ᐊᒃᑐᐃᓂᕆᕙᒃᑕᖏᑦ ᓱᕐᕋᖕᓇᖅᑐᑦ
ᐊᒃᑐᐃᓂᕆᕙᒃᑕᖏᑦ ᓱᕐᕋᖕᓇᖅᑐᑦ
ᕿᓚᒥᐅᒧᑦ ᐊᒃᑑᑎᔪᑦ | ᐊᑯᓂᐅᔪᒧᑦ ᐊᒃᑐᐃᓂᐅᔪᑦ | ᓱᕐᕋᖕᓇᖅᑐᖅ ᐊᒻᒪ ᐃᓱᒪᔮᕈᑎᖃᕐᓂᖅ | ᓱᕐᕋᖕᓇᖅᑐᖅ ᐱᔭᐅᓗᐊᖅᑎᓪᓗᒍ ᐊᒻᒪ ᐱᑦᑕᑭᓴᒍᑕᐅᓕᖅᑎᓪᓗᒍ | ᓱᕐᕋᖕᓇᖅᑐᖅ ᐊᖁᓐᓂᕐᓗ | ᓱᕐᕋᖕᓇᖅᑐᓂᒃ ᐊᑐᖅᓯᓐᓈᑦ ᐃᓅᓕᓴᐅᑎᑐᕐᓂᖅ | ᓱᕐᕋᖕᓇᖅᑐᖅ ᑕᕝᕚᑭᓗ | ᓱᕐᕋᖕᓇᖅᑐᐃᑦ ᒥᒃᓵᓄᑦ ᐊᐱᖅᓲᑎᑦ
ᕿᓚᒥᐅᔪᑯᑦ ᐊᒃᑑᑎᖃᕐᓂᖏᑦ ᓱᕐᕋᖕᓇᖅᑐᒥᒃ ᐊᑐᖅᐸᒃᖢᓂ
ᓱᕐᕋᖕᓇᖅᑐᖅ ᐊᒃᑐᐃᓂᖃᕈᓐᓇᖅᑐᖅ ᑎᒥᖕᓂᑦ ᐃᓱᒪᖕᓂᓪᓗ ᐊᔾᔨᒌᙱᑦᑑᑎᒃᑯᑦ. ᐊᒃᑐᖅᓯᓂᕆᕙᒃᑕᖏᑦ ᒪᓕᒃᐸᒃᐳᑦ ᐃᓄᖕᒥᒃ ᖃᓄᕐᓗ ᐊᖏᑎᒋᔪᒥᒃ ᐱᑎᒋᖕᒪᖔᑦ. ᕿᓚᒥᐅᔪᑯᑦ ᐊᒃᑐᐃᓂᖃᕐᓂᖓ ᓱᕐᕋᖕᓇᖅᑑᑉ ᐃᓚᖃᕈᓐᓇᖅᑐᖅ ᐅᑯᓂᖓ:
- ᖁᕕᐊᓱᖕᓂᖅ ᓴᐃᓕᓂᕐᓗ.
- ᓯᕘᕋᓂᖅ ᐅᐃᒪᔮᕐᓂᓘᓐᓃᑦ.
- ᐅᐃᕐᖓᕐᓂᖅ.
- ᐃᕐᖐᓐᓇᑲᐅᑎᒋ ᑭᐅᔪᓐᓇᙱᖦᖢᓂ.
- ᐳᐃᒍᑐᓂᖅ.
- ᓈᓚᒍᓐᓇᑦᑎᐊᙱᓪᓗᓂ ᑭᓱᒥᒡᓘᓃᑦ ᓵᙵᔭᖃᕈᓐᓇᙱᓐᓂᖅ.
- ᑳᖕᓂᕐᒧᑦ ᑕᒧᓗᒍᒪᐃᓐᓇᕐᓂᖅ.
- ᐆᒪᑎᕕᑦ ᑎᒡᓕᕐᓂᖓ ᓱᒃᑲᓕᓕᕐᓗᓂ.
- ᓇᓗᓕᐅᒪᑲᑕᒡᓗᑎᑦ.
- ᐃᒥᕈᒡᓗᑎᑦ ᐸᓐᓈᑦᑏᓗᑎᓪᓗ ᐃᒡᒋᐊᒃᑯᑦ.
- ᑯᑦᑕᖓᓴᓕᕐᓗᓂ ᐊᐅᓚᓇᓱᒃᑲᓗᐊᕐᓗᓂ ᓄᑭᑭᑦᑑᔭᓕᕐᓗᓂ.
- ᑕᐅᑐᖅᑰᔨᓕᕐᓗᓂ, ᑐᓵᖅᑰᔨᓕᕐᓗᓂ, ᐃᒃᐱᒍᓱᒡᓗᓂᓘᓃᑦ ᓱᓕᙱᑦᑐᓂᒃ (ᐱᑕᖃᙱᑦᑐᓂᒃ).
- ᐊᑕᐅᓯᐅᙱᑦᑐᒥᒃ ᓵᙵᔭᖃᕈᓐᓇᙱᓐᓂᖅ ᐊᑕᐅᑦᑎᒃᑰᖅᑐᓂᒃ.
