Hulaqutait Ujarangnaqtut

Hivikittumut Hulaqutit | Hivitujumik-kikliqaqtut Hulaqutit | Ujarangnaqtut unalu Ihumakkut Inuuhiqattiarniq | Ujarangnaqtunik Atuqpalaarniq uvalu Mirianguhungniq | Ujarangnaqtut Akhaluutiturnirmiklu | Avuuriniq Ujarangnaqtunik Havautiniklu | Ujarangnaqtut unalu Tibaakuq | Ujarangnaqtut Apiqhuutit

Hivikittumut Hulaqutit Ujarangnaqtunik Atungnirit

Ujarangnaqtut hulaqutaulajut timingnun ihumangnunlu aalatqiinik qanuriniinik. Hulaqutait qanurininginut inuup qanuqtutlu aktigijumik atuqpauhianik. Ilangit hivikittumut hulaqutait ujarangnaqtut ilaujut:

Aliahukhuni nirjallakhunilu.
Ihumaaluinaliqhuni uvaluuniin quglukhimainaliqhuni.
Uin'ngainaliqhuni.
Kajuumiitqijaujumik qanurininganut.
Puiguqtaaliqhuni.
Ajuqhaliqhuni tuhaajaami ihumaliuttiariaminilu.
Kaaliqpiaqhuni.
Kajumaktuq tigliqtaliqhuni uumataa.
Naluqhangaliqhuni.
Imiqilaqipluni paniqtittuq qania iggiangallu.
Ajuqhaliqhuni ingutaariakhamini ulrutailijaaminilu.
Tautukhuni, tuhaabluni mihigimabluni hunanik tapkua itquumangitut (huungitunik ihumanirmik).
Ajuqhaliqhuni ihumaliuriaminik amigaitqijainik atauhiinarmit hunamik.

Hivitujumik-kikliit Hulaqutait Ujarangnaqtut Aturnirit

Aturniq ujarangnaqtunik ubluq tamaat uvaluuniit ubluq tamavjaaluuniin angiklijuumirutijuq inuuhirmun qajangnautinik. Una ilaujuq:

Ihumakkut Inuuhiqattiarniq: Aturniq ujarangnaqtunik, hapkuninga anginiqharmik piqaqtut THC, ingattautiniaqtut mihingnautit ingumanirmun ihumaalungnirlu. Angiklijuumirutijuq qajangnautinun atungnirmun ihumakkut mihingnautinik, imaatun tautuktuujaarnirmik (tautukhutik tuhaablutikluuniin hunanik itquumangitunik). Una qajangnaut angitqijauniaqtuq kinali ilangni ihumakkut inuuhiqattiarniq ajuqhautiqaqtunut.
Aalangurniq qanuq qaritavit havauhia: Aturniq ujarangnaqtunik ubluni tamavjaaluuniin ublut, tikitinagu 25, ihuirutiniaqtuq ihumangnun itqaumanirmik, tuhaanirmun, iliharnirmunlu.
Aniqhaaktariami ajuqhaliqhuni: Higaarniq ujarangnaqtunik hivuuranaqtuq puvangnun uvaluuniit ingatarutiniaqtuq qalakhungnirnut, ivjanguhurnirmut, ajurnaqhilunilu aniqhaaktariami.
Puvvak uumatitlu: Ujarangnaqtut pujuit piqaqtut hivuuranaqtunik, taimaatunik tibaakkut pujuitut, pujuit hivuuranaqtut uumanmun puvangnunlu.
Ipiralailaqidjutit: Atuqpalaarniq ujarangnaqtunik , uvaluuniit hivitujumik, ipiralailaqidjutiginiaqtaat, ajurnaqhibluni taimaaqtirianginik.
Mirianguhungniq uvalu miriaqtaliqhunilu: Inuit piqaqtut haffuminga mirianguhungniq uvalu miriaqtainaliqhutik. Ilaani amigaitqijaujumik umanga 20 atauhirmi ublurmi.

Hapkua ajuqhautit ingatarniaqtut atuliruvit ujarangnaqtunik nutarautilutit, aturungniluuniin tamavjak ubluq. Akhuungnaqtuq ihumagilugit hapkua qajangnautit inuuhiringnaqtumiklu ilingnut.

Ujarangnaqtut unalu Ihumakkut Inuuhiqattiarniq

image-20260421140351-18

Aturniq ujarangnaqtunik hulaqutaujuq ihumakkut inuuhiqattiarniq aalatqiinik qanuriniitigut. Ilangit inuit atuqpaktait ihumaalungnaitumik ingumannaitumikluuniit, kihimi aalanun, ingatautivaktut mihingnautinun. Una uuktuutigillaklugu, ajuqhaliruvit ihumakkut inuuhiqattiarniq, aturiami ujarangnaqtunik ingataqtittaaqtuq piliurluniluuniit nutaanik ajuqhautinik, ukunatitut tautugiami tuhaajamiluuniit hunavalungnik itquumangittunik.

