ᐊᖅᑯᑎᒋᔭᐅᔪᒃᓴᖅ ᓱᐴᖅᑐᖅᑎᐅᔪᓐᓃᕐᓂᐊᖅᑐᓄᑦ ᐊᔾᔨᒌᒃᐸᙱᑦᑐᑦ ᑭᒃᑯᓕᒫᓄᑦ ᐊᔪᕈᓐᓃᖅᓴᕆᐊᖃᖅᖢᒍᓗ. ᐅᑯᐊ ᖃᐅᔨᒋᐊᕐᓗᒋᑦ ᐃᓕᓐᓂᐊᕐᓂᐊᕈᒪᒍᔅᓯᐅᒃ ᐱᐅᓯᕆᔭᐅᖃᑦᑕᖅᓯᒪᔪᑦ ᐱᕚᓪᓕᕈᑎᒋᔪᓐᓇᕋᔭᖅᑕᓯ ᓄᖅᑲᕕᖕᓂᕐᒧᑦ.
ᐃᓅᓕᓴᐅᑎᑦ
ᐃᓅᓕᓴᐅᑎᑦ
ᐃᓅᓕᓴᐅᑎᑦ ᐃᑲᔪᕈᑕᐅᔪᓐᓇᖅᑐᑦ ᑎᐹᖕᒥ ᐅᐃᕆᓐᓇᖅᑐᒥᒃ ᖀᓕᖅᑎᓪᓗᑎᑦ, ᐅᐃᕆᓐᓇᖅᑐᖅ ᑎᐹᒦᖃᑕᐅᔪᕐᒧᑦ. ᒥᒃᖠᒋᐊᕈᑕᐅᔪᓐᓇᕐᒥᔪᑦ ᑎᒥᒃᑯᑦ ᐃᑉᐱᖕᓈᓗᒃᖢᑎᒃ ᖃᓄᐃᓐᓂᐅᓲᑦ ᑎᐹᒍᓗᐊᒨᒐᓗᐊᖅ, ᓲᕐᓗ ᓂᙵᒃᓴᕋᐃᓕᕐᓗᑎᒃ, ᕿᑲᕈᓐᓇᐃᓪᓕᓗᑎᒃ ᓯᓂᒡᒐᓕᕐᓗᑎᒡᓗ. ᑕᐃᒪᓕ ᑲᒪᒋᖔᕈᓐᓇᖅᓯᓇᔭᖅᐸᑎᑦ ᐃᓱᒪᒃᑯᑦ ᐃᑉᐱᒋᔭᑎᑦ ᑎᐹᖕᒧᑦ ᓄᖅᑲᖅᐸᓪᓕᐊᓕᖅᑎᓪᓗᑎᑦ.
ᐊᑲᐅᓛᖑᕗᖅ ᐃᓅᓕᓴᐅᑎᓄᑦ ᐃᓅᓯᓕᕆᔭᐅᓂᕐᒧᓪᓗ ᑕᑎᖃᑦᑎᐊᕐᓗᓂ ᐃᓅᓯᓕᒫᓐᓄᑦ ᓱᐴᖅᑐᖅᑎᐅᔪᓐᓃᕐᓗᑎᑦ.
Champix™ / Zyban™:
ᐊᑎᐊ: Champix™ (Varenicline)
ᓇᓗᓇᐃᔭᖅᑕᐅᓂᖏᑦ
ᐃᓅᓕᓴᐅᑕᐅᕗᖅ ᐃᑲᔫᑎᒋᔪᓐᓇᖅᑕᑦ ᑎᐹᒃᑐᖅᑎᐅᔪᓐᓃᕐᓗᑎᑦ ᓱᐴᖅᑐᕈᒃᐸᒍᓐᓃᕐᓗᑎᑦ ᑎᒥᒃᑯᓪᓗ ᖃᓄᐃᑳᓪᓚᒃᐸᒍᓐᓃᕐᓗᑎᑦ.
Champix™ ᐱᖓᓱᐃᖅᓱᓪᓗᐊᖅ ᐃᑲᔫᑎᒋᔪᓐᓇᖅᐸᓯᐅᒃ ᑎᐹᒃᑐᖅᑎᐅᔪᓐᓃᖅᐸᓪᓕᐊᑎᓪᓗᓯ.
ᓘᒃᑖᖅ ᐅᕝᕙᓘᓐᓃᑦ ᐃᓗᐊᖅᓴᐃᔨ ᑕᐃᒪᐃᑦᑐᒥᒃ ᐃᓅᓕᓴᐅᑎᑖᖅᑎᑦᑎᔪᓐᓇᖅᑐᑦ.