ᐊᑯᓂᐅᔪᒧᑦ ᐊᒃᑐᐃᓂᐅᔪᑦ ᓱᕐᕋᖕᓇᖅᑐᒥᒃ ᐊᑐᖅᐸᒃᑐᓄᑦ
ᖃᐅᑕᒫᑦ ᓱᕐᕋᖕᓇᖅᑐᖅᑐᖃᑦᑕᕐᓗᓂ ᖃᐅᑕᒫᑲᓴᒡᓘᓐᓃᑦ ᑎᒥᒧᑦ ᐊᑦᑕᕐᓇᕈᑕᐅᔪᓐᓇᖅᐳᖅ. ᐱᖃᓯᐅᔾᔨᔪᖅ ᐃᒪᐃᑦᑐᓂᒃ:
- ᐃᓱᒪᓕᕆᓂᖅ: ᓱᕐᕋᖕᓇᖅᑐᖅᑐᖃᑦᑕᕐᓂᖅ, ᐱᓗᐊᙳᐊᖅᖢᓂ ᖁᑦᑎᒃᑐᒥ THC−ᖃᖅᑎᓪᓗᒍ,ᓄᒫᓱᒃᑐᒧᑦ ᐅᐃᒪᔮᑐᒧᓪᓘᓃᑦ ᑲᑕᒍᑕᐅᓗᐊᒃᑲᓐᓂᕈᓐᓇᓲᖑᔪᖅ. ᐊᑦᑕᕐᓇᕈᓐᓇᖅᑐᖅ ᑕᐅᑐᒐᖃᓕᕐᓂᕐᒥᒃ ᑐᓵᔭᖃᓕᕐᓂᕐᒥᒡᓘᓃᑦ ᐱᑕᖃᙱᑦᑐᓂᒃ,(ᑕᐅᑐᖕᓂᖅ ᑐᓵᓂᕐᓗ ᐱᓪᓚᑦᑖᖑᙱᑦᑐᓂᒃ). ᑖᓐᓇ ᐊᑦᑕᕐᓇᕐᓂᖅᓴᐅᑐᐃᓐᓇᕆᐊᓕᒃ ᖃᑕᙳᑎᖕᓂᑦ ᐃᓱᒪᔮᕈᑎᖃᖅᑐᒧᑦ ᐃᓕᖅᑯᓯᖅᓱᙱᔾᔪᑎᒧᓪᓘᓃᑦ
- ᖃᕋᓴᖅᐱᑦ ᐊᐅᓚᔾᔪᓯᖓ ᐊᓯᔾᔨᖅᑑᑎᓪᓗᒍ: ᓱᕐᕋᖕᓇᖅᑐᖅᑐᖃᑦᑕᕐᓂᖅ ᖃᐅᑕᒫᑦ ᖃᐅᑕᒫᑲᓴᒡᓘᓐᓃᑦ, ᐱᓗᐊᙳᐊᖅᖢᓂ 25−ᓂᒃ ᐅᑭᐅᖅᑖᓚᐅᙱᓐᓂᕐᒥᓂ, ᐳᐃᒍᖅᓴᕋᐃᓕᕐᓇᖅᐳᖅ, ᓈᓚᑦᑎᐊᖅᐸᙱᓪᓗᓂ ᓵᙵᔭᖃᓗᐊᖏᓪᓗᓂ, ᐊᒻᒪ ᐃᓕᑦᑎᓴᕋᐃᑦᑐᓐᓃᕈᓐᓇᖅᖢᓂ.
- ᐊᓂᖅᑎᕆᑦᑎᐊᕈᓐᓇᙱᓐᓂᖅ: ᓱᕐᕋᖕᓇᖅᑐᒥᒃ ᓱᐴᖅᑐᖃᑦᑕᕐᓂᖅ ᐳᕙᖕᓄᑦ ᐱᐅᔪᓐᓃᖅᑎᑦᑎᔪᓐᓇᖅᐳᖅ ᖁᐃᖅᓱᓕᕈᑕᐅᔪᓐᓇᖅᖢᓂᓗ, ᐳᕙᙳᓕᕐᓇᖅᖢᓂ, ᐊᓂᖅᓵᖅᑐᒡᒐᓕᕐᓇᖅᖢᓂᓗ.
- ᐳᕙᒃ ᐊᒻᒪ ᐆᒻᒪᑎ: ᓱᕐᕋᖕᓇᖅᑑᑉ ᐳᔪᐊ ᐃᓚᐅᕈᑎᖃᖅᑐᖅ, ᑕᕝᕚᑭᐅᑉ ᐳᔪᖓᑎᑐᑦ, ᐱᐅᔪᓐᓃᖅᑎᑦᑎᕙᒃᖢᓂ ᐆᒻᒪᑎᖕᓂᑦ ᐳᕙᖕᓂᒡᓗ.
- ᐅᐃᕆᔾᔪᑎᖃᕐᓂᖅ: ᓱᕐᕋᖕᓇᖅᑐᖅᑐᓗᐊᖃᑦᑕᕐᓗᓂ, ᐊᑯᓂᐊᓗᒃ ᐱᖃᑦᑕᔅᓲᔭᕐᓗᓂ, ᐅᐃᕆᔾᔪᑕᐅᔪᓐᓇᖅᐳᖅ, ᓄᖅᑲᕆᐊᒃᓴᖅ ᐊᔪᕐᓇᖅᑐᖅᓯᐅᕐᓇᖅᖢᓂ.
- ᒥᕆᐊᖅᓴᖃᑦᑕᕐᓂᖅ : ᐃᓄᐃᑦ ᒥᕆᐊᖅᓴᖅᓴᕋᐃᒃᑯᑎᒃ ᑕᐃᒪ ᐅᓪᓗᖅ ᖃᔅᓰᑲᓪᓚᒡᓗᒍ ᒥᕆᐊᖅᓴᓲᖑᕗᑦ. ᐃᓛᓐᓂᒃᑯᑦ ᐊᕙᑎᑦ ᐅᖓᑖᓂ ᐅᓪᓗᕐᒥ ᐊᑕᐅᓯᕐᒥ.
