Ujarangnaqtut atungnirit Angajuqqaanun, hingaijanun iviangingnin maamaktitijununlu arnanun

Ujarangnaqtut atungnirit Angajuqqaanun, hingaijanun iviangingnin maamaktitijununlu arnanun

Hingainiq | Iviangingnin maamaktitiniq | Uqaqatigilugit Munaqhitkut Taaktit | Ikajuqtikhat hailijut | Angajuqqaangunikkut

Piqangittuq hivuuranaittumik aktilaanganik ujarangnaqtunik aturiami hingaijautitlutit iviangirnin maamaktitiblutikluuniin. Atungniq ujarangnaqtunik uvaluuniin hanianiiluni ujarangnaqtut pujuini ajuqhautaujuq nutaranuap angiklivalianianun uvalu pivalliadjutaanun.

 

image-20260421145353-1

Ujarangnaqtut uvalu Hingainikkut uvalu Iviangingnin Maamaktitinikkut: Kanuktun Ilvit Ilihimajukhaujutit Qauhimalutit

image-20260421145411-2image-20260421145437-3

Atungniq ujarangnaqtunik hingaijautiluni iviangingnin maamaktitibluni qajangnaqtuq ilingnun nutaranuapingnunlu. 

Tunihiniq THCmik Nutaranuangnun: Hivuuranaqtut ujarangnaqtut hiamitiqtaaqtut nutaranuangnun nutaranuatigut uvaluuniin iviangip miluagut. Una aalanguutauniaqtuq qanuq nutaganuat angiklivalianianun uvalu angiklivalianianun.  

Qanuq ujarangnaqtut hulaqutigijait nutaranuap:

  • Hulaqutit Nutaranuap Qaritaanun: Atungniq ujarangnaqtunik uluriahuutaujuq nutaranuavit angiklivalianianun qaritaanun. Pidjutiqarniaqtuq ajuqhautinik tuhaanikkut, itqaumanikkut, uvalu idjuhikkut angiklivaliagumik. 
  • Inuulihaaqtut: Atungniq ujarangnaqtunik hingaijautiluni pidjutiginiaqtaa nutaranuat inuuluni mikivalaaqhuni uvaluuniin qilamivalaaq.
  • Pivallianiq: Biipiinuat manimihimajut ujarangnaqtunik nutqangalimaiqpaktut, ajuqhaliqhutiklu munarittiariamingni idjuhirmingnik hinigiakhamingnik ajuqhaliqhutiklu qakugungurangat inuuhirmingni. 
  • Higaangittut Higaaqtumit Pujunganik Aniqhaaktuq: Pujua ujarangnaqtut uvaluuniin tibaakkut hivuuranaqtuq nutaranuanun. Tamangmik piqaqtut amigaitunik hivuuranaqtunik tapkua aniqhaaktarnirmun ajuqhautiqaqtut.   

Qajangnaitqiaq pijakhaq atuqtaililugu ujarangnaqtut munarijaangani nutaranuavit inuuhianun. 

Ihumaliuruvin aturlugu ujarangnaqtut hingaitilutit iviangingnin maamaktitiguvinluuniin, atuluaqtailinahuarlutit, ikilijuumirlugit, piluarlugit hunat mikijumik THCqaqtut CBDmiklu aktilaangit. 

Naunaiqhittiarumaguvit, naqitlugu turrarvikhaa ataani.

image-20260421145455-4

Qajangnaktuq Ikirlinahuarlugu

Qajangnaitqiaq pijakhaq nutaranuangnun atuqtaililugu ujarangnaqtut hingaitilutit iviangingnin maamaktitibluni.

Ihumaliuruvin aturlugu ujarangnaqtut , mikhijuumiqtaaqtatit qajangnautit nutaranuangnun imaa:

  • Uqaqqatigilugit upigijanganik Iningnikhat, ilagijangnik, ilannagijangnikluuniit malikhautikharnik ihumakkut inuuhiqattiarniq ikajuutikharnik.
  • Atuqpallaaruirlugu, mikitqijanik aktilanganik, pilugit hanahimajut mikitqijanik THC-qaqtunik CBD-qaqtuniklu.
  • Aturlutit ujarangnaqtut ahianit aimavingnit akhaluutingnilluuniit himmirlugit aannurat tigumiaqtinnatit iviangirnit amaamaktittitinnatit nutarannuat.
  • Hiniktailutit atauhirmi iglirmi nutarannuavit hinirvigijaani aturuvit ujarangnaqtunik mikhilaarutauniarmat mihingnautingnun qajangnarniarunaqhijurlu.

