Munarittiaqtumik Ujarangnaqtut Aturninnga

Munarittiaqtumik Ujarangnaqtut Aturninnga

Atungniq Ujarangnaqtunik Munarittiaqtumik | Ujarangnaqtut Ipiralailaqidjutillu | Tutquumaniq Ujarangnaqtut

Atungniq Ujarangnaqtunik Munarittiaqtumik

Ihumaliuruvin aturlugu Ujarangnaqtut, atugahaqaqtuq mikhijuumiriangani qajangnautit munarilugulu inuuhit.

 

Qaffinik uvalu qaffiiqtuqhutik?

  • Mikijumik aulaqtiriarlutit kajumiitumiklu: 1-2 hiluqhilutit higaaruvit uvaluniit 2.5 grams THC nirijaulaaqtunik. Nutaqiurlutit mihigimalugit mihingnautait atuqtinnatit. image-20260421131813-1
  • Atuqpalaaguirlutit: Nakuuniqhaq atugitaagani atauhiinaugitumik saniunirmi atugitaaganilu hanahimajut piqaqpaqpallaqtut imaitumik THC. image-20260421131824-2 

Piliurniq Nakuutqianik Pijakhanik

  • Nutaqiurlutit ukiuninirvikharnik imaatut 25 Qaritat angiklivaliahimaaqtuq qitqani ukiunukkuvit 20-nik. Atungniq ujarangnaqtunik tikitinagu 25 hulaqutaujuq qaritangnun angiklivalianirmun auladjutainunlu. Puiguqtailugu, ihuinarutaulaaqtuq aturiami ujaraknaqtunik nauhimajunik ukiuqangitkuvit 19-nik. image-20260421131837-3
  • Qaniklinahuaqtailutin Piliuqhimajut: Spice, K2, aallanikluuniit piliuqhimajunik (pivvialungittunik) ujarangnaqtut piqaqtut hivuuranaqtunik imaalu aanniarjuarutauttaaqtut, tuqqulutikluuniit. image-20260421131846-4
  • Avguqtailugit ujarangnaqtut : Qajangnaqtuq aturiami ujarangnaqtunik taanganiklu, aalallu havautit, taaktininluuniin havautit. Hulaqutait nalunaqtut uvalu angiklijuumigutijut inuuhirmun qajangnautinun. image-20260421131854-5

Munagidjutikharnik Ilingnun Allanunlu

  • Nakuutqijaujuq higaangitkuvit higaan'nguat puujuqaqtut aturiami hapummiutigiami puvangnik.  image-20260421131913-6
  • Nakuutqiaq atuqtaililugu ujarangnaqtut ilvit ilatitluuniin ingilraanin ihumakkut aanniarutiqaruvin aangajaangnaqtuniklu atungnikkut ajuqhautinik. image-20260421131921-7
  • Atuqtailugu ujarangnaqtut hingaijaqhimaguvin iviangirninluuniin maamaktitiguvin. The safest choice is to avoid cannabis as it can harm your baby’s health. image-20260421131932-8
  • Aqutailutin kitunikliqaak akhaluutinik aturuiguvit ujarangnaqtut. Una ilaujuq akhaluutit, akhaluutirjuat, haatat, qainat, sikiituutlu. image-20260421131941-9

Ujarangnaqtunik inirniit qajangnarnirnik mikhilaaqtirniq taiguakhaqNakuutqiaq pittailidjutikhaq qajangnautinun atuqtaililugit ujarangnaqtut.

Naunaiqhittiarumaguvit, naqitlugu turrarvikhat ataani.

image-20260421131958-10

 

image-20260421132004-11

Ujarangnaqtut Ipiralailaqidjutillu

Pijaaqtut ujarangnaqtunik piumainarnirmun aturumainaliqhutikluuniin. Una taijaujuq Ajuqhautiqaliqhuni ujarangnaqtunik atungniq imaaluunniit Ujarangnaqtunik Atungnikkut Ihuangidjutit.

Una taimailiniaqtuq atuligaangamik ujarangnaqtunik anginiqharmik aktilaanganik THC ubluq tamaat, tamavjaaluuniin ublut.

Ilangit naunaitkutikhat ilaujut:

  • Atuinaliqpaklutit ujarangnaqtunikj.
  • Munarilimaiqhutit qanuraaluktut atuqtarnik.
  • Ihariahungniq amigaitqijanik ujarangnaqtunik mihigimajaangani aadjikiit hulaqutit.
  • Turaaqhimalimaiqhuni iliharvingnun, havaanun aihimavingmingniluuniin havaakhanun.
  • Taimaarlugit aalat hulidjutit taimaali atugiangani ujarangnaqtut.

Ilvit kinaliqaaluuniin ilihimajat ikajuqtaujumajuq ujarangnaqtunik atungnikkut, pijakhaqaqtut. Akiittuq, hiamitirnaittumik ihumakkut inuuhiqattiarniq ikajuutikhaq piinarialik tamainni munaqhitkunnit. Hivajainnariaqaqtatillu Nunavunmut Higaaruirahuaqtunut Hivajarvikhaq uvani 1-866-368-7848 titirarvigilugilluuniit Higaaruirahuaqtunut Ikajuqtinga uumani Uqaqatigiiklutik ikajuutikharnik taimaagianganik ikiklijumiqtitijaangatluuniit ujarangnaqtut atugianganik.

Tutquumaniq Ujarangnaqtut Qajangnaittumik

Akhuungnaqtuq tutquqhimalugit ujarangnaqtut qajangnaitumik, nutagaqaruvin pamiqhaaqaruvinluuniin iglungni.

Qanuq tutquqtigijaangat ujarangnaqtut:

  • Pihimalugit tamaita ujarangnaqtut takunailrumi tigulailrumilu nutaqqanin pamiqhaaninluuniin. Tutquqhimalugu kiluutaqhimajumun amujamun iliqpingmun tautungnailrumi kahaktaulimaitunlu.
  • Tutquqhimalugit ujarangnaqtut puuluangani ulapiqutaitumik aalanun hunanun.
  • Naunaitkutilirlugit ujarangnaqtut naunaitumik tamaita ilihimajaangini hunaungmangaata.
  • Pihimalugit ujarangnaqtut nirijaaqtut tutquqhimalugit ilikkut niqinin iinaitumik.

image-20260421132018-12

Pihuqhaangittumik puisiutiqaqtut nutaqqani nirijauttaaqtunit ujarangnaqtut qajangnaqpiaktut. Ihumaguvin nutaraq munarijat idjuhia ihuangitumik uvaluuniin aanniaqtutut itpat, qilamik hulilutit. Naunaijarlugu nutaraq nirihimangmagaa hunamikliqaa piqaqtumik ujarangnaqtunikj. 

 

Qinirlugit hapkua naunaijautit:

  • mirianginaliqhuni
  • naluqhalirniq
  • qauyimahuiqtuq (qanuriliungituq)
  • uqarluktuq (naunailuangituq uqagianganik)
  • pihugiami ajuqhaqtuq
  • uingaliqhuni
  • kajumiiqhuni aniqhaaqtaqtuq 
  • qiiqivaktut, aallangajuni pidjutaujunik (qiiqivaktut)

Nutaraq munarijat qauyimahuirumi ajuqhalirumiluuniit aniqhaaktariami, hivajarlugu nunagijarni qilamiuqtuqaliqqat nampaa munaqhiliarlutilluuniit. Unniutilugu pinahugijat naunaitkutait pijut pijunaqhijulluuniit higaarlungnirmit aturnirnit. Qilamik naunaijaqtaugumi pittailidjutauniaqtuq akhut aanniqtailidjutinik.