ᑎᐹᒃᑐᖃᑦᑕᕐᓂᖅ ᐊᒃᑐᐃᔾᔪᑕᐅᓯᒪᕗᖅ ᓄᓇᕗᒥᐅᓕᒫᓄᑦ ᓄᓇᒥᓪᓗ ᐊᕙᑎᑦᑎᓐᓄᑦ. ᒪᓕᒐᐃᑦ ᑎᐹᖕᒧᑦ ᐊᑐᖅᑎᓂᒃ ᐋᖅᑭᒃᑕᐅᓯᒪᕗᑦ ᓴᐳᔾᔨᔾᔪᑎᒃᓴᐅᓪᓗᑎᒃ ᓄᓇᖅᑲᑎᑦᑎᓐᓄᑦ, ᐱᓗᐊᖅᑐᒥᒃ ᓄᑕᖅᑲᓄᑦ ᒪᒃᑯᒃᑐᓄᓪᓗ. ᐅᕗᙵᕈᓐᓇᖅᑐᑦ ᖃᐅᔨᒃᑲᓐᓂᕈᒪᒍᕕᑦ.
ᑎᐹᑦ ᖃᓄᐃᑦᑑᓂᖏᑦ
ᑎᐹᑦ ᖃᓄᐃᑦᑑᓂᖏᑦ
ᓱᐴᖅᑐᖅᑕᐅᓲᑦ ᑎᐹᑦ (ᓯᒡᒐᓕᐊᑦ, ᓯᒑᑦ)
ᓱᐴᖅᑐᖅᑕᐅᓲᑦ ᐳᔫᕈᓐᓇᖅᑐᑦ ᑎᐹᑦ ᐊᐅᒪᖃᕈᓐᓇᖅᑐᑦ ᐳᔪᐊ ᓂᐅᖅᑕᐅᔪᓐᓇᖅᑐᖅ, ᑭᖕᒥᐊᖅᑕᐅᓲᖑᖕᒥᔪᑦ. ᐅᑯᐊ ᑎᐹᓖ ᐅᑯᐊᖑᕗᑦ:
ᓯᒡᒐᓕᐊᑦ:
- ᑎᐹᒃ ᐱᔭᐅᓂᖅᐹᖅ ᓄᓇᕐᔪᐊᕐᒥ. ᓯᒡᒐᓕᐊᑦ ᓴᓇᔭᐅᓲᖑᕗᑦ ᑎᐹᑦ ᓯᖃᓪᓕᓯᒪᓪᓗᑎᒃ. ᑎᐹᒃ ᐃᒧᔭᐅᓲᖑᓪᓗᑎᒃ ᐃᒧᕙᒌᖅᓯᒪᔪᓄᑦ.
- ᓯᒡᒐᓕᐊᑦ 7,000 ᐅᖓᑖᓂ ᐋᓐᓂᐊᓕᕐᓇᖅᑐᓂᒃ ᐃᓚᐅᕈᑎᖃᖅᑐᑦ. ᕼᐊᓐᓇᓚᖏᓐᓃᑦᑐᑦ ᑐᖁᓐᓇᖅᑐᑦ 70−ᐸᓘᓪᓗᑎᓪᓗ ᖃᐅᔨᒪᔭᐅᔪᑦ ᐋᓐᓂᐊᖅᑖᕐᓇᖅᑐᑦ.
ᓇᖕᒥᓂᖅ ᓱᐴᖅᑐᕐᓂᐊᖅᑕᔅᓯᓐᓂᒃ ᐃᒧᓯᕙᒡᓗᓯ:
- ᐅᑯᐊ ᓯᒡᒐᓕᐊᑦ ᐃᒧᔭᐅᓲᑦ ᓱᐴᖅᑐᖅᑎᒧᑦ. ᐃᒧᔭᒃᓴᒧᑦ ᑎᐹᓕᖅᖢᒋᑦ ᐃᒧᓪᓗᒋᓪᓗ ᓱᐴᖅᑐᖅᑕᐅᓲᑦ ᕼᐊᓐᓇᓚᖏᓐᓂᒃ ᐃᓚᐅᕈᑎᖃᕐᒥᔪᑦ.
ᓯᒡᒑᑦ:
- ᓯᒑᑦ ᐸᓂᖅᑎᓯᒪᔪᓂᒃ ᐊᒻᒪ ᐃᒍᓇᖅᑎᓯᒪᔪᓂᒃ ᑎᐹᓕᖅᓱᖅᓯᒪᓲᑦ. ᑎᐹᒃ ᓱᑲᑕᐅᓪᓗᓂ ᐃᒧᔭᐅᓲᖑᕗᖅ ᐊᐅᒪᓕᑕᐅᓪᓗᓂᓗ. ᓱᐴᖅᑐᖅᑎ ᓯᒑᕐᒥ ᒥᓗᒃᓯᐊᓪᓚᓚᐅᖅᖢᓂ ᓱᐱᔭᐅᓲᖑᕗᑦ.