ᖃᓄᖅ ᐊᑐᕆᐊᖃᕐᒪᖔᑦ
ᐃᓅᓕᓴᐅᑦ ᐱᔭᐅᒐᔪᒃᐳᑦ ᐅᓗᖅ ᐊᑕᐅᓯᐊᖅᖢᒍ ᐅᓪᓗᑦ ᐱᖓᓱᑦ ᓯᕗᓪᓕᕐᓄᑦ, ᑭᖑᓂᐊᒍᓪᓗ ᐅᓪᓗᕐᒥ ᒪᕐᕈᐃᖅᓱᓕᖅᐸᒃᖢᒋᑦ ᐱᓇᓱᐊᕈᓯᕐᓄᑦ 12-ᓄᑦ.
ᑕᐃᒪᐃᑦᑐᒥᒃ ᐃᓅᓕᓴᐅᑎᑐᕐᓂᐊᓕᕌᖓᔅᓯ ᓂᕆᓗᓯ ᐃᓅᓕᓴᕆᐊᖃᖅᑕᓯ ᐃᒥᕐᔪᐊᕐᓗᓯᓗ. ᐃᑲᔪᕈᑕᐅᔪᓐᓇᕐᒪᑕ ᓈᕐᓕᖓᔪᓄᑦ.
ᑕᐃᒪᐃᑦᑐᓂᒃ ᐃᓅᓕᓴᐅᑎᑐᕆᐊᖃᖅᐳᓯ ᐱᓇᓱᐊᕈᓯᖅ ᐊᑕᐅᓯᖅ ᒪᕐᕉᒡᓘᓐᓃᑦ ᓄᖅᑲᕐᕕᒋᓂᐊᖅᑕᑦ ᓇᓪᓕᓚᐅᙱᓐᓂᖓᓂᒃ.
ᑎᐹᖕᒧᑦ ᐃᓇᖏᐅᑎᖔᕈᓐᓇᖅᑐᑦ, ᓲᕐᓗ ᓂᐱᑎᒐᖅ ᐊᒻᒪ ᑕᒧᐊᔭᒐᖅ, ᐊᑐᖅᑕᐅᖃᓯᐅᔾᔭᐅᔪᓐᓇᖅᑐᑦ Champix™ ᑎᐹᒃᑐᕈᒪᓗᐊᓕᕌᖓᕕᑦ.
Champix™ ᐃᓅᓕᓴᐅᑎᑦᑎᐊᕙᐅᓛᖑᙱᑐᐃᓐᓇᕆᐊᓕᒃ ᐃᓕᖕᓄᑦ ᐃᒪᐃᓕᐅᖃᑦᑕᕈᕕᑦ:
- ᓯᖓᐃᒍᕕᑦ ᐅᕝᕙᓘᓐᓃᑦ ᐊᒫᒪᒃᑎᑦᑎᒍᕕᑦ; ᐅᕝᕙᓘᓐᓃᑦ
- ᑕᖅᑐᕐᓗᒃᑯᕕᑦ.
ᐊᒃᑑᑎᔪᑦ
- ᓈᙳᒍᕕᑦ;
- ᓯᓂᒍᓐᓇᐃᓪᓕᑲᑕᒃᑯᕕᑦ;
- ᓯᓐᓇᒃᑐᕈᓘᔭᖃᑦᑕᓯᑳᓪᓚᒃᑯᕕᑦ; ᐊᒻᒪ
- ᓂᐊᖁᙳᖃᑦᑕᓕᕈᕕᑦ.
ᐊᑎᐊ: Zyban™ (Bupropion SR)
ᓇᓗᓇᐃᔭᖅᑕᐅᓂᖏᑦ
ᐃᓅᓕᓴᐅᑕᐅᕗᖅ ᐃᑲᔫᑎᒋᔪᓐᓇᖅᑕᑦ ᑎᐹᒃᑐᖅᑎᐅᔪᓐᓃᕐᓗᑎᑦ ᓱᐴᖅᑐᕈᒃᐸᒍᓐᓃᕐᓗᑎᑦ ᑎᒥᒃᑯᓪᓗ ᖃᓄᐃᑳᓪᓚᒃᐸᒍᓐᓃᕐᓗᑎᑦ.
Zyban™ ᓱᐴᖅᑐᕈᖕᓇᙱᑦᑐᑦ ᒪᕐᕈᐃᖅᓱᓪᓗᐊᖅ ᐃᑲᔫᑎᔪᓐᓇᖅᐳᑦ ᑎᐹᖕᒧᑦ ᓄᖅᑲᕕᖕᓂᐊᓕᖅᑎᓪᓗᑎᑦ.