ᑕᒪᒃᑯᐊ ᐊᑲᐅᙱᓕᐅᕈᑕᐅᔪᑦ ᐱᐅᙱᓐᓂᖅᓴᐅᔪᓐᓇᖅᐳᑦ ᓱᕐᕋᖕᓇᖅᑐᖅᑐᖃᑦᑕᓕᓚᐅᕈᕕᑦ ᒪᒃᑯᒃᑎᓪᓗᑎᑦ, ᖃᐅᑕᒫᑲᓴᒡᓘᓐᓃᑦ ᐱᖃᑦᑕᕈᕕᐅᒃ. ᑕᒪᒃᑯᐊ ᐃᖅᑲᐅᒪᓗᒋᑦ ᐊᑦᑕᕐᓇᕈᓐᓇᕐᓂᖏᓐᓂᒃ ᑎᒥᖕᓄᑦ ᖃᕋᓴᕐᓄᓗ ᐃᓱᒪᒃᓴᖅᓯᐅᑦᑎᐊᕆᐊᖃᖅᐳᑎᑦ.
ᓱᕐᕋᖕᓇᖅᑐᖅ ᐊᒻᒪ ᐃᓱᒪᓕᕆᓂᖅ
ᓱᕐᕋᖕᓇᖅᑐᖅ ᐊᒃᑐᐃᓂᖃᕈᓐᓇᖅᑐᖅ ᐃᓱᒪᔮᕈᑎᒋᔭᕐᓄᑦ ᐊᔾᔨᒌᙱᑦᑑᑎᒃᑯᑦ. ᐃᓚᖏᑦ ᐃᓄᐃᑦ ᐊᑐᖅᐸᒃᑐᑦ ᓯᕘᕋᙱᓐᓂᖅᓴᐅᔪᒪᓪᓗᑎᒃ ᓄᒫᓱᙱᓐᓂᖅᓴᐅᔪᒪᓪᓗᑎᒡᓘᓐᓃᑦ, ᑭᓯᐊᓂᓗᑦᑕᐅᖅ ᐊᓯᖏᓐᓄᑦ ᐱᐅᔪᓐᓃᖅᑎᑦᑎᒃᑲᓐᓂᖅᑎᑦᑎᔪᓐᓇᖅᐳᖅ. ᐆᒃᑑᑎᒋᓗᒍ, ᐊᒃᓱᕉᑎᖃᖅᐸᒌᕈᕕᑦ ᐃᓱᒪᒃᑯᑦ ᖃᓄᐃᔾᔪᑎᒋᖃᑦᑕᖅᑕᕐᓂᒃ, ᐊᑐᖃᑦᑕᕐᓂᖅ ᓱᕐᕋᖕᓇᖅᑐᒥᒃ ᓄᑖᓂᒃ ᐊᒃᓱᕉᓴᐅᑎᒃᓴᓂᒃ ᓴᖅᑭᑦᑎᔪᓐᓇᕐᒪᑦ, ᓲᕐᓗ ᑕᑯᔭᒐᖃᓕᕐᓗᓂ ᑐᓵᔭᒐᖃᓕᕐᓗᓂᓘᓃᑦ ᐱᑕᖃᙱᑦᑐᓂᒃ.
ᓱᕐᕋᖕᓇᖅᑐᒥᒃ ᓴᙱᔪᓂᒃ ᐊᑐᖃᑦᑕᕈᕕᑦ, ᐃᓱᒪᔮᕈᑎᖃᓕᕈᕕᑦ ᐱᓗᐊᖅᑑᔭᕐᓂᖅᓴᐅᔪᓐᓇᖅᑐᑦ ᐊᑲᐅᙱᓕᐅᕈᑕᐅᔪᑦ ᐃᓱᒪᒃᑯᑦ.
ᐊᑐᕐᓂᖅ ᓱᕐᕋᖕᓇᖅᑐᒥᒃ ᕿᓄᐃᓵᕈᑎᒋᓪᓗᒍ
ᐃᓚᖏᑦ ᐃᓄᐃᑦ ᓱᕐᕋᖕᓇᖅᑐᖅᑐᓲᑦ ᐳᐃᒍᕋᓱᒃᖢᑎᒃ ᐱᐅᙱᑦᑐᓂᒃ ᐊᑐᖅᓯᒪᔭᒥᓂᒃ, ᐋᓐᓂᕈᑎᒋᓯᒪᔭᒥᓂᒃ, ᐃᓱᒪᔮᕈᑎᒋᔭᒥᓄᓪᓘᓐᓃᑦ. ᖃᐅᔨᒍᕕᑦ ᑕᐃᒪᐃᑦᑐᑎᑦ, ᐃᓄᑑᙱᓚᑎᑦ ᐃᑲᔪᖅᑎᒃᓴᖃᖅᖢᓂᓗ. ᓄᓇᕗᒻᒥ ᐅᖄᓚᔪᓐᓇᖅᐳᑎᑦ ᓄᖅᑲᕋᓱᖕᓂᕐᒧᑦ ᐅᖄᓚᕝᕕᒃ ᐅᕗᖓ 1-866-3628-7848 ᐅᕝᕙᓘᓐᓃᑦ ᓄᖅᑲᐅᑎᖃᕐᓂᕐᒧᑦ ᑲᒪᔨᒧᑦ ᐅᖃᓗᒡᕕᒋᓗᒍ ᐊᑕᐅᑦᑎᒃᑰᖃᑎᒋᓗᒍ ᐅᖃᖃᑎᒋᔪᓐᓇᖅᑕᐃᑦ.
