ᓄᖅᑲᕐᓂᕐᒧᑦ ᐃᑲᔪᕈᑕᐅᔪᓄᑦ ᐊᑭᓕᖅᑕᐅᕙᖕᓂᖏᓐᓄᑦ

ᓄᖅᑲᕐᓂᕐᒧᑦ ᐃᑲᔪᕈᑕᐅᔪᓄᑦ ᐊᑭᓕᖅᑕᐅᕙᖕᓂᖏᓐᓄᑦ

ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓂᑦ ᐃᑲᔪᕈᑕᐅᔪᑦ (NRT)

ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓂᑦ ᐃᑲᔪᕈᑕᐅᔪᑦ ᓴᓇᓯᒪᔪᓂᑦ ᑐᓂᔭᐅᓲᖑᕗᑦ ᐊᑭᖃᙱᖦᖢᑎᒃ ᓄᓇᕗᒻᒥ ᐱᔪᓐᓇᕐᓂᖃᐅᑎᖃᖅᑐᓄᑦ. ᐊᑭᓕᖅᑕᐅᕙᒃᐳᑦ ᓇᓪᓕᐅᒃᑯᒫᖃᙱᑦᑐᓂᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᓯᐊᖑᔪᓂᑦ (ᓇᓪᓕᐅᒃᑯᒫᖃᙱᑦᑐᓂᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᓯᐊᖑᔪᓂᑦ) ᐱᓕᕆᐊᖑᔪᒥᑦ, ᓘᒃᑖᒥᑦ ᐅᕝᕙᓘᓐᓃᑦ ᐃᓗᐊᖅᓴᐃᔨᒥᑦ ᐱᓕᕆᔨᐅᔪᒧᑦ ᓘᒃᑕᒃᑰᕆᐊᖃᖅᑐᓂᑦᑦ.

ᐄᔭᒐᖅᑖᕐᕕᖃᑐᐃᓐᓇᕆᐊᖃᖅᐳᑎᑦ ᓄᓇᓕᖕᓂ. ᐱᑕᖃᖅᐸᑦ, ᑐᓂᓗᒍ ᓘᒃᑕᒃᑰᕆᐊᖃᖅᑐᓄᑦ ᐃᓅᓕᓴᐅᑎᑖᕐᓂᕐᒧᑦ ᑕᐃᑯᖓ ᐄᔭᒐᖅᑖᖅᑎᑦᑎᔨᒧᑦ. ᓂᐅᕕᕈᓐᓇᕐᒥᔪᑎᑦ “ᓘᒃᑖᒃᑰᕆᐊᖃᙱᓐᓂᐅᔪᒥᑦ” ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓂᑦ ᐃᑲᔪᕈᑕᐅᔪᒥᑦ ᓴᓇᓯᒪᔪᒥᑦ. ᐱᔪᓐᓇᖅᑕᐃᑦ ᓘᒃᑕᒃᑰᕆᐊᖃᙱᓪᓗᑎᑦ. ᐃᖅᑲᐅᒪᒋᑦ ᓇᓪᓕᐅᒃᑯᒫᖃᙱᑦᑐᓂᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᓯᐊᖑᔪᓂᑦᐊᑭᓖᕙᙱᒻᒪᑕ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓂᑦ ᐃᑲᔪᕈᑕᐅᔪᓄᑦ ᓴᓇᓯᒪᔪᓂᑦ ᑭᓯᐊᓂ ᓘᒃᑖᒃᑰᖅᑎᑕᐅᓯᒪᒍᑎᒃ.

ᓄᓇᖃᕈᓐᓇᖅᐳᑎᑦ ᐱᖃᙱᑦᑐᒥ ᐄᔭᒐᖅᑖᕐᕕᖕᒥᑦ. ᑕᐃᒪᐃᑉᐸᑦ, ᓄᓇᓕᖕᓂ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐃᓗᐊᖅᓴᐃᔨᑦ ᑐᓂᓯᔪᓐᓇᖅᐳᑦ ᒥᑭᑦᑐᒥᑦ ᐱᔭᕆᐊᓕᖏᓐᓂᑦ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓂᑦ ᐃᑲᔪᕈᑕᐅᔪᓄᑦ ᓂᐱᑎᒐᕐᓂᑦ ᐊᒻᒪᓗ ᑕᒧᐊᔭᒐᕐᓂᑦ. ᐱᓇᓱᐊᕈᓯᕐᓂ ᒪᕐᕉᖕᓂ ᐊᑯᓂᐅᑎᒋᓂᐊᖅᐳᑦ.

