐊᓯᒪᓂᖓ ᐃᓱᖓ ᖃᓂᖅᓯᐅᑎᖓᓂᑦ ᐅᖁᒻᒥᕐᓗᒍ.

  • ᓂᐅᕐᔪᐊᕐᓗᑎᑦ ᐅᕝᕙᓘᓐᓃᑦ ᒥᓗᒃᑕᕐᓗᒍ ᓇᐃᑦᑐᓂᑦ ᒥᓗᖕᓂᕐᒥᑦ. ᐃᓗᓕᒃᓴᖓ 20 ᒥᓂᑦᐸᓗᖕᒥᑦ ᐊᑯᓂᐅᑎᒋᓇᔭᖅᑐᖅ ᒥᓗᒃᓯᑲᑕᐃᓐᓇᕐᓗᓂ.

  • ᐲᕐᓗᒍ ᐃᓗᓕᒃᓴᖓᓂ ᖃᓂᖅᓯᐅᑎᖓᒍᑦ ᐱᐊᓂᒃᑯᕕᑦ ᐊᒻᒪᓗ ᐃᒋᓪᓗᒍ ᓴᓂᒃᑯᕕᖕᒧᑦ.

  • ᓄᖑᓯᒪᔪᖅ ᐃᓗᓕᒃᓴᖓ ᐃᓄᖅᓯᒋᐊᖅᐸᒡᓗᒍ ᓱᕈᓯᕐᓂᑦ ᐊᒻᒪᓗ ᓂᕐᔪᑎᓂᑦ ᑎᒍᐊᕆᔭᕐᓂᑦ.

  • ᓴᓗᒻᒪᖅᓴᒐᔪᒡᓗᒍ ᖃᓂᖅᓯᐅᑎᖓ ᐅᐊᓴᐅᒻᒥᑦ ᐊᒻᒪᓗ ᐃᒪᕐᒧᑦ.

  • ᓂᕆᑦᑕᐃᓕᒋᑦ ᐅᕝᕙᓘᓐᓃᑦ ᐃᒥᖅᑕᐃᓕᒋᑦ ᐊᑐᕐᓂᕐᓂᑦ.

ᐅᖃᖃᑎᖃᕐᓗᑎᑦ ᐃᓗᐊᖅᓴᐃᔨᒥᑦ ᐅᕝᕙᓘᓐᓃᑦ ᓘᒃᑖᒥᑦ ᐱᒋᐊᓚᐅᙱᓐᓂᕐᓂ the ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓕᒃ ᓂᐅᕈᑎᒥᑦ ᐃᒪᐃᒃᑯᕕᑦ:

  • ᓯᖓᐃᒍᕕᑦ ᐅᕝᕙᓘᓐᓃᑦ ᐃᕕᐊᖏᒃᑯᑦ ᐊᒫᒪᒃᑎᑦᑎᓂᖅ;

  • ᐃᓅᓕᓴᖅᑕᐅᒍᕕᑦ ᐱᒻᒪᕆᐅᔪᒥᑦ ᐆᒻᒪᑎᒧᑦ ᖃᓄᐃᓐᓂᐅᔪᒧᑦ;

  • ᐆᒻᒪᓯᕆᓂᖃᕐᓂᑰᓗᑎᑦ ᐅᕝᕙᓘᓐᓃᑦ ᓄᑮᖅᑎᑦᑐᒧᑦ ᐱᓇᓱᐊᕈᓯᐅᓚᐅᖅᑐᒥ ᒪᕐᕉᖕᓂ; ᐅᕝᕙᓘᓐᓃᑦ

  • ᐊᑐᖃᑦᑕᕐᓗᑎᑦ ᓘᒃᑖᒧᑦ ᑐᓂᔭᐅᓂᑯᒥᑦ ᐃᓅᓕᓴᐅᑎᓂᑦ ᖃᐅᑕᒫᑦ.

ᓄᖅᑲᕐᓗᑎᑦ ᐊᑐᕐᓂᕐᒧᑦ ᓂᐅᕈᑎᑦ ᐃᕐᙲᓐᓇᑲᐅᑎᒋᑦ ᐊᒻᒪᓗ ᑕᑯᓗᑎᑦ ᐃᓗᐊᖅᓴᐃᔨᒥᑦ ᐅᕝᕙᓘᓐᓃᑦ ᓘᒃᑖᒥᑦ ᐃᒪᐃᒃᑯᕕᑦ:

  • ᖃᑎᒐᒃᑯᑦ ᐋᓐᓂᐊᕐᓂᖃᕈᕕᑦ;

  • ᑎᓪᓕᕐᓃᑦ ᑕᐃᒪᐃᑦᑎᐊᒋᒃᑯᓂ;

  • ᓂᐅᒃᑯᑦ ᐋᓐᓂᐊᕐᓂᕐᒥᑦ;

  • ᓈᙳᕐᔪᐊᕐᓗᓂ; ᐅᕝᕙᓘᓐᓃᑦ

  • ᐊᒥᕐᓗᒃᑐᖅ ᐅᕝᕙᓘᓐᓃᑦ ᐱᖓᔭᖕᓂᖅ.

ᐊᒃᑐᐃᓂᐅᔪᑦ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓕ ᓂᐅᕈᑎᓄᑦ ᐃᓚᖃᖅᐳᑦ:

  • ᓈᙳᓂᖅ;

  • ᖃᓂᖅ ᐅᕝᕙᓘᓐᓃᑦ ᐃᒡᒋᐊᖅ ᐸᒡᕕᒍᓱᒃᑐᖅ;

  • ᓂᐊᖁᙳᓂᖅ;

  • ᓯᓂᒍᓐᓇᑦᑎᐊᙱᓐᓂᖅ; ᐊᒻᒪᓗ

ᑲᒃᑭᓕᑲᑕᖕᓂᖅ.