ᑎᐹᒃᑐᖃᑦᑕᕐᓂᖅ ᐊᒃᑐᐃᔾᔪᑕᐅᓯᒪᕗᖅ ᓄᓇᕗᒥᐅᓕᒫᓄᑦ ᓄᓇᒥᓪᓗ ᐊᕙᑎᑦᑎᓐᓄᑦ. ᒪᓕᒐᐃᑦ ᑎᐹᖕᒧᑦ ᐊᑐᖅᑎᓂᒃ ᐋᖅᑭᒃᑕᐅᓯᒪᕗᑦ ᓴᐳᔾᔨᔾᔪᑎᒃᓴᐅᓪᓗᑎᒃ ᓄᓇᖅᑲᑎᑦᑎᓐᓄᑦ, ᐱᓗᐊᖅᑐᒥᒃ ᓄᑕᖅᑲᓄᑦ ᒪᒃᑯᒃᑐᓄᓪᓗ. ᐅᕗᙵᕈᓐᓇᖅᑐᑦ ᖃᐅᔨᒃᑲᓐᓂᕈᒪᒍᕕᑦ.
ᑕᕝᕚᑲ ᒪᓕᒐᕐᓗ
ᑕᕝᕚᑲ ᒪᓕᒐᕐᓗ
ᑕᕝᕚᑲᒧᑦ ᓯᒡᒐᓕᐊᒧᓪᓗ ᐱᖁᔭᖅ
ᑕᕝᕚᑲ ᓯᒡᒐᓕᐊᕐᒧᓪᓗ ᐱᖁᔭᖅ (TSA)ᒪᓕᒐᕆᔭᐅᓪᓗᐊᑕᖅᐳᑦ ᓄᓇᕗᒻᒥ ᓇᓗᓇᐃᕐᕕᐅᓪᓗᑕ ᓇᓂ ᑕᕝᕚᑲᑖᕈᓐᓇᕐᓂᕐᒧᑦ, ᐊᑐᖅᑕᐅᖔᕈᓐᓇᖅᑐᓪᓗ ᓂᐅᕕᐊᑦᓴᐃᑦ ᓱᕐᕋᓐᓇᖅᑐᐃᓪᓗ ᐊᑐᖅᑕᐅᔪᓐᓇᖅᑐᑦ, ᑭᒃᑯᑦ ᓂᐅᕕᕈᓐᓇᕐᒪᖔᑕ ᑭᓪᓕᖃᖅᑎᑕᐅᔪᓪᓗ ᖃᓄᖅ ᓂᐅᕕᐊᑦᓴᖃᖅᑏᑦ ᓂᐅᕕᐊᑦᓴᖃᖃᑦᑕᕐᓂᖏᓐᓄᑦ.
- ᐊᑐᖅᑕᐅᖔᕈᓐᓇᖅᑐᑦ ᓂᐅᕕᐊᑦᓴᐃᑦ ᐃᓚᖃᖅᐳᑦ ᓯᒡᒐᓕᐊᙳᐊᓂᒃ ᐊᓯᖏᓐᓂᓪᓗ ᕚᑕᓖᓐᓄᑦ ᓯᒡᒐᓕᐊᙳᐊᓂᒃ.
- ᓴᐳᔾᔨᔾᔪᑕᐅᓇᓱᒃᑐᖅ ᓄᓇᕗᒻᒥᐅᓂᑦ ᐱᐅᙱᑦᑐᓂᑦ ᓯᒡᒐᓕᐊᑉ ᐳᔪᖓᓂ, ᓴᖅᑭᔮᖅᑎᑦᓯᓂᕐᒧᑦ ᐊᑦᑕᕐᓇᖅᑐᒦᑦᑕᐃᓕᑎᑦᓯᓂᕐᒧᑦ ᓄᑕᖅᑲᓂᑦ, ᒪᒃᑯᑦᑐᓂᑦ, ᓇᔾᔨᔪᓂᓪᓗ, ᓇᓗᓇᐃᖅᓯᓂᕐᒧᓪᓗ ᐃᓄᒋᐊᒃᑐᒃᑯᕕᑦ ᓱᐴᖅᑐᕐᕕᐅᕙᙱᓪᓗᑎᒃ.