ᐅᖃᖃᑎᖃᕆᑦ ᐃᖢᐊᖅᓴᐃᔨᒥᑦ ᐃᓱᒪᓕᕆᔨᒥᒡᓘᓐᓃᑦ ᐃᓱᒫᓘᑎᖃᕈᕕᑦ ᖃᓄᖅ ᐃᓕᖕᓂᒃ ᐊᒃᑐᖅᓯᖕᒪᖔᑦ.
ᖃᐅᔨᒪᑦᑎᐊᖅᑕᕐᓄᑦ ᐅᖃᕈᓘᔭᔾᔮᙱᑦᑐᒧᑦ ᐅᖃᕐᓗᑎᑦ, ᖃᑕᙳᑎᖕᓄᑦ, ᐃᓄᑐᖃᕐᒧᓪᓘᓐᓃᑦ ᐃᑲᔪᖅᑕᐅᔪᒪᓂᕋᕐᓗᑎᑦ. ᐊᑏᑦ ᖃᐅᔨᒪᔭᐅᙱᓪᓗᓂ ᐃᑲᔪᖅᑕᐅᔪᒪᒍᕕᑦ, ᓄᓇᕗᑦ ᑲᒪᑦᑎᐊᖅᑐᖅ ᐅᖄᓚᐅᑖᓄᑦ ᐅᖃᓗᒋᑦ ᐅᕗᖓ 1-800-264-3333.
ᓱᕐᕋᖕᓇᖅᑐᒥᒃ ᐱᕐᔪᐊᓗᐊᕐᓂᖅ ᖄᖏᐅᑎᓗᐊᕐᓂᕐᓗ
ᐱᓗᐊᕈᓐᓇᖅᐱᑦ ᓱᕐᕋᖕᓇᖅᑐᒥᒃ ᓲᕐᓗ ᐅᖓᑎᓗᐊᖓᓄᑦ?
ᐱᓗᐊᖅᑐᕕᓂᐅᓗᓂ ᓱᕐᕋᖕᓇᖅᑐᒥᒃ ᐃᒃᐱᖕᓂᐊᓂᒃᑯᑦ ᐋᓐᓂᐊᖅᑐᐊᓘᖅᑰᔨᔪᓐᓇᖅᐳᑎᑦ. ᐅᔾᔨᕆᔭᕆᐊᓖᑦ ᐅᑯᐊ:
- ᓯᕘᕋᔫᔮᕐᓗᓂ ᑭᓱᒥᒃ ᐅᕝᕙᓘᓃᑦ ᑲᑉᐱᐊᓱᓕᕐᓗᓂ.
- ᐆᒪᑎᕕᑦ ᑎᒡᓕᕐᓂᖓ ᓱᒃᑲᓕᓕᕐᓗᓂ.
- ᐅᐃᔾᔭᙳᑲᑕᒡᓗᓂ ᐋᓐᓂᐊᓕᕐᓗᓂᓘᓐᓃᑦ.
- ᒥᕆᐊᖅᓴᑲᑕᐃᓐᓇᕐᓗᓂ.
- ᐸᓂᕐᓗᓂ ᖃᓂᖅ
- ᐱᓱᒍᓐᓇᑦᑎᐊᙱᓪᓗᓂ ᐊᐅᓚᔪᓐᓇᑦᑎᐊᙱᓪᓗᓂᓘᓐᓃᑦ.
ᑖᒃᑯᐊ ᐊᒃᑑᑎᔪᑦ ᕿᓚᒻᒥᐅᓲᑦ ᑕᐃᒪᐃᓕᖅᐸᒃᖢᑎᒡᓗ ᐱᑕᖃᓗᐊᕌᖓᑦ THC-ᒥᒃ ᑎᒥᒧᐊᖅᑐᖅ.
ᖃᓄᕐᓕ ᑕᐃᒪ?
ᐋᓐᓂᐊᖅᑰᔨᒍᕕᑦ ᓱᕐᕋᖕᓇᖅᑐᖅᑐᓚᐅᖅᑎᓪᓗᑎᑦ, ᐅᐃᒪᔮᙱᓪᓗᑎᑦ, ᑕᖃᐃᖅᓯᕐᓗᑎᑦ ᐊᑦᑕᕐᓇᙱᑦᑐᒦᓪᓗᑎᑦ, ᐃᒪᕐᒥᒃ ᐃᒥᖅᐸᒡᓗᑎᑦ, ᓱᕐᕋᖕᓇᖅᑐᖅᑐᒃᑲᓐᓂᙱᓪᓗᑎᓪᓗ. ᐋᓐᓂᐊᓯᐅᑎᒧᑦ ᖃᐅᔨᒋᐊᕐᓗᑎᑦ ᐃᑲᔪᖅᑕᐅᓂᐊᕋᕕᑦ.
