ᓄᖅᑲᕋᓱᒃᑐᓄᑦ ᐅᖃᓗᒡᕕᒃᓴᖅ

ᓱᐴᖅᑐᖅᑏᑦ ᐃᓅᓯᓕᕆᔭᐅᓲᑦ ᒪᕐᕈᐃᖅᓱᓪᓗᐊᖅ ᓄᖅᑲᕈᓐᓇᕐᓂᖅᓴᐅᔪᑦ.

ᐅᖃᓪᓚᖃᑎᖃᕈᓐᓇᖅᐳᑎᑦ ᓇᓕᐊᖕᓄᑐᐃᓐᓇᖅ ᑐᙵᓇᑦᑎᐊᖅᑐᒧᑦ, ᖃᐅᔨᒪᑦᑎᐊᖅᑐᒧᓪᓗ ᓄᖅᑲᕋᓱᒃᑐᓄᑦ ᐃᑲᔪᖅᑎᓄᑦ ᓄᖅᑲᕋᓱᒃᑐᑦ ᐅᖃᓗᒡᕕᖕᒧᑦ 24−ᓄᑦ ᐃᑲᕐᕋᓄᑦ, ᐅᓪᓗᕐᓄᑦ 7-ᓄᑦ ᐱᓇᓱᐊᕈᓯᕐᒥ. ᐱᔨᑦᑎᕋᐅᑎ ᑐᓴᖅᑕᐅᕈᓘᔭᕆᐊᖃᙱᑦᑐᖅ ᐊᑐᐃᓐᓇᐅᔪᑦ ᐊᑭᖃᙱᑦᑐᒃᑯᑦ.

ᑭᓇ ᖃᐅᔨᒋᐊᕆᐊᖃᖅᐸ ᓄᖅᑲᕐᓂᕐᒧᑦ ᐅᖄᓚᕝᕕᖕᒧᑦ?

  • ᑭᓇᑐᐃᓐᓇᖅ ᓱᐴᖅᑐᖃᑦᑕᕈᓐᓃᕈᒪᔪᖅ, ᑎᐹᒃᑐᖃᑦᑕᕈᓐᓃᖅᑐᖅ ᐅᕝᕙᓘᓐᓃᑦ ᓯᒡᒐᓕᐊᙳᐊᖃᑦᑕᕈᓐᓃᕈᒪᔪᖅ;
  • ᑭᒃᑯᑐᐃᓐᓇᑦ ᓄᖅᑲᖅᓯᒪᔪᑦ, ᑭᓯᐊᓂ ᐃᑲᔪᖅᓱᖅᑕᐅᒃᑲᓐᓂᕈᒪᔪᑦ;
  • ᑭᒃᑯᑐᐃᓐᓇᑦ ᐃᑲᔪᖅᓱᐃᔪᒪᔪᑦ ᐱᖃᓐᓇᕆᔭᒥᓂᒃ ᐃᓚᒥᓂᒡᓘᓐᓃᑦ ᓄᖅᑲᕋᓱᒃᑐᓂᒃ; ᐅᕝᕙᓘᓐᓃᑦ
  • ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᓄᐃᙱᑦᑎᐊᕈᓐᓇᕐᓂᕐᒧᓪᓗ ᐃᖅᑲᓇᐃᔭᖅᑏᑦ ᑐᑭᓯᒋᐊᒃᑲᓐᓂᕈᒪᔪᑦ ᑎᐹᑉ ᒥᒃᓵᓄᑦ, ᓱᕐᕋᖕᓇᖅᑐᑦ ᐊᒻᒪ ᓯᒡᒐᓕᐊᙳᐊᓂᑦ.

ᖃᓄᖅ ᐅᖄᓚᓂᖅ ᐅᕝᕙᓘᓐᓃᑦ ᐅᖃᓪᓚᖃᑎᖃᕐᓂᖅ ᖃᓄᐃᑦᑑᕙ?

ᐅᖃᓗᖃᑎᖃᖅᖢᓂ ᓄᖅᑲᕈᒪᔪᓄᑦ ᐃᑲᔪᖅᑎᒧᑦ ᓄᓇᕗᒻᒥ ᓄᖅᑲᕋᓱᒃᑐᓄᑦ ᓲᕐᓗᓕ ᐅᖃᓗᖃᑎᖃᖅᑐᑎᑦ ᐱᖃᓐᓇᕆᔭᕐᓂᒃ ᐅᖃᓪᓚᖃᑎᒋᓪᓗᒍᓗ. ᓯᕗᓪᓕᕐᒥ ᓄᖅᑲᕋᓱᒃᑎᓪᓗᑎᑦ ᐃᑲᔪᖅᑎᒃᓴᐃᑦ ᐃᓕᖕᓄᑦ ᐊᐱᖅᓱᕐᓂᐊᖅᐳᖅ ᖃᐅᔨᔪᒪᓗᓂ ᐊᑲᐅᓛᒥᒃ ᖃᓄᖅ ᐅᖃᐅᔾᔨᓇᔭᕐᒪᖔᑦ. ᐳᐃᒍᖅᑕᐃᓕᒋᑦ, ᐊᐱᖅᑯᑎᑦ ᑭᐅᔪᒪᙱᑐᐊᕈᕕᒋᑦ ᑭᐅᙱᑦᑐᓐᓇᕋᕕᒋᑦ.

ᓄᖅᑲᕋᓱᒃᑎᓪᓗᑎᑦ ᐃᑲᔪᖅᑎᒋᔭᐃᑦ ᑕᐃᑲᓃᑦᑐᖅ ᐃᓕᖕᓄᑦ ᐅᖃᓪᓚᖃᑎᖃᕈᒪᓪᓗᓂ ᖃᓄᑐᐃᓐᓇᑦᑎᐊᖅ ᑭᓱᑐᐃᓐᓇᑦᑎᐊᓂᒡᓗ ᑎᐹᖕᒧᑦ, ᓯᒡᒐᓕᐊᙳᐊᒧᑦ ᐊᒻᒪ ᓱᕐᕋᖕᓇᖅᑐᓄᑦ ᐊᒃᑐᐊᓂᓕᖕᓂᑦ.