ᓘᒃᑖᕆᔭᐃᑦ ᐅᕝᕙᓘᓐᓃᑦ ᐃᓗᐊᖅᓴᐃᔨᒋᔭᐃᑦ ᓱᒃᑲᔪᒃᑯᑦ ᐊᐅᓪᓚᖅᑎᑦᑎᔪᓐᓇᖅᐳᑦ ᓘᒃᑕᒃᑰᕆᐊᖃᖅᑐᓄᑦ ᖃᓂᓛᒧᑦ ᐄᔭᒐᖅᑖᕐᕕᖕᒧᑦ. ᐄᔭᒐᖅᑖᕐᕕᒃ ᐃᓗᓪᓕᖅᓯᓂᐊᖅᐳᖅ ᓘᒃᑕᒃᑰᕆᐊᖃᖅᑐᓄᑦᐃᓅᓕᓴᐅᑎᒃᓴᓂᑦ ᐊᒻᒪᓗ ᐊᐅᓪᓚᖅᑎᓪᓗᓂᐅᒃ ᐋᓐᓂᐊᕕᖕᒧᑦ. 

ᓄᓇᕗᒻᒥ-ᐱᔪᓐᓇᐅᑎᖃᙱᑦᑐᑦ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓂᑦ ᐃᑲᔪᕈᑕᐅᔪᑦ ᓴᓇᓯᒪᔪᓂᑦ ᐊᑭᓕᖅᑕᐅᑐᐃᓐᓇᕆᐊᖃᕆᕗᑦ, ᐃᖅᑲᓇᐃᔭᕐᕕᖏᑎᒍᑦ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ-ᓇᓪᓕᐅᒃᑯᒫᒥᑦ ᐸᕐᓇᒍᑕᐅᔪᒧᑦ ᐅᕝᕙᓘᓐᓃᑦ ᐊᓯᐊᒍᑦ ᓇᖕᒥᓂᕐᓄᑦ ᐄᔭᒐᖅᑖᕐᓂᕐᒧᑦ ᐸᕐᓇᒍᑎᒥᑦ. ᖃᐅᔨᒋᐊᕈᒃ ᐄᔭᒐᖅᑖᕐᕕᒃ ᐅᖃᐅᓯᒃᓴᓄᑦ.

ᓄᖅᑲᕐᓂᕐᒧᑦ ᓱᐴᖅᑐᕐᓂᕐᒥᑦ ᐃᓅᓕᓴᐅᑎᑦ

ᓘᒃᑖᒥᑦ ᐅᕝᕙᓘᓐᓃᑦ ᐃᓗᐊᖅᓴᐃᔨᒥᑦ ᐱᑎᑦᑎᔭᕆᐊᖃᖅᐳᑦ ᓄᖅᑲᕐᓂᕐᒧᑦ ᓱᐴᖅᑐᕐᓂᖅ ᐃᓅᓕᓴᐅᑎᓂᑦ. ᓄᓇᖏᔭᐃᑦ ᐄᔭᒐᖅᑖᕐᕕᖃᕈᓂ, ᑐᓂᓗᒍ ᓘᒃᑕᒃᑰᕆᐊᖃᖅᑐᓄᑦ ᐃᓅᓕᓴᐅᑎᒃᓴᓄᑦ ᐄᔭᒐᖅᑖᖅᑎᑦᑎᔨᒧᑦ. ᐄᔭᒐᖅᑖᖅᑎᑦᑎᔨ ᐃᓗᓪᓕᕐᓂᐊᖅᐸᖓ.