ᓴᓇᐅᒐᕐᓂᒃ ᓱᕐᕋᖕᓇᖅᑐᓕᐊᖑᓯᒪᔪᓂᒃ ᐱᑦᑕᐃᓕᒪᓗᑎᑦ
ᓴᓇᐅᒐᐃᑦ ᓱᕐᕋᖕᓇᖅᑐᑦ (ᓱᕐᕋᖕᓇᖅᑐᙳᐊᑦ) ᐃᓄᖕᒧᑦ ᓴᓇᔭᐅᓯᒪᔪᑦ ᐃᓚᐅᕈᑎᖃᐅᖅᖢᑎᒃ ᑎᖕᒥᑳᖅᑕᐅᕙᒃᖢᑎᒃ ᐱᕈᖅᓯᐊᓄᑦ ᐱᖁᑎᓕᐅᖅᖢᑎᒃ ᓲᕐᓗ Spice ᐅᕝᕙᓘᓐᓃᑦ K2. ᓴᓇᓯᒪᔪᑦ ᐃᔾᔪᐊᖅᓯᓇᓱᒃᖢᑎᒃ ᓱᕐᕋᖕᓇᖅᑐᓪᓚᑦᑖᓂᒃ ᑭᓯᐊᓂ ᓴᙱᓂᖅᓴᐅᓪᓗᑎᒃ, ᓂᕆᐅᓇᙱᑦᑐᒃᑯᑦ ᑎᓪᓕᖏᓈᖅᓯᓐᓇᖅᖢᑎᒃ ᐊᒻᒪ ᐊᑦᑕᕐᓇᖅᑐᒻᒪᕆᐊᓘᓪᓗᑎᒃ.
ᓴᓇᓯᒪᔪᑦ ᓱᕐᕋᖕᓇᖅᑐᐃᑦ ᓈᒻᒪᙱᑦᑐᓕᔾᔪᑕᐅᔪᓐᓇᖅᑐᑦ ᓲᕐᓗ ᐋᓐᓂᖅᓯᕆᓂᖅ/ᓱᕋᑦᑎᕆᓂᖅ, ᐆᒻᒪᑎᖓᑕ ᑎᒡᓕᕐᓂᖓ ᓱᒃᑲᓴᓗᐊᓕᕐᓗᓂ, ᐃᒻᒥᓃᕈᒪᓂᕐᒥᒃ ᐃᓱᒪᖃᓕᕐᓗᓂ, ᒥᕆᐊᖅᓴᖅᔪᐊᑲᑕᒡᓗᓂ, ᐃᒻᒪᖄᓘᓃᑦ ᑐᖁᔾᔪᑕᐅᔪᓐᓇᕐᒥᔪᖅ.
ᓱᕐᕋᖕᓇᖅᑐᑐᓗᐊᖅᑐᕕᓂᐅᓪᓗᓂ ᒥᕆᐊᖅᓴᖃᑦᑕᕐᓂᖅ
ᓱᕐᕋᖕᓇᖅᑐᒥᒃ ᐊᑯᓂᐊᓗᒃ ᐊᑐᖃᑦᑕᔅᓲᔭᓕᕐᓗᓂ ᒥᕆᐊᖅᓴᖃᑦᑕᓕᕈᑕᐅᔪᓐᓇᖅᑐᖅ. ᑖᓐᓇ ᖃᓄᐃᓐᓂᐅᔪᖅ ᒥᕆᐊᙳᐃᓐᓇᑲᑕᒡᓗᓂ ᐊᒻᒪ ᒥᕆᐊᖅᓴᑲᑕᐃᓐᓇᕈᓐᓇᖅᖢᓂ.
ᐃᓄᐃᑦ ᒥᕆᐊᖅᓴᓗᐊᖃᑦᑕᓕᖅᑐᑦ ᐃᒪᐃᑉᐸᒃᐳᑦ:
- ᒥᕆᐊᙳᕐᔪᐊᑲᑕᒡᓗᓂ (ᒥᕆᐊᕈᒪᖅᑰᔨᓗᑎᑦ).
- ᒥᕆᐊᑲᑕᒡᓗᓂ.
- ᓈᕐᓗᓕᕐᓗᑎᑦ.
- ᑎᒦᑦ ᐃᒪᖃᙱᓗᐊᓕᕐᓗᓂ (ᑎᒥ ᐃᒥᕈᓱᒃᑑᓗᓂ).
ᐃᓄᐃᑦ ᓱᕐᕋᖕᓇᖅᑐᖅᑐᓲᑦ ᐱᓇᓱᐊᕈᓯᖅ ᐊᑕᐅᓯᐊᖅᖢᒍ ᐅᖓᑖᓄᓪᓘᓐᓃᑦ ᐊᑦᑕᕐᓇᖅᑐᒦᓐᓂᖅᓴᐅᕗᑦ. ᒥᕆᐊᙳᔪᐊᓘᓕᓚᐅᕐᓂᕈᕕᑦ ᐊᑕᐅᓯᐊᕐᓗᑎᑦ, ᑕᐃᒪᓕ ᐃᒻᒪᖄ ᓱᕐᕋᖕᓇᖅᑐᒥᒃ ᐊᑐᓕᕌᖓᕕᑦ ᒥᕆᐊᙳᖃᑦᑕᕐᓂᐊᖅᑐᒃᓴᐅᓕᖅᐳᑎᑦ. ᑐᑭᖃᖅᑐᖅ ᑕᐃᒪᙵᑕᒫᖅ ᓱᕐᕋᖕᓇᖅᑐᖅᑐᕌᖓᕕᑦ, ᒥᕆᐊᙳᓕᖃᑦᑕᕋᔭᖅᐳᑎᑦ ᐊᒻᒪ ᒥᕆᐊᖅᓴᑲᑕᒃᐸᒡᓗᑎᑦ. ᒥᕆᐊᙳᖃᑦᑕᙱᓐᓂᕐᒥᒃ ᐃᒃᐱᖕᓂᐊᙱᑦᑐᓐᓇᕋᔭᖅᐳᑎᑦ ᑭᓯᐊᓂ ᓱᕐᕋᖕᓇᖅᑐᖅᑐᖅᐸᙱᖔᕈᕕᑦ.
