ᐱᔾᔪᑎᐊ

ᑐᕌᒐᖅ:

ᒥᒃᖠᒋᐊᕐᓗᒋᑦ ᐱᐅᙱᓐᓂᖏᑦ ᓴᖅᑭᑦᑐᓐᓇᖅᑐᑦ ᑎᐹᒃᑐᖅᐸᒃᑐᓄᑦ ᓄᓇᕗᒻᒥ.

ᐱᓕᕆᐊᒃᓴᑦ:

ᑎᐹᖕᒧᑦ ᒥᒃᖠᒋᐊᖅᑎᑦᑎᓂᕐᒧᑦ ᐃᓕᓐᓂᐊᒐᒃᓴᖅ ᐃᓚᒋᔭᐅᕗᖅ ᓄᓇᕗᑦ ᒐᕙᒪᒃᑯᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐃᖃᓗᖕᓂ, ᓄᓇᕗᒻᒥ.  ᐃᓕᓐᓂᐊᒐᓴᖅ ᐊᐅᓚᑦᑎᔾᔪᑕᐅᕗᖅ ᑎᐹᖕᒧᑦ ᒥᒃᖠᒋᐊᕈᑎᓄᑦ ᐱᓕᕆᐊᒃᓴᓄᑦ ᑕᒪᐃᓐᓂᒃ 25-ᓂ ᓄᓇᓕᖕᓂ.

  • ᓴᐳᑎᓗᒋᑦ ᓄᓇᕗᒥᐅᑦ ᓱᐴᖅᑐᖅᑑᑉ ᐳᔫᖅᑎᑕᖓᓂ ᐊᓯᖏᓐᓂᒡᓗ ᐋᓐᓂᐊᓕᕈᑕᐅᔪᓐᓇᖅᑐᓂᒃ ᑎᐹᖕᒧᑦ ᓴᙱᒃᑎᒋᐊᕐᓗᒍ ᐊᑐᓕᖅᑎᑕᐅᑎᓪᓗᒍᓗ ᑎᐹᖕᒧᑦ ᐊᐅᓚᑦᑎᓂᕐᒧᑦ ᐊᒻᒪ ᓱᐴᖅᑐᕐᕕᐅᒋᐊᖃᙱᑦᑐᓪᓗ ᐱᖁᔭᖅ.
  • ᐃᑲᔪᖅᓱᕐᓗᒋᑦ ᑎᐹᒃᑐᖅᑏᑦ ᓱᐴᖅᑐᓗᐊᖅᐸᒍᓐᓃᕐᓗᑎᒃ ᑭᖑᓂᐊᒍᓪᓗ ᓄᖅᑲᕐᓗᑎᒃ ᐅᕝᕙᓘᓐᓃᑦ ᑕᒧᐊᔭᒐᕆᐊᓕᖕᓂᒃ ᑐᑭᓯᒋᐊᕈᓐᓇᕐᓗᑎᒃ ᐅᖃᐅᓯᒃᑯᑦ ᓂᕈᐊᕆᔭᒥᑎᒍᑦ, ᐃᓅᓯᓕᕆᔭᐅᔪᓐᓇᕐᓗᑎᒃ, ᐃᓅᓕᓴᐅᑎᑐᕈᓐᓇᕐᓗᑎᒃ ᐊᒻᒪ ᓄᓇᓕᖕᓂ ᐱᓕᕆᑎᑕᐅᔪᓂᒃ ᐃᓚᐅᑎᑕᐅᕙᒡᓗᑎᒃ.  
  • ᐱᓕᒻᒪᒃᓴᖅᑎᑕᐅᓂᖅ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐊᒻᒪ ᖃᓄᐃᙱᑦᑎᐊᕐᓂᕐᒥᒃ ᑎᐹᖕᒥ ᓄᖅᑲᕈᒪᔪᓄᑦ.  
  • ᓈᒻᒪᒃᑐᒦᓕᖅᑎᓐᓇᓱᒡᓗᒍ ᑎᐹᖕᒥ ᐊᑐᖅᑏᑦ ᓄᓇᕗᒻᒥ ᐅᖃᓯᐅᑎᓪᓗᒋᑦ ᑕᐅᑐᖃᓯᐅᑎᓗᒋᑦ ᐃᓄᒐᓴᒡᔪᐊᓄᑦ ᑐᓴᐅᒪᔪᓕᕆᔾᔪᑎᒃᑯᑦ ᐱᓕᕆᐊᖑᕙᓪᓕᐊᔪᒪᔪᒃᑯᑦ, ᓲᕐᓗ ᑎᐹᒃ ᒫᓂ ᐃᓂᖃᙱᑦᑐᖅ ᐱᓕᕆᐊᖅ ᑐᕌᒐᕆᔭᐅᔪᒧᑦ ᐊᓂᒍᐃᔾᔪᑎᒃᓴᖅ, Facebook−ᒦᑦᑐᑦ ᐊᑐᓕᖅᑎᓪᓗᒋᑦ, ᓈᓚᐅᑎᒃᑰᖅᑐᒃᓴᑦ, ᑕᓚᕖᓴᒃᑯᑦ ᐊᓯᖏᑦᑎᒍᓪᓗ ᐱᕙᓪᓕᐊᔪᕆᔭᐅᔪᒃᑯᑦ.

ᐃᖅᑲᓇᐃᔭᖃᑎᒌᑦ:

  • ᑎᐹᒃᑐᓗᐊᖅᑕᐃᓕᒪᑎᑦᑎᓂᕐᒧᑦ ᐱᓕᕆᐊᒃᓴᓄᑦ ᐊᐅᓚᑦᑎᔨ
  • ᑎᐹᓕᕆᔨᒻᒪᕆᒃ  
  • ᑎᐹᓕᕆᔨᓄᑦ ᐱᓕᕆᐊᒃᓴᓕᕆᔨ
  • ᑎᐹᖕᒥ ᐊᑐᓗᐊᕈᓐᓃᕐᓂᕐᒧᑦ ᐃᓕᓐᓂᐊᖅᑕᐅᔪᓄᑦ ᖃᐅᔨᓴᕈᑎᒃᓴᑦ