Aadlatqiinguyut Tipaakut

Aadlatqiinguyut Tipaakut

Higaaqtauhimayunik Tipaakut (higaat, marlungayut higaaqpakyuat)

Higaaqtauhimayunik higaaruirutikhat tahapkuat ikumayuq tipaakut. Puyunga anirhaanginnarialik, ilihimaluguluuniit qanirnit. Hapkuat higaaruirutikhat ilaliutihimayut:

Higaat:

  • Higalluaqtauyuq tipaakut nunaryuaptikni. Higaat piliurhimayuq piluryakhimayunik tipaakut. Tipaakunga iliuraqtauyut titiraqmit pihimayut kaimalluriktunut.
  • Higaat piqaqtuq avatqumayunik 7,000 qayangnaqtunik puisiutingit. Amigaittut puisiutiyut uuminnga 70 kaansaqtipkaidjutauyut.

Poisons in Tobacco Poster - En

Higadjilutit higaakharnik:

Roll Your Own

  • Hapkuat higaat higadjaliurhimayuq higaarahuaqtumit. Atuqtuq higadhiliurutimik titiqqanik higadjigiami piqaqtuqlu amigaitpiaqtumik puisiutingit.

Marlungayut higaaqpakyuat:

Cigars

  • Marlungayut higaaqpakyuat piqaqtut paniupayunik tipaaqtuniklu tipaakut. Tipaakut higadjiurhimayuq hukakpiaqtumik ikitiqtauyuqlu. Tamna higaaqtuq anirhaaktaa marlungayuq higaaryuaq qanirminut talvannga hupluuqhugu hilanmut.

Tamuayuq Tipaakut/Uilaaq

Puyuittuq higaaruirutikhat ilaliutihimayuq tipaakut higaaruirutikhat piyauyuq qaniqmi qin’ngarminiluuniit ikihimaittumik. Hapkuninnga ilaliutihimayuq:

  • Uilaat iliuraqtauyuq qanirmut, uluaknut, iluanulluuniit umilruqnut. Talvannga milukaqtauyuq tamuaqtauyuqluuniit. Ilaani taiyauyuq “tivvuaqtuq tipaakut”. Taimaa uilaaqtut tivvuarmagu tipaakup imanga qalangmillu.
  • Uilaaq piluryakpiarhimayut piluryaktihimayuqluuniit tipaakut. Paniupayut kinipavyaktulluuniit. Paniupayut uilaat piluryaktauhimayut tipaakut. Anirhaaktauyut pipkaihimayullu qingakkut. Kiniupavyaktut uilaat piyauyut qanikkut, uluakminit kigutip niqinganillu.

Uilaat piqalluaqtuq qayangnautiqaqtuq aturumapkainnaqtuq higaamit taimaaruminaittullu.

Chew Tobacco

 

Higaanguat puyunganik

Higaanguat puyunganik atuqtautinga uunaqutigiyuq alruyaqtuqtumit imanganik puyunnguqtiqtuq atuqtunut anirhaaktakhaanik. Alruyaqtuqtumit imanganik aadlatqiinik tipilgit hapkuallu aadlatqiingit piyut viksitut ittunik ahiatulluuniit ukununnga Sour Patch Kids™ hiirnaqtunillu kiiknnuanik. Higaanguat puyunganik pivagait amihut aadlatqiinguyunik aktikkulaaniklu: ilangit titirautitut ittut USB-tut iliuraivingatitutlu, aadlat ittut naniruutinnuatitut.

Higaanguat puyunganik tipaakuungittut higaaruirutikhat, kihimi alruyaqtuqtumit imanganik ilaani piqaqtuq qayangnautiqaqtuq aturumapkainnaqtuq. Qanuraaluk piqaqtuq qayangnautiqaqtuq aturumapkainnaqtuq piyuq amigaittumik, kihimi nakuugilluaqtauyut ukunatitut JUUL™ niuvrutigiyauyut alruyaqtuqtumit imanganik amigaitqiyauyumik qayangnautiqaqtuq aturumapkainnaqtuq umannga 20 higaaqaqtunit. Alruyaqtuqtumit imanganik piqaqtuq THC (puisiutinga higaarluknit aangayaaqtapkaqtitaatit) piinarialik.