ᓘᒃᑖᖅ ᐅᕝᕙᓘᓐᓃᑦ ᐃᓗᐊᖅᓴᐃᔨ ᑕᐃᒪᐃᑦᑐᒥᒃ ᐃᓅᓕᓴᐅᑎᑖᖅᑎᑦᑎᔪᓐᓇᖅᑐᑦ. ᑕᐃᒪᐃᑦᑐᑦ ᐃᓅᓕᓴᖅᑕᐅᒐᔪᒃᐳᑦ ᐊᑕᐅᓯᐊᖅᖢᒍ ᐅᓪᓛᒃᑯᑦ ᐅᓪᓗᑦ ᐱᖓᓱᑦ ᓯᕗᓪᓕᕐᓂᒃ, ᑭᖑᓂᐊᒍᓪᓗ ᐊᑕᐅᓯᐊᕐᓗᑎᑦ ᐄᓯᕙᒡᓗᑎᑦ ᐅᓪᓛᒃᑯᑦ ᐊᒻᒪ ᐊᑕᐅᓯᐊᖅ ᐅᓐᓄᓵᒃᑯᑦ ᐱᓇᓱᐊᕈᓯᕐᓄᑦ 12-ᓄᑦ.
ᖃᓄᖅ ᐊᑐᕆᐊᖃᕐᒪᖔᑦ
ᑕᐃᒪᐃᑦᑐᓂᒃ ᐃᓅᓕᓴᐅᑎᑐᕈᓐᓇᖅᐳᓯ ᓂᕆᓯᒪᓗᓯ ᓂᕆᓯᒪᙱᒃᑲᓗᐊᕐᓗᓯᓘᓐᓃᑦ.
ᑕᐃᒪᐃᑦᑐᓂᒃ ᐃᓅᓕᓴᐅᑎᑐᕆᐊᖃᖅᐳᓯ ᐱᓇᓱᐊᕈᓯᖅ ᐊᑕᐅᓯᖅ ᒪᕐᕉᒡᓘᓐᓃᑦ ᓄᖅᑲᕐᕕᒋᓂᐊᖅᑕᑦ ᓇᓪᓕᓚᐅᙱᓐᓂᖓᓂᒃ.
ᑎᐹᖕᒧᑦ ᐃᓇᖏᐅᑎᖔᕈᓐᓇᖅᑐᑦ, ᓲᕐᓗ ᓂᐱᑎᒐᖅ ᐊᒻᒪ ᑕᒧᐊᔭᒐᖅ, ᐊᑐᖅᑕᐅᖃᓯᐅᔾᔭᐅᔪᓐᓇᖅᑐᑦ Zyban™ ᑎᐹᒃᑐᕈᒪᓗᐊᓕᕌᖓᕕᑦ.
Zyban™ ᐃᓅᓕᓴᐅᑎᑦᑎᐊᕙᐅᓛᖑᙱᑐᐃᓐᓇᕆᐊᓕᒃ ᐃᓕᖕᓄᑦ ᐃᒪᐃᓕᐅᖃᑦᑕᕈᕕᑦ:
- ᐃᒥᐊᓗᖕᒥ ᐃᒥᕋᔪᒃᑯᕕᑦ;
- ᐊᐅᒃᐱᑦ ᑎᒡᓕᕐᓂᖓ ᖁᕝᕙᓯᓗᐊᖅᐸᑦ;
- ᖀᖅᓱᖃᑦᑕᕈᕕᑦ; ᐅᕝᕙᓘᓐᓃᑦ
- ᐊᓯᖏᓐᓂᒃ ᐃᓅᓕᓴᐅᑎᑑᒪᒍᕕᑦ ᐅᕝᕙᓘᓐᓃᑦ ᓘᒃᑖᑦ ᐊᓯᖏᓐᓄᑦ ᐃᓅᓕᓴᖁᔭᐅᔪᓄᑦ.
ᐊᒃᑑᑎᔪᑦ
- ᖃᓂᐊᒍᑦ ᓴᓗᐊᕐᓗᓂ;
- ᓯᓂᒍᓐᓇᐃᓪᓕᑲᑕᒃᑯᕕᑦ;
- ᓂᐊᖁᙳᑲᑕᒃᑯᕕᑦ; ᐊᒻᒪ
- ᓴᔪᒃᓱᓕᕈᕕᑦ ᐅᕝᕙᓘᓐᓃᑦ ᖁᔅᓴᓪᓚᒃᓴᕋᐃᒃᑯᕕᑦ.
