ᓱᕐᕋᖕᓇᖅᑐᓂᒃ ᐊᑐᑦᑎᐊᕐᓂᖅ

ᓱᕐᕋᖕᓇᖅᑐᓂᒃ ᐊᑐᑦᑎᐊᕐᓂᖅ

ᓱᕐᕋᖕᓇᖅᑐᒥᒃ ᐊᑐᑦᑎᐊᕐᓂᖅ ᑲᒪᑦᑎᐊᕐᓗᓂ | ᓱᕐᕋᖕᓇᖅᑐᖅ ᐅᐃᕆᓯᒪᓂᕐᓗ | ᑐᖅᑯᖅᑐᐃᓂᖅ ᓱᕐᕋᖕᓇᖅᑐᒥᒃ

ᓱᕐᕋᖕᓇᖅᑐᒥᒃ ᐊᑐᑦᑎᐊᕐᓂᖅ ᑲᒪᑦᑎᐊᕐᓗᓂ

ᓂᕈᐊᕆᔭᖃᕈᕕᑦ ᓱᕐᕋᖕᓇᖅᑐᒥᒃ ᐱᖃᑦᑕᕈᒪᓂᕐᒥᒃ, ᖃᓄᐃᓕᐅᕈᓐᓇᖅᐳᑎᑦ ᒥᒃᖠᒋᐊᖅᑎᑦᑎᔪᒪᒍᕕᑦ ᖁᐊᖅᓵᕐᓇᕈᓐᓇᕐᓂᕆᔭᕐᓂᒃ ᓴᐳᔾᔨᓯᒪᔪᒪᓂᕐᒧᓪᓗ ᖃᓄᐃᙱᑦᑎᐊᕈᓐᓇᕐᓂᕆᔭᕐᓂᒃ.

 

ᖃᓄᖅ ᐊᖏᑎᒋᔪᒥᒃ ᖃᓄᕐᓗ ᐊᑯᓚᐃᑦᑕᖅᑎᒋᔪᒥᒃ?

  • ᐊᑦᑎᒃᑐᒥ ᐱᒋᐊᕐᓗᑎᑦ ᓱᒃᑲᐃᓐᓂᖅᓴᐅᓗᑎᓪᓗ: ᐱᒋᐊᕐᓗᑎᑦ 1-2 ᒥᓗᒃᓯᓗᑎᑦ ᓱᐴᖅᑐᖃᑦᑕᕈᕕᑦ ᐅᕝᕙᓘᓐᓃᑦ 2.5 ᒍᕌᒻᔅ−ᓂᒃ THC−ᒥᒃ ᓂᕆᔭᒃᓴᓂᒃ ᐊᑐᕈᕕᑦ. ᐅᑕᖅᑭᓗᑎᑦ ᐃᒃᐱᒋᔭᖃᓕᓚᐅᙱᓐᓂᕐᓂᒃ ᐊᑐᖅᓯᒃᑲᓐᓂᓚᐅᙱᓐᓂᕐᓂᒃ. image-20260421131813-1
  • ᐅᖓᑕᐅᔾᔨᓗᑎᑦ ᐱᓗᐊᖅᑕᐃᓕᒋᑦ! ᐊᑲᐅᓛᖑᔪᖅ ᐊᑕᐅᓯᐊᑐᐃᓐᓇᖃᑦᑕᕈᕕᑦ ᐱᓇᓱᐊᕈᓯᐅᑉ ᐃᓗᐊᓂ ᐊᒻᒪ ᓴᙱᓂᖅᓴᓂᒃ ᐋᖓᔮᕐᓇᖅᑐᓖᑦ ᐱᑦᑕᐃᓕᒪᓂᖅᓴᐅᓗᒋᑦ THC−ᖁᖅᑐᓂᖅᓴᐃᑦ.  image-20260421131824-2 