Taimaa Higaanguat puyunganik atuliqtitauyuq nakuutqiyauyumik himmautikhaanik higaaruiriaqni, amigairyuumiliqtuq ihumaaluutinik akhuraaluk nakuungiqtirniaqtuq inuuhirnut. Akhuraaluk ihumagilluarniq uuminnga qayangnautiqaqtuq aturumapkainnaqtuq mikkannuallu hunavaluit anirhaaktat puyurmik higaaqtillutit atayut uumallukniqmut, qaritaqmut piirumi anirhaaqtaptiknik nukiirutiyuq timiknut, angivallaaqtuq aunga tigliqtaqtuq puvakmullu nakuungiqtiqtuq. Qayangnautiqaqtuq aturumapkainnaqtuq nakuungitiqniaqtuq inuulrammiup qaritauyanganut, ayurnarhipkaiyuq ihumagilluariami angikliyuumirhugulu ihumamitigut ayurhaqtiqluni.

Higaanguat puyunganik atuqtilluni nakuutqiyauyuugaluaq higaamit, pitquyaungittuq ukunanik higaaruiriaqni. Nunavummiut qiniqtut higaaruiriaqni atuqtukhaugaluat Qayangnautiqaqtuq aturumapkainnaqtuq Himmautinga Mamihaidjut (NRT), ukunatitut mattutit kuttuqmikluuniit, naunaiqtauyut nakuuyut ihuaqtullu.

Aangayaarutauyut higaarluit

Amihut higaayuktut atuqpaktut aangayaarutauyut higaarluit. Ilaani akuniraalukmiklu aangayaarutauyut higaarluit aturumik angikliyuumirniaqtaa ukunanik:

  • Ihumamitigut aaniarutipkainiq, tamaryaktipkainiaqtaalu;
  • Taimaarumahuiqniaqtaa;
  • Ayurhaqniaqtuq anirhaagiami taimaa aangayaarutauyut higaarluit higaaqtaukpat; unalu
  • Ayurhaqniaqtuq naalattiariami, ihumagiami ayurhaqniaqtuqlu ihuarhidjutigiami.

Aangayaarutauyut higaarluit aturninnga 25-nguqtinnagu nakuungittumik ayurhaqtipkainiaqtaa qaritaminik.

Aangayaarutauyut higaarluit aturninnga hingaiyaqtilluni maamaktittipluniluuniit nakuungittuq biibinnuamut.

Nakuutqiyauyuq pittailigiami qayangnarninnga uuminnga aangayaarutauyut higaarluit aturninnga pittailigiami taafuminnga. Ihumaliuruvit aturiaqni aangayaarutauyut higaarluit, ihumagilugit hapkuat pikaidjutikhat uuminnga qanuqtut ikikliyuumirlugu qayangnautit:

Pittailugu higaariami aangayaarutauyut higaarluit. Ayuirharlugit qayangnautinga aturahuarumi aangayaarutauyut higaarluit aadlatqiinik piluni. *Qaritauyakkut takuyakhaq Aaniangittumik Inuugiami*

  • Atuliqpaliqlugu atauhiinaqmik Santimi ikitqiyauyumikluuniit.
  • Atuqtaililugu aangayaarutauyut higaarluit hingaiyaruvit, maamaktittiguvit, ukiuqangitkumilu 25-nut.
  • Ukuninnga aturuiqlutit (Haantanik, qayarmik, sikiituumik, akhaluutimikluuniit) aangayaaqtillutit higaarlukmit.
  • Pittaililugu aangayaarutauyut higaarluit higaaruirutikhat piqaqpallaaqtut THC-nik. Niuvirlugit higaaruirutikhat piqalluangittut THC-nik piqaqpiaqtunik pilutit uuminnga CBD.