Atuqpallaaruvit ujarangnaqtut, angitqijauhungujuq ihumakkut inuuhiqattiarniq ajuqhautinik.

Aturniq Ujarangnaqtunik Ajuqhaqtailiinahuaqhuni

image-20260421140401-19

Ilangit inuit atuqtut ujarangnaqtunik puigurnahuaqhutik atuqhimajamingnik, tuquffinarnirmik, ihumalungnarnirmikluniit. Taimailiuruvin, avaliingangitutit, ikajuqtikhat hailijut. Hivajaqtaaqtat Nunavut Higaaruirahuaqtunut Hivajarvikhaq uvani 1-866-3628-7848 titirarvigilugilluuniit Higaaruirahuaqtunut Ikajuqtinga uumani Uqaqatigiiklutik.

Uqaqqatigilugit munaqhitkut ihumamikkut inuuhirinikkut ajuittiagiikhimajunik ihumaluutiqaruvit qanuq ajuqhautigivakhimajatin.

inariaqaqtutillu ukpirijarnut ilannarnut, ilangnut, Inirnikhanut apirilugit ikajuqtaujumajutit. Atiit uqarumangitkungni ikajuqtaugumaguvit, hivajarlugu Nunavut Kamatsiaqtut Ikajuutikhaq akiitukkut uumani 1-800-264-3333.

Ikajuqtit uvalu Ikajuqtikhat

Ujarangnaqtunik Atuqpallaarniq unalu Mirianguhungniq

Higaaqpalaaqqit ujarangnaqtunik ?

image-20260421140723-21

Atuqpalaangniq ujarangnaqtunik attautikkut aannialaqidjutiginiaqtat. Naunaitkutikhat ilaujut:

Ihumaaluinaliqhuni uvaluuniin iqhibluni.
Kajumaktuq tigliqtaliqhuni uumataa.
Kaiffanguliruvit aanniangaliruvitluuniit.
Mirianginnaliqhuni.
Qaniq paniqhiqtuq.
Ajuqhaliqhutik pihugiamingnik uvaluuniin ingutaagiamingnik ihuaqtumik.

Ukua akturningit tajainaq taimailivaktulu piqaqpalaaqat THC-mik timimi.

Qanuriliuriami?

Ilvit kinaliqaaluuniin aanniangaliruvin aturuiqhutit ujarangnaqtunik, ihumaaluktaililutit, unaguiqhirlutit qajangnailrumi, imainarmik niuqarlutit, aturuirlutit ujarangnaqtunik. Hivajarlugit munaqhitkut ikajuutikharnik ikajuutikharniklu.

Atuqtaililugit Synthetic Cannabinoids

Synthetic cannabinoids (pinguaqtut ujarangnaqtut ) inungnin havaktauhimajut hivuuranaqtut tapkua tikhaluaqtitaujut nauhimajunun hunanun piliuriangini hunanik taimaitunik Spice unaluunniit K2. Havaktauhimajut idjuaqhijaamingni hulaqutainun ujarangnaqtut kihimi hakugitqijaujut, nalunaqtut hivuuranaqhutiklu.

Synthetic cannabinoids pidjutaujut akhut ajuqhautinik ningarnirmun idjuhirnun, kajuumaktittuni uumatit tikliqtautanut, inminiirumanirmun ihumajut, mirianginaliqhutik, tuqulutikluuniin.

image-20260421140757-23

Ujarangnaqtut Mirianguhungniq Syndrome (CHS)

Atuqpalaangniq ujarangnaqtunik hivitujumik pidjutaulajuq Cannabinoid Mirianguhungniq uvalu Miriaqtaliqhunilu (CHS). Qanurinia mirianguhulaqijuq mirianginaqhunilu.

Inuit piqaqtut CHS naglikhaangniaqtut hapkuninga naunaijautinik:

Mirianguhukpiaqhutik (miriarumainaliqhutik).
Mirianginaliqhuni.
Aqiarurliurniq.
Paniqtitpaktut (imainarluangituq timimi).

Inuit kitut atuqtut ujarangnaqtunik atauhirmik havainirmi amigaitqiamikluuniin qajangnautiqaqtut. Mihigimaliruvit CHS mihingnautainnik atauhiinnarmik, atuqhimmaaqtaaqtat ujarangnaqtut. Una naunaijautaa tamaat atugaangavit ujarangnaqtunik , mirianguniaqtutit mirianginarniaqtutillu. Taimatuinnaq pittailitikhat qajangnarnianik CHS atuqtailiguvit ujarangnaqtut.

Qanuriliuriami?

image-20260421140907-24

Miriaruvit amigaitqijanik tallimaiqtuqhugu ublurmi ihumalukkuvitluuniit mihingnautigijarnik, hivajarlugu munaqhitkut munaqhiliarlutilluuniit Munaqhitkut. Piqaqtuq amigaitunik havautikharnik pigiaqaqtun ikajugianganik munagidjutikharnik naunairutingnik.