ᐱᐅᓂᖅᓴᓂᒃ ᓂᕈᐊᕆᔭᖃᕐᓂᖅ

  • ᐅᑕᖅᑭᓗᑎᑦ 25−ᖑᕋᓱᖕᓂᕐᓂ: ᖃᕋᓴᐃᑦ ᐱᕈᖅᐸᓪᓕᐊᖏᓐᓇᓲᖅ 20−ᖏᓐᓂ ᐅᑭᐅᖃᓕᕋᓗᐊᖅᑎᓪᓗᑎᑦ. ᓱᕐᕋᖕᓇᖅᑐᖅᑐᖃᑦᑕᕈᕕᑦ 25−ᓂᒃ ᐅᑭᐅᖅᑖᓚᐅᙱᓐᓂᕐᓂ ᖃᕋᓴᐅᑉ ᐱᕈᖅᐸᓪᓕᐊᓂᖓᓂᒃ ᐊᐅᓚᔪᓐᓇᕐᓂᖓᓂᒡᓗ ᐊᒃᑐᐃᔪᓐᓇᖅᐳᖅ. ᐳᐃᒍᖅᑕᐃᓕᒋᑦ, ᐱᖁᔭᕐᒥᒃ ᓱᕋᐃᓐᓇᕐᒪᑦ ᓱᕐᕋᖕᓇᖅᑐᖅᑐᕐᓗᓂ 19 ᑐᖔᓂ ᐅᑭᐅᖃᕐᓗᓂ. image-20260421131837-3
  • ᐱᕙᙱᓪᓗᒋᑦ ᓴᓇᐅᒐᐃᑦ: Spice, K2, ᐊᓯᖏᓪᓘᓐᓃᑦ ᓴᓇᔭᐅᓯᒪᔪᑦ (ᓱᓕᙱᑦᑐᑦ) ᓱᕐᕋᖕᓇᖅᑐᑦ ᐊᑦᑕᕐᓇᖅᑐᓂᒃ ᐃᓚᐅᕈᑎᖃᖅᐳᑦ ᐋᓐᓂᐊᓕᕈᑕᐅᕐᔪᐊᕈᓐᓇᖅᖢᓂᓗ, ᑐᖁᔾᔪᑕᐅᔪᓐᓇᖅᖢᓂᓘᓐᓃᑦ. image-20260421131846-4
  • ᓱᕐᕋᖕᓇᖅᑐᖅ ᐃᓚᕙᙱᓪᓗᒍ ᐊᓯᖏᓐᓂᒃ: ᐊᑦᑕᕐᓇᖅᑐᖅ ᓱᕐᕋᖕᓇᖅᑐᖅᑐᕐᓗᓂ ᐃᒥᐊᓗᖕᒥᒡᓗ, ᐊᓯᖏᓐᓂᒡᓗ ᐋᖓᔮᕐᓇᖅᑐᓂᒃ, ᐅᕝᕙᓘᓐᓃᑦ ᐃᓅᓕᓴᐅᑎᓂᒃ ᐊᑕᐅᑦᑎᒃᑯᑦ ᐱᔭᕆᐊᒃᓴᖅ. ᐊᒃᑑᑎᔪᑦ ᓂᕆᐅᓇᙱᑦᑐᒃᑯᑦ ᑎᓪᓕᙱᓈᖅᓯᓐᓇᖅᑑᓪᓗᑎᒃ ᐊᒻᒪ ᑎᒥᒧᑦ ᐅᓗᕆᐊᓇᓪᓚᑦᑖᖅᑐᒥᒃ ᖃᓄᐃᔾᔪᑎᑖᕈᓐᓇᖅᖢᑎᑦ. image-20260421131854-5