ᓄᓇᒋᔭᐃᑦ ᐄᔭᒐᖅᑖᕐᕕᖃᙱᒃᑯᓂ, ᓄᓇᓕᖕᓂ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐃᓗᐊᖅᓴᐃᔨᖓᑦ ᓱᒃᑲᔪᒃᑰᖅᑎᑦᑎᓂᐊᖅᐳᖅ ᓘᒃᑕᒃᑰᕆᐊᖃᖅᑐᒧᑦ ᐃᓅᓕᓴᐅᑎᒃᓴᒥᑦ ᖃᓂᓛᒧᑦ ᐄᔭᒐᖅᑖᕐᕕᖕᒧᑦ. ᐄᔭᒐᖅᑖᕐᕕᒃ ᐃᓗᓪᓕᖅᓯᓂᐊᖅᐳᖅ ᓘᒃᑕᒃᑰᕆᐊᖃᖅᑐᒧᑦ ᐃᓅᓕᓴᐅᑎᒃᓴᒥᑦ ᐊᒻᒪᓗ ᓇᒃᒥᐅᑎᓗᓂᐅᒃ ᐋᓐᓂᐊᕕᖕᒧᑦ.

ᓇᓪᓕᐅᒃᑯᒫᖃᙱᑦᑐᓂᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᓯᐊᖑᔪᓂᑦ ᐊᒻᒪᓗ ᑕᒪᕐᒥᒐᓚᑦ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᓇᓪᓕᐅᒃᑯᒫᓄᑦ ᐸᕐᓇᒍᑎᓂᑦ ᐊᑭᓖᓲᖑᕗᑦ ᓄᖅᑲᕐᓂᕐᒧᑦ ᓱᐴᖅᑐᕐᓂᕐᒧᑦ ᐃᓅᓕᓴᐅᑎᓂᑦ.

ᑭᓱᑦ ᐊᑭᓕᖅᑕᐅᕙᒃᐸᑦ ᐅᕘᓇ ᓇᓪᓕᐅᒃᑯᒫᖃᙱᑦᑐᓂᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᓯᐊᖑᔪᓂᑦ?

ᓂᑯᕋᑦ ᑕᒧᐊᔭᒐᑦ

ᓇᓪᓕᐅᒃᑯᒫᖃᙱᑦᑐᓂᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᓯᐊᖑᔪᓂᑦ ᐊᑭᓖᓲᖑᕗᑦ 945 ᑕᒧᐊᔭᒐᕐᓂ ᐊᕐᕌᒍᑕᒫᑦ. ᑕᒪᓐᓇ ᓈᒻᒪᒃᐳᖅ 6-ᓂᑦ ᑕᒧᐊᔭᒐᕐᓂ ᑕᖅᑭᓄᑦ ᑕᓪᓕᒪᓄᑦ.

ᑕᕝᕚᑭᒦᑦᑐᒥ ᐅᐃᕆᓐᓇᖅᑐᖅ ᓂᐱᑎᒐᕐᓂᑦ

ᓇᓪᓕᐅᒃᑯᒫᖃᙱᑦᑐᓂᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᓯᐊᖑᔪᓂᑦ ᐊᑭᓖᓲᖑᕗᑦ 140 ᓂᑯᑑᒻ ᓂᐱᑎᒐᕐᓂᑦ ᐊᕐᕌᒍᑕᒫᑦ. ᑕᒪᓐᓇ ᑕᖅᑭᓄᑦ-ᑎᓴᒪᓄᑦ ᓈᒻᒪᓪᓗᐊᖅᐳᑦ.

OR

ᓇᓪᓕᐅᒃᑯᒫᖃᙱᑦᑐᓂᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᓯᐊᖑᔪᓂᑦ ᐊᑭᓖᓲᖑᕗᑦ 168 ᕼᐋᐱᑦᕉᓪ ᓂᐱᑎᒐᕐᓂᑦ ᐊᕐᕌᒍᑕᒫᑦ. ᑕᒪᓐᓇ ᑕᖅᑭᓄᑦ ᑕᓪᓕᒪᓄᑦ ᓈᒻᒪᓪᓗᐊᖅᐳᑦ.