ᐊᑖᓂ ᑕᕝᕚᑲᒧᑦ ᓯᒡᒐᓕᐊᒧᓪᓗ ᐱᖁᔭᖅ, ᒪᓕᒐᕐᒥᒃ ᓱᕋᐃᓂᐅᕗᖅ ᐃᒪᓐᓇ:
- ᓂᐅᕕᐊᑦᓴᖃᕐᓂᖅ ᑕᕝᕚᑲᓂᒃ ᐊᑐᖅᑕᐅᖔᕈᓐᓇᖅᑐᓪᓗ ᓂᐅᕕᐊᑦᓴᐃᑦ ᑭᓇᑐᐃᓐᓇᕐᒧᑦ 19 ᑐᖔᓂ ᐅᑭᐅᓕᓐᓄᑦ.
- ᐱᖁᑎᑖᕆᔭᐅᕙᒃᑐᓄᑦ (ᑐᓂᓯᔪᑦ/ᑕᐅᖅᓰᖃᑦᑕᕐᓂᖅ) ᑕᕝᕚᑭᑦ ᐊᑐᖅᑕᐅᖔᕈᓐᓇᖅᑐᓪᓗ ᓂᐅᕕᐊᑦᓴᐃᑦ ᑭᒃᑯᑐᐃᓐᓇᓄᑦ 19 ᑐᖔᓂ ᐅᑭᐅᓕᓐᓄᑦ.
- ᐊᑕᐅᓯᐅᓈᖅᑕᕐᓗᒋᑦ ᓯᒡᒐᓕᐊᑦ ᓂᐅᕕᐊᑦᓴᕆᓗᒋᑦ.
- ᓂᐅᕕᐊᑦᓴᖃᕐᓂᖅ ᑕᕝᕚᑭᓂᑦ ᓂᐅᕕᐊᑦᓴᖃᖅᑎᓄᑦ ᐋᑕᐅᓚᒐᔪᖅ ᓂᐅᕕᐊᑦᓴᕆᔭᐅᔪᖅ ᓂᐅᕕᖅᑎᓅᖅᑕᐅᑦᓴᐅᑎᒋᑎᓐᓇᒍ ᓂᐅᕕᕐᕕᓪᓚᑦᑖᒥᓪᓗ.
- ᓂᐅᕕᐊᑦᓴᖃᕐᓂᖅ ᐃᑭᐊᖅᑭᕕᒃᑯᑦ; ᐊᖏᕐᕋᒧᑦ ᐋᑦᓯᓂᖅ ᑕᕝᕚᑲᓂᒃ ᐊᑐᖅᑕᐅᖔᕈᓐᓇᖅᑐᓪᓗ ᑕᕝᕚᑲᖃᖅᑐᑦ ᓂᐅᕕᐊᑦᓴᐃᑦ ᐱᔪᓐᓇᖅᑎᑕᐅᙱᑦᑐᑦ.
- ᓂᐅᕕᐊᑦᓴᐃᑦ ᐊᑐᖅᑕᐅᖔᕈᓐᓇᖅᑐᑦ ᑕᕝᕚᑭᖃᖅᑐᑦ ᑲᑎᓯᒪᔪᓂᑦ ᐅᖓᑖᓅᕈᑎᔪᓂᑦ 20 ᒥᓕᒍᕌᒻᔅ ᒥᓕᓖᑕᒧᑦ.