ᐃᓕᖕᓂᒃ ᑲᒪᒋᑦᑎᐊᕐᓗᑎᑦ ᐃᓅᖃᑎᖕᓂᒡᓗ

  • ᐱᐅᓛᖑᕗᖅ ᓱᐴᖅᑐᖅᐸᙱᒃᑯᕕᑦ ᐳᔫᖅᑎᑦᑎᕙᙱᓪᓗᓂᓘᓐᓃᑦ ᐳᕙᑎᑦ ᓴᐳᑎᓯᒪᓂᐊᕋᕕᒋᑦ. image-20260421131913-6
  • ᓱᕐᕋᖕᓇᖅᑐᖅᑐᖅᑕᐃᓕᒪᒍᕕᑦ ᐊᑲᐅᓂᖅᓴᐅᔪᖅ ᖃᑕᙳᑎᒋᔭᕐᓂᒃ ᐃᓱᒪᔮᕈᑎᖃᕐᓂᕐᒧᑦ ᐊᑲᐅᙱᓕᐅᕈᑎᖃᑐᖃᖅᐸᑦ ᐅᕝᕙᓘᓃᑦ ᐋᖓᔮᕐᓇᖅᑐᓄᑦ ᐅᐃᕆᔾᔪᑎᖃᖃᑦᑕᖅᓯᒪᔪᖃᖅᐸᑦ. image-20260421131921-7
  • ᓱᕐᕋᖕᓇᖅᑐᒥᑦ ᐊᑐᖃᑦᑕᖏᓪᓗᑎᑦ ᓄᑕᕋᓛᒃᓴᖃᕈᕕᑦ ᐊᒫᒪᒃᑎᑦᑎᒍᕕᓪᓗᓃᑦ. ᐊᑦᑕᕐᓇᙱᓛᖑᔪᖅ ᓱᕐᕋᖕᓇᖅᑐᒥᒃ ᐱᑦᑕᐃᓕᒪᓗᑎᑦ ᓄᑕᕋᓛᖅᐱᑦ ᖃᓄᐃᙱᑦᑎᐊᕈᓯᖓᓄᑦ ᐋᓐᓂᕈᑕᐅᔪᓐᓇᕐᒪᑦ. image-20260421131932-8
  • ᐊᖁᖃᑦᑕᙱᓪᓗᑎᑦ ᓱᕐᕋᖕᓇᖅᑐᖅᑐᓚᐅᖅᑎᓪᓗᓯ. ᑖᓐᓇ ᐃᓚᖃᖅᑐᖅ ᓄᓇᓯᐅᑎᓂᒃ, ᓯᑕᒪᓕᖕᓂᑦ, ᖃᒧᑕᐅᔭᕐᓂᑦ ᐅᒥᐊᕐᓂᒡᓗ. image-20260421131941-9

ᐊᑲᐅᙱᓕᐅᕈᑎᓂᒃ ᖃᐅᔨᔾᔪᑎᖃᕈᒪᙱᒃᑯᕕᑦ ᑕᐃᒪ ᐊᑐᖃᑦᑕᙱᑦᑎᐊᒻᒪᕆᒡᓗᑎᑦ.

ᓱᕐᕋᖕᓇᖅᑐᒥᒃ. ᑐᑭᓯᒋᐊᒃᑲᓐᓂᕈᒪᒍᕕᑦ, ᓇᕿᓪᓗᒍ ᐊᑖᓃᑦᑐᖅ ᑲᓱᕐᕕᒃ.

image-20260421131958-10

 

image-20260421132004-11

ᓱᕐᕋᖕᓇᖅᑐᑦ ᐅᐃᕆᔾᔪᑎᖃᕐᓂᕐᓗ

ᓱᕐᕋᖕᓇᖅᑐᒧᑦ ᐅᐃᕆᓐᓇᖅᑐᖅ ᑕᑎᖃᓕᕐᓗᓂᓘᓐᓃᑦ. ᐊᑲᐅᙱᓕᐅᕈᑕᐅᓂᕋᖅᑕᐅᖕᒥᔪᖅ ᓱᕐᕋᖕᓇᖅᑐᖅᑎᐅᓪᓗᓂ ᐊᒻᒪ ᑕᐃᔭᐅᕙᖕᒥᔪᖅ ᓱᕐᕋᖕᓇᖅᑐᒥᒃ ᐊᑐᕐᓂᕐᓗᖕᓂᖅ.

