Inulrammiit

Inulrammiit

Inirniungitillugu higaalirumi, akhuraaluk higaarumainnarniaqtuq qayangnautiqaqtuq aturumapkainnaqtuq. Inuulrammiit higaayuktut amigaitpallaangittumik higaanik atauhiqmi ublunik naunairniaqtuq higaarumainnarniaqtuq qayangnautiqaqtuq aturumapkainnaqtuq hapkuninngalu higaarumaniq, ihumaaluliqtuq, nutqangailaiqtuq, nin’ngahayuktuq, kaaktuq, ayurhaqtuq ihumagilluariami ayurhaqtuqlu hinigiami.

Inuulrammiit higaarumik hapkuninnga piqarniaqtut:

  • Anirhaariami ayurhautiginiaqtaa ayurnarutiginiaqtaa hulilukaariami.
  • Qalalaqigumi, aaniarutiqalirumi, hiutikliurumi aadlallu aaniarutiinarniaqtait higaayuittunit.
  • Tipalaqutiniaqtuq aanuraamini, nuyamini uvinganilu.
  • Quryiqtanguqniaqtuq kigutingit tipaarniaqtuqlu qaniminit.
  • Akulianga imunngayutut inniaqtuq qilaminnuaqlu inirninguliqtuq.
  • Nuyarluktuq tualiliqtuqlu nuyanga.
  • Qirnariktuq ataani iikminit.

Face It Poster

Puyuittuq tipaakut, tamuayakhatut tipaakut uilaaqlu, piqaqtuq amigaitpallaaqtuq uuminnga qayangnautiqaqtuq aturumapkainnaqtuq taimaaruminairutigiyauyuq. Puyuittuq tipaakut kigutinut nakuungiqtitainiaqtuq auluni, niqinganut aaniarutiqaqtiqluni kigutaiqlunilu.

Higaanguanik puyuqtumik paatuliiqtuqtuq higaanguaq puyunganik anirhaarutauyuq tipaakungittut, kihimi higaangualiurutinga iliuraqtakhaq higaanguanut puyuuqtumut piqaqtuq qayangnautiqaqtuq aturumapkainnaqtuq. Akhuraaluk ihumagilluarniq uuminnga qayangnautiqaqtuq aturumapkainnaqtuq mikkannuallu hunavaluit anirhaaktat puyurmik higaaqtillutit atayut uumallukniqmut, qaritaqmut piirumi anirhaaqtaptiknik nukiirutiyuq timiknut, angivallaaqtuq aunga tigliqtaqtuq puvakmullu nakuungiqtiqtuq. Qayangnautiqaqtuq aturumapkainnaqtuq nakuungitiqniaqtuq inuulrammiup qaritauyanganut, ayurnarhipkaiyuq ihumagilluariami angikliyuumirhugulu ihumamitigut ayurhaqtiqluni.
 
Nakuutqiaq piyakhat iliknut higaaruiqpiaruvit. Uqaqatigilugu Munarhit Taaktit ayuirhaqtukhat higaaruirahuaqtunik, havautitut uqaqatigiiklugit ikayuqtut. Qayangnautiqaqtuq aturumapkainnaqtuq Himmautinga Mamihaidjut nakuutqiyauyuq inuulrammiinut aturhimmaangitkumi tipaakunik.