- ᓂᐅᕕᐊᑦᓴᖃᕐᓂᕐᒥᑦ ᑕᕝᕚᑭᓂᑦ ᐃᓚᐅᑎᑦᓯᓂᕐᒥᓪᓘᓐᓃᑦ ᑕᕝᕚᑭᓂᑦ ᓂᐅᕕᐊᑦᓴᖃᕐᓂᕐᒥᑦ ᐊᑐᖅᑐᒥᑦ ᓂᐅᕕᐊᑦᓴᖃᖅᑎᒥ ᐊᑎᓕᐅᖅᓯᒪᒍᕕᑦ ᐅᕝᕙᓘᓐᓃᑦ ᑕᕝᕚᑭᓂᑦ ᓂᐅᕕᐊᑦᓴᖃᖅᑏᑦ ᐱᔪᓐᓇᐅᑎᒥᑦ ᑐᓂᔭᐅᔪᒥᑦ ᐊᑖᓂᑦ ᓄᓇᕗᒻᒥ ᑕᕝᕚᑮᑦ ᑖᒃᓯᓄᑦ ᐱᖁᔭᖓᓂᑦ ᑮᓇᐅᔭᓕᕆᔨᒃᑯᓐᓄᑦ.
- ᓂᐅᕕᕐᓗᑎᑦ ᑕᕝᕚᑭᒥᑦ ᓱᐴᖅᑐᕈᑎᒥᓪᓗ ᑎᐱᓕᖅᓯᒪᔪᒥᒃ, ᐅᕝᕙᓘᓐᓃᑦ ᓂᐅᕕᐊᑦᓴᕐᒥ ᓴᓇᒪᓂᓕᒻᒥ ᓴᖅᑭᔮᖅᑎᑕᐅᔪᒥᓪᓘᓐᓃᑦ ᐊᑐᖅᑕᐅᓂᐊᖅᑐᒥᒃ ᑎᐱᓕᒻᒥ ᑕᕝᕚᑭᒥᑦ ᐊᑐᖅᑕᐅᖔᕈᓐᓇᖅᑐᓪᓗ ᓂᐅᕕᐊᑦᓴᐃᑦ.
- ᐳᔪᖅ ᐳᔫᓲᕐᓘᓐᓃᑦ 9 ᒦᑕᐃᑦ ᐃᓗᐊᓂᑦ ᐃᓯᕐᕖᑦ ᐊᓂᕝᕖᓪᓘᓐᓃᑦ ᑭᒃᑯᑐᐃᓐᓇᓄᑦ ᐃᓪᓗᕐᔪᐊᕆᔭᐅᔪᓄᑦ, ᐃᖅᑲᓇᐃᔭᕐᕕᒋᔭᐅᔪᓄᑦ, ᑭᒃᑯᑐᐃᓐᓇᓄᑦ ᑮᓇᐅᔭᖃᖅᑎᑕᐅᔪᓄᑦ ᐃᓪᓗᒋᔭᐅᔪᓄᑦ ᒐᕙᒪᒃᑯᓐᓂᓗ ᐃᖅᑲᓇᐃᔭᖅᑏᑦ ᐃᓪᓗᖃᖅᑎᑕᐅᕙᓐᓂᖏᓐᓄᑦ, ᐃᓚᒋᔭᐅᓪᓗᑎᒃ ᐊᒃᓴᓗᐊᓕᓐᓄᑦ ᐊᔭᐅᕈᑎᓄᑦ ᐊᔭᐅᕐᕖᑦ, ᐱᓱᕝᕖᑦ ᐃᓪᓗᕐᔪᐊᒥ, ᒪᔪᕋᐅᑎᑦ, ᒥᕝᕖᑦ ᑐᕌᓕᖅᐸᓐᓂᖏᑦ ᐃᓪᓗᕐᔪᐊᒥᑦ, ᐃᒐᓛᓂᑦ ᐊᓯᖏᓐᓂᓪᓘᓐᓃᑦ ᒪᑐᐃᕐᕕᐅᕙᑦᑐᓂᑦ, ᐊᓂᖅᓵᖅᑐᒐᕐᒥᓪᓗ ᐊᓂᐊᕕᓐᓂ.