ᑕᕝᕚᑭᒦᑦᑐᒥ ᐅᐃᕆᓐᓇᖅᑐᖅ ᐅᖁᒻᒥᐊᒐᑦs

ᓇᓪᓕᐅᒃᑯᒫᖃᙱᑦᑐᓂᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᓯᐊᖑᔪᓂᑦ ᐊᑭᓖᓲᖑᕗᑦ 945 ᐅᖁᒻᒥᐊᒐᕐᓂᑦ ᐊᕐᕌᒍᑕᒫᑦ. 6-ᐸᓗᖕᓂᑦ ᐅᖁᒻᒥᐊᒐᕐᓂᑦ ᐅᓪᓗᕐᒥᑦ ᑕᖅᑭᓄᑦ ᑕᓪᓕᒪᓄᑦ.

ᑕᕝᕚᑭᒦᑦᑐᒥ ᐅᐃᕆᓐᓇᖅᑐᖅ ᓂᐅᕈᑎᑦ

ᓇᓪᓕᐅᒃᑯᒫᖃᙱᑦᑐᓂᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᓯᐊᖑᔪᓂᑦ ᐊᑭᓖᓲᖑᕗᑦ 945 ᓂᐅᕈᑎᓂᑦ ᐊᕐᕌᒍᑕᒫᑦ. 6-ᐸᓗᖕᓂᑦ ᐃᓗᓕᒃᓴᖓᓂ ᐅᓪᓗᕐᒥᑦ ᑕᖅᑭᓄᑦ ᑕᓪᓕᒪᓄᑦ.

ᕕᐊᕆᓂᒃᓚᐃᓐ (ᓵᒻᐱᒃᔅ)

ᓇᓪᓕᐅᒃᑯᒫᖃᙱᑦᑐᓂᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᓯᐊᖑᔪᓂᑦ ᐊᑭᓖᓲᖑᕗᑦ 165-ᓂᒃ ᐄᔭᒐᕐᓂ ᐊᕐᕌᒍᑕᒫᑦ. ᑕᖅᑭᓄᑦ-ᐱᖓᓱᓄᑦ ᓈᒻᒪᓪᓗᐊᖅᑐᑦ.

ᐳᐳᕉᐱᐊᓐ (ᓴᐃᐹᓐ)

ᓇᓪᓕᐅᒃᑯᒫᖃᙱᑦᑐᓂᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᓯᐊᖑᔪᓂᑦ ᐊᑭᓖᓲᖑᕗᑦ 180-ᓂᒃ ᐄᔭᒐᕐᓂ ᐊᕐᕌᒍᑕᒫᑦ. ᑕᖅᑭᓄᑦ-ᐱᖓᓱᓄᑦ ᓈᒻᒪᓪᓗᐊᖅᑐᑦ.

ᑕᕝᕚᑭᒦᑦᑐᒥ ᐅᐃᕆᓐᓇᖅᑐᓂᑦ ᐃᑲᔪᕈᑕᐅᔪᑦ (NRT) ᒪᓕᒋᐊᓕᖓ: ᑕᒪᓐᓇ ᒪᓕᒋᐊᓕᖓ ᑐᓂᓯᓂᖃᖅᐳᖅ ᑐᑭᓯᓂᐅᔪᒥᑦ ᑕᕝᕚᑭᒦᑦᑐᒥ ᐅᐃᕆᓐᓇᖅᑐᖅ ᐃᓇᖏᖅᓯᔪᒥᑦ ᐃᓅᓕᓴᐃᓂᕐᓂ ᑭᓲᓂᖏᓐᓂᑦ, ᖃᓄᖅ ᐱᓕᕆᕙᖕᓂᖏᓐᓂᑦ, ᖃᓄᖅ ᐊᑐᖅᑕᐅᓲᖑᓂᖓᓂ ᐊᒻᒪᓗ ᖃᓄᖅ ᐱᔪᓐᓇᕐᒪᒑᖅᐱᑦ.

ᒥᓇᒡᓕ: ᖃᓪᓗᓈᑎᑐᑦ / ᐃᓄᒃᑎᑐᑦ / ᐅᐃᕖᑎᑐᑦ / ᐃᓄᐃᓐᓇᖅᑐᓐ