ᑕᕝᕚᑭ
ᐳᔫᙱᑦᑐᑦ ᑎᐹᑦ ᒪᑯᐊᖑᓪᓗᑎᒃ ᐅᖁᒻᒥᐊᖅᑕᐅᓲᖑᓪᓗᑎᒃ ᓱᕐᓗᖕᒦᑎᑕᐅᓲᖑᓪᓗᑎᒡᓗ ᐊᐅᒪᓕᑦᑕᕆᐊᖃᙱᖦᖢᑎᒃ. ᐅᑯᓂᖓ ᐃᓚᖃᖅᐳᑦ:
- ᑕᕝᕚᑭ ᑕᒧᐊᔭᕆᐊᓕᒃ ᐅᖁᒻᒥᖅᑕᐅᓲᖑᕗᑦ ᖃᓂᒃᑯᑦ, ᐅᓗᐊᒃᑯᑦ, ᐅᕝᕙᓘᓐᓃᑦ ᐃᒃᑭᖓᑕ ᐊᑯᓐᓂᐊᓄᐊᖅᑕᐅᓲᑦ. ᒥᓗᒃᑐᖅᑕᐅᓲᖅ ᐅᕝᕙᓘᓐᓃᑦ ᑕᒧᐊᔭᐅᓲᑦ. ᐃᓛᓐᓂᒃᑯᑦ ᑕᐃᔭᐅᓲᖅ "ᑎᐹᒃ ᐅᕆᐊᑲᑕᒋᐊᓕᒃ". ᐃᒪᓐᓇᐅᔪᖅ ᑎᐹᖕᒥ ᐅᖁᒻᒥᐊᖅᐸᒃᑐᑦ ᑎᕝᕗᐊᑲᑕᓲᖑᕗᑦ ᑎᐹᖕᒥᙶᖅᑐᖅ ᐃᔅᓯᖓᓐᓂᒃ ᐊᒻᒪ ᓄᕙᖓᓐᓂᒃ.
- ᑕᕝᕚᑭᑦ ᓯᖃᓕᓯᒪᓲᑦ ᐅᕝᕙᓘᓐᓃᑦ ᐊᒃᓴᓕᒃᓯᒪᓲᑦ. ᐸᓂᖅᖢᑎᒃ ᐅᕝᕙᓘᓐᓃᑦ ᕿᐅᒃᑲᖓᓪᓗᑎᒃ. ᐸᓂᖅᑐᑦ ᑕᕝᕚᑭᑦ ᑎᐹᖑᓪᓗᑎᒃ ᓯᖃᓪᓕᑯᓘᔭᖅᓯᒪᕗᑦ. ᓂᐅᖅᑕᐅᒐᔪᒃᑐᑦ ᓱᕐᓗᒃᑯᓪᓗ ᓯᓚᒻᒧᑦ ᐊᓂᖅᓵᖅᑐᖅᑕᐅᕙᒃᖢᑎᒃ. ᕿᐅᒃᑲᖓᔪᑦ ᑕᕝᕚᑭᑦ ᐅᖁᒻᒥᐊᖅᑕᐅᓲᑦ, ᐅᓗᐊᑉ ᐊᒻᒪ ᐃᒃᑭᐅᑉ ᐊᑯᓐᓂᖓᓄᐊᖅᑕᐅᓪᓗᑎᒃ.
ᑎᐹᑦ ᑕᒧᐊᔭᐅᓲᑦ ᑎᐹᖕᒥ ᐅᐃᕆᓐᓇᖅᑐᓕᖅᓯᒪᕐᔪᐊᖅᑐᑦ ᓯᒡᒐᓕᐊᓂᒡᓘᓐᓃᑦ ᐅᐃᕆᓇᕐᔪᐊᖅᑐᒻᒪᕆᐊᓘᓪᓗᑎᒡᓗ.