Iliturittiarumaguvin CHS, naqilugu atadjutaa ataani.

Nutaqqat Pamiqhaat

Nutaqqat pamiqhaatluuniin pinahuangitumik higaaqata ujarangnaqtunik, aannialaqidjutiginiaqtaat. Ihumaguvin nutaraq atuqtuq ujarangnaqtunik, hivajarlugit munaqhitkut qilamik.

Nutaraq qauyimahuirumi ajuqhalirumiluuniit aniqhaaktariami, hivajarlugu nunagijarni amigaqhuutiqaqqan nampaa munaqhiliarlutilluunniit qilamik. Uqarlugit ihumagijatit mihingnautait nirinirit ujarangnaqtunik. Qilamik naunaijaqtaugumi pittailidjutauniaqtuq akhut aanniqtailidjutinik.

Iliturittiarumaguvin hunanik naunaitkutinik qiniqtakharnik, naqilugu, hamna.

Puiguqtailutit, aanniaqtailinirmut inuit tamaita anginiqaqtuq!

Ujarangnaqtut aqunirmunlu

Akhaluuhiqiguvit atuqhimajumik ujarangnaqtunik ihuinnaarutaujuq imaalu qajangnaqtuq inungnut tamainnut. Ujarangnaqtut kajumiirutiginiaqtatit, ajurnaqhitibluni ihumaliuriakhamingnun, ajurnaqhitilunilu itqaumajamingni ingutaariakhamingnilu. Akhaluutituruvit aangajaaqtumik pidjutauniaqtun pijaqturnirmik2 hamunga 3 ajuqhautiqarniaqtun. Aniqtitiniaqtutin ilingnun, uhituqtuq, aallatlu aquttun, inuitlu pihutunik apqunmi.

Ihumaliuruvit aturlutit ujarangnaqtunik, akhaluuhiqittailutit. Apiqhilutit kinamik agitiqulutit uvaluuniin qiniqhialutit aalamik angilraudjutikhamik.

Nutaqiurlutit 6 ikaarniit avatqumajurluuniin akhaluutituqtinatit. Nutaqiurlutit niriguvin uvaluuniin niuqaguvin ujarangnaqtunik nirijaaqtunik. Hulaqutait nirijaaqtut mihingnautait 12 ikaarniit.

Iliturittiarumaguvin, naqilugu atadjutaa ataani.

Avugiingniq Ujarangnaqtut Aadlaniklu Aangajaarnaqtunik

Avguqtailugit ujarangnaqtut taangamun aalaluuniin aangajaangnaqtut. Aturniq amigaitqijaujumik atauhirmin aangajaarnaqtunik aalangurniaqtuq qanuqtut tamangnik aangajaarnaqtut hulaqutigijatit. Hulaqutait hakugitqijauniaqtut uvaluuniin nalunaqtut. Avuuriniq ujarangnaqtunik aalanun aangajaangnaqtunik hivuuranaqtut hulaqutit.

Iliturittiarlugit ataani.

Avuuriniq Ujarangnaqtunik Havautiniklu

Avugiiktumik ujarangnaqtut havautinut ajuqhautiqarniaqtun nakuungittut hulaqutit uvaluuniin hulidjutit qajangnaqtut inuuhirmut.

Havautituruvit, uqarvigilugu munaqhiliqinirmut taaktit havautiliqijilluuniit ilitugipkarlugillu higaajuktutin higaarlunik. Ikajuqtaaqtaatit Ihuaqharlugit havautit, qinirlugit ilauqatigiingnirmun, tunihilutillu pitquidjutinik ikiklijumiqtitijaangat ajuqhautigivakhimajainik inuuhirinikkutlu ajuqhautiqaqtunik.

Ujarangnaqtut unalu Tibaakuq

Ujarangnaqtut qajangnaqtuq himmautikhaq tipaakumit. Tamangmik hivuuranaqtunik aniqhaaqtariami ajuqhautiqaqhutik, kaansarnirmik aalaniklu puvangnun uumatimullu ajuqhautinik. Higaarniq ujarangnaqtunik tibaakumiklu angiklijuumirutijuq qajangnautinun ipiralainirmun kajumitqijamik.

Tibaakutut, tugliq pujua ujarangnaqtut hulaqutigijaat inuit haniani, mikiumik aangajaalaqiblutik uvaluuniin nakuungiqtilugit aangajaangnaqtutigut ihivriurutinun hanianiitutik pujungmin.

Cannabis Quiz!

Uukturlugu ilihimajat uvalu iliturilugit kangiqhidjutit mikhaagun ujarangnaqtut . Ilitturijumaguvit ujarangnaqtut imaaluuniit ukiungini atuqpaktutit, una apiqhuutikhaq alianaqtuq ajuirjuumijaami. Uukturlutit takulutit qanuraaluktut ilihimavit!