Inulrammiit Ujarangnaqtutlu
Inulrammiit Ujarangnaqtutlu
Ujarangnaqtut Qajangnaqtut Nutaqqanut Inulramminullu | Uqaqatigilugit inulramiit ujarangnaqtut | Angajuqqaangunikkut uvalu Munahijunun Ikajuutit
Ujarangnaqtut Qajangnaqtut Nutaqqanut Inulramminullu
Ilihimagaluaqin qaritat angiklijumiqhimaaqpaktuq taima ukiuqaliruvit 25? Qilamik atuliruvin ujarangnaqtunik , angitqiaq hulaqutaujuq qanuq qaritat pivalliadjutaanun. Ilangit hulaqutait hivitujumik. Iliturilugit ujarangnaqtut qajangnautait uvalu hulaqutit ikajuutiginiaqtatit upalungaijariangni kangiqhidjutiqaqtunik ihumaliurutinik mikhaagun ujarangnaqtut atungnirit.
Ujarangnaqtut ajuqhaqtipkaijuq:
- Itqumadjutit: aallannguqtuq aalanguqtaaqtait qaritarni tapkua ikajuutigijatit ihumanirmun itqaumanirmunlu hunanik.
- Ihumakkut Inuuhiqattiarniq: Ujarangnaqtut ingattautitaaqtut ihumaaluutitit inngummangniillu. Pidjutaujurlu ihumarlungnirmik (tautungnirmik uvaluuniin tuhaanirmik hunanik itquumangitunik).
- Iliharniq Turaanganikkullu: Ujarangnaqtut ajuqhautauniaqtut ilinirmun, turaaqhimanirmun ihumaliunirmunlu. Una iliharvik ajurnaqhitivaktuq.
- Ikpiguhuutit: Ujarangnaqtut aalanguqtut qanuq pidjutigijatit mihingnautingnun.
Nakuutqiaq pittailidjut inuuhirmun qajangnautinun ujarangnaqtut atuqtaililugit. Inirninguruvit atulirungni, mikhijuumirutijuq qajangnautinun inuuhirnun. Ajuirjumirlutin qanuq ikiklijumiqtitigiaqaqtutin ajuqhautinik ujarangnaqtunit.
Ujarangnaqtunik inulramiit qajangnarnirnik mikhilaaqtirniq taiguakhaqUqaqatigilugit Inulramiit Ujarangnaqtut
Uqaqatigijaagani inulramiit aagajaarnaqtunik akhuurutaulaaqtuq, piqagiturlu ukiugitiaqtunik uqaqatiriigiami.
Takulugit atugahat angajuqqaanun munaqhijununlu uqautigijaangani ujarangnaqtut :
- Havaklugit Qajangnaitumik Najugahaq: Quglukhimahuirlutit, qilamiuqhimaitumik, ihuiguhukhimaitumiklu. Uqarlutit humiliqaak inuilrumi ihuarijaminiklu.
- Aturlutin Inulrammiinnun-Ihuaqtun Uqauhirnik: Aturuirlugit iqhinaqtut qajagitqujaujut. Uqarlutit taimaa ilautquplugit, ahinungauhimaittumik.
- Apiqhilutit Apiqhuutinik: Apiqhilutit apiqhuutinik imatun, "Hunamik tuhaqhimavit ujaraknaqtunik ?" unalu "Hunamik ihumagiviuk?”
- Naalainarlutit Uqaqhimaitumik: Hivuliqhuqtilugit. Iliturijumalutit. Apiqhilutit ihuaqtunik apiqhuutinik. Ihumagilugit tuhaajatit tahapkunanga kangiqhijaangni ihuaqtumik.
- Iquhimaitumik uvalu Angmaumajumik: Uqarlutit huuq uuminga uqaliqtutit. Ihumaliunguaqhimaitumik ihumaliugungnairlutit, kihimi pittiaqhimaarlutit. Uqarlutit "Atuqungitagit ujarangnaqtunik " piqpaguhuklutit ikajuqhimaarlutitlu.
- Ukpirijaulutit Inirniq: Pittiarahuarlutit, iquhimaittumik, tuhaajumaguvit hunanik ihuaringitarnik.
- Akhuurutigilugu akhut ihumaliurniq: Uqaqhimaitumik, "Taimailiuguirlutit," uqarlutit, "Qanuq ihumavit qanuriliniaqqa imaitpat...?”
- Tuhaqtipkaidjutikhanut: Ilitugipkaklugit talvaniittutin ikajugianganik apiqutikhaqarumik uqagumagumikluuniit.
Taigurumagungni tamaat maliktakhaq, naqitlugu turrarvikhaa ataani.
Angajuqqaangunikkut uvalu Munahijunun Ikajuutit