- ᓱᐴᖅᑐᕐᕕᐅᔭᕆᐊᖃᙱᑦᑐᓂ ᐊᒻᒪ ᐅᕝᕙᓘᓐᓃᑦ ᑭᓪᓕᖏᓐᓂ. ᓱᐴᖅᑐᕐᕕᐅᒋᐊᖃᙱᑦᑐᑦ ᐋᓐᓂᐊᕐᕖᑦ, ᐃᓕᓐᓂᐊᕐᕖᑦ, ᐸᐃᕆᕖᑦ, ᓯᓚᒥ ᐱᙳᐊᕐᕖᑦ, ᐅᐸᑦᑕᐅᒐᔪᒃᑐᑦ ᐃᓪᓗᐃᑦ ᑲᑎᙵᔪᑦ ᐅᕝᕙᓘᓐᓃᑦ ᐃᓪᓗᐃᑦ ᑲᑎᙵᔪᒦᑦᑐᑦ, ᐃᖅᑲᓇᐃᔭᕐᕖᑦ, ᐃᓪᓗᓕᕆᔨᒃᑯᑦ ᐃᓪᓗᖁᑎᖏᑦ ᐊᒻᒪ ᒐᕙᒪᒃᑯᑦ ᐃᖅᑲᓇᐃᔭᖅᑎᓄᑦ ᐃᓪᓗᒋᔭᐅᔪᑦ, ᐊᓯᖏᓪᓗ ᑭᒃᑯᑐᐃᓐᓇᓄᑦ ᐅᐸᑦᑕᐅᔪᓐᓇᖅᑐᑦ ᐅᕝᕙᓘᓐᓃᑦ ᐊᑕᐅᓯᕐᒥᒃ ᐅᖓᑖᓂᓪᓘᓐᓃᑦ ᐃᖅᑲᓇᐃᔭᖅᑎᓂᒃ ᐃᖅᑲᓇᐃᔭᖅᑐᖃᖅᐸᑦ.
- ᓱᐴᖅᑐᓲᑦ ᓄᓇᓯᐅᑎᓂᒃ, ᓯᑕᒪᓕᓐᓂ, ᐅᒥᐊᕐᓂᒃ, ᖃᒧᑕᐅᔭᕐᓂ, ᐊᓯᖏᓐᓂᓪᓗ ᐅᑭᐅᑭᑦᑐᖅᑕᖃᖅᑎᓪᓗᒍ.
- ᓴᖅᑭᔮᖅᑎᑦᓯᓂᕐᒧᑦ ᐅᔾᔨᕆᔭᐅᓕᖅᑎᓪᓗᒍᓗ ᑕᕝᕚᑭ ᐊᒻᒪ ᓱᐴᖅᑐᖅᑕᐅᓲᑦ ᓂᐅᕕᐊᑦᓴᐃᑦ ᓇᓂᑐᐃᓐᓇᑦᓯᐊᖅ ᑕᕝᕚᑭ ᐊᒻᒪ ᓱᐴᖅᑐᕈᑕᐅᓲᓂᒃ ᓂᐅᕕᐊᕆᔭᐅᖃᑦᑕᖅᑐᓂᒃ.
- ᓴᖅᑭᔮᖅᑎᑦᓯᓂᕐᒥᑦ ᓇᓗᓇᐃᒃᑯᑕᕐᓂᑦ ᓇᓗᓇᐃᖅᓯᔪᓂᑦ ᐊᑐᐃᓐᓇᐅᓂᖏᓐᓂᑦ ᐊᑭᖏᓐᓂᓪᓘᓐᓃᑦ ᑕᕝᕚᑮᑦ, ᓯᒡᒐᓕᐊᖅᑐᖃᑦᑕᕐᓂᕐᒥᓪᓘᓐᓃᑦ ᓂᐅᕕᕐᕕᓐᓂᑦ ᐅᑭᐅᑭᓗᐊᖅᑐᓄᑦ ᐱᔪᓐᓇᖅᑐᓄᑦ.