ᖃᓄᕐᓕ ᑕᐃᒪ?
ᒥᕆᐊᖃᑦᑕᕈᕕᑦ ᐅᓪᓗᕐᒥ ᑕᓪᓕᒪᐃᖅᓱᓗᐊᕐᓗᑎᑦ ᐃᓱᒫᓘᑎᖃᕈᕕᓪᓘᓐᓃᑦ ᐋᓐᓂᐊᕈᑎᒋᔭᕐᓂᒃ, ᐃᓗᐊᖅᓴᐃᔨᒧᑦ ᖃᐅᔨᒋᐊᕐᓗᑎᑦ ᐋᓐᓂᐊᕕᓕᐊᕐᓗᑎᓪᓘᓐᓃᑦ. ᐅᓄᖅᑐᓂᒃ ᐃᓗᐊᖅᓴᐅᑎᑕᖃᖅᐳᖅ ᐃᖢᕐᕆᔪᓐᓃᕈᑎᒋᔭᕐᓄᑦ ᓈᒻᒪᒃᓯᓕᕈᑕᐅᔪᓐᓇᖅᑐᓂᒃ.
ᒥᕆᐊᖅᓴᓗᐊᖃᑦᑕᕐᓂᐅᑉ ᒥᒃᓵᓄᑦ ᑐᑭᓯᒃᑲᓐᓂᕈᒪᒍᕕᑦ, ᓇᕿᓪᓗᒍ ᐊᑖᓃᑦᑐᖅ.
ᓄᑕᖅᑲᑦ ᓂᕐᔪᑎᑦ ᑎᒍᐊᓪᓗ
ᓄᑕᖅᑲᑦ ᐆᒪᔪᓪᓘᓐᓃᑦ ᑎᒍᐊᑦ ᐱᔮᕆᙱᖦᖢᑎᒃ ᐱᒃᐸᑕ ᓱᕐᕋᖕᓇᖅᑐᒥᒃ, ᖃᓂᒻᒪᕐᔪᐊᕈᓐᓇᖅᑐᑦ. ᓄᑕᖅᑲᒥᒃ ᓱᕐᕋᖕᓇᖅᑐᖅᑐᖅᑐᕕᓂᐅᓇᓱᒋᒍᕕᑦ, ᐋᓐᓂᐊᕕᔅᓯᓐᓄᑦ ᐅᖄᓚᑲᐅᑎᒋᓂᐊᖅᐳᑎᑦ.
ᓄᑕᕋᖅ ᖃᐅᔨᒪᔪᓐᓃᖅᐸᑦ ᐊᓂᖅᓵᖅᑐᒡᒐᓕᖅᐸᑦᓘᓐᓃᑦ, ᓄᓇᔅᓯᓐᓂ ᑐᐊᕕᕐᓇᖅᑐᓕᕆᔨᓕᐊᕐᓗᓯ ᐋᓐᓂᐊᕕᓕᐊᑲᐅᑎᒋᓗᑎᓪᓘᓐᓃᑦ ᐃᕐᖐᓐᓇᑲᐅᑎᒋ. ᓇᓗᓇᐃᕐᕕᒋᓗᒍ ᖃᓄᐃᓐᓇᓱᒋᖕᒪᖔᖅᐱᐅᒃ ᓂᕆᓚᐅᕐᓂᖓᓂᒡᓘᓃᑦ ᓱᕐᕋᖕᓇᖅᑐᒥᒃ. ᖃᐅᔨᔭᐅᓵᓕᓂᖅᓴᐅᒍᓂ ᐋᓐᓂᕐᔪᐊᙱᓐᓂᖅᓴᐅᔪᓐᓇᖅᐳᖅ.
ᖃᐅᔨᒃᑲᓐᓂᕈᒪᒍᕕᑦ ᑭᓱᓂᒃ ᐅᔾᔨᖅᓱᒃᑲᓐᓂᕆᐊᖃᕐᒪᖔᕐᓂᒃ, ᓇᕿᓪᓗᒍ ᐅᓇ.
ᐳᐃᒍᖅᑕᐃᓕᒋᑦ, ᑭᒃᑯᓕᒫᓂᒃ ᖁᐊᖅᓵᕐᓇᖅᑐᒦᑎᑦᑎᑦᑕᐃᓕᒪᓂᖅ ᐱᒻᒪᕆᐅᓛᖑᕗᖅ!
ᓱᕐᕋᖕᓇᖅᑐᖅ ᐊᒻᒪ ᐃᖏᕐᕋᔾᔪᑎᓂᒃ ᐊᖁᓐᓂᖅ
ᐊᖁᓪᓗᓂ ᓱᕐᕋᖕᓇᖅᑐᖅᑐᓚᐅᕐᓗᓂ ᒪᓕᒐᕐᒥᒃ ᓱᕋᐃᕗᖅ ᑭᒃᑯᓕᒫᓂᒡᓗ ᐊᑦᑕᕐᓇᖅᑐᒧᐊᖅᑎᑦᑎᔪᓐᓇᖅᖢᓂ. ᓱᕐᕋᖕᓇᖅᑐᖅ ᓱᒃᑲᐃᒡᓕᕚᓪᓕᖅᑎᑦᑎᔪᓐᓇᖅᐳᖅ, ᑕᐅᑐᒐᖃᑦᑎᐊᕈᓐᓇᐃᓪᓕᑎᑦᑎᓗᓂ, ᐊᒻᒪ ᐳᐃᒍᖅᓴᕋᐃᓕᖅᑎᑦᑎᓗᓂ ᐅᕐᕈᔮᕈᑕᐅᔪᓐᓇᖅᖢᓂᓗ. ᐊᖁᓪᓗᓂ ᓱᕐᕋᖕᓇᖅᑐᒥᑦ ᐱᓯᒪᓪᓗᓂ ᐱᕐᕈᓗᐊᕿᓐᓇᕐᓂᖅᓴᐅᓲᖅ 2−3−ᖏᖅᓱᕐᓗᓂ. ᐃᓕᖕᓂᒃ ᐋᓐᓂᕈᓐᓇᖅᑐᑎᑦ, ᐃᑭᒪᔪᖁᑎᑎᑦ, ᐊᓯᖏᑦ ᐊᖁᑎᑦ, ᐃᓄᐃᓪᓘᓐᓃᑦ ᐱᓱᒃᑐᑦ ᐊᖅᑯᑎᒧᑦ ᖃᓂᑦᑐᒧᑦ.