ᑕᐃᒪᐃᓕᔪᓐᓇᖅᐳᖅ ᓱᕐᕋᖕᓇᖅᑐᖅᑐᖃᑦᑕᕐᓗᓂ ᖁᕝᕙᓯᒃᑐᒥᒃ THC−ᖃᓗᐊᖅᑐᒥᒃ ᖃᐅᑕᒫᑦ, ᖃᐅᑕᒫᑲᓴᒡᓘᓐᓃᑦ.

ᐅᔾᔨᕆᔭᕆᐊᓖᑦ ᐅᑯᐊ:

  • ᐱᖃᑦᑕᐃᓐᓇᐅᔭᓕᕐᓂᖅ ᖃᐅᑕᒫᑦ, ᐊᖏᒡᓕᕙᓪᓕᐊᓪᓗᓂ ᐱᖃᑦᑕᖅᑕᖓ.
  • ᐊᐅᓚᑦᑎᔪᓐᓇᙱᓐᓂᖅ ᖃᓄᑎᒋ ᐊᑐᖅᐸᖕᒪᖔᖅᐱᑦ.
  • ᓱᕐᕋᖕᓇᖅᑐᖅᑐᒃᑲᓐᓂᕆᐊᖃᕐᓂᖅ ᐊᔾᔨᖏᓐᓂᒃ ᐃᒃᐱᖕᓂᕈᒪᓂᕐᒨᒐᓗᐊᖅ.
  • ᓵᙵᔭᖃᑦᑎᐊᕈᓐᓇᙱᓐᓂᖅ ᐃᓕᓐᓂᐊᒐᒃᓴᒥᒃ, ᐃᖅᑲᓇᐃᔮᒥᒃ ᐅᕝᕙᓘᓃᑦ ᐊᖏᕐᕋᒥ ᐱᓕᕆᐊᒃᓴᓂᒃ.
  • ᐊᓯᖏᓐᓂᒃ ᐱᓕᕆᕙᓚᐅᖅᑕᕐᓂᒃ ᖁᔭᓈᖃᑦᑕᓕᕐᓂᖅ ᓱᕐᕋᖕᓇᖅᑐᒥᖔᖅ ᐊᑐᕈᒪᒧᑦ.

ᐃᑲᔪᖅᑕᐅᔭᕆᐊᖃᕈᕕᑦ ᐊᓯᖕᓂᒡᓘᓃᑦ ᐃᑲᔪᖅᑕᐅᔭᕆᐊᖃᖅᑐᖃᖅᐸᑦ ᓱᕐᕋᖕᓇᖅᑐᒥᒃ ᐊᑐᖅᐸᖕᓂᕆᔭᓯ ᒥᒃᓵᓄᑦ, ᓇᓕᖅᑳᕈᓐᓇᖅᐳᑎᑦ ᐃᑲᔫᑎᑕᖃᕐᒪᑦ ᐊᔾᔨᒌᙱᑦᑐᓂᒃ ᐊᑐᐃᓐᓇᐅᓪᓗᑎᒃ. ᐊᑭᖃᙱᑦᑐᖅ, ᑐᓴᖅᑕᐅᔾᔮᙱᑦᑐᓂᑦ ᐃᓱᒪᒧᑦ ᐅᐃᕆᓯᒪᓂᕐᒧᓪᓗ ᐃᑲᔫᑎᒃᓴᖃᖅᑐᖅ ᑕᒪᐃᓐᓂᒃ ᐋᓐᓂᐊᕕᓕᒫᓂ. ᐅᖄᓚᔪᓐᓇᕐᒥᔪᑎᑦ ᓄᓇᕗᒻᒧᑦ ᓄᖅᑲᕐᓂᕐᒧᑦ ᐅᖄᓚᕝᕕᒃ ᐅᕗᖓ 1-866-368-7848 ᐅᕝᕙᓘᓐᓃᑦ ᓄᖅᑲᐅᑎᖃᕐᓂᕐᒧᑦ ᑲᒪᔨᒧᑦ ᐅᖃᓗᒡᕕᒋᓗᒍ ᐃᕐᖐᓐᓈᖅᑕᐅᒃᑯᑦ ᐅᖃᓪᓚᖃᑎᖃᕐᓂᖅ ᐃᑲᔪᖅᑕᐅᔪᒪᒍᕕᑦ ᓄᖅᑲᕐᓂᕐᒧᑦ ᐊᑐᙱᓐᓂᖅᓴᐅᓂᕐᒧᓪᓘᓐᓃᑦ ᓱᕐᕋᖕᓇᖅᑐᒥᑦ.

