ᒪᒃᑯᒃᑐᑦ ᓱᕐᕋᖕᓇᖅᑐᓪᓗ
ᒪᒃᑯᒃᑐᑦ ᓱᕐᕋᖕᓇᖅᑐᓪᓗ
ᐅᓗᕆᐊᓇᕈᑎᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ | ᒪᒃᑯᒃᑐᓄᑦ ᐅᖃᓪᓗᕆᒃᓴᐅᑎᖃᕐᓂᖅ ᓱᕐᕋᕐᓇᖅᑐᒥᒃ | ᐊᖓᔪᖅᑳᓄᑦ ᐸᖅᑭᔨᓄᓪᓗ ᐃᑲᔫᑎᑦ
ᐅᓗᕆᐊᓇᕈᑎᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ
ᖃᐅᔨᒪᕖᑦ ᖃᕋᓴᐃᑦ ᐱᕈᖅᐸᓪᓕᐊᖏᓐᓇᓲᖑᓂᖓᓂᒃ ᐅᑭᐅᖃᓕᕋᓱᖕᓂᖓᓂ 25−ᓂᒃ? ᓱᕐᕋᖕᓇᖅᑐᖅᑐᖃᑦᑕᓕᖅᓵᓕᒍᕕᑦ, ᖃᕋᓴᖅᐱᑦ ᐱᕈᖅᐸᓪᓕᐊᓂᖓ ᐊᒃᑐᖅᑕᐅᓂᖅᓴᐅᔪᓐᓇᖅᑐᖅ. ᐃᓚᖏᑦ ᐊᒃᑐᖅᓯᔾᔪᑕᐅᔪᑦ ᐃᓅᓯᓕᒫᖏᓐᓅᕙᒃᑐᖅ. ᐃᓕᑦᑎᕙᓪᓕᐊᓂᖅ ᓱᕐᕋᖕᓇᖅᑐᑦ ᐊᑦᑕᕐᓇᕈᓐᓇᕐᓂᖏᓐᓂᒃ ᐊᒻᒪ ᖃᓄᐃᔾᔪᑕᐅᓕᕈᓐᓇᖅᑐᓂᒃ ᐃᑲᔫᑎᒋᔪᓐᓇᖅᑕᑎᑦ ᑐᓴᐅᒪᑦᑎᐊᕐᓗᑎᑦ ᐃᓱᒪᓕᐅᕆᔪᓐᓇᕐᓂᐊᕋᕕᑦ ᓱᕐᕋᖕᓇᖅᑐᒥᒃ ᐊᑐᖃᑦᑕᕐᓂᕐᒧᑦ.
ᓱᕐᕋᖕᓇᖅᑐᖅ ᐃᒪᐃᓕᑎᑦᑎᔪᓐᓇᖅᐳᖅ:
- ᐃᖅᑲᐅᒪᓂᖅ: ᓱᕐᕋᖕᓇᖅᑐᖅ ᐊᓯᔾᔩᔪᓐᓇᖅᐳᖅ ᖃᕋᓴᖅᐱᑦ ᐃᓚᖓᓐᓂᒃ ᐃᓱᒪᓕᖃᑦᑕᕈᑏᑦ ᐊᒻᒪ ᐃᖅᑲᐅᒪᔪᓐᓇᕐᕕᒃᐱᑦ ᐊᖅᑯᑎᖏᓐᓂᒃ.
- ᐃᓱᒪᓕᕆᓂᖅ: ᓱᕐᕋᖕᓇᖅᑐᖅ ᓯᕘᕋᓕᖅᐹᓪᓕᕐᓇᕆᕗᖅ ᐊᒻᒪ ᓂᑲᓪᓗᖓᓐᓇᖅᖢᓂ. ᑐᓵᔭᒐᖃᕐᓂᖅ/ᑕᐅᑐᒐᖃᓕᕐᓗᓂ (ᑕᐅᑐᒐᖃᕐᓂᖅ/ᑐᓵᔭᒐᖃᕐᓂᖅ ᐱᑕᖃᙱᑦᑐᓂᒃ).
- ᐃᓕᑦᑎᕙᓪᓕᐊᓂᖅ ᓵᙵᔭᖃᕈᓐᓇᕐᓂᕐᓗ: ᓱᕐᕋᖕᓇᖅᑐᖅ ᐊᔪᕐᓇᕐᓂᖅᓴᐅᓕᖅᑎᑦᑎᔪᓐᓇᖅᐳᖅ ᐃᓕᑦᑎᕙᓪᓕᐊᓂᕐᒥᒃ, ᓵᖓᔭᖃᐃᓐᓇᕈᓐᓇᕐᓂᕐᒥᒃ, ᐊᑕᐅᓰᓐᓇᕐᒥᒡᓗ ᐃᓱᒪᒋᔭᖃᕐᓂᕐᒥᒃ. ᑕᒪᓐᓇ ᐃᓕᓐᓂᐊᕐᕕᖕᒦᓪᓗᓂ ᐊᔪᕐᓇᖅᑐᖅᓯᐅᕈᑕᐅᒃᑲᓐᓂᕈᓐᓇᖅᐳᖅ.