Ikajukhimaarlutin Aipaunirmik Ilagiinutlu Ilaulutin

Aippariiktut, ilagiiktut, ilanarijailu aturniqaqtun ilaudjutiqaqtut hingaijat arnat nutaranualu aanningitaangini hivuuranarninginit ujarangnaqtut.

  • Quviahuqatigiikluhi inuuhirittiarnikkut hulilukaarutikharnik atautikkut: Maniqqamut aullaqhimalutit, niqiriktunik niqikhaliurlutit niqainnarnik, imaluuniit hunaliurlutit uvaluunniit miqhurlutit.
  • Iglut higaarvigihuirlugu: Qanuraaluktut Higaangittut Higaaqtumit Pujunganik Aniqhaaktuq Ujarangnaqtut tipaakunganilluuniit qajangnaittuq.
  • Atuqtailinahuadjavutit ujarangnaqtut hanimingni: Atuqtaililutit ujarangnaqtunk tautuktilugit uvaluuniin atuqatigihuirlugit.

Uqaqatigilugu munaqhigijatit

Munaqhit tunihijaaqtut akhuungnaqtunik kangiqhidjutinik qajangnautinun atungnikkut ujarangnaqtunik hingaitilugit iviangingninlu maamaktitiblutik. Ihumaliuqtaaqtullu qajangnaitumik munaridjutikhanik hingaijarnirmun irnihuihaqtununlu mihingnautit mirianguhuktut, miriaqhutik uluriahungnirmunluuniin.

Munaqhiliaqattaruvit ikajurniaqtuq aanniaqtailigiarni biibinnuarnullu.

Ikajuqtikhat Hailijut

Ilvit kinaliqaaluuniin ilihimajat atuliqtuq ujarangnaqtunik aalaluuniin aangajaangnaqtut hingaitiluni iviangingnin maamaktitibluniluuniin, tuuliingituq ikajuqtikhaqhiugiami.

Akiituq, hiamitilimaitun ikajuutikharnik pigiaqaqtun tamaini munaqhitkuni. Ikiklijuumirumagungni higaaruirumaguvilluuniit, hivajarlugu Nunavunmut Higaaruirahuaqtunut Hivajarvikhaq uvani 1-866-368-7848 titirarvigilugilluuniit Higaaruirahuaqtunut Ikajuqtinga uumani Uqaqatigiiklutik.

TitiraujaqhimajuqAngajuqqaanguniq uvalu Ujarangnaqtut : Hapummiutijuq Nutaqqanik Ujarangnaqtut Qajangnaqtunik

image-20260421145534-5image 4

Angajuqqaangupluni, kangiqhimalugit qajangnautit ujarangnaqtut uvalu pilugit munaridjutikhat nutaqqangnun akhuungnaqtuq. 

Hamma ilangit qanuriliurutikhat mikhilaaqtirnikkut qajangnarniit:

  • Nakuujumik tautuktaulutit: Nutaqqat ajuiqpaktut takujamingnit. Nakuunikkut pijakhanik mikhaagun ujarangnaqtut ikajuutiginiaqtait taimailiuriamingni. 
  • Atuguirlugit ujarangnaqtut  nutaqqani: Pujuuq higaaqtumit hivuuanaqtuq qajangnaqhunilu, tibaakut pujungatut. 
  • Uqaqatigivaglugit hunatigutliqaak nutaqqatit: Naunaijarlugit qajangnautit ujarangnaqtut kiulugillu apiqhuutait iquhimaitumik. Uqautilugit ihuaqtunik kangiqhidjutikhainik ikajuutaujut nakuujumik pijakhamingnik hivuniemingni.

Iliturittiarumaguvin, takulugu Uqaqatigilugit inulramiit ujarangnaqtut.