ᐃᓚᒋᔭᐅᓪᓗᓂ ᓄᓇᕘᒥ ᒪᓕᒐᕐᓄᑦ, ᑲᓇᑕᒥ ᑕᕝᕚᑭᓄᑦ ᒪᓕᒐᖅᑕᖃᕐᒪᑦ ᐊᑦᑐᐃᔪᓂᒃ ᑕᕝᕚᑭᓂᒃ ᐊᑐᖅᑎᓂᒃ ᓂᐅᕕᐊᑦᓴᖃᖃᑦᑕᖅᑐᓂᓪᓗ ᓄᓇᕗᒻᒥ. ᐊᑕᐅᓯᖅ ᑕᐃᔭᐅᔪᖅ ᑲᓇᑕᒥ ᑕᕝᕚᑭ ᓯᒡᒐᓕᐊᙳᐊᓄᓪᓗ ᓂᐅᕕᐊᑦᓴᕐᓄᑦ ᐱᖁᔭᖅ. ᑐᕌᒐᕆᔭᐅᔪᖅ ᑲᓇᑕᒥ ᑕᕝᕚᑭᒧᑦ ᖃᓄᐃᓕᐅᖅᑕᐅᕙᓪᓕᐊᔪᒪᔪᒧᑦ ᐃᑲᔪᕈᒪᓂᐅᕗᖅ ᑲᓇᑕᒥᐅᓂᒃ ᓱᐴᖅᑐᖅᐸᒃᑐᓂᒃ ᓄᖅᑲᕈᒪᓂᕐᒧᑦ ᐅᓗᕆᐊᓇᕈᓐᓇᖅᑐᓂᓘᓐᓃᑦ ᐅᐃᕆᓯᒪᔭᒥᓂᒃ ᑕᕝᕚᑭᖃᖅᑐᓄᑦ ᓴᐳᔾᔨᓯᒪᔪᒪᓂᕐᒧᓪᓗ ᖃᓄᐃᙱᑦᓯᐊᕈᓐᓇᕐᓂᖏᓐᓄᑦ ᒪᒃᑯᑦᑐᑦ ᐃᓄᐃᓪᓗ ᐊᑐᖅᐸᙱᑦᑐᑦ ᑕᕝᕚᑭᒥᒃ ᐊᑦᑕᕐᓇᕈᓐᓇᕐᓂᖏᓐᓄᑦ ᑕᕝᕚᑭᒥᒃ ᐊᑐᖅᐸᓐᓂᐊᕐᓗᓂ ᑕᕝᕚᑭᖃᖅᑐᓄᓪᓗ ᐅᐃᕆᓯᒪᓕᕈᑕᐅᕙᑦᑐᓂᒃ.
- ᐱᓕᕆᐊᒃᓴᕆᔭᐅᔪᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐅᔾᔨᖅᓱᖁᔨᔪᑦ ᑎᑎᕋᖅᓯᒪᔪᓂᒃ ᐊᑐᓂ ᓯᒡᒐᓕᐊᓄᑦ, ᓇᓗᓇᐃᖅᓯᒪᓗᑎᒃ ᖃᓄᖅ ᐱᕐᔪᐊᖑᑎᒋᖕᒪᖔᑕ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐅᔾᔨᖅᓱᖁᔨᔾᔪᑎᑦ ᓴᖅᑭᑦᑕᕆᐊᖃᕐᓂᖏᓐᓂᒃ ᑭᓪᓕᖃᖅᑎᑕᐅᓕᕐᓗᑎᓪᓗ ᓴᖅᑭᔮᖅᑎᑕᐅᓂᖏᓐᓄᑦ ᑕᕝᕚᑲᐃᑦ ᓂᐅᕕᐊᑦᓴᐅᔪᑦ ᓯᒡᒐᓕᐊᙳᐊᓪᓗ ᓂᐅᕕᐊᑦᓴᐅᔪᑦ.
ᑕᕝᕚᑲᓂᑦ ᐊᑐᓕᖅᑎᑦᓯᓂᖅ ᒪᓕᓐᓂᕐᒧᓪᓗ ᐱᓕᕆᐊᑦᓴᖅ
ᑕᕝᕚᑲᒧᑦ ᐊᑐᓕᖅᑎᑦᓯᓂᖅ ᒪᓕᓐᓂᕐᒧᓪᓗ ᐱᓕᕆᐊᑦᓴᖅ ᓇᓗᓇᐃᖅᓯᓂᕐᒧᑦ ᑕᕝᕚᑲᒥ ᓂᐅᕕᐊᑦᓴᖃᖅᑎᓕᒫᑦ ᓄᓇᕗᒻᒥ ᒪᓕᓐᓂᖏᓐᓄᑦ ᓄᓇᕗᒻᒥ ᑕᕝᕚᑲᒧᑦ ᓯᒡᒐᓕᐊᒧᓪᓗ ᐱᖁᔭᖓᓐᓂᒃ (TSA) ᒪᓕᒐᖏᓐᓂᓪᓗ.
