ᖃᓄᖅ ᓄᖅᑲᕈᓐᓇᕐᒪᖔᑦ

ᑭᓱᓂᒃ ᓂᕆᐅᒋᐊᖃᕐᒪᖔᑦ

ᑎᐹᖕᒦᑦᑐᑦ ᐅᐃᕆᓐᓇᖅᑐᑦ ᐊᒃᓱᒻᒪᕆᐊᓗᒃ ᐅᐃᕆᓐᓇᕐᒪᑕ.  ᖃᕋᓴᖅ ᓱᖏᐅᑎᔪᓐᓇᕐᒪᑦ ᑎᐹᖕᒦᑦᑐᖅ ᐅᐃᕆᓇᖅᑐᒥᒃ ᓱᐴᖅᑐᕋᔪᒃᑐᓄᑦ ᓱᐴᖅᑐᕈᓕᕌᖓᑕᓗ.  ᑎᐹᒃᑐᖅᑏᑦ ᑎᐹᖕᒥ ᐅᐃᕆᓐᓇᖅᑐᒥᒃ ᐱᑕᖃᕈᓐᓃᕌᖓᑕ ᓄᖅᑲᕋᓱᒃᑎᓪᓗᒋᑦ, ᑎᒥᖏᑦᑎᒍᑦ ᐃᒃᐱᒍᓱᕈᓘᔭᓕᕈᓐᓇᖅᐳᑦ.   ᑎᒥᒃᑯᑦ ᐃᑉᐱᒋᔭᐅᕈᓘᔭᕈᓐᓇᖅᑐᑦ ᐊᒃᓱᕈᕐᓇᓗᐊᕐᓂᐊᓗᐊ ᐱᓇᓱᐊᕈᓯᖅ ᓯᕗᓪᓕᖅ ᐅᕝᕙᓘᓐᓃᑦ ᑐᒡᓕᐊ ᐃᒪᐃᓕᕐᓇᖅᑐᑦ:

  • ᐃᓅᑉ ᖃᓄᐃᓐᓂᖓ ᐊᓯᔾᔨᕐᓗᓂ;
  • ᐸᕝᕕᒍᓱᒃᓴᕋᐃᓪᓗᓂ;
  • ᐃᓱᒪᒃᓴᖅᓯᐅᑦᑎᐊᕈᓐᓇᐃᓪᓕᓗᓂ;
  • ᕿᑲᕈᓐᓇᐃᓪᓕᓗᓂ;
  • ᓯᓂᒍᓐᓇᐃᓪᓕᑲᑕᒡᓗᓂ;
  • ᓱᐴᖅᑐᕈᒃᑐᐊᓘᕙᒡᓗᓂ; ᐊᒻᒪ
  • ᑳᒃᑐᐊᓘᕙᓕᕐᓗᓂ

ᖁᐃᒃᑎᓴᕐᓂᖅ ᐊᒻᒪ ᓄᖅᑲᕐᓂᖅ

ᐃᓄᒃ ᓱᐴᖅᑐᖅᑎᐅᓚᐅᕐᓗᓂ ᓱᐴᖅᑐᖅᑎᐅᔪᓐᓃᖅᐸᑦ 10 ᐸᐅᓐᔅ ᑐᖏᑦᑎᐊᑐᐃᓐᓇᑯᓗᐊᓂ ᖁᐃᒃᑎᐊᕐᔪᒍᓐᓇᖅᑐᖅ.  ᓱᐴᖅᑐᖃᑦᑕᕐᓂᖅ ᐃᓕᖕᓄᑦ ᐱᐅᙱᓐᓂᖅᓴᒻᒪᕆᐊᓗᒃ ᖁᐃᒃᑎᓴᕐᓂᕐᒥᒃ.  ᓱᐴᖅᑐᖃᑦᑕᕐᓂᖅ ᓇᓕᒧᑦᑐᖅ 100 ᐸᐅᓐᓯᓄᑦ ᖁᐃᒃᑎᓗᐊᖅᓯᒪᔪᑐᑦ!  