ᓱᕐᕋᓐᓇᖅᑐᖅᑐᖃᑦᑕᕐᓂᐊᕈᕕᑦ, ᐊᖁᖃᑦᑕᙱᑦᑎᐊᕐᓗᑎᑦ. ᐊᐱᕆᓗᑎᑦ ᑭᓇᒥᑭᐊᖅ ᐊᒡᔭᖅᑕᐅᔪᒪᓗᑎᑦ ᐊᓯᐊᒍᓪᓘᓐᓃᑦ ᐊᖏᕐᕋᐅᔪᒪᓗᑎᑦ.
ᐅᑕᖅᑭᓗᑎᑦ ᐃᑲᕐᕋᓄᑦ 6−ᓄᑦ ᐅᖓᑖᓄᓪᓘᓐᓃᑦ ᐊᖁᓚᐅᙱᓐᓂᕐᓂ. ᐊᑯᓂᐅᓂᖅᓴᖅ ᐅᑕᖅᑭᓗᑎᑦ ᓂᕆᒍᕕᑦ ᐃᒥᕈᕕᓪᓘᓐᓃᑦ ᓱᕐᕋᖕᓇᖅᑐᓂᑦ ᓂᕆᔭᒃᓴᓂᑦ. ᓱᕐᕋᒃᓯᒪᐃᓐᓇᕐᓇᖅᑐᖅ ᐃᑲᕐᕋᓄᑦ 12−ᓄᑦ ᓂᕆᔭᒃᓴᐅᓂᖅᓴᓂᒃ ᐱᓚᐅᖅᖢᓂ.
ᓱᕐᕋᖕᓇᖅᑐᒥᒃ ᐱᓯᒪᓪᓗᓂ ᐊᑕᐅᑦᑎᒃᑯᑦ ᐊᓯᖏᓐᓂᒃ ᐋᖓᔮᕐᓇᖅᑐᓂᒃ ᐱᖃᓯᐅᑎᓪᓗᓂ
ᓱᕐᕋᖕᓇᖅᑐᖅᑐᖅᓯᒪᓗᑎᑦ ᐃᒥᐊᓗᒃᐸᙱᓪᓗᑎᑦ ᐊᓯᖏᓐᓂᒡᓘᓐᓃᑦ ᐋᖓᔮᕐᓇᖅᑐᓂᒃ. ᐊᑕᐅᓯᐅᙱᑦᑐᒥᒃ ᐊᑐᕐᓗᓂ ᐊᑕᐅᑦᑎᒃᑯᑦ ᐋᖓᔮᕐᓇᖅᑐᓂᒃ ᐊᓯᔾᔩᔪᓐᓇᖅᑐᖅ ᐃᓚᐅᕈᑎᖏᑦ ᑎᒥᖕᓂᒃ ᐊᒃᑐᐃᓂᖃᕐᓂᕆᔭᖏᑦ ᐃᓕᖕᓄᑦ. ᐊᒃᑐᐃᓂᐅᔪᑦ ᓴᙱᓂᖅᓴᐅᔪᓐᓇᖅᐳᑦ ᐅᕝᕙᓘᓐᓃᑦ ᓂᕆᐅᓇᙱᑦᑐᒃᑯᑦ ᑎᓪᓕᙱᓈᖅᓯᓐᓇᖅᖢᑎᒃ. ᓱᕐᕋᖕᓇᖅᑐᒥᒃ ᐊᓯᖏᓐᓂᒡᓗ ᐋᖓᔮᕐᓇᖅᑐᓂᒃ ᐊᑐᖃᑦᑕᕐᓂᖅ ᐱᐅᙱᑦᑐᓂᒃ ᐊᒃᑐᐃᓂᖃᕈᓐᓇᖅᑐᖅ
ᐃᓕᑦᑎᒃᑲᓐᓂᕐᓗᑎᑦ ᐊᑖᓂ.