ᐱᓕᕆᐊᖅ ᒪᕐᕉᓐᓂ ᐱᓕᕆᐊᒃᓴᖅᑕᖃᖅᐳᖅ ᐱᓕᕆᐊᖑᔪᑦᓴᓂᒃ:
ᐃᓕᓐᓂᐊᕐᓂᖅ ᑐᓴᐅᒪᑎᑦᓯᓂᖅ:
ᑕᕝᕚᑲᓂᒃ ᓂᐅᕕᐊᑦᓴᖃᖅᐸᑦᑐᓕᒫᑦ ᐱᓯᒪᑦᓯᔪᑦ ᓂᐅᕕᐊᒃᓴᖃᕈᓐᓇᕐᓂᕐᒧᑦ ᐱᔪᓐᓇᐅᑎᒥᒃ ᐊᑎᓕᐅᖅᑕᐅᓯᒪᓗᓂ ᑮᓇᐅᔭᓕᕆᔨᒃᑯᓐᓂ ᐃᓕᓐᓂᐊᖅᑎᑕᐅᔪᓐᓇᕐᓗᑎᒃ ᐱᓕᕆᕝᕕᖃᕐᓂᕐᒧᓪᓗ ᐳᓛᕆᐊᕐᓂᕐᒥᒃ ᑕᕝᕚᑲᒥᓪᓗ ᓂᐅᕕᐊᑦᓴᖃᖅᐸᑦᑐᓄᑦ ᐱᓕᕆᔾᔪᑎ ᐊᑐᓕᖅᑎᑦᓯᔨᒥᒃ/ᐊᕙᑎᑦᑎᓐᓂ ᐋᓐᓂᐊᖃᕐᓇᙱᑦᑐᓕᕆᔨᖓᓂᒃ (EHO)..
ᑕᕝᕚᑭᒥᑦ ᖃᐅᔨᓴᕐᓃᑦ:
ᐋᖅᑭᒃᑕᐅᓯᒪᔪᑦ ᑕᕝᕚᑭᓄᑦ ᖃᐅᔨᓴᕐᓂᐅᔪᑦ ᓇᓗᓇᐃᖅᓯᓂᕐᒧᑦ ᑕᕝᕚᑲᓂᒃ ᓂᐅᕕᐊᑦᓴᖃᖅᐸᑦᑐᑦ ᐃᖅᑲᓇᐃᔭᖅᑎᖏᓪᓗ ᒪᓕᑦᑎᐊᕋᓗᐊᕐᒪᖔᑕ ᑕᕝᕚᑭᒧᑦ ᓯᒡᒐᓕᐊᒧᓪᓗ ᐱᖁᔭᕐᒥᑦ ᒪᓕᒐᖏᓐᓂᓪᓗ.
ᐅᑯᐊᑦᑕᐅᖅ ᖃᐅᔨᒪᔭᐅᑦᑎᐊᕋᓱᒋᐊᖃᖅᑐᑦ:
- ᐃᖅᑲᓇᐃᔭᖅᑏᑦ ᖃᐅᔨᒋᐊᖅᐸᓪᓗᑎᒃ ᓇᓗᓇᐃᒃᑯᑕᕐᒥᑦ ᓂᐅᕕᐊᑦᓴᖃᖃᑦᑕᖏᓪᓗᑎᓪᓗ ᑕᕝᕚᑲᕐᒥ ᐊᑐᖅᑕᐅᖔᕈᓐᓇᖅᑐᓪᓗ ᓂᐅᕕᐊᑦᓴᐃᑦ ᐃᓄᓐᓄᑦ ᐅᑭᐅᓕᓐᓄᑦ 19 ᑐᖔᓂ.