ᓱᕐᕋᖕᓇᖅᑐᒥᒃ ᑐᖅᑯᖅᓯᑦᑎᐊᖃᑦᑕᕐᓂᖅ

ᐱᒻᒪᕆᐊᓘᕗᖅ ᑐᖅᑯᖅᓯᒪᑦᑎᐊᕐᓗᒋᑦ ᓱᕐᕋᖕᓇᖅᑐᑦ, ᐱᓗᐊᙳᐊᖅᖢᓂ ᓄᑕᖅᑲᖅᑕᖃᖅᐸᑦ ᑎᒍᐊᖅᑕᖃᖅᐸᓪᓘᓐᓃᑦ ᓂᖅᔪᑎᓂᒃ ᐊᖏᕐᕋᕆᔭᔅᓯᓐᓂ.

ᖃᓄᖅ ᑐᖅᑯᖅᑕᐅᓲᖑᕙᑦ ᓱᕐᕋᖕᓇᖅᑐᖅ:

  • ᓱᕐᕋᖕᓇᖅᑐᓕᒫᑦ ᑕᑯᔭᐅᔾᔭᐃᖅᓯᒪᑎᓪᓗᒋᑦ ᑎᒍᔭᐅᔾᔭᐃᖅᓯᒪᓗᒋᓪᓗ ᓄᑕᖅᑲᓄᑦ ᓂᖅᔪᑎᓄᓪᓗ ᑎᒍᐊᖑᔪᓄᑦ. ᑐᖅᑯᖅᓯᒪᕙᒡᓗᒋᑦ ᑮᒃᓯᒪᔪᒧᑦ ᐊᒧᔭᕐᕕᖕᒧᑦ ᐊᒧᔭᖅᑐᒧᓪᓘᓐᓃᑦ ᑕᑯᔭᐅᔪᓐᓇᙱᓪᓗᓂ ᑎᑭᑕᐅᔪᓐᓇᙱᓪᓗᓂᓘᓐᓃᑦ.
  • ᐴᖅᑲᖅᓯᒪᓗᒍ ᓱᕐᕋᖕᓇᖅᑐᖅ ᐴᑐᖃᖓᓄᑦ ᓇᓗᓕᕈᑕᐅᖁᓇᒍ ᐊᓯᖏᓐᓄᑦ ᐱᖁᑎᓄᑦ.
  • ᓇᓗᓇᐃᒃᑯᑦᑎᑦᑎᐊᕐᓗᒋᑦ ᓱᕐᕋᖕᓇᖅᑐᑦ ᑭᒃᑯᓕᒫᑦ ᖃᐅᔨᒪᓂᐊᕐᒪᑕ ᑭᓲᖕᒪᖔᑕ.
  • ᖃᐅᔨᒪᒋᐊᕐᓗᒋᑦ ᓱᕐᕋᖕᓇᖅᑐᑦ ᓂᕆᔭᒃᓴᑦ ᑐᖅᑯᖅᑕᐅᓯᒪᓗᑎᒃ ᐊᓯᐊᒍᑦ ᓂᕿᒋᔭᐅᒐᔪᒃᑐᓂᑦ ᐱᔮᖅᑯᑕᐅᙱᑦᑐᒃᑯᑦ ᐄᓯᖁᓇᒋᑦ.