ᓱᕐᕋᖕᓇᖅᑐᖅ ᐃᓚᓪᓗᒍ ᐃᓅᓕᓴᐅᑎᓂᒃ
ᐃᓚᓯᔪᑦ ᓱᕐᕋᖕᓇᖅᑐᓂᒃ ᐃᓅᓕᓴᐅᑎᑐᖅᓯᓐᓈᑦᐱᐅᔪᓐᓃᖅᑎᑦᑎᔪᓐᓇᖅᑐᖅ ᖃᓄᐃᔾᔪᑕᐅᓕᕐᓗᓂᐅᕝᕙᓘᓃᑦᑎᒥ ᐋᓐᓂᐊᖅᑖᕈᓐᓇᖅᐳᖅ ᐃᓕᖅᑯᓯᐊᓂᒃ ᐊᓯᔾᔩᓗᓂ. ᐄᔭᒐᖃᑦᑕᕈᕕᑦ, ᐅᖃᖃᑎᒋᔪᓐᓇᖅᑕᑦ ᐃᓗᐊᖅᓴᐃᔨ ᐄᔭᒐᓕᕆᔨᓘᓐᓃᑦ ᖃᐅᔨᑎᓪᓗᒋᓪᓗ ᓱᕐᕋᖕᓇᖅᑐᖅᑐᖃᑦᑕᕐᓂᕐᓂᒃ. ᐃᑲᔪᕈᓐᓇᖅᑐᑦ ᐃᓕᓐᓂᒃ ᒋᐊᕐᓗᒍ ᑲᒪᒋᔭᐅᓃᑦ, ᖃᐅᔨᒋᐊᕐᓗᒋᑦ ᐊᑕᐅᑎᒃᑯᑦ ᑎᒥᐅᑉ ᐃᓗᐊᓂ ᖃᓄᐃᓐᓇᔭᕐᒪᖔᖅ, ᖃᓄᐃᓪᓗᐊᕐᒪᖔᕐᓂᒡᓗ ᐅᖃᐅᔾᔨᔪᓐᓇᖅᑐᑦᐋᓐᓂᐊᓕᓗᐊᔾᔭᐃᒃᑯᑎᒃᓴᕐᓂᒃ ᖁᐊᖅᓵᕐᓇᖅᑐᒧᐊᖅᑕᐃᓕᔾᔪᑎᓂᒡᓗ.
ᓱᕐᕋᖕᓇᖅᑐᖅ ᑕᕝᕚᑭᓗ
ᓱᕐᕋᖕᓇᖅᑐᖅ ᐃᓇᖐᔾᔪᑎᑦᑎᐊᕙᐅᙱᓚᖅ ᑕᕝᕚᑭᒧᑦ. ᑕᒪᕐᒥᒃ ᐋᓐᓂᕐᓇᖅᑐᓂᒃ ᐃᓚᐅᕈᑎᒃᓴᖃᖅᐳᑦ ᐊᓂᖅᓵᖅᑐᑦᑎᐊᕈᓐᓃᖅᑎᑦᑎᔪᓐᓇᖅᖢᑎᒃ, ᐋᓐᓂᐊᖅᑖᕐᓇᖅᖢᑎᒃ ᐊᓯᖏᓐᓂᒡᓗ ᐳᕝᕕᕿᓐᓇᖅᑐᓂᒃ ᐃᓚᓕᐅᑎᓪᓗᒍ ᐆᒻᒪᑎᒧᑦ ᐊᑲᐅᙱᓕᐅᕈᑎᓕᐅᖅᐸᖕᒥᔪᖅ. ᓱᐴᖅᑐᖃᑦᑕᕐᓂᖅ ᓱᕐᕋᖕᓇᖅᑐᒥᒃ ᑕᕝᕚᑭᒥᒡᓗ ᐊᖏᒡᓕᒋᐊᖅᑎᑦᑎᒋᕗᖅ ᑎᒥᕕᑦ ᐅᐃᕆᔾᔪᑎᒋᔪᓐᓇᖅᖢᓂᒋᑦ.
ᑕᕝᕚᑭᑐᑦᑕᐅᖅ, ᓱᐴᖅᑐᖅᑕᐅᔫᑉ ᐳᔪᐊ ᓱᕐᕋᖕᓇᖅᑐᖅ ᐊᒃᑐᐃᔪᓐᓇᖅᐳᖅ ᐃᓄᖕᓂᑦ ᖃᓂᒋᔭᖏᓐᓃᑦᑐᓂᒃ, ᓱᕐᕋᖃᑕᐅᓗᑎᒃ ᐊᒡᓛᓪᓘᓃᑦ ᐋᖓᔮᕐᓇᖅᑐᖃᕐᒪᖔᑕ ᑎᒥᖏᑦ ᖃᐅᔨᓴᖅᑕᐅᒍᑎᒃ ᖃᐅᔨᔭᐅᓇᔭᖅᑐᑦ ᐳᔪᕐᒥᖔᑐᐃᓐᓇᕋᓗᐊᖅᑎᓪᓗᒍ.
ᓱᕐᕋᖕᓇᖅᑐᓂᒃ ᐊᐱᖅᓲᑎᑦ!
ᖃᓄᑎᒋ ᑐᑭᓯᐅᒪᓂᖃᕐᒪᖔᕐᓂᒃ ᓱᕐᕋᖕᓇᖅᑐᐃᑦ ᒥᒃᓵᓄᑦ ᖃᐅᔨᒋᐊᕐᓗᑎᑦ ᓱᓕᔪᓂᒡᓗ ᐃᓕᑦᑎᒃᑲᓐᓂᕐᓗᑎᑦ. ᖃᐅᔨᔪᒪᒍᕕᑦ ᓱᕐᕋᖕᓇᖅᑐᒥᒃ ᐅᕝᕙᓘᓐᓃᑦ ᐊᑐᖅᑎᐅᓕᒪᒍᕕᑦ, ᑖᓐᓇ ᐊᐱᖅᓲᑎᕋᓛᖅ ᖁᕕᐊᓇᖅᑐᖅ ᐃᓕᑦᑎᒃᑲᓐᓂᕐᓇᖅᑑᓪᓗᓂ. ᖃᐅᔨᒋᐊᕆᑦ ᖃᓄᑎᒋ ᖃᐅᔨᒪᓂᖃᕐᒪᖔᖅᐱᑦ!