- ᓂᐅᕕᕐᕕᒃ ᑎᑎᕋᖅᓯᒪᔪᒥᑦ ᑕᕝᕚᑲᒧᑦ ᐊᑐᐊᒐᓕᒃ, ᐱᓕᕆᔾᔪᓯᓕᒃ, ᐃᓕᓯᓯᒪᔪᖅ ᐱᑦᑕᐃᓕᑎᑦᓯᓂᕐᒧᑦ ᓂᐅᕕᐊᑦᓴᖃᖅᑕᐃᓕᒪᓂᕐᒧᓪᓗ ᑕᕝᕚᑲᓂᑦ ᓯᒡᒐᓕᐊᓂᓪᓗ ᐅᑭᐅᑭᑦᑐᓄᑦ.
- ᐃᖅᑲᓇᐃᔭᖅᑎᓕᒫᑦ ᐱᓕᒻᒪᑦᓴᖅᑎᑕᐅᖃᑦᑕᖅᑐᑦ ᐃᓕᓐᓂᐊᖅᑎᑕᐅᓪᓗᑎᓪᓗ ᑕᕝᕚᑲᓂᒃ ᓂᐅᕕᖅᑎᑦᓯᓚᐅᖅᑎᓐᓇᒋᑦ ᐊᒻᒪ ᐊᑐᖅᑕᐅᖔᕈᓐᓇᖅᑐᓪᓗ ᓂᕕᐊᑦᓴᐃᑦ
- ᓂᐅᕕᐊᑦᓴᖃᖅᑏᑦ ᐊᑐᖅᑕᐅᔪᓐᓇᖅᑐᒥᒃ ᐱᓯᒪᕗᑦ ᖃᐅᔨᓴᕐᓂᕐᒧᑦ ᐃᖅᑲᓇᐃᔭᖅᑎᒥᓂᒃ ᓇᓗᓇᐃᖅᓯᓂᕐᒧᑦ ᒪᓕᑦᓯᐊᕋᓗᐊᕐᒪᖔᑕ ᑕᒪᐃᓐᓄᑦ ᑕᕝᕚᑲᒧᑦ ᓯᒡᒐᓕᐊᒧᓪᓗ ᐱᖁᔭᖓᓐᓂᒃ ᒪᓕᒐᖏᓐᓂᓪᓗ ᐊᒻᒪᓗ ᓂᐅᕕᐊᑦᓴᖃᖅᑏᑦ ᐊᑐᐊᒐᖏᓐᓂᒃ.
- ᓇᓗᓇᐃᒃᑯᑕᓗᐊᑕᐃᑦ ᐃᓕᓯᒪᓗᑎᒃ.
ᐊᑐᓕᖅᑎᑦᓯᔨ/ᐊᕙᑎᑦᑎᓐᓂ ᐋᓐᓂᐊᖃᕐᓇᖏᑦᑐᓕᕆᔩᑦ:/h3>
ᐊᑐᓕᖅᑎᑦᓯᔨ/ᐊᕙᑎᑦᑎᓐᓂ ᐋᓐᓂᐊᖃᕐᓇᖏᑦᑐᓕᕆᔩᑦ ᐱᓕᕆᐊᒃᓴᖏᑦ ᐃᓚᖃᖅᐳᑦ ᑭᒃᑯᑐᐃᓐᓇᕐᓂᒃ ᐃᓕᓐᓂᐊᑎᑦᓯᓂᕐᒧᑦ, ᖃᐅᔨᓴᖅᐸᓪᓗᑎᓪᓗ ᑕᕝᕚᑲᓂ ᓂᐅᕕᐊᑦᓴᖃᖅᐸᑦᑐᓂᒃ ᓇᓗᓇᐃᖅᓯᓂᕐᒧᑦ ᒪᓕᑦᓯᐊᕋᓗᐊᕐᒪᖔᑕ ᑕᕝᕚᑲᒧᑦ ᓯᒡᒐᓕᐊᒧᓪᓗ ᐱᖁᔭᖓᓂ ᒪᓕᒐᖏᓐᓂᓪᓗ, ᐊᒻᒪ ᑭᐅᔪᓐᓇᕐᓗᒋᑦ ᐃᓄᓐᓂᒃ ᐅᓂᕐᓘᑕᐅᔪᑦ.