ᓂᐅᖅᑐᒐᐃᑦ
ᓂᐅᖅᑐᒐᑦ ᐆᓇᖅᓯᖃᑦᑕᖅᐳᑦ ᐃᒪᖃᖅᖢᓂ, ᑎᐱᖃᒐᔪᒃᑐᖅ, ᑎᖕᒥᑳᕈᑎᖃᖃᑦᑕᖅᐳᖅ ᓂᐅᕆᐊᖃᖅᖢᑎᒃ. E-ᐃᔅᓯᖓ ᑎᐱᖃᒐᔪᒃᑐᑦ ᓲᕐᓗ ᓱᕝᕕᐅᕐᓇᖅᑐᒥᒃ ᐅᕝᕙᓘᓐᓃᑦ ᓰᕐᓇᖅᑐᒥᒃ ᐅᕝᕙᓘᓐᓃᑦ ᓰᕐᓇᕐᔪᐊᖅᑐᒻᒪᕆᐊᓗᖕᓂᒃ Sour Patch Kids™ ᐊᒻᒪ ᑯᑯᓕᖅᓯᒪᔪᑦ. ᓂᐅᕆᐊᓕᑦ ᖃᓄᑐᐃᓐᓈᓗᒃ ᑕᐅᑦᑐᖃᕈᓐᓇᖅᑐᑦ ᐊᖏᓂᖏᓪᓗ ᐊᔾᔨᒌᙱᖦᖢᑎᒃ: ᐃᓚᖏᑦ ᑎᑎᕋᐅᑕᐅᖅᑰᔨᔪᑦ ᐅᕝᕙᓘᓐᓃᑦ ᖃᕆᑕᐅᔭᕐᒧᑦ ᑲᑉᐳᑎᒋᐊᓖᑦ USB sticks, ᐊᓯᖏᓪᓗ ᓲᕐᓗ ᒥᑭᖦᖢᑎᒃ ᐃᑭᑦᑕᖅᑐᐃᑦ.
ᓂᐅᕆᐊᓕᑦ ᑎᐹᖃᙱᑦᑐᑦ, ᑭᓯᐊᓂ ᓯᒡᒐᓕᐊᙳᐊᑉ ᐃᔅᓯᖓ ᑎᐹᖕᒧᑦ ᐅᐃᕆᓇᖅᑐᖃᕋᔪᖕᒪᑕ. ᑎᐹᖕᒦᑦᑐᖅ ᐅᐃᕆᓇᖅᑐᑦ ᐊᔾᔨᒌᒃᐸᙱᑦᑐᑦ, ᑭᓯᐊᓂ ᐱᔭᐅᒐᔪᒃᑐᑦ ᓲᕐᓗ JUUL™ ᓂᐅᕕᐊᒃᓴᖃᓲᑦ ᓯᒡᒐᓕᐊᙳᐊᓂᒃ ᑎᐹᖕᒧᑦ ᐅᐃᕆᓇᖅᑐᓕᓗᐊᖅᓯᒪᒃᑲᓐᓂᖅᖢᑎᒃ 20−ᓂᒃ ᐃᓗᓕᓕᖕᓂᒃ ᓯᒡᒐᓕᐊᓂᒃ. ᓯᒡᒐᓕᐊᙳᐊᑦ THC−ᓕᖅᓯᒪᔪᑦ (ᐃᓚᐅᖅᓯᒪᔭᖓ ᓱᕐᕋᖕᓇᖅᑐᒥ ᐃᓚᐅᖅᓯᒪᔭᖓ ᐋᖓᔮᕐᓇᖅᑐᖅ) ᐊᑐᐃᓐᓇᐅᓲᖑᖕᒥᔪᑦ.