- ᐃᑉᐱᖕᓂᐊᓃᑦ: ᓱᕐᕋᖕᓇᖅᑐᖅ ᐊᓯᔾᔨᖅᓯᕙᒃᐳᖅ ᖃᓄᖅ ᐃᒃᐱᒋᔭᕐᓂᒃ ᑲᒪᒋᔭᖃᖅᐸᖕᒪᖔᖅᐱᑦ.
ᐱᐅᓛᖑᕗᕐᓕ ᑕᐃᒪ ᐋᓐᓂᐊᓕᕈᑎᖃᖅᑕᐃᓕᖁᓪᓗᑎᑦ ᐊᑐᙱᑎᐊᒻᒪᕆᒃᑯᕕᑦ ᓱᕐᕋᖕᓇᖅᑐᒥᒃ. ᐃᓐᓇᕈᖅᓯᒪᓂᖅᓴᐅᓗᑎᑦ ᐊᑐᖃᑦᑕᓕᑕᐃᓐᓇᕈᕕᐅᒃ, ᐊᑦᑕᕐᓇᙱᓐᓂᖅᓴᐅᓇᔭᖅᐳᖅ ᑎᒥᖕᓄᑦ.
ᐃᓕᓐᓂᐊᕆᑦ ᖃᓄᖅ ᐊᑦᑕᕐᓇᙱᓐᓂᖅᓴᐅᔪᓐᓇᕐᒪᖔᖅᐱᑦ ᓱᕐᕋᖕᓇᖅᑐᒧᑦ.
ᐅᖃᖃᑎᖃᕐᓂᖅ ᒪᒃᑯᒃᑐᓂᒃ ᓱᕐᕋᖕᓇᖅᑑᑉ ᒥᒃᓵᓄᑦ
ᐅᖃᖃᑎᖃᕐᓂᖅ ᒪᒃᑯᒃᑐᓂᒃ ᓱᕐᕋᖕᓇᖅᑑᑉ ᒥᒃᓵᓄᑦ ᐊᒃᓱᕈᕐᓇᕈᓐᓇᖅᐳᖅ, ᖃᔅᓯᓂᒡᓗ ᐅᑭᐅᓕᖅᐸᑕ ᓈᒻᒪᓕᕋᔭᕐᒪᖔᖅ ᐅᖃᐅᓯᕆᔭᕆᐊᒃᓴᖅ ᓱᕐᕋᖕᓇᖅᑐᓕᕆᓂᖅ ᓇᓗᓇᖅᐸᒃᖢᓂ.
ᐃᑲᔫᑎᒃᓴᑦ ᑕᑯᓗᒋᑦ ᐊᖓᔪᖅᑳᓄᑦ ᐸᖅᑭᔨᓄᓪᓗ ᐅᖃᐅᓯᖃᕐᓂᐊᕐᓗᑎᒃ ᓱᕐᕋᖕᓇᖅᑐᒥᒃ ᐃᑲᔫᑎᒃᓴᐅᔪᑦ:
- ᐊᑦᑕᕐᓇᖏᑦᑐᒥᒃ ᐃᓂᖃᖅᑎᑦᑎᓗᑎᑦ: ᐅᐃᒪᔮᙱᓪᓗᑎᑦ, ᕿᓄᐃᓵᕐᓗᑎᑦ, ᐃᖅᑲᖅᑐᐃᙱᓪᓗᑎᓪᓗ. ᐅᖃᓪᓚᖃᑎᖃᖅᐸᒡᓗᑎᑦ ᑐᓴᖅᑕᐅᕈᓘᔭᕐᓇᙱᑦᑐᒥᒃ ᐃᖢᕐᕆᓐᓇᖅᑑᔪᒥᓗ.
- ᒪᒃᑯᒃᑐᓄᑦ ᑐᙵᓇᖅᑐᓂᒃ ᐅᖃᐅᓯᕐᓂᒃ ᐊᑐᖅᐸᒡᓗᑎᑦ: ᓯᕘᕋᓵᕆᓂᐅᔪᑦ ᑲᑉᐱᐊᓵᕐᓃᓪᓗ ᐊᑐᙱᓪᓗᒋᑦ. ᐅᖃᓪᓚᒃᐸᒡᓗᑎᑦ ᑐᙵᓇᖅᑑᓗᑎᑦ, ᐊᔭᐅᕆᙱᓪᓗᑎᑦ ᕿᒪᐃᒃᑲᓐᓂᑐᐃᓐᓇᕆᐊᖃᕐᒪᑕ.
- ᐊᐱᖅᓱᖃᑦᑕᕐᓗᑎᑦ: ᐊᐱᕆᓗᑎᑦ ᓲᕐᓗ ᐃᒪᓐᓇ, ”ᖃᓄᕐᓕ ᑐᓴᐅᒪᑎᒋᕕᐅᒃ ᓱᕐᕋᖕᓇᖅᑐᖅ?” ᐊᒻᒪ “ᖃᓄᕐᓕ ᐃᓱᒪᒋᕕᐅᒃ ᓱᕐᕋᖕᓇᖅᑐᖅ?”