ᐅᖃᐅᓯᖃᕐᓂᐊᕐᓗᓂ ᖃᓄᑐᐃᓐᓇᖅ ᓱᕋᐃᓂᕆᔭᐅᔪᓂᒃ ᑖᒃᑯᓂᖓ ᓄᑖᓂᒃ ᒪᓕᒐᕐᓂᒃ ᐃᖅᑲᓇᐃᔭᕐᕕᒋᔭᕐᓂ, ᖃᐅᔨᒃᑲᕐᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ (WSCC) ᐅᕗᖓ 877-404-4407.
ᓱᕋᐃᔪᓄᑦ ᐊᓯᐊᓂ ᓱᐴᖅᑐᕐᕕᐅᒋᐊᖃᙱᑦᑐᒥ ᐃᓂᒥ ᐅᕝᕙᓘᓐᓃᑦ ᑭᓪᓕᐊᕈᑕᕐᒥ ᓲᕐᓗ ᓂᐅᕕᕐᕕᐅᑉ ᓵᑦᑎᐊᖓᓂ, ᐃᓕᓐᓂᐊᕐᕕᐅᑉ ᖃᓂᒋᔭᖓᓂ, ᐋᓐᓂᐊᕐᕕᐅᓪᓘᓐᓃᑦ ᓄᓇᖓᓂ, ᖃᐅᔨᒃᑲᕐᓗᒍ ᐊᐅᓚᑦᓯᔨ ᐅᕝᕙᓘᓐᓃᑦ ᓇᒻᒥᓂᖃᖅᑎ, ᑲᒪᒋᔭᖃᕆᐊᖃᕐᓂᖓᓄᑦ ᓇᓗᓇᐃᖅᓯᓂᕐᒥᒃ ᐃᖅᑲᓇᐃᔭᖅᑏᑦ, ᐃᒥᕆᐊᖅᑐᖅᓯᒪᔪᑦ, ᐳᓛᖅᑐᓪᓘᓐᓃᑦ ᒪᓕᑦᓯᐊᕐᓗᑎᒃ ᓱᐴᖅᑐᕐᓂᕐᒧᑦ ᒪᓕᒐᕐᓂᒃ.
ᐅᓐᓂᕐᓘᑎᒥᒃ ᑐᓂᓯᔪᒪᒍᕕᑦ ᐊᑐᖅᑐᐊᖅᑎᐅᑉ ᐊᑐᖃᑦᑕᖅᑕᖓᓂᒃ ᑕᕝᕚᑲᒥ ᐊᒻᒪᓘᓐᓃᑦ ᓯᒡᒐᓕᐊᙳᐊᕐᒥᒃ ᓂᐅᕕᐊᑦᓴᕐᒥ ᓱᕐᕋᓐᓇᖅᑐᒥᓪᓘᓐᓃᑦ, ᑐᓂᓯᔪᓐᓇᖅᐳᑎᑦ ᐃᓱᒫᓘᑎᒋᔭᕐᓂᒃ ᑎᑎᕋᕐᓗᑎᑦ ᓄᓇᑦᓯᓐᓂ ᐃᓪᓗᓕᕆᔨᒃᑯᓐᓄᑦ ᐊᒻᒪᓘᓐᓃᑦ ᐊᕕᒃᑐᖅᓯᒪᔪᓂ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᑎᑎᕋᕐᕕᖓᓄᑦ.
ᖃᓄᑐᐃᓐᓇᖅ ᐊᓯᖏᑦ ᖃᐅᔨᒋᐊᕈᒪᒍᕕᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ − ᑕᕝᕚᑲᒧᑦ ᓱᕐᕋᓐᓇᖅᑐᒧᓪᓗ ᐱᓕᕆᐊᒧᑦ ᐅᕗᖓ tobacco@gov.nu.ca.