ᓂᐅᕆᐊᓕᑦ ᐃᒪᐃᓐᓂᕋᖅᑕᐅᒐᓗᐊᖅᑎᓪᓗᒋᑦ ᐊᑦᑕᕐᓇᙱᑦᑐᒡᒎᖅ ᐊᑐᖅᑕᐅᖔᕈᓐᓇᖅᖢᑎᒃ ᓱᐴᖅᑐᖅᑎᐅᙱᖔᓕᕐᓗᑎᒃ, ᐃᓱᒫᓗᖕᓇᖅᑐᓂᒃ ᓴᖅᑭᑦᑐᖃᖅᐸᓪᓕᐊᑎᓪᓗᒍ ᖃᓄᐃᙱᑦᑎᐊᕈᓯᕐᓄᑦ ᐋᓐᓂᐊᓕᕐᓇᖅᑐᑦ. ᑎᐹᖕᒦᑦᑐᖅ ᐅᐃᕆᓐᓇᖅᑐᓕᖅᓯᒪᕐᔪᐊᖅᐳᖅ ᒥᑭᑦᑐᓂᒡᓗ ᐃᓗᓕᖃᖅᖢᑎᑦ ᐊᓂᖅᑎᕆᑎᓪᓗᑎᑦ ᓂᐅᖅᑐᒐᖓᓗ ᐅᐃᕆᓐᓇᖅᖢᑎᒃ, ᐆᒻᒪᕆᓯᕆᓇᖅᐳᖅ, ᓄᑮᖅᑎᓐᓇᖅᖢᓂ, ᐊᐅᖕᒥᑦ ᖁᕝᕙᓯᓗᐊᕐᓇᖅᐳᖅ ᐊᒻᒪ ᐳᕙᖕᒥᑦ ᐱᐅᔪᓐᓃᖅᑎᑦᑎᕙᒃᖢᓂ. ᑎᐹᖕᒦᑦᑐᖅ ᐅᐃᕆᓐᓇᖅᑐᖅ ᐃᓅᓯᓕᒫᕐᒧᑦ ᓱᕈᕈᑎᔪᓐᓇᖅᐳᖅ ᖃᕋᓴᕐᒧᑦ, ᐃᓱᒪᒃᓴᖅᓯᐅᑦᑎᐊᕐᓇᕈᓐᓃᕐᓗᓂ ᐊᑦᑕᕐᓇᕐᓂᖓᓄᓪᓗ ᑎᑭᐅᑎᓗᓂ ᐃᓱᒪᒥᒍᑦ ᐋᓐᓂᐊᕈᑎᖃᓕᕐᓗᓂ.
ᓂᐅᕆᐊᓕᑦ ᐊᑐᖅᐸᒃᖢᒋᑦ ᐋᓐᓂᐊᖅᑖᕐᓇᙱᓐᓂᖅᓴᐅᒐᓗᐊᖅ ᓱᐴᖅᑐᖃᑦᑕᕐᓂᕐᒥᒃ, ᐊᑐᖁᔭᐅᙱᑦᑑᒐᓗᐊᑦ ᓱᐴᖅᑐᖅᑎᐅᙱᖔᕋᓱᓕᕈᔅᓯ. ᓄᓇᕗᒻᒥᐅᑦ ᓱᐴᖅᑐᖅᑎᐅᔪᒪᔪᓐᓃᖅᑐᑦ, ᑎᐹᖕᒦᑦᑐᑦ ᐅᐃᕆᓐᓇᖅᑐᒧᑦ ᐃᓇᖐᔾᔪᑎᓂᒃ ᐊᑐᖃᑦᑕᓪᓗᐊᖅᐳᑦ ᑎᐹᖕᒦᑦᑐᑦ ᐅᐃᕆᓐᓇᖅᑐᒧᑦ ᐃᓇᖐᔾᔪᑎᑦ ᒪᒥᓴᐅᑎ, ᓲᕐᓗ ᑎᒥᒧᑦ ᓂᐱᑎᑦᑕᕆᐊᓕᑦ ᐅᕝᕙᓘᓐᓃᑦ ᑕᒧᐊᔭᒐᑦ, ᖃᐅᔨᒪᔭᐅᓕᖅᑐᑦ ᐊᑦᑕᕐᓇᙱᓐᓂᖏᓐᓂᒃ ᐊᒻᒪ ᐊᑑᑎᖃᑦᑎᐊᕐᓂᖏᓐᓂᒃ.
ᓱᕐᕋᖕᓇᖅᑐᖅ
ᖃᔅᓯᑲᓪᓚᑦ ᑎᐹᖕᒥ ᐊᑐᖅᐸᒃᑐᑦ ᓱᕐᕋᖕᓇᖅᑐᒥᒃ ᒥᓗᒃᓯᓲᖑᖕᒥᔪᑦ. ᐊᑐᕋᔪᒃᑐᑦ ᐊᒻᒪ ᐊᑐᖅᑎᐅᔅᓲᔭᖅᑐᑦ ᓱᕐᕋᖕᓇᖅᑐᒥᒃ ᐅᑯᓂᖓ ᐊᑦᑕᕐᓇᖅᑐᒦᓕᕈᓐᓇᖅᐳᑦ:
- ᐃᓱᒪᒥᒍᑦ ᐋᓐᓂᐊᓕᕐᓗᑎᒃ, ᐱᓗᐊᖅᑐᒥᒃ ᐃᓱᒪᐃᕈᑎᓗᑎᒃ;
- ᐊᔪᓕᕈᑎᖃᕐᓂᖅ;
- ᐊᓂᖅᑎᕆᑦᑎᐊᕈᓐᓇᐃᓪᓕᓲᑦ ᓱᕐᕋᖕᓇᖅᑑᒪᔪᑦ; ᐊᒻᒪ
- ᐅᔾᔨᑦᑎᐊᕈᓐᓃᕐᓗᑎᒃ, ᐃᓱᒪᑦᑎᐊᕈᓐᓇᐃᓪᓕᓗᑎᒃ, ᐊᑲᐅᙱᓪᓕᐅᕈᑎᓂᒡᓗ ᖃᓄᖅᑑᕈᓐᓇᐃᓪᓕᓗᑎᒃ.