ᖃᓄᖅ ᐃᓅᓕᓴᐅᑎᑖᕈᓐᓇᕐᒪᖔᑕ
ᐋᓐᓂᐊᕐᕕᓕᐊᕐᓗᑎᑦ ᐅᕝᕙᓘᓐᓃᑦ ᐃᖢᐊᖅᓴᐃᔨᒧᑦ ᓘᒃᑖᒧᓪᓘᓐᓃᑦ ᐅᖃᓪᓚᖃᑎᖃᕐᓗᑎᑦ.
ᓄᓇᔅᓯᓐᓂᒃ ᐄᔭᒐᖅᑖᕐᕕᖃᕈᔅᓯ, ᐄᔭᒐᖅᑖᕈᓐᓇᐅᑎᑦ ᐃᔭᒐᖅᑖᖅᑐᓕᕆᕝᕕᓕᐊᕐᓗᒍ. ᐄᔭᒐᖅᑖᖅᑐᓕᕆᔨᐅᑉ ᐱᕙᒌᔭᕈᑎᓂᐊᖅᐹᑎᑦ.
ᓄᓇᔅᓯᓐᓂ ᐄᔭᒐᖅᑖᕐᕕᖃᙱᒃᑯᔅᓯ, ᐃᓗᐊᖅᓴᐃᔨᓯ ᓱᒃᑲᔪᒃᑯᑦ ᐊᐅᓪᓚᖅᑎᑦᑎᔪᓐᓇᖅᑐᖅ ᐄᔭᒐᖅᑖᕈᑎᖕᓂ ᖃᓂᓛᒧᑦ ᐄᔭᒐᖅᑖᕐᕕᖕᒧᑦ. ᐄᔭᒐᖅᑖᖅᑐᓕᕆᔨᓯ ᐱᕙᒌᔭᖅᓯᓂᐊᖅᐳᑦ ᐄᔭᒐᖅᑖᕈᑎᖕᓂᒃ ᐊᐅᓪᓚᖅᑎᑦᑎᓇᔭᖅᐳᓪᓗ ᐋᓐᓂᐊᕕᔅᓯᓐᓄᑦ.
ᐅᖃᓪᓚᖃᑎᖃᕈᓐᓇᖅᐳᑎᑦ ᓄᖅᑲᕋᓱᒃᑎᓪᓗᓯ ᐃᑲᔪᖅᑎᒋᔭᑦᑎᓐᓄᑦ ᐅᕗᖓ ᐅᖃᓗᒡᓗᓯ 1-866-368-7848, Facebook, ᐃᕐᖐᓐᓈᖅᑕᐅᒃᑯᑦ [email protected] ᐅᕝᕙᓘᓐᓃᑦ live chat. ᐃᑲᔪᕈᓐᓇᖅᑐᑦ ᐃᓕᔅᓯᓐᓂᒃ ᐃᓱᒪᓕᐅᕆᑎᓪᓗᓯ ᓇᓕᐊᒃ ᐃᑲᔫᑎᒃᓴᖅ ᐃᓕᖕᓄᑦ ᓈᒻᒪᖕᒪᖔᑦ.
ᐅᖃᓗᒡᓗᓯ ᐅᕝᕙᓘᓐᓃᑦ ᐅᒡᓚᖅᐸᒡᓗᓯᐅᒃ ᐄᔭᒐᖅᑖᖅᑐᓕᕆᔨᓯ ᐅᖃᐅᓯᖃᖃᑎᒋᓗᒍᓗ ᐃᓅᓕᓴᐅᑎᑖᕆᔪᓐᓇᖅᑕᔅᓯᓐᓂᒃ. ᐃᓚᖏᑦ ᐱᔭᒃᓴᐅᔪᑦ ᐄᔭᒐᖅᑖᕈᑎᖃᙱᒃᑲᓗᐊᕐᓗᑎᒃ.
ᓇᓪᓕᐅᒃᑯᒫᖃᙱᑦᑐᓄᑦ ᐃᓅᓕᓴᖅᑕᐅᔭᕆᐊᓕᖕᓄᑦ ᐃᑲᔫᓯᐊᑦ ᐊᒻᒪ ᖃᔅᓯᑲᓪᓚᑦ ᐊᓯᖏᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓄᑦ ᐸᕐᓇᐅᑎᑦ ᐊᑕᖏᖅᑕᐅᓪᓗᓂ ᓄᖅᑲᕋᓱᒃᑐᓄᑦ ᐃᑲᔫᑎᑦ ᐃᓅᓕᓴᐅᑎᓂᒃ.