ᐅᕝᕙᐅᑯᐊ ᐃᑲᔫᑎᒃᓴᑦ ᖁᐃᒃᑎᓗᐊᖅᑕᐃᓕᒪᓂᕐᒧᑦ:

  • ᓂᕆᔾᔪᓰᑦ ᓱᖁᓯᙱᓪᓗᒍ.
  • ᖃᓃᑦ ᐱᓕᕆᑎᖁᓘᔭᐃᓐᓇᕐᓗᒍ.
    • ᑭᖕᒪᔪᒃᐸᒡᓗᒋᒃ ᑯᒃᑭᖐᔭᐅᑎᑦ ᓱᕝᕕᐅᕐᓇᖅᑐᑦ, ᐃᒥᐅᑎᑦ ᓱᓪᓗᑯᑖᑦ ᐅᕝᕙᓘᓐᓃᑦ ᓯᐅᕋᐅᔮᖅᑐᓕᖅᓯᒪᙱᑦᑐᑦ ᑕᒧᐊᔭᒐᑦ.   ᓂᓚᖕᓂ ᐅᖁᒻᒥᐊᕈᓐᓇᕐᒥᔪᓯ ᐊᒻᒪ ᖁᐋᖅᑎᓯᒪᔪᓂᒃ ᓰᕐᓇᖅᑐᓂᒃ.
  • ᖃᓄᐃᙱᑦᑎᐊᕐᓇᖅᑐᑦ ᑕᒧᓗᒐᕐᓂᒃ ᑲᑎᖅᓱᐃᓗᓯ ᓲᕐᓗ:
    • ᐋᐳᓂᒃ, ᐸᐅᕐᖓᕐᔪᐊᓂᒃ, ᐸᐅᕐᖓᕐᓂᒃ, ᑭᐅᕋᑦᔅ−ᓂᒃ;
    • ᖃᓛᖅᑎᓯᒪᔪᑦ ᒪᓐᓃᑦ;
    • ᓇᕿᑎᒐᖅ ᐸᓚᐅᒑᖅ, ᓯᒐᓛᕋᓛᑦ/ᑮᒃ;
    • ᐸᓂᖅᑎᓯᒪᔪᑦ ᓂᖀᑦ ᐅᕝᕙᓘᓐᓃᑦ ᐃᖃᓗᐃᑦ; ᐊᒻᒪ
    • ᑕᕆᐅᓕᖅᓯᒪᙱᑦᑐᑦ ᖃᒃᑯᐊᒐᑦ.
  • ᐃᒪᕐᒥᒃ ᐃᒥᓪᓗᐊᑕᖅᐸᒡᓗᑎᑦ:
    • ᐃᒥᖅᐸᒡᓗᑎᑦ 8−ᓂᒃ ᐃᕐᖑᓯᕐᓂᒃ ᐅᖓᑖᓄᓪᓘᓐᓃᑦ ᖃᐅᑕᒫᑦ.   ᑕᒪᓐᓇ ᐱᒻᒪᕆᐊᓘᕗᖅ ᓯᕗᓪᓕᖅ ᐅᓪᓗᕐᒥ ᓄᖅᑲᖅᐸᓪᓕᐊᓕᖅᑎᓪᓗᑎᑦ.
    • ᑲᑦᑐᖓᔪᒥᒃ ᓄᖅᑲᐅᑎᕙᓪᓕᐊᓗᒋᑦ ᓂᐅᖅᑲᖅᐸᒃᑕᑎᑦ ᑳᐱ, ᑏ, ᐆᒻᒪᕆᒃᓯᓐᓇᖅᑐᑦ ᓂᐅᖅᑲᒐᑦ ᐊᒻᒪ ᐃᒥᒐᐃᑦ.
      • ᐃᓐᓇᐃᑦ ᐱᖓᓱᑦ ᐃᕐᖑᓯᑦ ᐅᖓᑖᓄᑦ ᓂᐅᖅᑲᖃᑦᑕᕆᐊᖃᙱᑦᑐᑦ ᐆᒻᒪᕆᖕᓇᖅᑐᓕᖅᓯᒪᔪᓂᒃ ᐅᓪᓗᕐᒥ.
      • ᓯᖓᐃᔪᑦ ᓂᐅᖅᓯᒋᐊᖃᙱᖦᖢᑎᒃ ᒪᕐᕉᒃ ᐃᕐᖑᓰᒃ ᐅᖓᑖᓄᑦ ᖃᐅᑕᒫᑦ.