ᓱᕐᕋᖕᓇᖅᑐᖅ
ᐱᒋᐊᕐᓂᖓ
ᓱᕐᕋᖕᓇᖅᑐᖅ ᑕᐃᔭᐅᓲᖑᖕᒥᔪᖅ ᓱᐴᖅᑐᕐᓗᒐᖅ, ᓱᕐᕋᖕᓇᖅᑐᖅ, ᐅᕝᕙᓘᓐᓃᑦ ᐃᕕᒃᓱᒐᖅ. ᐱᕈᖅᓯᐊᕐᒥᙶᖅᑐᖅ ᐆᔭᐅᔭᐅᒐᔪᒃᖢᓂ ᑲᔫᒐᔪᒃᖢᓂᓗ. ᓱᕐᕋᖕᓇᖅᑐᑦ ᐊᔾᔨᒌᙱᑦᑑᑎᐅᕗᑦ ᖃᓄᑐᐃᓐᓇᕐᓗ ᐊᑐᖅᑕᐅᕙᒃᖢᓂ. ᓱᕐᕋᒃᓯᒪᖅᑰᔨᓕᕈᓐᓇᖅᐳᑎᑦ (ᓲᕐᓗ ᓴᐃᓕᖅᑰᔨᓗᑎᑦ, ᐃᒃᐱᖕᓂᐊᒋᔭᑎᑦ ᐊᓯᔾᔨᕐᓗᑎᒃ, ᐃᒃᐱᒋᔭᑎᑦ ᐊᓯᔾᔨᕐᓗᑎᒃ, ᐃᖅᑲᐅᒪᔪᓐᓇᑦᑎᐊᕈᓐᓃᕐᓗᑎᑦ ᐊᐅᓚᑦᑎᔪᓐᓇᑦᑎᐊᕈᓐᓃᕐᓗᑎᓪᓗ) ᐊᑦᑕᕐᓇᖅᓯᔪᓐᓇᖅᑐᑦ ᖃᐅᔨᒪᔭᕆᐊᖃᓪᓚᕆᒃᑕᑎᑦ.
ᖃᐅᔨᕚᓪᓕᕈᑎᖃᕐᓂᖅ ᓱᕐᕋᖕᓇᖅᑐᒥᒃ ᐃᓕᖕᓄᑦ ᐃᑲᔪᕈᓐᓇᖅᐳᖅ ᐃᓅᓯᕆᒃᑑᔪᒪᓂᕐᒥᒃ ᖃᓂᒋᔭᕐᓃᑦᑐᓄᓪᓗ.
ᑕᑯᓂᐊᖅᑕᑎᑦ ᑕᕝᕙᓂ ᐃᑭᐊᖅᑭᕕᖕᒥ:
- ᑭᓲᖕᒪᖔᑦ ᓱᕐᕋᖕᓇᖅᑐᖅ.
- ᐊᒃᑐᐃᓂᕆᕙᒃᑕᖏᑦ ᓱᕐᕋᖕᓇᖅᑐᑦ.
- ᐊᑐᑦᑎᐊᕈᓐᓇᕐᓂᖅ ᓱᕐᕋᖕᓇᖅᑐᒥᒃ.
- ᑐᓴᒐᒃᓴᐃᑦ ᒪᒃᑯᒃᑐᓄᑦ
- ᑐᓴᐅᒪᔭᒃᓴᑦ ᓯᖓᐃᔪᓄᑦ ᐊᒫᒪᒃᑎᑦᑎᔪᓄᓪᓗ ᐊᕐᓇᓄᑦ.