ᓱᕐᕋᖕᓇᖅᑐᖅᑑᒪᔪᑦ ᐅᑭᐅᖃᓕᓚᐅᕋᑎᒃ 25-ᓂᒃ ᐱᐅᙱᑦᑐᒥᒃ ᖃᕋᓴᕐᒧᑦ ᐊᒃᑐᐃᔪᓐᓇᖅᐳᖅ.
ᓯᖓᐃᑎᓪᓗᒋᑦ ᓱᕐᕋᖕᓇᖅᑐᖅᑑᒪᕙᒃᑐᑦ ᐊᒫᒪᒃᑎᑦᑎᑎᓪᓗᒋᓪᓘᓐᓃᑦ ᐋᓐᓂᐊᕐᓇᑐᐃᓐᓇᕆᐊᓕᒃ ᓄᑕᕋᓛᕐᒧᑦ.
ᐊᑲᐅᓛᖅ ᓱᕐᕋᖕᓇᖅᑐᒥ ᐊᑦᑕᕐᓇᖅᑐᑦ ᐱᑦᑕᐃᓕᒪᓗᒋᑦ ᐱᕙᙱᓪᓗᒋᑦ. ᓱᕐᕋᖕᓇᖅᑐᖅᑐᖃᑦᑕᕈᒪᒍᕕᑦ, ᐅᑯᐊ ᐃᓱᒪᒋᔭᒃᓴᑦ ᐃᓱᒪᒋᓗᒋᑦ ᖃᓄᐃᓕᐅᕐᓗᑎᑦ ᐊᑦᑕᕐᓇᖅᑐᒧᐊᖅᐸᓪᓕᐊᓂᕆᔭᑦ ᐊᒃᐸᕆᐊᕈᓐᓇᕐᒪᖔᑦ:
- ᓱᐴᖅᑐᖅᐸᙱᓪᓗᒋ ᓱᕐᕋᖕᓇᖅᑐᑦ. ᖃᐅᔨᒋᐊᖃᑦᑕᖁᔭᐅᕗᓯ ᐊᑦᑕᕐᓇᕐᓂᖏᓐᓂᒃ ᓱᕐᕋᖕᓇᖅᑐᒥᒃ ᐊᑐᖅᑎᐅᓂᕐᒥᒃ ᐊᓯᖏᑎᒍᑦ.
- ᐊᑐᖅᑎᐅᓂᕆᔭᑦ ᐅᓄᕈᓐᓃᕆᐊᕐᓗᒍ ᐱᓇᓱᐊᕈᓯᕐᒥᑦ ᐊᑕᐅᓯᐊᖅᐸᒡᓗᒍ ᑐᖔᓂᓪᓘᓐᓃᑦ.
- ᓱᕐᕋᖕᓇᖅᑐᖅᑑᒪᕙᙱᓪᓗᑎᑦ ᓯᖓᐃᒍᕕᑦ, ᐊᒫᒪᒃᑎᑦᑎᒍᕕᑦ ᐅᕝᕙᓘᓐᓃᑦ 25 ᑐᖔᓂ ᐅᑭᐅᖃᕈᔅᓯ.
- ᐊᖁᑦᑕᐃᓕᑦᑎᐊᕆᔅᓯ ᑭᓱᑐᐃᓐᓇᑦᑎᐊᓂᒃ ᐃᖏᕐᕋᔫᑎᓂᒃ (ᑎᓴᒪᓕᒃ, ᐅᒥᐊᖅ, ᓯᑭᑑᖅ, ᓄᓇᓯᐅᑎ, ᓄᓇᒃᑰᕈᑎ) ᓱᕐᕋᖕᓇᖅᑑᒪᑎᓪᓗᓯ.
- ᓱᕐᕋᖕᓇᖅᑐᑦ THC−ᒥ ᐃᓚᐅᖅᓯᒪᕐᔪᐊᖅᑐᑦ ᐊᑐᖅᐸᙱᓪᓗᒋᑦ. ᓂᐅᕕᐊᕆᕙᒡᓗᒋᑦ THC−ᖃᑦᑎᐊᙱᑦᑐᑦ ᐃᓚᓯᒪᓂᖅᓴᐅᓪᓗᑎᑦ CBD−ᒥ.