image-20260421132018-12

ᐱᔮᖅᑯᑕᐅᙱᑦᑐᒃᑯᑦ ᑐᖁᓐᓇᖅᑐᓂᒃ ᐱᔪᖃᕐᓂᖅᐸᑦ ᓂᕆᔭᒃᓴᒥᒃ ᓱᕐᕋᓇᖅᑐᒥᖔᖅᑐᒥᒃ ᑕᐃᒪᓕ ᖁᐊᖅᓵᕐᓇᖅᑐᒧᐊᖅᐳᖅ. ᐃᓱᒪᒍᕕᑦ ᓄᑕᕋᖅ ᐸᖅᑭᔭᐃᑦ ᐃᓕᖅᑯᓯᖅᓱᙱᓪᓗᓂ ᖃᓂᒪᖅᑰᔨᓗᓂᓘᓐᓃᑦ, ᐃᕐᖐᓐᓇᖅ ᐱᓕᕆᒋᐊᕐᓗᑎᑦ. ᖃᐅᔨᒋᐊᕐᓗᒍ ᓄᑕᕋᖅ ᓂᕆᓚᐅᕐᒪᖔᑦ ᑭᓱᑐᐃᓐᓇᕐᒥᒃ ᓱᕐᕋᖕᓇᖅᑐᓕᖕᒥᒃ. 

ᐅᑯᐊ ᖃᐅᔨᔾᔪᑕᐅᔪᓐᓇᖅᑐᑦ ᐅᔾᔨᖅᓱᕐᓗᒋᑦ:

  • ᒥᕆᐊᖅᓴᓕᓲᑦ
  • ᓇᓗᓕᐅᒪᓗᑎᑦ
  • ᑭᐅᓯᔪᓐᓇᙱᓐᓂᖅ (ᖃᓄᐃᓕᑲᑕᙱᓐᓂᖅ)
  • ᐅᖃᓪᓚᒍᓐᓇᑦᑎᐊᙱᓐᓂᖅ (ᑐᑭᓯᓇᑦᑎᐊᙱᖦᖢᓂ ᐅᖃᓪᓚᖕᓂᖅ)
  • ᐱᓱᒍᓐᓇᑦᑎᐊᙱᓪᓗᓂ
  • ᐅᐃᕐᖓᓕᕐᓗᓂ
  • ᐊᓂᖅᓵᖅᑕᖓ ᓱᒃᑲᐃᑦᑑᓕᖅᐸᑦ 
  • ᖀᖅᓱᕐᓂᖅ, ᐃᓛᓐᓂᓚᐅᓱᖓᖅ (ᑎᒥᖓ ᐊᐅᓚᔪᐊᓘᓕᕐᓗᓂ)

ᓄᑕᕋᖅ ᖃᐅᔨᒪᔪᓐᓃᖅᐸᑦ ᐊᓂᖅᓵᖅᑐᒡᒐᓕᖅᐸᑦᓘᓐᓃᑦ, ᓄᓇᔅᓯᓐᓂ ᑐᐊᕕᕐᓇᖅᑐᓕᕆᔨᓕᐊᕐᓗᓯ ᐋᓐᓂᐊᕕᓕᐊᑲᐅᑎᒋᓗᑎᓪᓘᓐᓃᑦ ᐃᕐᖐᓐᓇᑲᐅᑎᒋ. ᓇᓗᓇᐃᕐᕕᒋᓗᒍ ᖃᓄᐃᓐᓇᓱᒋᖕᒪᖔᖅᐱᐅᒃ ᓂᕆᓚᐅᕋᓱᒋᓂᕋᕐᓗᒍᓗ ᓱᕐᕋᖕᓇᖅᑐᒥᒃ. ᖃᐅᔨᔭᐅᓵᓕᓂᖅᓴᐅᒍᓂ ᐋᓐᓂᕐᔪᐊᙱᓐᓂᖅᓴᐅᔪᓐᓇᖅᐳᖅ.