Havautit

Havautit

Havautit ikayuqtuq ikikliyuumiqhugu higaarumaniq uumunnga qayangnautiqaqtuq aturumapkainnaqtuq, piumainarutiuyuq takunnaqtuq tipaakuni. Ikayuqtullu timiknut higaarumainnarninnga naunaitkutingit uuminnga qayangnautiqaqtuq aturumapkainnaqtuq, ukunatitut nakuungittut qanuqtut ihumagiyautit, nutqangailairniq ayurhqtuqlu hinigiami. Talvannga ihumagilluaqtaaqtat ihumamitigut ilagiyanga higaaruiriaqni.

Nakuutqiyauyuq aturiami havautinik uqaqatigiiktumiklu ikayuqtaugumi atauttikkut nakuutqiamut higaaruiqpiariaqni.

Quitting Sounds Good To Me Poster - En

Champix™/Zyban™:

ATIA: Champix™ (Varenicline)

UNNIQTUTA

Varenicline (Champix™) havaut ikayuriaqni hagaaruiriaqni ikikliyuumiutiyuq higaarumaniq higaarumaqpialiruvilluuniit.

Champix™ PINGAHUIQTUQTITAA higaaruiriaqni.

Taakti Naunaitkutalirhimayuq Munarhi tunittaaqtaatit taafuminnga.

QANUQTUT ATURNINNGA

Una havaut piyakhaq atauhiqmik ubluni hivulliqpaamut pingahut ublunik, talvanna malruiqtuqlugit atauhiqmi ublunik taimaa 12 nik Santinik.

Una havautituqpaklugu niritillutit niuqarlutit amihunik qallutinik imarmik. Ikayurniaqtuq ikikliyuumirlugu aqiaruqliuliruvit.

Atuliqtakhat una havaut atauhiqmik malruuknik Santinik higaruiqtinnatit.

Qayangnautiqaqtuq aturumapkainnaqtuq himmautinga higaaruirutikhat, mattutitut kuttuqtutlu, atuinnarialik uuminnga Champix™ higaarumaliruvit qayangnautiqaqtuq aturumapkainnaqtuq higaaruirahuaqtillutit.

Champix™ nakuutqiyaulimaittuq havaut iliknut hapkuninnga piguvit:

  • Hingaiyaruvit biibinnuarnut maamaktittillutit; unaluuniit
  • Taqtut nakuungitpat.
QANURILIURUTAUYUT
  • Aqiaruqliurniq;
  • Ayurhaqtuq hinaaqhigiami;
  • Quiliqtanaqtunik hinnaktuinnaruvit; unalu
  • Niaqurliurniq.

ATIA: Zyban™ (Bupropion SR)

UNNIQTUTA

Bupropion SR (Zyban™) havaut ikayuriaqni higaaruiriaqni ikikliyuumiqtittuq higaarumaniq higaarumainnarniqlu.

Zyban™ MALRUIQTUQTITAA higaaruiriaqni.

Taakti Naunaitkutalirhimayuq Munarhi tunittaaqtaatit taafuminnga.   

QANUQTUT ATURNINNGA

Una havaut atuqtauvaktuq ublaami taimaa hivulliqpaangani pingahut ublunik, talvannga atauhiqmik ublaami atauhiqtauq unnuktumi taimaa 12-nik Santinik.

Havautiturlugu una niritillutit niringitkuvilluuniit.

Atuliqtakhat una havaut atauhiqmik malruuknik Santinik higaruiqtinnatit.

Qayangnautiqaqtuq aturumapkainnaqtuq himmautinga higaaruirutikhat, mattutitut kuttuqtutlu, atuinnarialik uuminnga Zyban™ higaarumaliruvit qayangnautiqaqtuq aturumapkainnaqtuq higaaruirahuaqtillutit.

Zyban™ nakuutqiyaulimaittuq havaut iliknut hapkuninnga piguvit:

  • Imiinnaruvit;
  • Akhuraaluk auktit tigliqtarumi;
  • Piqaqtut qiqiiliruvit; unaluuniit
  • Aadlanik havautituruvit taaktinillu havautikharnik pingitkuvit.
QANURILIURUTAUYUT
  • Qanit paniupaliqtuq;
  • Ayurhaqtuq hinaaqhigiami;
  • Niaqurliurniq; unalu
  • Hayulaqiguvit ihumaaluinnaliruvilluuniit.

Qanuqtut Havautikharniaqqa

Munarhiliarlutit uqaqatigiaqni Munarhi Taaktiluuniit.

Nunagiyat havautiqarviqaqqat, aggitilugu titiraq taaktimit Havautinik Havaktinganut. Tamna Havautinik Havaktinga talvannga upalungaiyarhimaniaqqaa.

Nunagiyat havautiqarviitkumi, Munarhit kayumiktukkut tuyuinnaqtaaqtaa titiraq taaktimit qanitqiyauyumut havautiqarviuyumut. Havautiqarvik upalungaiyarhimaniaqqaa havautikhat tuyurlugulu munarhiqarviknut.

Uqaqatigilugu Higaaruirumayunut Ikayuqtiuyut hivayautikkut uumani 1-866-368-7848, Facebook-kut, qaritauyakkut titiraqlugu quithelp@gov.nu.ca uqaqatigiluguluuniit qaritauyakkut takunnaqtumik. Ikayurniaqtaatit ihumaliuriaqni kitut havaut ihuatqiyauyuq iliknut.

Hivayarlugu pulaarluguluuniit havautiqarvit uqariaqni kitunik havautituriaqni. Ilangit atuinnarialgit titiraittumik taaktimit.

Akiliuhiarutikhaittut Munarhitkunnit Ikayuutikhamik (NIHB) amihullu aadlat munarhitkunnit akiliuhiarutikhat titiqqat akiliqtait akinga higaaruirutikhanut.