- ᓈᓚᖕᓂᖅᓴᐅᓗᑎᑦ ᐅᖃᓪᓚᙱᓐᓂᖅᓴᐅᓗᑎᓪᓗ: ᓯᕗᓕᖅᑕᖓ ᒪᓕᒡᓗᒍ. ᑐᓴᕐᓗᑎᑦ ᖃᐅᔨᔪᒪᑦᑎᐊᕐᓗᑎᑦ. ᐊᐱᖅᓱᖅᐸᒡᓗᑎᑦ ᑐᑭᖃᑦᑎᐊᖅᑐᓂᒃ. ᑐᑭᓯᖕᒪᖔᕐᓂᒃ ᖃᐅᔨᒋᐊᕈᑎᒋᓗᒍ ᑐᓴᖅᑕᑎᑦ ᐊᐱᖅᓲᑎᒋᒃᑲᓐᓂᕐᓗᒋᑦ ᑕᒻᒪᖅᓯᒪᓂᐊᙱᓐᓇᕕᑦ.
- ᓱᓕᔪᒥᒃ ᐅᖃᑦᑎᐊᖅᐸᒡᓗᑎᑦ ᐅᒃᑯᐃᖓᑦᑎᐊᕐᓗᑎᓪᓗ: ᐅᖃᕐᓗᑎᑦ ᖃᓄᐃᒻᒪᑦ ᑕᐃᒪᓐᓇ ᐅᖃᐅᓯᕆᔪᒪᖕᒪᖔᕐᓂᒃ. ᓱᖁᑎᒃᓴᙱᙳᐊᙱᓪᓗᑎᑦ ᑕᐃᒪᐃᙱᒃᑯᕕᑦ, ᑭᓯᐊᓂ ᐃᒃᐱᒍᓱᑦᑎᐊᖏᓐᓇᕐᓗᑎᑦ. ᐅᖃᕈᓐᓇᖅᑐᑎᑦ "ᓱᕐᕋᖕᓇᖅᑐᖅᑐᖃᑦᑕᖁᙱᒃᑲᓗᐊᕋᒃᑭᑦ" ᓇᒡᓕᖕᓂᕐᒥᖔᕐᓗᒍ ᐃᑲᔪᖅᓯᕐᓂᕐᒥᓪᓗ ᐅᖃᕈᓐᓇᖅᐳᑎᑦ
- ᐅᒃᐱᕆᔭᐅᔪᓐᓇᕐᓗᑎᑦ ᐃᓐᓇᐅᒐᕕᑦ: ᐃᒃᐱᒍᓱᑦᑎᐊᕋᓱᒃᐸᒡᓗᑎᑦ, ᓱᓕᕙᒡᓗᑎᑦ, ᒪᑐᐃᙶᖅᐸᒡᓗᑎᓪᓗ ᑐᓵᔭᕆᐊᒃᓴᖅ ᐊᖏᖃᑎᒋᙱᑐᐃᓐᓇᕆᐊᖃᖅᑕᕐᓂᒃ.
- ᐱᔭᕆᑐᔪᒃᑯᑦ ᑐᑭᓯᓇᓱᐊᑦᑎᐊᕐᓗᑎᒃ ᐃᓱᒪᒃᓴᖅᓯᐅᖃᑦᑕᖁᓗᒋᑦ: ᐅᖃᙱᖔᕐᓗᑎᑦ, "ᑕᐃᒪᐃᓕᐅᖅᑕᐃᓕᒋᑦ," ᐅᖃᖔᕐᓗᑎᑦ, "ᖃᓄᐃᓕᓇᔭᕋᓱᒋᕕᐅᒃ ᐃᒪᐃᒃᑯᓂ...?"
- ᑐᓴᐅᒪᖃᑦᑕᕐᓂᒃᑯᑦ ᖃᐅᔨᒪᔮᕆᓗᒍ: ᖃᐅᔨᑎᓪᓗᒋᑦ ᑕᐃᑲᓃᓐᓂᕐᓂᒃ ᐊᐱᖅᑯᑎᒃᓴᖃᖅᐸᑕ ᐅᖃᓪᓚᖃᑎᖃᕈᒪᒃᐸᑕᓘᓐᓃᑦ ᐊᑐᐃᓐᓇᐅᓂᕐᓂᒃ.
ᐅᖃᓕᒫᕈᒪᒍᕕᐅᒃ ᐊᑕᖐᔪᖅ ᖃᐅᔨᒪᔭᕆᐊᓖᑦ, ᓇᕿᓪᓗᒍ ᑲᓱᕐᕕᒃ ᐊᑖᓃᑦᑐᖅ.
ᐊᖓᔪᖅᑳᓄᑦ ᐸᖅᑭᔨᓄᓪᓗ ᐃᑲᔫᑎᒃᓴᑦ
